الجزء 107 من واش طيبتي اليوم ; العين تاكل قبل الفم - الصفحة 3

ام سراج وملاك · 2014-12-28, 20:33

اقتباس:

المشاركة الأصلية كتبت بواسطة simassim

ميلينا الصور كبااااااااااار بانتلي غي نص حبة فراز سخفتني ومنين نجيبها درك ؟؟؟؟؟؟؟؟؟
بصحتكم كامل واش حطيتو

هههههههههههه سماسم كي كتبتي اسم العضوة دريتك قلتيلها ملينا من الصور كبار حتان رجعت وشفت اسم العضوة

Simassim · 2014-12-28, 20:39

هههه ام سيراج شككتيني في روحي
ليزا حتى انا راني نضحك على واش كتبت كلامي ماشي مفهوم
راني معاكم ومرة على مرة يجيني الوجع

*عاشقة الجنة* · 2014-12-28, 20:43

ألف مبروك افتتاح الكوزينة الجديدة حبيبتي عزوووووووووفة
طياباتك يهبلو اممممممممممم سخفتينا
كل شي متحوف ومتقون.......تبارك الله عليك

***راهي تسلم عليكم ليدي مليون بزااااااف قاتلكم عييت نشارك من المنتدى***

باروكي من الأرشيف.....وان شاء الله نحطلكم الجديد

شخشووووووووخة

وهذا الحلو للحلوات........ربي يحلي ايامنا ان شاء الله

وهذو للسهرانييييييييييييين

kouki2 · 2014-12-28, 20:45

الفف مبروك

إيمان سارة · 2014-12-28, 20:46

ألف مبروك الكوزينة لجديدة نشالله مزيدا من التألق والنجاح

أم هبوبة · 2014-12-28, 20:49

عازفة الناي الف مبروك افتتاح الكوزينة الله يجعلها عتبة خير عليك و علينا
انتما اهنا و انا قاعدة ندور في كوزينة لهنا هي كملت و انا ما ني جايبة خبر
لهنة شكرا كثير على استظافتك لنا في كوزينتك كانت روعة و خفيفة و ظريفو و معمرة بالخير الله يعمر دارك
ما زال ما رجعتش نحط العشى و نخمل كوزينتي و نذاجع في خاطري
هدي طورطة البطاطا و اللحم المفروم و الروز

و هدا الكريب التركي اول مرة نعمله

و هده سلاطة ساخنة لزوم الرد

*عاشقة الجنة* · 2014-12-28, 20:49

أنواار الإيماان ماشاء الله عليك وعلى نشاطك....تطبيقاتك هايلة ربي يبارك
أم محمد تاج حتى من الارشيف طياباتك يشهيو يا جمييييييييييل
lahna moka باروكك حلو متلك يا سكرة
رفيف رانية صح عشاكم حبيبتي امممممممممم يسخف
minina2601 طياباتك يسخفوني ...... مي الصور كبار وغالبا منقدرش نشوفهم
أم ياسين الزهراء امنا الغالية نتي تاني الصور لكبار حرمونا نشوفو ابداعاتك...معليش رانا كامل مع الارشيف هههههه
lyzzabel اممممممم كل شي من عندك بنين......حقرنا عازفة وحطينالها غير من الارشيف هههههههههه
ouissamak......ام سراج وملاك..........omaymen........ام سهام 02.....Simassim
صح عشاكم حبيباتي .....نتوما تاني حطولها الباروك هههههههه

عازفة الناي · 2014-12-28, 21:00

عاشقة الجنة الاطباق رائعة جدا
**** ، ايمان سارة، ام هبوبة مرحبا بيكم و ربي يحفظكم
ماعليش عاشقة حتى الارشيف عندو قيمتو وكما يقولو الجود من الموجود المهم عندي انكم تزوروني و تشتركوني الكوزينة وتشرفوني بمروركم الرائع
و سلام خاص جدا ليدي توحشناك

tokio hotel · 2014-12-28, 21:01

الف مبروك افتتاح الكوزينة
ليزابيل رانى نستنا فى الفيلم شفت غير الجنيريك
لبنات روععععععععععععععععة واش حطيتو
ام سيراج ما تنسايش تصوريلنا القاطو

ام سهام 02 · 2014-12-28, 21:01

"]الدزيريات لميمي

العجينة 4كيلات فرينة +1كيلةماغرين التوريق ذايبة +1مص فانيلا ولمي الماء دافي مذوبة فيه رشةملح وخليهاترتاح

الحشو 3كيلات لوز مطحون رقيق +1كيلة سكر عادي وزاست الليمون ولمي بالبيض وادلكي مليح الحشوباه يذوب السكر وخاليه يرتاح بعد ليرتاح شكلي كويرات بوزن 30غ

الطريقة حلي العجينة بالحلال وجوزيها في االة التوريق الماشينة تع البقلاوة في الرقم 1 4 مرات حتى ترطاب العجينة امنبعد اترقي حتى توصلي لرقم 5

قطعيها دوائر بطابع قطره 10سم وحطي في وسطها كويرة من الحشو وشكليها بواسطة كيردون و خاليها ترتاح ليلة كاملة باه تنشف امبعد طيبها حتى تحمار من الفوق غير تخرجيها اثقبيها من جهة العجينةوديريها في العسل مخلط بالشربات مدة 5 دقائق وديريها تقطر وفي الاخير في ليكسات

زينب 83 · 2014-12-28, 21:03

مساء الخير على كل العضوات

الف مبروك عازفة افتتاح الكوزينة ، ربي يجعلها عامرة بالخيرات

ام طيوبه · 2014-12-28, 21:06

مبروك الكوزينه الجديدة ويعطيكم الصحة كامل طياباتكم هايله

بما انو راه قريب المولد النبوي الشريف ياريت تهدرونا على التحضيرات لهذي المناسبهباش نستفادو من بعض

وشكراااا.

دائمة الحمد · 2014-12-28, 21:14

الف الف مبروك عزيزتي عازفة الناي كوزينة الربح والهناء ان شاءالله تكون فال خير عليك وعلينا

دائمة الحمد · 2014-12-28, 21:15

زينب ليك وحشة حبيبتي توحشنا اطباقك وابداعاتك

ام نور الهدى 2014 · 2014-12-28, 21:15

السﻻم عليكم
مبروووك الكوزينة الجديدة اختي عازفة الناي و ان شاء الله يكون مجمعنا فيها مجمع مبارك
و باروكي هو من الحصريات و ماكاين في حتى موقع اخر راهو جا عندك

تشجيعاتكم باش نحط الموضوع
و بصحتكم