*هذه شروطي ... ما رايكم ؟؟ *

[كلنا راحلون]

المشاركة الأصلية كتبت بواسطة السي محمد

على حساب واش فهمت


تتزوج بوحدة عاملة باش تشريلك سيارة تحوس فيها؟؟؟

على حساب واش فهمت فيروس ابولا حب حكمك

عمي تزوج بماكثة وريح راسك وخلي مسافة بينك وبين جارك من تزوج العاملة وزيد وصي ولادك لا يتكلمو مع اولاد وبنات جارك


ههههههههههه تعجبوني بزاف

في كوكب ارض شباب يفضلها زوجة عاملة

وفي مايخص من تكلمو عن راتب وووو وووو نبغيها خطيبتي وتبغيني ونعاملها كما يعامل اب بنته السبب اب بيولوجي تخلا عليها ونبقى ديما نبغيها وموت فاصل بيننا


نكلمها آن باه ديرلي مراجعة عامة في مايخص حياة زوجية وابقى انت وامثالك في كوكب جلفون بصوت عالي لا اريدها عاملة هههههههههههه


واحد يكسب واحد يحسب ههههههههههه راك بعيد بزاف هههههههههههههه

[زرقـآء اليمآمـة]

المشاركة الأصلية كتبت بواسطة دعاء المحبوبة

ما عندها ما طلبت، خاصة السكن ؟؟؟؟؟؟

لكن أحييها على صراحتها وعلى وضوح مطالبها، فهي أحسن من كثيرات يقبلن بكل شيء حتى الاشياء التي لايقبلها منطق عاقل
ولما تتأكد أنها خلاص حكمت باليد المليانة ـ بعد انجاب أول طفل ـ، هنا يحدث الانقلاب وتغير عقليتها 180 درجة، وتعشي في مشاكل والتي من الممكن يكون ضحيتها أطفال لا ذنب لهم فيما يحدث

شكرا على التدخل ........... صحيح كثير من المتزوجات يتغيرن بعد انجاب الطفل الاول ويظهرن على حقيقتهن او على الاقل تزيد شروط اخرى ...... وهذا في الغالب حينما تسكن مع اهل الزوج .... حيث تكثر المشاكل و المحاسبة ...... وعلى كل حال احيانا يكون هذا لصالح اطفالها و بيتها واستقراره ....

المشاركة الأصلية كتبت بواسطة maya1991

سبحان الله نفس شروطي اي وحدة هي من حقها تطلب السكن وحدها انا وحدة منهم رغم راني في 26 سنة
مزلت ما تنازلتش على شرطي على خاطر ديما تقولي ماما يا بنتي زوجي واش عليه ادا سكنتي مع عجوزتك؟وانا راني رافض هذه فكرة تماما على خاطر ديما تصار مشاكل بعد زواج ولازم انسان يتجنبها وكي تسكني وحدك رايحة اولا تبعدي على مشاكل تاع العايلة وثانيا يبقى احترام بينك وبين عجزتك وشيخك وسلفاتك و

صحيح فالمشاكل في الغالب تاتي من هذا السبب وهو السكن مع اهل الزوج ..... لان كل واحدة تتمسك برايها فانت بلا شك تعرفين الحساسية بين النساء ......... شكرا لك

المشاركة الأصلية كتبت بواسطة ولد حمد الباتني

شروطها عادي غير تاع كوزينتها وحدها، يعني حابة تدي إيطاج (طابق) وحدها ؟؟؟؟؟؟ ههههههه f3 ولا ايطاج ههه

ولم لا ؟ انما هي تقصد من كوزينتها لوحدها تجنبا للمشاكل مع اهل زوجها ....... فهم ايضا اهل ولا يمكن مقاطعتهم باي شكل من الاشكال ....... وهذا في صالح الجميع مستقبلا ........ شكرا على المرور

[عطر الجوري]

والله ضحكوني بعض الردود لأنهم من الواقع هادي حابة كبش سميييييين ورخيص ياو قوليلها غير ماتطمعيش لازم تكون حاجة ناقصة ياما تسمح في الخدمة يااما تتنازل علي السكن يااما تتحقق شروطها والراجل يكون دعوة شر والله نهدر من قلبي الحمد لله أنا عن نفسي تنازلت علي العمل وسكنت مع العجوز يعني فوت لارمي وربي فرج عليا درك راني كارية بصح والله العظيم كل شي يهون وكل المشاكل تهون لما يكون الراجل راجل بأتم معني الكلمة حنين كريم كل الصفات ماشا الله بالاك تعينوني ههههههه نضحك برك المهم معيشني سلطانة وانا معيشاتو. سلطان ربي يخليهولي صح حبسني من خدمتي ولكن لو اطلب لبن العصفور يجيني بصح أنا والله دخلت بنيتي تكلت علي ربي وماخيبنيش وأحسنت الظن بيه الحمد لله
بالنسبة للسكن أدا تتزوج واحد عمرو 45مافوق ممكن اما شاب صغير مستحيل يقدر يوفرولها حتي لو يخلص 15مليون في الشهر لأنو مصاريف الحياة صعيبة ودار العجوزة ماراحش ياكلوها هي تتكل علي ربي و خلاص
تقبلي مروري

[زرقـآء اليمآمـة]

المشاركة الأصلية كتبت بواسطة موسى عبد الله

قولي لها بالنسبة للرجل المستقيم و المحترم ،في الشرع عندها كل الحق دارها وحدها ،كوزينتها و حدها ،بصح الخدمة قولي لها لاأضن تجديه ،و ان قبل شرط العمل ،فلا غيرة له و لا احترام و ابحثي في سيرة العرب في الجاهلية فضلا عن الاسلام كيف كانت غيرتهم على بناتهم و زوجاتهم
اقعدو شادين في الخدمة راكم ملاح ، و الله غير راني حاير كيفاش راكم تفكرو ،
من غيرة العرب على نسائهم :

قال قائلهم :

وإياك واسم العامرية فإننّي
أغار عليها مِن فَمِ المتكلِّم
وأحسد كاساتٍ تُقبِّل ثغرها
إذا وضعتها موضع اللثْمِ في الفَمِ

يغار من الفم إذا ذكر اسمها ، ومن الكأس اذا شربت منها .

فكيف لو رأى أهل زماننا وقد انطمست الغيرة في نفوس الكثير منهم ، واطلقوا العنان لنسائهم يسرحن ويمرحن دون رقيب ولا حسيب .

يارب رُحْماك رُحْماك

السلام عليكم
عمل المراة في رايي اصبح ضرورة حتمية في وقتنا الراهن ......... واغلب الرجال يختارون العاملة لان متطلبات الحياة تفرض ذلك ............ والاخلاق الحميدة توجد في العاملة كما الماكثة ...... وعموما اشكرك على التدخل و الفتاة متابعة لكل الردود وباهتمام

المشاركة الأصلية كتبت بواسطة mesrouk

خاصة السكن ؟؟؟؟؟؟

mafhamtch alah min hagha

ana dorka rani batal

ki nakdem inchalah

tgoli tofla hada chert

besaraha mangbalch biha

bi kol bassata ma3ndich bah nsakanha

wa ygolo labnat baro min hadi la3fayass

ربما كثير من البنات يتشرطن ويبالغن ...... لكن هناك من تقبل بالسكن مع اهلك ان رات فيك الرجل الصالح المسؤول ....... شكرا لك

المشاركة الأصلية كتبت بواسطة nasser26

أستناي سكنة وحدك راهي السكنة في الجزائر متوفرة غير لي محبش يسكن برك

رانا عايشين فيها ونشوفو ....... واحد عنده اكثر من شقة والاخر مش لاقي وين يدخل راسو ........ وكل واحد وظروفه ...... ولعل الحظ يكون له دور ومن يعلم .......... شكرا

[evos113]

ههههه انا من شروطي ولم اجدها هي ان تكون زايدة في فرنسا ولكن تسكن هنا دائما فهل توجد ؟

[زرقـآء اليمآمـة]

المشاركة الأصلية كتبت بواسطة thamourth

نوووووووووووووووورمال..........يجيك المكتوب.............عادة ميدان التعليم ما يحبسوهمش من الخدمة ونعطيك حاجة رسمية..............اللي مدين و مستقيم يخاف ربي سبحانو ما يلقاش خدمة بسهولة في هاد البلاد استناي حتى يتوب كاش واحد

وهذا واقع نعيشه للاسف ........ المحسوبية والبيروقراطية و الرشوة لم تترك آثار للامل عند الاغلبية ...... شكرا لك

المشاركة الأصلية كتبت بواسطة chlali

السلام عليكم أمس الخيرانا راني نشوف بلي سبب دمار حياة بعض الاخوات هو من صنع ايديهم شوفو لامهاتنا كيفاه عاشو ومن بعد نتشرطو يخي زمان يخي معليهش راك خدامة وبدارك وحدك بصح متاكد بلي مراكيش مرتاحة لانو مراكيش تحسي كما هديك الي قاعدة في دارها مستورة وتستنى في راجلها يرجع بالشيء الي كتبو ربي .

وعليكم السلام
عالم الامس احسن من جيل اليوم بكثير ....... سواء رجال او نساء كانت البركة والنيّة و الحشمة والحياء .........
ربما الماكثة لها مزايا احسن من العاملة ........ شكرا على المرور

[زرقـآء اليمآمـة]

المشاركة الأصلية كتبت بواسطة * أبو فراس *

لم أكن أعلم أن منتدى الجلفة مشهور لهذه الدرجة!!
________
لمذاا تعمل المرأة إذا كان زوجها كفاها المؤنة؟!!
_______
نعارض عمل المرأة التي هي أختي وزوجتي وإبنتي شفقة علىهن وغيرة على أعراضهن

لا حسدا ولا كراهية ولا حقرة ولا أي شيئ من هذا القبيل

السلام عليكم
الم تعلم بالتهنئة التي وجهها يوما صاحب المنتدى الى اعضائه بمناسبة حصول المنتدى على المرتبة الثانية عالميا من حيث التصفح ؟ اذن لا غرابة في ان يكون اي مواطن تراه في الشارع او السوق او امام الصرافة عضوا بالمنتدى ........
لعلك تدري يا ابا فراس ان المعيشة صارت مكلفة جدا في يومنا هذا ...... ولعل ايضا المتزوج اعلم بذلك منك ومني ومنا جميعا فيسعى لان تكون زوجته عاملة لتعينه على ذلك ....... وان كان الزوج كافي ووافي و غير محتاج الى دريهمات زوجته فمن الاحسن ان ترعى البيت والاطفال بدلا عن مشقة كل يوم وهذا شيء تتمناه اختك زرقاء اليمامة شخصيا ........ اذن الظروف هي من يتحكم في اغلب أسر اليوم ......
بارك الله فيك على حسن كلامك

المشاركة الأصلية كتبت بواسطة عابد لله

لا تريد أن تتزوج من شخص يطمع في راتبها ولا تريد زوجا يمنعها من العمل؟؟؟؟؟؟؟؟؟؟؟؟؟؟؟؟؟

السلام عليكم
نعم ....... وهي تنتظر ظهوره يوما .... والله المستعان

المشاركة الأصلية كتبت بواسطة loufa

السلام عليكم
شرط عادي ومن حقها حتى ويكريلها نهار الاول
ولكن متشرطش المهر الغالي برك
زيد هي معلمة تتعاون هي وياه على الزمان وخلاص
اين المشكل
ربي يرزقها ويرزقك الزوج الصالح

وعليكم السلام
شكرا لوفا اختي ...... آمين يا رب العالمين ولك ايضا .......
فهي على حسب فهمي لا ترجو غير زوج تعينه على تصاريف الدنيا وان كان محدود الدخل .....

[زرقـآء اليمآمـة]

المشاركة الأصلية كتبت بواسطة أم ملاك.

شروطها عادية جدا وماطلبتش المستحيل
عندي صاحبتي مسكينة ماتشرطت والو وهي معلمة في الابتدائي ماحبسهاش من خدمتها وسكنها في دارهم بصح منفصلين على بعض يعني هذي شمبرة وحدها وفيها كوزينة وصالون برك استوديو وراجلها ولا مايخدمش غير هي للي تصرف المسكينة ومن بعد امو خرجتهم من الدار هذيك مع انهم ساكني في فيلا حبت تكري الاستوديو
وكرات مسكينة ولوين باش لقى راجلها خدمة درك راه لاباس بيه بصح شهريتو قع ماتشوفهاش مايقضي للدار مايدير والو حتى كي كانت بالحمل مسكينة مايشريلها والو والفريجيدار يصفر
كيفاش تحوسو المراة ماتخدمش اذا طاحت في واحد معوج كيما هذا؟؟
حتى العمليات القيصرية اللي دارتهم والطبيب هي اللي تخلصهم وولادها هي اللي تكسيهم في العيد
لوكان خرجت من خدمتها كيفاش كانت رايحة تدير؟؟
انا راني نشوف فيها عندها الحق في كلشي العجايز درك مايحملوش الكنات ومايحبوهمش كي بناتهم مع اي مشكلة صغيرة تقول لوليدها ارفد مرتك واخرج علي

بوركت على هذا المثال الحي ........... اتمنى لصديقتك ان تخرج من مشاكلها ويعجل الله في الفرج ............ انها لمعاناة لو وجدت المراة نفسها امام الامر الواقع زوج دون عمل + مشاكل عائلية ......... والله يكون في عونها ارى ان همها زاد اضعاف مضافعة خاصة ان وضع رجل على رجل بحجة عدم وجود عمل وبقي في البيت وهي من يصرف ويطيح وينوض .......... والواقع فيه عدة امثلة عن الازواج المستغلين لذلك نجد الكثير متخوف من عمل المراة ان يستمر ام لا ...... شكرا لك والله المستعان

المشاركة الأصلية كتبت بواسطة موسى عبد الله

انا قلتلكم كي تخدم المراة تولي هي الراجل و تحكم بحكامها كي تجيب ولد ولا بنت يرجع نعل يستهل مقلوع قلب

زوجها هو من ترك دوره لها .........

المشاركة الأصلية كتبت بواسطة aymmen

السلام عليكم اختي زرقاء اليمامة كان بودي مشاركة ومن ردود لا تعلييييييييييييق .........................go go go









ونسيت لي يقول لا اريدها عاملة وووو نحترم رايك بس نهار امطار تتهاطل عليك لاتنظر الى اصحاب سيارات انيقة مع زوجاتهم في يوم شتوي ولا تقول علاه ماطلعونيش معاهم وراني بردان هههههههه

ونهار جو حار صيفي لا تقل علاه هاد ازواج متفاهمين مع زوجاتهم لي يدي زوجتو للبحر ولا تقل واااااااااااع


ههههههههههههه

كاين يعرف كيفاش يعيش


كاين لي مايعرف يعيش


الله يحفظ لي desert rose




......................go go go

لا ننكر ان هناك سعادة زوجية لازواج عاملين .......... وفي المقابل ايضا يوجد عكسهم ...... ولكن الظرف هو من يتحكم في الفرد ..... وكل شخص وما يخدم مصلحته لاننا اليوم في زمن المصالح ........ فان اراد زوجة عاملة اكيد لتعينه على المعيشة وقد يتفاسما الادوار في تسيير حياتهم الزوجية ........ وهناك من يرفض عملها لا سبابه ولما يراه يتكرر يوميا في الشوارع واماكن العمل .....
شكرا على المرور ايمن

المشاركة الأصلية كتبت بواسطة عائشة07

السلام عليكم انا معاها في طلبها في السكن المستقل لانو راح يجنبها كثير من المشاكل اما العمل فيلزم قليل من التنازل لانو راح تخلي دارها الصباح والعشية يعني ومتساعدش زوجها على الزمان؟؟ كيما هو تنازل وخلاها تخدم هي تاني تفهم روحها والا واش راح يستفيد هو من خدمتها افدار غايبة وفالكونت غايبة هههههه
كي تولي فالتقاعد ما تمدلوش تقولو راني فالدار هههه

وعليكم السلام
صحيح يا عائشة اهم شيء لتكون الحياة هنيئة بين الزوجين هو البيت المستقل ...... ولو صغير ....... اما العمل فيمكنها التنازل عنه ........ اما صاحبتنا يبدو انه من شروطها ..... أتتنازل أم لا سنرى ذلك لاحقا ...... شكرا على المرور

[optimism]

السلام عليكم
3 يتركني اعمل ( انا معلمة )
اكره من يطمع في راتب العاملة ... هي سند نعم ولكن لا يتكل عليها
جميل هذا التناقض ,,,,,,,,,,,,,,,,
سلامي ,,,,,,,,,,,,,يازرقاء اليمامة

[كلنا راحلون]

المشاركة الأصلية كتبت بواسطة زرقـآء اليمآمـة

لا ننكر ان هناك سعادة زوجية لازواج عاملين .......... وفي المقابل ايضا يوجد عكسهم ...... ولكن الظرف هو من يتحكم في الفرد ..... وكل شخص وما يخدم مصلحته لاننا اليوم في زمن المصالح ........ فان اراد زوجة عاملة اكيد لتعينه على المعيشة وقد يتفاسما الادوار في تسيير حياتهم الزوجية ........ وهناك من يرفض عملها لا سبابه ولما يراه يتكرر يوميا في الشوارع واماكن العمل .....
شكرا على المرور ايمن

السلام عليكم اختي زرقاء اليمامة مجددا

استعملت حجم خط على تعقيبك

رجل يلقى بنت تغيره تغيير قصدي تساعده في تخطي وقوع في مشكلة ويتوب توبة نصوحة ما تتسمى مصالح وادا كانت مصالح بعد زواج بتراضي وبينهم ويبقى كلام ناس تتؤثر بيه زوجة اكثر من زوج كونه خبير في تعطيل حاسة سمعه


هادي اكبر غلطة يعانو فيها متواجدين معنا ربما فيروس ابولا لي ارادها عاملة طماع ونكار وووو و نساو عضلة قلب يا و قصدي حب صح لا انصح شباب وقوع في عضلة قلب كونه علاقة تظهر فيها سلبيات اكثر من ايجابيات لنفرض شاب لمح فتاة وبعد ماخفق قلبه تزوجها فيتهموه نكار وغشاش نعرف ناس متزوجين بعاملات وفي مهنة تعليم مدة عشرتهم زوجية اولادهم وبناتهم فاقو 18سنة فمعنى متواجدين يشوفوه نكار غشاش مصلحجي لا ياسيدي حكم ومن فضلك عضلة قلب خفقت وحب لايعرف قوانين فيزيائية ولا كيميائية لا فارق سن لا مسافات لا لون بشرة

لنفرض شاب تعرف على فتاة عبر انترنت وهو اصلا نيته يبحث عن عمل فوقع في حب فتاة وبكى كونه ارسل في فيسبوك قلب صغير يتحرك وفتاة ضحتكت بداية ماصدقاته وبعد مدة برهنلها فمعنى متواجدين في منتدى شوفوه نكار وخداع وووووو ووووو


لي فكرشه تبن يخاف منار ادا انسان يتعامل في خدمتو مع لبنات فقط عمل في حدود دقائق معدودة على اصابع وعارف كما تدين تدان ومراقبة مستمرة للزوجة واعلمها خيانة زوجية كلام آخر مع مفرقعات واي رجل يدور بيها فخدمتها انتقام بارد

المشاركة الأصلية كتبت بواسطة زرقـآء اليمآمـة

الفتاة متابعة لكل الردود

هادي صديقتك ومتواجدة معانا في ظني خجولة نصيحتي لها لا تظلم تلاميذ ولا تفريق بين هاد ولد فلان وهاد ولد فقير قصدي ظلم ماتظلمش وتساعدهم وماتسمع ردود متواجدين ورضاوت والديها ودير ثقة في ربي يرزقها رجل كما تتمنى يعرف يعامل زوجة فقط ماديرش مشاكل لزوجها

ورزقك الله زوج صالح رجل بمعنى الكلمة اختي في الله زرقاء اليمامة




السلام عليكم

[ilhemnanous]

شخصيا انا كان شرطي الوحيد هو العمل...لم اشترط على الخاطب سكنا منفردا او مهرا اضافيا..فقط ان اعمل..فرفض الكثيرون الى ان جاء شخص الذي هو زوجي حاليا وقبل بهذا الشرط
كنت استطيع ان اخبئ هذا الشرط حتى اتزوج ولكني لا احب الخداع والانقلاب..اردت التفاهم منذ اللحظة الاولى..والحمدلله تحقق

[كلنا راحلون]

المشاركة الأصلية كتبت بواسطة optimism

السلام عليكم
3 يتركني اعمل ( انا معلمة )
اكره من يطمع في راتب العاملة ... هي سند نعم ولكن لا يتكل عليها
جميل هذا التناقض ,,,,,,,,,,,,,,,,

السلام عليكم اختي optimism

هل درستي برهان بتراجع


معنى زوج فهم زوجته معيشة راه صعيبة فقرر يصرف راتبو في حياتهم قبل مايجو اولاد وبنات و راتبها دسه فليفري

وبعد سنة عطلة شهرية بينهما رحلة تونس او لبنان مدة قصيرة

وهل الزوجة الجزائرية تقبل تروح مع زوجها خارج الجزائر مستحيل والف مستحيل مع تكسير نظاراتو شمسية من بداية زواج


قررت زوجة فقط في الجزائر سياحة وفرحت

زوجة تعاود دس راتب من جديد وتنتظر عام قادم ويقول سلحوف لزوجته عام قادم مفاجئة من عيار خالص



































ودارت ايام









































وجات عطلة غفلها وخرج راتب وراح الى تونس او لبنان لا يهم وحده او مع صديقو






وبعد مارجع مسرورا







ادخلت زوجة شوكة في عينه واشهر كلمة هاد عيار خالص.

[optimism]

السلام عليكم
يااستاذ ايمن
درست البرهان بالتراجع,,,,,,,,,,,,,,ولكن لم افهم فيه شيء,,,,,,,,,,,,,ويبقى ارحم من مواضيعك وبعض ردودك
اما فيما يخص تعليق ,,,,,,,,,,,ربي يجيب الخير
ربي يوفقك

[sellaw]

الزواج سنه كونية -- علاقة انسانية -- صداقة ربانية
الزواج أكبر من كوزينة وعمل وأهلي وأهلك
.. وشروطي وشروطك
كثير من النساء تشرطن وتحصلن على شروطهن
لكن ندمن أشد الندم بعد ذلك
ـــــــــــ أن تشترطي رجلا معتدلا لا أقول متدينا بلغة عصرنا
فما تخفي العمائم واللحا ... أدهى وامر ولكن أقول رجلا معتدلا
لم يرث الغنى ولم يرث الفقر .. لأن من ورث الغنى فهو لايحسن التصرف
فيه وربما أغواه ماله فمال حيث مال هواه
ولم يرث الفقر لأنه حتى ولو حصل على كنوز الدنيا سيظل يشعر بالفقر
ـــــــــــ لكنني أشتم رائحة في شرطك للعمل ــــــــ كأنك نقولين إذا لم يكن هناك
استقرار ووقع المحظور سينفعني عملي ... ونسيت أن الأرزاق والأعمال والأعمار
كلها بيد الواحد القهار ........................
إذا أردت الزواج فعلا عليك بالسؤال على أصل الإنسان الذي
ستربطين به مصيرك فالناس معادن وانت اختاري المعدن الذي يناسبك
واستخيري الله وتوكلي عليه فهو وحده القادر على كل شيء
وأن تكون نيتك إعمار الأرض والعفة .

[زرقـآء اليمآمـة]

المشاركة الأصلية كتبت بواسطة الألماسة

اختي الكريمة
شروطك عادية و بسيطة فانت لم تطلبي المستحيل
و نظن انوا الاعضاء الكرام و في الكثير من مواضيع مشاكل الحياة الزوجية كانوا يقترحوا السكن المستقل للزوجين تجنيا للمشاكل مع الاهل
فلم هاته الردود الان؟
اختي الكريمة
تمسكي بشروطك و ما تسمعيش لليقولوا راح تبقاي عانش بشروطك
لانو الزواج مكتوب من عند ربي سبحانه
شفنا بنات ما تشرطوا ما والو و ما زالهم في بيوتهم بدون زواج
و بنات تشرطوا و راهم عايشين لاباس عليهم

فعلا ......... فالسكن اهم اسباب السعادة الزوجية حاليا ................... لان المشاكل لاتنتهي بين الاطراف المتنازعة وهذه حياة وطويلة ..... شكرا على النصيحة اختي الالماسة .....

المشاركة الأصلية كتبت بواسطة kwiser

السلام عليكم
لأا افهم لمادا تصر المرأة على العمل عندما يتقدم لها من يكفيها شر الجري نهارا من و الى العمل و التحضير الدي لا بد منه؟ أختي ادا كان من يتقدم لك قادرا على توفير أسباب حياة كريمة بمفرده دون الحاجة للعمل و دلك ان اشترط المكوث فلا أفهم لما قد ترفضين. شروطك أفهمها لحد ما و لكن السكن ليس بالأمر الهين كما تعلمين فلم الاصرار على أمور قد تنفر من كان قد يكون زوجا يراك كامرأة لا كعاملة و حساب بريدي...
أنا عن نفسي لا أفكر في العاملة اطلاقا و أحترم قرار العمل بالنسبة اليهن... تمنياتي بأن تجدي ضالتك...

اشكرك على رايك ......... وان شاء الله تستفيد اختنا المعنية بالامر بارائكم .....