وصفة خطييييييييييييييرة للمعمول بالغرس قمة الروعة

[نورانيات]

المشاركة الأصلية كتبت بواسطة روح مراد

راني جربتها هايلة يعطيك الصحة

والله فرحتيني كي جربتيها ونجحتلك بصحتكم.

[safaa gamal]

بارك الله فيكى

[Nassima laloui]

المشاركة الأصلية كتبت بواسطة نورانيات

السلام عليكم، عندي ليكم وصفة خطيررررررررررررة للمعمول يذوب ذوبان في الفم..... لن تجدوها في أي منتدى آخر
راني درتوا للعيد الكبير واندهشت من روعته، هذا بشهادة زوجي وصديقتي ... بصح اذا حبيتم ينجحلكم لازم تتقيدو بالوصفة والطريقة وردولي الخبر .
المقادير مع الطريقة
العجينة: 500 غ زبدة فلوريال راهي رائعة وريحتها في القاطو تهبل أضيفي 7 مغارف كبار سكر أحرش وخلطي مليح بيدك+2 بياض بيض وبيضة كاملة+4 مغارف كبار لحظة +كأس جوز مهرس خشين أو فتتيه بيدك ، راه يجي في العجين حاجة أخرى أضيفي نصف كيس خميرة الحلوى وفانيلا تاع الميزان مع الخلط باليد طبعا ثم زيدي كأس نشاء وفي الأخير شيحي بالفرينة حتى تصبح عجينة سهلة التشكيل غطيها بكيس وادخليها الثلاجة مدة 10 د ترتاح.
الغرس: جيبي كيلو من الغرس تاع البطانة يجيك خير نقيه من العلف وفوتيه في ألة رحي اللحم ان أردت ثم أضيفي له الزيت وماء الزهر فقط واعجني الغرس بيدك حتى يطرى ديري كويرات صغار حطيهم في صينية مدهونة بالزيت وغطيهم بكيس
جيبي العجينة وديري كويرات منها احشيهم بالغرس وعاودي كوري العجينة وحطيها في طابع المعمول المرشوش بالفرينة ثم ستفيها في بلاطو مدهون والى الفرن . بعد إخراجها مباشرة ذرذري عليها سكر رطب بالصفاية. وشهية طيبة وعيدكم مبارك كل عام وأنتن شاطرات وفحلات يا حراير الجزائر.


أسفة حاولت مرارا حمل الصور لكن النت عندي ضعيفة انشاء الله سأزودكم بالصور في مرة لاحقة لكن صدقوني فعلا هذا اللمعمول لذيذ جدا واسثنائي

Yatik saha baraka llah fiki