زوجة اخي تشتكي ............. - الصفحة 3

malako5000 · 2014-09-01, 22:59

اقتباس:

المشاركة الأصلية كتبت بواسطة *رحيق الجوري*

عندما تتزوجين ستفهمين الامر

ممكن تفهمينا الآن....... كاش ما نتعلمو

النجمة القطبية · 2014-09-02, 08:10

هو من ناحية الوم الزوج ونقولو ان المراة لما تتزوج اول شئ يهمها وقد يغنيها عن العالم هو اهتمام زوجها بها
تحب تسمع كلمة انتى اغلى من لدى حتى لو كان يفضل اهله هذه بين قوسين حق له لكن لا يصرح بها امامها حبيبتى راكى مرا وتعرفى ان المراة لا تغفر من هذه الناحية تحب تسمع الكلمة الحلوة وتتكلخ
وانتى شخصيا قلتى يوجد تقصير ولو بسيط على اسرته الصغيرة يعنى هى لا تشتكى من فراغ
وفي نفس الوقت نقول للزوجة متكبرش الموضوع ورجل يحب اهله ويقومهم لازم تفتخر بيه وليس العكس صحيح ان ذلك لا يجب ان يكون على حسابها لكن في نفس الوقت ليس عيب خطير
واهمس في اذنها ان مواصفات الزوج جيدة في زمن قل فيه الرجل الصالح يهديها ربي
خليها تقرا الردود وكونى محضر خير اختى وباذن الله بسيطة وربي يحفظهم ويباركلهم في زواجهم

لمسة ابداع · 2014-09-02, 18:21

واش رايحا نقولك يااختي نفس المشكل تاع مرت خويا بصح انا مرت خويا تزيد تكذب فيه رحت لدارها و شفتها وزيد اموا جات تحكي لخوتتاتها و لا عجوزتها و سلفاتها تحكي لكامل الناس مام اللي يخدمو معاها لجيرانها مثلا نكون قاعدة نحكي انا وهي وحدنا تحط فيه بالتمنشير يجي في الدقيقة هاديك تنوض تضحك معاه و....انا ندوخ نفاق حت مع زوجك الانا نظن بلي اي زوجين جسدين بروح واحدة و الله العظيم خويا ايجابياتو اكثر من سلبياتو
اختي ممكن خويا و خوك ابتليا
ربي يجيب الي فيه الخير و يصلحنا مع ازواجنا

نسائم الهدى · 2014-09-02, 21:37

لا حول ولا قوة الا بالله العلي العظيم

علاش ما حبيتوش تفهمو؟؟؟

الراجل مع زوجته موش كيما مع اخته

افهمو الله يهديكم ما تدوش ذنوب المخلوقة

الله غالب ما نقدرش نشرح اكثر

سلام

malako5000 · 2014-09-02, 22:03

اقتباس:

المشاركة الأصلية كتبت بواسطة نسائم الهدى

لا حول ولا قوة الا بالله العلي العظيم

علاش ما حبيتوش تفهمو؟؟؟

الراجل مع زوجته موش كيما مع اخته

من فضلك ، فهمينا ... حابة نتعلم برك .... و لماذا ما تقولهالوش ليه مباشرة ... ايووووو .. حتى المرأة مع راجلها و تحشم

نسائم الهدى · 2014-09-03, 13:18

اقتباس:

المشاركة الأصلية كتبت بواسطة malako5000

من فضلك ، فهمينا ... حابة نتعلم برك .... و لماذا ما تقولهالوش ليه مباشرة ... ايووووو .. حتى المرأة مع راجلها و تحشم

شوفي اختي

ادا تقدري تدخلي لقسم المتزوجات

ادخلي و اكتبي هدا السؤال و تما نرد عليك

مي هنا

سامحيني اختي صح ما رانيش نشوف فيكم

مي // الحيا خلاه ربي فالوجوه

malako5000 · 2014-09-04, 17:17

اقتباس:

المشاركة الأصلية كتبت بواسطة نسائم الهدى

شوفي اختي

ادا تقدري تدخلي لقسم المتزوجات

ادخلي و اكتبي هدا السؤال و تما نرد عليك

مي هنا

سامحيني اختي صح ما رانيش نشوف فيكم

مي // الحيا خلاه ربي فالوجوه

ok

"غرفة الدردشة للمتزوجات فقط" تقول مغلوق !!! راني طرحت السؤال في "قسم خاص بالعرائس و تجهيزاتهن "

العنوان : هل هناك مشاكل زوجية خفية لا يمكن معالجتها ؟

~~hope of life~~ · 2014-09-02, 22:14

نهار تكوني زوجة ....راح تلقاي الجواب بنفسك

kati83 · 2014-09-03, 00:32

كيما تقول ماما :// الجوج يسمع من زوج و القاضي يسمع من زوج //

كنت ديما نقوللها : // ماما الجوج هو القاضي //

تقولي :// علابالي مي ناس زمان هكذا قالوها // يعطيها الخير يماك عجبتنى هادى

(( هبة الرحمن )) · 2014-09-03, 07:22

السلام عليكم ورحمة الله وبركاته

باختصار شديد إليك الجواب القاطع على لسان من لا ينطق عن الهوى عليه أفضل الصلاة والسلام

عن ابن عباس - رضي الله عنهما - قال: قال رسول الله - صلى الله عليه وسلم -: " أُريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط"

اللهم لا تجعلنا منهن واصرف عنا جهنم وما يقرب إليها من فعل أو عمل .

محمد جديدي التبسي · 2014-09-04, 21:25

حبيت نفهم حاجة علاش الاوربيين ما عندهمش المشاكل العائلية تاع
لوسها..لوستي..عجوزتي..راجل ختها..عروستها...راجل بنتها...مرت خوها..بنت خال عمتها..التمنشير في لعراس..ما عطاولناش الحلوة...ما ركبوناش في الكورتاج..سرقو قاع اللحم تاع العرس...جيعانين فاميلة لعروسة...ما مدولناش القازوز ...لعروسة ما تصورتش معانا ..راجلها داها لتونس..
علاش؟؟ القور ما عندهمش مشاكل هكذا؟؟

منقول

محمد جديدي التبسي · 2014-09-05, 20:06

مقولة لا حياء في الدين مقولة خاطئة أخته ابحثي عنها والأصح أن يقال لا حياء في أمور الدين
بل الدين كله حياء ولكل شيء موضعه ووقته الذي نناقشه فيه وهناك أشياء لا تقال في أماكن عامة ونُسر بها لبعضنا البعض سواء الرجال فيما بينهم أو النساء وإن كنا في زمن لم يبق شيء مستور أو مجهول

أما جوابا عن سؤالك فنعم قد يكون من السبب الخفي، ومن ينفر من الآخر سواء رجل أو امرأة يُبدع في إيجاد الذرائع والشيطان الشاطر يحب التفريق بين الأزواج وهو أرجى الأعمال عند سيده إبليس لعنه الله...

~~hope of life~~ · 2014-09-07, 18:42

.................................................. ................

هبة الوهاب · 2014-09-06, 18:45

اذا كان ما قلت فقط
لازم تحمد ربي عليه
والكامل غير ربي
وديرو في عينيها
الله يرزقنا

كاميلا · 2014-09-08, 15:27

حسب رايي الكثير من المشاكل التي يدعيها الازواج في اصلها ليست تلك المشاكل الظاهرية
بصح والله كاين ناس متعرفش تحمد ربي انا صاحبتي مثلا متزوجة زوجها بشع حاشا خليقة ربي وهي اية في الجمال بل ملكة جمال تخيلي اختي الخطاب يجيوها 3 4 كل يوم جمال جمال الروسيات القرد اللي داته يخونها ويتذمر ساعة يقولها وشبيه شعرك اصفر بزاف ساعة عينيك منعرف كيفاش يعني كاين وحايد مش تع وجوه مخاليق
ربي يهدي ماخلق