✿ ♥سلطة الاخ على الاخت ____ غضب و شجار _ ___✿ ♥

[اسامة]

المشاركة الأصلية كتبت بواسطة جميلة مناجمنت

السلام عليكم ورحمة الله وبركاته
أهلا أخي أسامة
قد يستغرب الجميع من مشاركتي هذه
في الحقيقة في بيتنا الآمر الناهي بكل تاكيد ابي وأمي لكن لابد من خليفة لهما في غيابهما
وبحكم أن اكبر الابناء في الأسرة فتاة فالآمر الناهي في غيابهما انا ولأصدقكم القول صارمة للغاية خصوصا مع الإناث
ونيتي في ذلك ليس حبا للسلطة أو التامر بل خوفا عليهن وحرصا وحماية لهن أما الذكور فأترك بيني -أنا والبنات الأخريات-وبينهم مسافة لتوليد الاحترام ولو حاول أحدهم التطاول أو السيطرة علينا نحن البنات سيجدني جاحزا منيعا صدقوني لن يستطيع تجاوزه
ينتج عن كل هذا بعض الشجارات والمشاحنات وهذا بسبب تمردهم على قراراتي ورفضهم لها وإفسادهم للنظام لكنني دائما لهم بالمرصاد
في المقابل حقوقهم محفوظة و لا أهمل احدا منهم
حتى ولو كنا متشاجرين أو متخاصمين لا أبخسهم حقهم قيد أنمله -كما نقول ما نخلطوش الأمور-
دون ان أنسى شجاري معهم بسبب أشيائي فمن يلمسها يجن جنوني ولا أنصح أحدا بأن يكلمني في تلك الحالة
حقيقة كل بيت فيه هذه الشجارات صغيرة كانت أم كبيرة لكنها لا تفسد للود قضية أنا شخصيا أحب إخوتي وأخواتي حبا عظيما أستطيع ان اضحي بحياتي لأجلهم
شكرا لك على الموضوع الجميل أخي الكريم
تحياتي

.و عليكم السلام و الرحمة
اهلا اختي جميلة
لم أستغرب منك هذا
الاخت الكبرى دائما تكون الآمرة و الناهية و المسيطرة
و كما يقولون الاخت الكبرى هي الام الثانية
من كلماتك تبدين حازمة جدا و في النهاية لا بد من وجود الحزم لتسيير الاحوال و تنظيم المعاملات
و اكيد ان اختي جميلة قد جعلت من الاحترام عنوان شخصيتها لهذا لن يستطيع احد ( كسر كلمتك )
و رغم هذا اظن ان رأي الاخوة مهم جدا فأنا مثلا اكره ان يفعل شئ بدون علمي ليس لاني احب ان اسيطر على كل شئ انما لاشعر اني شاغر حيز من الاحترام و التقدير
العفو يا اختي جميلة هذا موضوعك
عذرا لكن اود ان اطرح سؤال
هل اختلاف قرارك مع قرار امك في امر ما يتعلق بالاخوة و الاخوات
يجعل من قرارها حاجز لتطبيق قرارك ؟
ام ان ما تقوله الام لا اختلاف فيه

[اسامة]

المشاركة الأصلية كتبت بواسطة *** ترانيم الوفاء***

اهلا بالغالية جيهان

تشتاق لك الجنة يا اخية وانا بالمثل ،،،،

لا بيتنا لا به ضجة ولا غير لاني دائما اسكت (اششششششششششششش) لا يحق لي التكلم

لكن مع اختي الاصغر لا يحدثها اصلا لانها لا تسمع كلامه ابدا

يعني انا الضحية وانا المستفيدة في آن واحد (ابتسامة)

السلام عليكم
عذرا الرد لا يخصني
لكن يا اختي وفاء لو قمتي بإستحضار نفسك في كل الامور لما كان للاخوة اي مجال لاسكاتك
لانه اكيد من حقك التكلم لان عمرك يسمح بذلك
تحياتي

[اسامة]

المشاركة الأصلية كتبت بواسطة *** ترانيم الوفاء***

نعم صحيييييييح في النقطة الاخير فاخي في هذه الصائفة عمل عملية جراحية على الركبة ولا يستطيع الحراك او وضع ساقه على الارض
ضاقت به الدنيا (لانو يموت على تحواس والعومان ابتسامة) وصراحة هبلني كل دقيقة ياااااااا..............اعطيني كذا جيبيلي كذا اين تلك ماذا تفعلين
يناديني بكل اسماء الدلع لكي البي طلباته ،،،،(ابتسامة) يستحضرني موقف هبلني بيه هو يحب البيتزا ويقول لي التي تعملينها افضل بعشر مرات من بيتزا المحلات كل يوم يا عمر ماذا تريد ان تاكل بيزا بيتزا او سوفلي او .........المهم اي حاجة ولازم انا لي نطيبها ،،،،

والله حتى على طاولة العشاء نديرو دهشة وفرجة (ابتسامة) انا منحبش ناكل وهو اكول نقعد قدامو يديلي كلش ونسكت نقولو برك اعطيني تفاحة (لاني نموت على تفاح ابتسامة)

مرة تعبت كثيرا وكنت مريضة حتى اغمي علي واصفر لوني كاد يموت من الرعب وصار يراقبني في كل حركة وحتى يعطيني اكله ويحتملي باش ناكل

معذرة دخلت في حكيات محبستش

ولكن هذه يومياتي مع اخي ولو مرات نجرو كلاكيت وبشماق (ابتسامة) ولكن ليه ليه نرجعو كي شغل ما صرا والو

اعتني باختك جيدا الظاهر انها صغيرة اهتم بها كما يفعل اخي ولا تغضبها لان البنت بطبيعتها حساسة وصعب ان تجرحها

السلام عليكم
سلامته سلامته ان شآء الله الشفاء عن قريب يا رب
خوك يشبهني كثيرا ( البيتزا ) ( ابتسامة ) و ايضا الكروكي افضل انواع الحلويات عندي اكره الحلويات ( كيما تقولي جدة تاع المكياج لي مزينين ياسر )
لكن رغم هذا الحب الذي يجمعكما الا ان هذا لا يعني ان ( يديلك قسمتك لن اسمح بأي شخص ياكل حصتي ابدا حتى امي )
اما عن المرض اكيد انا اخاف على اختي كثيرا و لن تصدقي اني بكيت عليها يوما عندما سقطت على جبينها و لم ارى من وجهها الا الدماء من شدتي رعبي نزلت دموعي و انا اسرع بأخذها الى المستشفى ( الحمد لله )
بشماق لم افهمها

[اسامة]

المشاركة الأصلية كتبت بواسطة سرور.

اخي الاكبر له من الطيبة ما تسع الكون كله، و يعرف جيدا من نكون انا و اخواتي، فلا يشاجرنا ان دخلنا او خرجنا
اما الاصغر فكانت لي شجارات معه على الكومبيوتر ،لكن صراحة كنت اسيطر عليه كل الوقت لذا كان يضيق ذرعا مني،و لكن الان لا شيء من هذا فكل له جهازه

السلام عليكم
اهلا اختي سرور
اكيد لن يكون الشجار حول لكمبيوتر فقط يا اخت سرور
لن اصدق ان البيت خال من شجارات اخرى ( ابتسامة )
و لا تصدقوا من يقول لكن ان الذكر ليس طيب و هو قاس ابدا صدقيني و هي تجربة من اخوك اسامة ان الطيبة لا تخص الاناث فقط

[اسامة]

المشاركة الأصلية كتبت بواسطة جيهان غزة

لان تصرفاته المزعجة لي فقط لذلك أشعر أنه يتقصد فعل ذلك لي أنا فقط و تصرفاته تجعلني أكرهه
شكرا كلامك جميل انا اكره تصرفاته لا اكرهه هو

السلام عليكم
ربما هو ولد قبلك مباشرة لذا الغالب ان تكون الغيرة موجودة في هذه الحالة
العفو يا اختي
احترامي

[اسامة]

المشاركة الأصلية كتبت بواسطة جيهان غزة

ا

لأخت الصغرى دائما تكون مشاغبة عند وجود أخ اصغر منها يعني الأخ هو السبب
لم أفهم كلامك هنا يا أخي أسامة الذي باللون الأحمر

السلام عليكم
سواء اخ او اخت الاصغر دائما هو المشاكس خذيها من عندي
اما ما لون بالاحمر يا اختي جهاد
المعاندة

[اسامة]

المشاركة الأصلية كتبت بواسطة جيهان غزة

لو كنت الضحية و المستفادة في آن واحد لما تأثرت بهذا الموضوع يا صديقتي
لا يسمح لي بالتكلم بقوله الجيران يسمعو
لا يسمح لي بالخروج وحدي كون واش يقولو الناس
لا يسمح لي بالجلوس كثيرا عند الانترنت بقوله مع من راك تحكي
و المشكلة الكبيرة أنه أصغر مني و لا أستطيع أن أقول شئ
بيني و بينه أربع سنوات هو عمر في النهاية

السلام عليكم
تبدين جادة في كرهي الاخ يا اختي جيهان
من كلامك يبدو قاسيا لكن هذا لا يعني انه خال من الطيبة
ربي يهديه

[اسامة]

المشاركة الأصلية كتبت بواسطة سماح 2

ههههه مالاآآ الغاشي الكل كيمــا حنــا في الداار

ماما تقولنــا كل يووم عندي حرب تقول عليــا نجاهد عندنــا غزة و اسرائيلْ في الدارْ

ههه بكري كــانت المشاكل ما تحبسش خلاه ع التلفزيون والا الماكلة والا القراية والا الـxbox

وأي حــــاجة نتعـــــاركوا عليها مي ضركــا الحمد لله أنــا مع خوويا الكبيرْ

سـاعة ساعة بركـ نتعاركــوا خاصة ع المواقع الاجتمــاعية كالفايسبوكـ مثلا

ديما يقوولي نقفلهوولكـ
أمــا أخي الصغير أقل مني بعــامْ مسكين لا يهش لا ينش

ولكن لحد الآن ما زلت نتعــاركـ مع أختي الصغيرة خاصة ع الخدمة تع الدارْ

وغسيل المــــاعن والتسياقْ و ......والخْ لوول

وتستسمر المشــــــاكل بينـــناآ

السلام عليكم
اكيد يا اختي لن يخلو بيت من هذه المشاكل و اراه باسل لو لا هذه المشاكل

و الام دائما
دارنا فقط لي فيها الحس دارنا فقط لي فيها لهرج ( ابتسامة )
اما انت و اختك التشاجر حول الماعن و التسياق و خباز الكسرى يستوجب عليكما برنامج

[اسامة]

المشاركة الأصلية كتبت بواسطة ana hia

و عليكم السلام

هههههههههههههههههه هيه ق محمد و لا السعيد اصلا احنا قداه في الدار يخي رانا ق ربعة زوج بنات و زوج ذراري هههههه

أكيييييييييد هي معايا بالصح ما تهدر وااااااالو تقعد ساكتة و انا نقز نقللها أهدري معاهم تسكت

و زيد على ذلك يا السي أسامة انا واش ندير خاطيتهم هوما لي يشرشولي و يناقرو فيا فهمت

الظلم مش مليييييييح
و الأخ لازم يكون سند و يكون حينين و عاقل مع خياتو و خاوتو ولا كيفاه ؟؟؟

على كل حال أعطيني محمد و ما تعطينش السعيد محمد فيه و عليه فهمت

يا أسامة الخو لي يقعد ينفخ في ريشو و ما يهنيكش واشمن فايدة فيه

على كل حااااااااااااال ماما عارفة كلش راها شايفة بعينيها


ممممممممممم تحيـــــــــــــــــــــــــــــــــــــــــــــــ ـــــاتي

و عليكم السلام
اعذريني يا اختي الهام لكن لن اصدق كلامك لان حكاياتك في موضوعي طوايش الصغر نبهتني انك تحبين الفياقة ( ابتسامة ) و تمثلين كثيرا و لست سهلة ابدا ( كيما نقولو يقوى عليك ربي )
و الخو لي ينفخ ريشو على اختو الصغيرة راه خو راشي مبصح عاد اختو لي تنفخ في ريشها عليه هذي قصة اخرى
يحيا محمد و السعيد

[~فَصَبْرٌ جَمِيلٌ~]

المشاركة الأصلية كتبت بواسطة اسامة

السلام عليكم
عذرا الرد لا يخصني
لكن يا اختي وفاء لو قمتي بإستحضار نفسك في كل الامور لما كان للاخوة اي مجال لاسكاتك
لانه اكيد من حقك التكلم لان عمرك يسمح بذلك
تحياتي

وعليكم السلام ورحمة الله ،،،،

ربما لم تفهم قصدي ،،،، كنت اقصد بسكوت حين يطلب مني الاخ عمل شيئا لا يجب ان اتفوه بكلمة وانفث مباشرة
ولكن في مسألة النقاش ذاك عنصر آخر ،،،، فالحمد لله لدي وقع خاص في البيت والله حتى ابي يأخذ برأيي كثيرا ويستشيروني

أ اخي عمر فدائما معي تخيل يحضر لي ملابسه ماذا ارتي مع هذا وما الانسب مع هذا كيف يبدو ذاك
وشعري هل هكذا افضل ام هكذا ،،،،، امور كثيرة حتر فالدراسة كما تعلم دراستهم كثيرة يقول لي ساحفظ ذاك وذاك وذاك ما رأيك والله رايحة نولي معاه دونتيست وانا مزال ما عقبت الباك

عادي والله مهما تحدث شجارات لكن حلوة وهي حلاوة البيت

[اسامة]

المشاركة الأصلية كتبت بواسطة amina1996

اذا على لخروج مع لبنات ولا للسوق كيما قلت انا جامي لا نخرج مع صحاباتي يضالو يقولولي هيا معانا بصح ما نبغيش خطراش ديما نخرج مع ماما و تشريلي واش نحب صحاباتي ندور معاهم شوي برك ساعات كي كنت نخرج من ليكور كشما ناكلو بيزا و لا همبرغر باه تقعد للذكرى و ديما انا لي نسلك ههههههههههه
الانترنت كي نحكمها باين واش راح ندير منتدى الجلفة, الطبخ, مشاهدة ناروتو , و اغلب الوقت فيديوهات فن طي الورق origami
حتى الفايسبوك نحيتو كي كان عندي ساعات يعسني بصح ضرك لالا
التلفاز و الله في عمري 18 بصح نتفرج غير الروسوم و احسن حاجة عندي ناروتو و صدقني في حياتي ما تفرجت مسلسل
ييعني انا الطفلة لكبيرة تاع الدار و باين لازم اي حاجة يبغيوها نديرها و خاصة خويا الوحيد لكبير عليا ديما امينة طيبي امينة اغسلي لدرجة كي طلع للجامعة العام الاول جاب كرارس و قالي اكتبيهملي تاع الدروس لي يقراوهم من الاول للاخير خطراش هو ما يروحش بزاف فنيان على روحو و الله كتبتهم و زعما كانو عندي فروض
كنت نتقابض معاه برك كي كنت 1 ثانوي و هو باك و كنا في نفس الثانوية يقليي ما تهدريش مع واحد لبنات و انا ما نقدرش خطراش يقراو معايا و هوما لي يجيو يحكيو معايا و ثاني يقلي ما تخرجيش للراحة في الشتاء بلا جاكيطا و انا كنت مع تصوني نزرب نخرج باه نشري البيزا هههه
ما ناخذش الراي كي نروح يرخسني بصح جامي لا نردلو الهدرة علابالي هو الغالب و كشما نرد ماني راح نستفيد اي حاجة
بصح ختي ديما يتقابضو يقلها قل من امينة بعام ما تعرف طيب ما دير حتى حاجة تعرف غير تتفرج
وكي تخرج مع لبنات يقلق بزاف و يضال يعس فيها ........................
اخي اسامة موضوعاتك رائعة بارك الله فيك

السلام عليكم
حالك زي حالي نخرجو نتغدو اسامة لي يسلك وعلاه ؟ لخاطر هو لي يحب ياكل
و انت عمرك 18 تتفرجي في ناروتو
واش تقولي في خوك اسامة عمرو 22 و يتفرج كل ليلة حلقة تاع القناص هانتر اكس هانتر باهي خلاص و ايضا ناروتو شيبودن و نيجي احسن شخصية عندي و قارا اكيد ولد الصحراء
و ما تستغربيش صاحبي حاكم سيبار ساعة على ساعة نعانو شوي و هو دايمن حال باجا تاع ناروتو
و ما تقوليش راني صغيرة يا اختي امينة راكي كبيرة و لازم كانتحبي البيتزا هكا كيما انا نموت عليها و قلت هذا الكلام من قبل للاخت ترانيم الوفاء لخاطر خوها يموت على البيتا )
تعلمي طيبي لبيتزا في الدار قولي للاخت وفاء تعلمك ( ابتسامة )
و هو يعس فيك لخاطر يخاف عليك ما تتصوريش انو يراقب فيك لخاطر شاك فيك لا ابدا خوذيهامن عند خوك اسامة
و العفو يا امينة هذا موضوعك يا اختي

[~فَصَبْرٌ جَمِيلٌ~]

المشاركة الأصلية كتبت بواسطة اسامة

السلام عليكم
سلامته سلامته ان شآء الله الشفاء عن قريب يا رب
خوك يشبهني كثيرا ( البيتزا ) ( ابتسامة ) و ايضا الكروكي افضل انواع الحلويات عندي اكره الحلويات ( كيما تقولي جدة تاع المكياج لي مزينين ياسر )
لكن رغم هذا الحب الذي يجمعكما الا ان هذا لا يعني ان ( يديلك قسمتك لن اسمح بأي شخص ياكل حصتي ابدا حتى امي )
اما عن المرض اكيد انا اخاف على اختي كثيرا و لن تصدقي اني بكيت عليها يوما عندما سقطت على جبينها و لم ارى من وجهها الا الدماء من شدتي رعبي نزلت دموعي و انا اسرع بأخذها الى المستشفى ( الحمد لله )
بشماق لم افهمها

السلام عليكم ورحمة الله

آمين يا رب شكرا على الدعاء

ياااااا سبحان الله هو تان يموووووووووت على الكروكي والناشف ما يحبش الحلوات كامل

(ابتسامة) اضحكتني حصتي من الاكل نليكيدي فيها برك ما نحبش ناكل ايه مالا وابي يبقى يشوف معايا باش ناكل نتفاهم مع عمر نعطيلوا مكلتي
هو مرات يقبل ومرات يفضحني (ابتسامة)
وتخيل ببيناتنا لغة سرية ما يفهمها حتى واحد غير بالالغاز ونبدو هدرتنا امي تقعد معانا ومن بعد تقولناهبلتوني نوض خير
خاصة يوم عقبنا عذهو الباك وانا بيام درنا حالة فالدار

وليس هذا يعني ان لا تحدث بيننا شجارات ،،، بل كثيرا ولكن تنتهي بسرعة
بشماق ليكو هدا هو https://im40.gulfup.com/6Orlg.jpg

[اسامة]

المشاركة الأصلية كتبت بواسطة ساحرة قلوب البشر

اه يا اخي اسامة كم تمنيت وجود اخ اكبر لي لن يكون بيننا شجار لاني اثق بتربية امي وابي لنا سنكون احباء ولن يشجارني الا في مصلحتي
موضوع اكثر من رائع دائما متميز يا اسامة

السلام عليكم
اهلا بأختي
لكن هناك من يتمنى عدم وجوده يا اختي
هل لك اخ اصغر منك اذن ؟
و العفو يا اختي الموضوع موضوعك و التميز بوجودك

[Amina1996]

المشاركة الأصلية كتبت بواسطة اسامة

السلام عليكم
حالك زي حالي نخرجو نتغدو اسامة لي يسلك وعلاه ؟ لخاطر هو لي يحب ياكل
و انت عمرك 18 تتفرجي في ناروتو
واش تقولي في خوك اسامة عمرو 22 و يتفرج كل ليلة حلقة تاع القناص هانتر اكس هانتر باهي خلاص و ايضا ناروتو شيبودن و نيجي احسن شخصية عندي و قارا اكيد ولد الصحراء
و ما تستغربيش صاحبي حاكم سيبار ساعة على ساعة نعانو شوي و هو دايمن حال باجا تاع ناروتو
و ما تقوليش راني صغيرة يا اختي امينة راكي كبيرة و لازم كانتحبي البيتزا هكا كيما انا نموت عليها و قلت هذا الكلام من قبل للاخت ترانيم الوفاء لخاطر خوها يموت على البيتا )
تعلمي طيبي لبيتزا في الدار قولي للاخت وفاء تعلمك ( ابتسامة )
و هو يعس فيك لخاطر يخاف عليك ما تتصوريش انو يراقب فيك لخاطر شاك فيك لا ابدا خوذيهامن عند خوك اسامة
و العفو يا امينة هذا موضوعك يا اختي

و عليك السلام
ههههههه مالا حتى نت يقوللك هكاك و الله حتى انا نقولهم ناكلو بيتزا يقولولي بصح نتي لي تسلكي ؟؟ نقلهم هيه يقول هيا مالا
خطرا خليتهم كلاو شبعو و درت روحي خرج قلت يهديهم ربي و يسلكو و الله خرجو حتى هوما يتبعو فيا حتان رجعن هههه
منيح مدام حتى نت تتفرج صاي مالا ما نزيدش نحشم كي نقول انا نتفرج غير الروسوم ههه
انا نمووووووووووووت على ناروتو و حتى القناص لوفي بليتش ,,,,,,, كلش كلش بصح المفضل ناروتو
و البيتزا نعرف نطيبها ماكانش يوم في رمضان ما طيبتهاش تعلمتها من عند راجل خالتي حال بيتزيريا في بسكرة و شنهو في وقت لقرايا ما نقعدش باه نطيبها ههههه
و علابالي يعسني كيعاد يخاف عليا شكرا اخي اسامة هههههههه

[اسامة]

المشاركة الأصلية كتبت بواسطة *** ترانيم الوفاء***

وعليكم السلام ورحمة الله ،،،،

ربما لم تفهم قصدي ،،،، كنت اقصد بسكوت حين يطلب مني الاخ عمل شيئا لا يجب ان اتفوه بكلمة وانفث مباشرة
ولكن في مسألة النقاش ذاك عنصر آخر ،،،، فالحمد لله لدي وقع خاص في البيت والله حتى ابي يأخذ برأيي كثيرا ويستشيروني

أ اخي عمر فدائما معي تخيل يحضر لي ملابسه ماذا ارتي مع هذا وما الانسب مع هذا كيف يبدو ذاك
وشعري هل هكذا افضل ام هكذا ،،،،، امور كثيرة حتر فالدراسة كما تعلم دراستهم كثيرة يقول لي ساحفظ ذاك وذاك وذاك ما رأيك والله رايحة نولي معاه دونتيست وانا مزال ما عقبت الباك

عادي والله مهما تحدث شجارات لكن حلوة وهي حلاوة البيت

السلم عليكم
( ابتسامة )
هو سوء فهم
هذا امر جيد جدا لانه بتعامله مع اختي وفاء هكذا يدل على ان رأيك يهمه كثيرا
و هذا جيد
و اكيد ان البيت الذي يخلو من الشجار الحلو يكون بيت باسل و ماهش باهي
الجو في البيت يحتاج الى القليل من الضجة و الشجار
ان شآء الله يكون عمر بألف خير سلامته يا رب