ماهي تجربتكم في الخدمة الوطنية ؟

[سعيداني]

الاخ انا تدربت في بلعباس
باش تخرج انساها خاصة انك طبيب
التدراب :
تتعلم العسكريات ثم تقرا ثم اديروا الرمي ثم اجازة ثم تكملوها خدمات حتى تتميتاو
الميتاسيون:
زهرك يتكلم

[j-med]

المشاركة الأصلية كتبت بواسطة سعيداني

الاخ انا تدربت في بلعباس
باش تخرج انساها خاصة انك طبيب
التدراب :
تتعلم العسكريات ثم تقرا ثم اديروا الرمي ثم اجازة ثم تكملوها خدمات حتى تتميتاو
الميتاسيون:
زهرك يتكلم

وين مثلا الميتاسيون ؟؟ وهل صحيح كيما قال الاخ المتزوجين عندهم الويكاند عطلة ؟؟

[algeriano2009]

[quote=محمد صديق علي;1056453986]

المشاركة الأصلية كتبت بواسطة forexdz

و الويكاند خارج المدرسة ؟ وين تروحو لديار

مادا بيك لكان تقدر تحكينا من الاول حتى وصلت كيفاه تفوت الأيام تاعك أي حاجة

وبرك اللله فيك وربي يكون في العون وترجع تخدم و تتهنا [/quote

مكان والو يا اخي حضر روحك نفسيا برك و ما تدخلش في مارس لأنو الخدمة بزااااااااااف والتعب بسبب حفل التخرج

الويكاند بع شهر كامل تخرجو الجمعة لعشية و السبت كامل لكن ترجع في الليل

اما المتزوجين يمدولهم 72 ساعة للدار ويرجع و كي تحط طلب إجازة 72 ساعة يمدولك و لا كانت عندك حاجة ضرورية في الدار يمدولك عادي

و أوصيك ما تديش معاك ملف طبي لأنو غادي يغبنوك بزاف ومن بعد يجندوك المهم الكل يجند مكان لا معريفة لا مريض لا معوق لا متزوج ماطلقو ا والو إلا 09 من الناس بسورسي 06 أشهر اما 03 صح مرضى مهبول شدوه شهر كامل حتى هبلوه بالحقن و مريض بالضغط حتى بدا يطيح لهم و آخر عندو بلايك حديد في يديه

المهم اللي يدخل ما يخرجش وإذا حبيت تجرب معريفتك خليها بعد الميطاسيو يعني بعد ما تخرج من المدرسة تع بلعباس


ربي يسهل خويا مكان والو شوية صبر واحكم قدرك برك

لا لتغليط الأعضاء من فضلكم.

الذي يملك ملف طبي أو كفالة يأخذه معه. قدموا كل الاسباب للأعفاء, لا تدري أين يجعل الله الخير.

سيدي بلعباس خاصة بالسلك الطبي يعني الحصول على الاعفاء منها صعب مقارنة بالمدارس الاخرى.

[سعيداني]

السلام عليكم
اولا
algeriano2009
انا لا اغلط احدا انا اروي شهادة حية
انت من بلاصتك تحكم عليا بلي راني نغلط في السيد
انا اللي كنت تم و لا انت ؟؟؟
يا اخي اذا كانت شهادتي لا تكفي فاسأل غيري ـ ولك ان تقارن,


ثانيا
j-med
الميتاسيون
اما ان يساعدك احد معارفك يعمل في الوزارة و تحصل على ميتاسيون جيدة
واما ان تترك زهرك يتكلم كما سبق وان قلت انفا
انتظر جميع الولايات الجزائرية
الأطباء ناقصين في جميع الوحدات و خاصة في الوحدات القتالية
ما توليش تخرج بالويكاند حتى اديروا الرمي,
ولكن الامر الجيد بالنسبة لك هو انك ستعمل في تخصصك وهذا أمر أكيد.
لانه ليس جميع من يحمل شهادة في تخصص معين سيعمل فيه بالضرورة
و الله الموفق اخي
للمزيد من المعلومات انا في الخدمة

[algeriano2009]

المشاركة الأصلية كتبت بواسطة سعيداني

السلام عليكم
اولا
algeriano2009
انا لا اغلط احدا انا اروي شهادة حية
انت من بلاصتك تحكم عليا بلي راني نغلط في السيد
انا اللي كنت تم و لا انت ؟؟؟
يا اخي اذا كانت شهادتي لا تكفي فاسأل غيري ـ ولك ان تقارن,

لا أقــصد الطعن في مصداقية كلامك. لكن خشيت أن يعمم كلامك فيما يخص الملف الطبي على بقية المدارس فقط لا غير.

[forexdz]

بارك الله فيكم على المعلومات التي قدمتومها

أنا كيما نروح نشالله رايح نكتبلكم مدكرة يومية هههههههههههه

[deuchka]

والله انكم فتحتم موضوع معاناة حقيقية ولكن اقدم لكم كافة الاحترام والتقدير على مختلف التعليقات التي وردت خاصة للدين اجتازوا هده الخدمة في مختلف انحاء وارجاء الوطن الغالي
بداية تمنياتي الخالصة للمقبلين على الدهاب الى الثكنات العسكرية بالاعفاء وخير الاعفاء هي كلمة مؤهل لا يجند يعني لمن حالفه الحظ ان يكون هناك فائض واقول للدين معهم ملفات طبية ان يحملوها معهم لعل وعسى من يدري انت الدي تحمل ملف طبي راك تقدم في الاسباب بالرغم من ان الفئة الغالبة تعتمد على معارفها النافدة من اجل الحصول على الاعفاء واليكم الاجراءات التي شهدتهافي المدرسة التطبيقية بشرشال
اولا تم الفحص الطبي الاولي على مستوى العيادة الطبية المتواجدة بالثكنة
ثانيا سيكون هناك فحص ثاني نسميه contre visite نحن تم دلك في ولاية البليدة وعلى مستوى عين النعجة وفي هده الفترة تكون هناك يوميات روتينية فطور -غداء-عشاء-نوم مدة قد تصل الى 20 يوم
ثالثا وبعد ثبوث الهلال وتصفية la liste يتم فصل المجندين الى قسمين قسم معفى لسبب طبي بنسبة 40 في المئة وقسم ستكتب له عيش مرحلة جديدة في حياتة النضالية من اجل عيش كريم
الان اسمحوا لي ايها السادة الافاضل ان اقدم لكم تجربتي المتواضعة بايجاز في البداية تدربنا لمدة 45 يوم وهي من اصعب المراحل على الاطلاق لابد للانسان خلالها ان يتحلى بالصبر بعدها سيكون هناك حفل تخرج وتليها مباشرة اجازة ومن ثم ستصبح الامور اسهل نوعا ما حيث تكون فيها دروس قتالية ودروس تطبيقية على مختلف الاسلحة واجمل ما في هده المرحلة هو حقل الرمي حيث ولاول مرة سترمي بمختلف الاسلحة وهو شيئ فيه نوع من المتعة في مدرستنا تم الرمي بالاسلحة الاتية سمينوف- كلاشنكوف- FM - دوشكا - مكاروف- تكاريف- FLG - RPG7- RPK- BMP1- BMP2 - PKT وعديد من الاسلحة المختلفة الاخرى وبعد انتهاء فترة التدريب تكون هناك la mitation وهي فترة فراق الاصدقاء والاحباب وبهدا نكون قد طوينا صفحة بحلوها ومرها لنفتح بعدها اخرى على مستوى الثكنات المستقبلة اعدروني خاوتي اني عييت من الكتابة يتبع انشاء الله وبالتوفيق للجميع .

[صالح القسنطيني]

انا اديت الخدمة العسكرية

و الذي يقول العسكر اردك راجل هذاك لي كان اشوف في روحو قبل عسكر ماش راجل

و لي أقول العسكر أعلمك الصبر فأين تضع صبر شاب بلغ من الكبر عتيا و لا عمل و لا زواج و مستقبل مجهول فصبر هذا عندي أعظم

و لي أقول العسكر مليح واش مليح فيه قلع الحشيش أو ماذا

العسكر فيه حاجتين لا ثالث لهما

تعرف ناس من جميع الولايات و تحبهم في فترة قصيرة
و تتعلم الرمي بالسلاح

[deuchka]

الى الاخ صالح القسنطيني يا اخي الكريم المشكلة ليست في الخدمة الوطنية في حد داتها والله العظيم اني فوتها في الجبال نتاع البويرة قائد فصيلة في البرد والثلج والغابة و risque المشكل من بعد كي تخرج مكان والو الله لا تربحهم هني ingénieur ربع سنين بلا خدمة باينة في بلاد النسا نتاع الهم وربي وكيلهم وربي يفتح علينا اجمعين انشاء الله

[amine eco]

المشاركة الأصلية كتبت بواسطة سعيداني

السلام عليكم
اولا
algeriano2009
انا لا اغلط احدا انا اروي شهادة حية
انت من بلاصتك تحكم عليا بلي راني نغلط في السيد
انا اللي كنت تم و لا انت ؟؟؟
يا اخي اذا كانت شهادتي لا تكفي فاسأل غيري ـ ولك ان تقارن,


ثانيا
j-med
الميتاسيون
اما ان يساعدك احد معارفك يعمل في الوزارة و تحصل على ميتاسيون جيدة
واما ان تترك زهرك يتكلم كما سبق وان قلت انفا
انتظر جميع الولايات الجزائرية
الأطباء ناقصين في جميع الوحدات و خاصة في الوحدات القتالية
ما توليش تخرج بالويكاند حتى اديروا الرمي,
ولكن الامر الجيد بالنسبة لك هو انك ستعمل في تخصصك وهذا أمر أكيد.
لانه ليس جميع من يحمل شهادة في تخصص معين سيعمل فيه بالضرورة
و الله الموفق اخي
للمزيد من المعلومات انا في الخدمة

يا اخ سعيداني مدرسة الصحة العسكرية مزيرة من حيث ملف الطبي لانهم اهل اختصاص هههه
اما باقي مدارس وبسبب عدد كبير ملتحق ناس بنواظر والام معدة خرجت

[سعيداني]

السلام عليكم
اخي
amine ecoا
انا اجبت الطبيب فيما يخص سؤاله حول إمكانية الإعفاء بسبب طبي ـ فأجبته بالنفي ـ
و شكرا لك على التوضيح

اخي
صالح القسنطيني
كلامك واقعي ، ولكن هذيك هي المعيشة تم حبينا و لا كرهنا ، ما في يدنا حيلة ولكن كي تولي تشوف تؤدي خير من تقعد حاصل ـ

اخي
deuchka
مشكور على المشاركة القيمة

[صالح القسنطيني]

[QUأخي لا =سعيداني;1056492448]السلام عليكم
اخي
amine ecoا
انا اجبت الطبيب فيما يخص سؤاله حول إمكانية الإعفاء بسبب طبي ـ فأجبته بالنفي ـ
و شكرا لك على التوضيح

اخي
صالح القسنطيني
كلامك واقعي ، ولكن هذيك هي المعيشة تم حبينا و لا كرهنا ، ما في يدنا حيلة ولكن كي تولي تشوف تؤدي خير من تقعد حاصل ـ

اخي
deuchka
مشكور على المشاركة القيمة [/QUOTE]

يا اخي لا تفهم من كلامي اني أدعو لعدم تأديتها

بل لي مواضيع أقول فيها يجب على الشاب أن لا يضيع عمره جريا وراء عفو بل عليه التعجيل بحل فعلي و لو بأدائها
و لكن انا ضد من يقول الخدمة العسكرية مفيدة على وصفها و وضعها الحالي

[سعيداني]

المشاركة الأصلية كتبت بواسطة صالح القسنطيني

[quأخي لا =سعيداني;1056492448]السلام عليكم
اخي
amine ecoا
انا اجبت الطبيب فيما يخص سؤاله حول إمكانية الإعفاء بسبب طبي ـ فأجبته بالنفي ـ
و شكرا لك على التوضيح

اخي
صالح القسنطيني
كلامك واقعي ، ولكن هذيك هي المعيشة تم حبينا و لا كرهنا ، ما في يدنا حيلة ولكن كي تولي تشوف تؤدي خير من تقعد حاصل ـ

اخي
deuchka
مشكور على المشاركة القيمة

يا اخي لا تفهم من كلامي اني أدعو لعدم تأديتها

بل لي مواضيع أقول فيها يجب على الشاب أن لا يضيع عمره جريا وراء عفو بل عليه التعجيل بحل فعلي و لو بأدائها
و لكن انا ضد من يقول الخدمة العسكرية مفيدة على وصفها و وضعها الحالي[/quote]

السلام عليكم

جيد / المواجهة هي الحل

[محمد صديق علي]

يا جماعة أنا راني مجرب وكي راني نجاوب نجاوبكم عن تجربة في بلعباس مدرسة الصحة مكاش الخرجة بأي طريقة والو حتى ول و متزوج و كبير قي السن كاين حتى أطباء متخصصون ورتهم يفوتوا معانا أكثر من 35 سنة وعادي و نفس الحياة العسكرية اليومية و كاين عباد معاقين و ملفاتهم طبية 10/10 وما خرجوش وراهم يفوتوا معنا

أما الأمور الداخلية أنت وإنضباطك وإحترامك ما توصلش روحك ما يوصلك حتى واحد عندك واجبات و حقوق أما من ناحية الذل و القدر إحكم روحك ما يدنالك حتى واحد وكل واحد كيفاش يخير هو

المهم تضياع الوقت برك مكان حاجة صعيبة تكمل خدمتك تروح ترقد و كي تبان لهم مرات يوقفوك حتى تكره

[مردف نوح]

السلام عليكم ورحمة الله
.................... الخدمة الوطنية مافيهاش حتى فائدة................ ايه مافيهاش حتى فائدة
سوى مضيعة للوقت و تعطيل الناس على معيشتهم مع مستقبلهم هذا هو راي انا شخصيا و احترم اقوال الاخوة هنا
.............. انا رحت الى الخدمة الوطنية في عام 2012 و بقيت في الثكنة العسكرية 10 ايام ثم خرجت و الحمد لله
و لم كنت خارج ماصدقتش بالي راني خارج و كأني خرجت من سجن كان محكوم علي بي طيلة حياتي.....
و كل الفظل لله سبحانه اولا ثم احد الناس المدرهميين من بلدتنا ييعني معريفة......... لذالك انصحك اخي
بالتريث ربما يفرج عليك ربي و انت اسعى اولا و وفر الاسباب قبل ما تروح و اذا مانفعتش ما عليك الا
غير تتكل على الله و ورح.......... لانوا مكانش حل اخر و دير ربي في بالك و حاول ان تجعلها تجربة
بسيطة في هذه الحياة و اذا كنت من هواة الرياضة كثيرا فأعلم انك سوف تمر عليها مرورا الكرام
خاصة عند التدريب فهو رائع هههههههههه
المهم ندعوا الله ان يزيل عليا فتنة الجيش الوطني الذي للاسف نسبة 70% فيه ما يعرفوش ربي
كل هذا الشئ بسبب الفتنة و نتمناوا مستقبلا يجي رايس اخر و ينحي علينا هذه الغمة لان
بصراحة القول اغلبية و ان لم اقل كل الدول القوية بمعنى الكلمة نحاوا هذه الخدمة الوطنية
الا الدول الاخرى مازالت تعمل به ارجو ان اكون قد نصحتك و تكون نصيحتي في المستوى
- ملاحظة -
سمعت بالي راهم داروهم غير عام فقط
بالتوفيق لك