كم مهرك

[knives66]

مساكن يغضوني علبالهم مهر هي سومة تاعهم

على هذا يغلوا في مهور تاعكم الله غالب عقولهم متحجرة

[thawizat]

عندنا في لقبايل
لا يشرطون أي شيء ، بل يضحكون لما يأتي احدهم و يسألهم ماذا تشترطون
يقولون نحن نشرط لهنا فقط فقط لا ذهب لا هم يحزنون
لكن أكيد ككل عرس كاين مصارف لملاك ولمهيبات كما تسموهم أنتم يجيب ما تيسر له
ويجيب فاليزة العرس التي يحضر فيها تقريبا مثل الجهات الاخرى لباس و أشياء أخرى تشري واش يعجبها أو يمدلها دراهم في حدود 5-7 ملاين مع خاتم ذهب أو ما تيسر له
ومصاريف العرس مثل الكبش وسكسو و خضرة
لهنا ييف لغنا
يسروا و لا تعسروا

[لحن الحياة.]

المشاركة الأصلية كتبت بواسطة thawizat

عندنا في لقبايل
لا يشرطون أي شيء ، بل يضحكون لما يأتي احدهم و يسألهم ماذا تشترطون
يقولون نحن نشرط لهنا فقط فقط لا ذهب لا هم يحزنون
لكن أكيد ككل عرس كاين مصارف لملاك ولمهيبات كما تسموهم أنتم يجيب ما تيسر له
ويجيب فاليزة العرس التي يحضر فيها تقريبا مثل الجهات الاخرى لباس و أشياء أخرى تشري واش يعجبها أو يمدلها دراهم في حدود 5-7 ملاين مع خاتم ذهب أو ما تيسر له
ومصاريف العرس مثل الكبش وسكسو و خضرة
لهنا ييف لغنا
يسروا و لا تعسروا

..سلام
سبعةملاين والعشا والكبش موجودة في كامل التراب الوطني. والهنا كل يشرطوه ..هههه صحبتي قبايلية من بجاية شرطت لهنا و 20 مليون !!! نظن قضية عائلات برك
حنا عدنا تقليد عائلي المهر 100000 و الكبش كيما قلتي فقططططط
وتجهزي بواش تقدري.

[لحن الحياة.]

هههه الفاليزة وحدها
بالتقشف و تاع واحد قليل تستقام 5 ملاين فيها عطر و حجاب واحد و زوج بيجامات و زوج روبات دار و صباط و بلغة و مشطة و زوج بوديات و جيبات ...كلها ضرورية
واكيييد الجزايريين يحشمو مستحيييييييييييييييل واحد يتقدم بيديه فارغين. ويقول المهم لهنا نتحداااااك وخاصة مع عرائس هاذ اليامات
هاذي متفق عليه مافيها لاعربي لا قبايلي

[thawizat]

المشاركة الأصلية كتبت بواسطة jill

..سلام
سبعةملاين والعشا والكبش موجودة في كامل التراب الوطني. والهنا كل يشرطوه ..هههه صحبتي قبايلية من بجاية شرطت لهنا و 20 مليون !!! نظن قضية عائلات برك
حنا عدنا تقليد عائلي المهر 100000 و الكبش كيما قلتي فقططططط
وتجهزي بواش تقدري.

سلام أختي جيل هذا هو الغالب على العائلات القبايلية وغيره حالات خاصة
والشاذ يحفض و لا يقاس عليه
أنا أيضا أعرف البعض شرطوا لكن كما قلت لك الغالب هو ما قلت لا يشرطون ولا شيء ، إلا المصاريف الضرورية في كل الأعراس
وأنا لما قلت 5 _7 ملاين في حدود المعقول لكن الأصح تقريبا كل من اعرفهن اداو أقل من هذا و رغبة منهن وتيسيرا
بارك الله في العايلة نتاعك و إن شاء الله كل ميسر للمهر ربي يفتح عليه وينزل عليه البركات

[لحن الحياة.]

المشاركة الأصلية كتبت بواسطة thawizat

سلام أختي جيل هذا هو الغالب على العائلات القبايلية وغيره حالات خاصة
والشاذ يحفض و لا يقاس عليه
أنا أيضا أعرف البعض شرطوا لكن كما قلت لك الغالب هو ما قلت لا يشرطون ولا شيء ، إلا المصاريف الضرورية في كل الأعراس
وأنا لما قلت 5 _7 ملاين في حدود المعقول لكن الأصح تقريبا كل من اعرفهن اداو أقل من هذا و رغبة منهن وتيسيرا
بارك الله في العايلة نتاعك و إن شاء الله كل ميسر للمهر ربي يفتح عليه وينزل عليه البركات

شكرا الله يحفظك على التوضيح
والله اعلم
شكككككككككككككككرا

[eBusiness]

المشاركة الأصلية كتبت بواسطة nilly

راهم يكلخولكم عيني عينك واش هدا واحدة تقول 15 مليون والاخرى 40 مليون والخرى 100 ةمليون املا هادي تجارة ماشي زواج . البنت لا تحدد بقيمة المهر ماشي كيما قلت يااخ ان هناك بنات يستاهلوا والاخريات لاء.

يا أختي أنا حينما قلت هناك من النساء من تستاهل مال الدنيا فأنا هنا أقصد المرأة العفيفة أما المرأة التي تجول وتصول وتصاحب هذا وذاك لا تستحق حتى زوج دورو، هذا هو قصدي فهناك من الفتايات من يجل ويصلن ويمرحن ويأتي في الأخير رجل بعطيها تعب السنين هذا ما قصدته ولست إنسان مادي وأنا اشاطرك الراي أن الأمر معنوي وليس مادي

المشاركة الأصلية كتبت بواسطة nilly

والمهر كونه شرطا لشروط زواج الصحيح والدي يحمل في طياته معنى معنوي وليس مادي كما يظن البعض فهو كنوع لتقدير لزوجة واهلها .فالمهر ليس سِعْرَ العروس كما هو مُقرَّر في العُرْفِ الإفريقي؛ لأنَّ الزواجَ في الإسلام ليسَ عبارة عن بيع عروسٍ لزوجها، وقد يتمثل المهر بهدية او نقودا.حسب ماتصدره الجماعة ( شيوخ الكبار) ولأنَّ كرامة العروس وأهلها مُصانة في ظل الإسلام فوجب على العروس بدفع المهر . ومن الاحسن ان يكون المهر يناسب الفقير والمتسوط والغني والمعدوم حتى يتسنى للكل زواج.

بارك الله فيك أختي الكريمة على ردك القيم

[لحن الحياة.]

العاااااملات اقل مهرا خطر يتهناو من الذهب يشروه من شهريتهم
و يجهزوا منها و يعرسو معناها لي يجيبلهم 2 ملاين تكفيهم دلال .... والله
وحدة معلمة ...... مدتلو 5 ملاين وقاتلو جيبهم لدارنا وقولهم المهر
وعرست من الرابال لي جاها ياك المتربصين يخلصو رابال
لانو زوالي ماعندوش....

[الواثق]

المشاركة الأصلية كتبت بواسطة jill

العاااااملات اقل مهرا خطر يتهناو من الذهب يشروه من شهريتهم
و يجهزوا منها و يعرسو معناها لي يجيبلهم 2 ملاين تكفيهم دلال .... والله
وحدة معلمة ...... مدتلو 5 ملاين وقاتلو جيبهم لدارنا وقولهم المهر
وعرست من الرابال لي جاها ياك المتربصين يخلصو رابال
لانو زوالي ماعندوش....

ايه صح واحنا ماناش بعاد عليكم وحدة استاذة خطبها سوري مانعرف منين جا وساعداتو المخلوق وهي اللي دفعت ماشي هو .........ووحدة اخرى جابت هندي ماشاء الله وراهو سكن عندنا ..........ووحدة اخرى ادها سوداني ماشاء الله عليه كي عرف بلي العاملات في الجزائر يساعدو بيهم البراني .................ايا ادي يالزوالي خير واختار واهلا بالبراني كمان راهم قابلين بكلش...............والله المستعان منكن

[لحن الحياة.]

?????????!!!!!!!!!!!!!!!!!!!!!!!!!!!????????

[شيخة هيام]

المهر 70 مليون نحن حسب عمل الرجل

[بوسعادية2012]

احببت المشاركة واعطاء رايي المتواضع

والله لاحظت ان المهر كلما قل كان الزواج فيه سعادة وراحة وفرحة

وكلما زاد المال زاد معاه الهم والغم والعيشة مرة
وهاد مالاحظته بعينى
تحيتى للجميع

[أميرة المحبة]

أنا مهري 8ملاين والحمد لله مش الفايدة تغلية المهور بل في أخلاق الرجل

[LILA LAMIS]

المشاركة الأصلية كتبت بواسطة ebusiness

الاهم بالنسبة لي هو : هل الخطيبة المعنية بالأمر تستاهل قيمة المهر ذلك؟ يعني والله هناك نساء يستاهلن مال الدنيا وهناك نساء خسارة فيهم زوج دورو

على كل حال راكم غايا يا جماعة، في منطقتي أنا، فقط الذهب الذي يعطيه الزوج لزوجته يفوق 30 مليون والله لم أفهم، يعني مثلا من قالت أعلاه أن مهرها كان حوالي 13 مليون وخاتمين بقيمة 2 ملايين، يعني هذا كله لم تطلب ذهبا اخر أو ماذا؟ في منطقتي الغالية الله يهديهم على الأقل 30 مليون ذهب والمصاريف إجماليا قد تقارب الـ 70 مليون وهذا عند البسطاء

أنا قررت أن أموت عازبا خير

قيمة المهر في منطقتي تتراوح ما بين 9 ملايين الى 15 مليون و في اغلب الحالات 12 مليون و لا يشتري الزوج الذهب ابدا الا خاتمين الاول في الخطوبة و الثاني يتركه عندما يقام حفل الزواج.....و يجب عليه ان يشتري لها مستلزمات اخرى كلباس كامل و احذية و حلويات و لحم و تسمى """طلاعة""" و تقدر بحوالي 3 او 4 ملايين حسب غلاء المشتريات او رخصها ....

[اسرار43]

والله حنا عندنا المهر تاع المراة من 10 الى 15 مليون مع خاتم الخطبة وكل واحد ومقدورو لي يحب يزيد يزيد.