نهائي تجديد القديم.....final....final - الصفحة 3

فريولة ابتسام · 2014-02-27, 21:23

اللي ماعجبتهاش المهمة راني جبتلها بيادن تدير روبات

fatma1977 · 2014-02-27, 22:52

السلام عليكم ورحمة الله وبركاته يعطيكم الصحة لبنات ومبروك التأهل للجميع روزا راكى هايلة وقريب تصبحى مصممة أزياء عالمية تمنيت لو كان ضروفى سمحتلى وواصلت معكم والله غير مسابقة هايلة بالزاف لو كان جات فى الربيع وين الوقت نتاع النهار متاسع المهم بارك الله فى الاخ عمر على هذه المسابقة رغم أنى خرجت مبكرة منها إلا أننى إستفدت كثيرا ورانى متتبعة بصمت هذو الايام غير 5دقايق فى اليوم باه نشوف وين راكم واصلين سطوف إنت دائما مبدعة ما راكيش جديدة على الميدان والابداع فريولة /أم آية / نبض /لمياء يعطيكم العافية وبالتوفيق للجميع فى المهمة الاخيرة ربى يكون فى عونكن

stayfiya · 2014-02-28, 07:32

صباح الافراح و المهمات المستحييله ياودي راسي راه حبس مالقيت حتى فكرة حرام عليك فريوله هههههه هاذوك لبادن نبيعهم و نشري تذكره لجزر القمر خخخخخ مازال كاين الفول لثمه ههههه. شكراا اخي عمر زدتلنا يوم. اوموا مانديرش ديبريسيون من لا بريسيون ههههاي
غوزا ام ايوش نبضوو لاااميه واش درتو فيها
لي متتبعنا نقولو خليك معانا مزال يومين و نديو الاستقلال كي نطلعو الدروج بصح يا خويا واه دروووج لي نقولو يضحك قسم بالله قالولي ماكان منها و ليت قتلهم نشفيكم في البيدون و التيزانه و الفيوزه سكتو وقعدو حايرين !
فطوووووم وينك يا ختي البارح سقصيت عليك واش الغيبه هاذي ؟؟ ااااا سمحتي فينا ؟؟
هياااااااا لبناااااات انطلقووو

نور الامل 12 · 2014-02-28, 08:18

صباح الخير لبنات انشاء الله نهاركم سعيد ويتكلل بنجاح في المهمة الدروج راهي ساهلة ميش راح تكون كي الشوك تع البيدون وباط الطماطيش في الاول هي عزيزتي السطايفية ديري واحدفيتامين سي وانطلاق رانا نديرو في لاكوموند من توا تع ليغوب بلونش وعلبالي راهم يقتلو وراح يكون فاشن اكسترا توووووووووب حق وقتاش ديرونا قسم طلبات جديدوالله لانقدرو بلابيه

stayfiya · 2014-02-28, 08:25

الله يخلييكحبيبتي نور اصبريني نفوت فترة نقاهة بعد المسابقه و نفتحو ههههه

LAMIA TEFFAL · 2014-02-28, 10:30

صباح النور لبنات شكرا لكل من هو متابعنا ومشجعنا سبونج واش بحرتك هههههه سطوف هدة المرة المشكل هو الوقت مشي الافكار ههههه راني جمعت ريدوات الي عندي مع دروا,.اناهنا مانعرفش وين يبيعوا صوالح لخياطة قريب وانستنى المرشي نروح نشوف كاش مانلقى ههههههه

ام إثري · 2014-02-28, 11:10

السلام عليكم نهاركم طيب لبنات
بالتوفيق كامل
كنت معولة نشارك معاك كضيف شرف بصح للاسف مضطرة نسافر ومانرجعش حتى نهار الاحد يعني مانحضرش التتويج
ربي يوفقكم كامل كلكم مبدعات

موجو جوجو · 2014-02-28, 14:12

السلام عليكم
هل لي ان اقترح ان يوضع موضوع يكون فيه جميع اعمال مرحلة قبل نهائي هكذا يسهل علينا التصويت

stayfiya · 2014-02-28, 15:56

اهلين اختي ليل واااشراكي بدلتي اسمك ماعرفتكش رانا حطينا مواضيع كل وحده و اعمالها باشتقدرو تشوفوهم

stayfiya · 2014-02-28, 16:51

اااااااااااا راسي سينفجر مااااااالقيييييييتش افكااااااااااار

stayfiya · 2014-02-28, 16:52

درووووووووووووج دروووو ووووووووو ووووووووووووج دروووووووج

موجو جوجو · 2014-02-28, 16:57

اقتباس:

المشاركة الأصلية كتبت بواسطة stayfiya

اهلين اختي ليل واااشراكي بدلتي اسمك ماعرفتكش رانا حطينا مواضيع كل وحده و اعمالها باشتقدرو تشوفوهم

اهلين سطايفية
الحمد لله و انت واش راكي دايرا فيها مع التحدي الاخير
حبيت نقول لو كان كل المواضيع تاع لي فيناليست يديرهم الاخ عمر في موضوع واحد او تثبت المواضيع لكي يسهل تصفحها و باه يشوفوها كامل العضاء و يفوطو

سمراء الدنيا · 2014-02-28, 18:07

السلام عليكم و رحمة الله و بركاته
جيت نشوف واش هي المهمة هاذ المرة ؟؟؟؟؟؟؟؟؟؟؟ ما تفاجأتش كنت متوقعة حاجة من هاذ القبيل ربي يعاونكم و تقدرو تنفذو .............. خلاص بدينا حتى حنا نفكرو في كانش مودال .........يا الله تشجعو و خرجو ابداعاتكم للعالم يشوفوها .........و بلاكو طيحو من دروج

تحياتي

rosa sd · 2014-02-28, 19:20

السلام عليكم ورحمة الله وبركاته
ربي يكون في عون الجميع ,انا مازال مابديتش اليوم عييت بزاف ,غدوة ان شاء الله نشوف واش ندير
سلام

صاحب الامل · 2014-02-28, 19:34

إضغط هنا لرؤية الصورة بحجمها الطبيعي.

نتائج التصويت الاولية بعد قليل