الى كل عضوة من الغرب لازم اعليها تدخل اجباري

[لينة نور]

المشاركة الأصلية كتبت بواسطة أم عائشة 10

فكرة طيبة راني معاكم بماأن والدتي الغالية من الغرب راح يكونلي وصفات جميلة إن شاء الله
لكن أين نضع الوصفات ياراسمين؟ ومتى؟
سبق لي أن وضعت وصفة المقرط المقلي(الوصفة لوالدتي ) وهذا رابطها

https://www.djelfa.info/vb/showthread.php?t=1398882

السلام عليكم

أهلا بك أختاه وبالوالدة الكريمة التي يبدو أنه زوجت بين مقروظ الغرب و منطقة أخرى .

أنا من الغرب , ونحن لا نمزج الدقيق بالفرينة . ثم ان المقروظ لا يعجن اطلاقا بل يلملم

ولذلك هو صعب التحظير .

......................

أنا موافقة على هذه المبادرة , ان شئت حضرت لك ( حريرة الغرب على أصولها , صنع شوابين مشي لاجوناس )

[غفران 2]

فهموني وقتاه نبداو التحضير

[oumyacine]

yatik saha la hadi el fikra ana min Mostaganem bessah sakna wahran ou min tajroubti ngoulek hna men dar l dar koul wahda andha wasfatha
ou machi Kamel ydirou ras el hanout fel hrira ou hetta rass el hanout men 3attar l 3attar kou wahed khalta ta3ou ou tani ana metzawja ma3a kabayli sema khalta kbira ....bessah rani fel khidma la kan wahda bghat ay wasfa ma3a annou el moushkil ta3i ma 3andich clavier arabe louken rani dert hala rani ntabe3 men sinine ou ntabbak bezzaf tatbikat bessah bla hasss

[muslimone]

أهلا راني معاك

[الأمنيات]

شكرا على الفكره انا راني حاطه وصفات تاعنا من التعمير للحريرة للخرشف هههههههههههههههههههههه
ونحب نتعلم من كل ربوع بلادي اكلنا متنوع

[yarasmin26]

[QUOTE=oumyacine;1055536230]yatik saha la hadi el fikra ana min Mostaganem bessah sakna wahran ou min tajroubti ngoulek hna men dar l dar koul wahda andha wasfatha
ou machi Kamel ydirou ras el hanout fel hrira ou hetta rass el hanout men 3attar l 3attar kou wahed khalta ta3ou ou tani ana metzawja ma3a kabayli sema khalta kbira ....bessah rani fel khidma la kan wahda bghat ay wasfa ma3a annou el moushkil ta3i ma 3andich clavier arabe louken rani dert hala rani ntabe3 men sinine ou ntabbak bezzaf tatbikat bessah bla hasss[/QUOTE
راني معاك في نفس التقيم100/100]

[yarasmin26]

[quote=لينة نور;1055535881]

السلام عليكم

أهلا بك أختاه وبالوالدة الكريمة التي يبدو أنه زوجت بين مقروظ الغرب و منطقة أخرى .

أنا من الغرب , ونحن لا نمزج الدقيق بالفرينة . ثم ان المقروظ لا يعجن اطلاقا بل يلملم

ولذلك هو صعب التحظير .

......................

أنا موافقة على هذه المبادرة , ان شئت حضرت لك ( حريرة الغرب على أصولها , صنع شوابين مشي لاجوناس )


ماذا بينا اديرينا الحريرة تاع الشوابين
اما بخصوص المقروط نلوم اعليك لانه قلنا في بادئ الامر الاسم موحد والطريقة تختلف من منطقة لمنطقة يجب مرعات الوصفة بكل حذافيريها

[yarasmin26]

يجب اختيار عنوان للموضوع
انا اخترت{ الرغبات في تعلم وصفات الغرب الجزائري} واش رايكم
سنبدا عن قريب في قسم الاطباق الرئسية

[فتاة الدعوة]

سلام يا لبنات انا من سيدي بلعباس وراني داخلة باسم بنتي حبيتو وصفة الحريرة نعطيهالكم غاليين وطلب رخيس وجدو رواحكم لكن بلا صور ماراهم يبانو ..............لحم تاع الخروف _3حبات بصلة _2حبات طماطم_لحبيتي تحطي جزر حطي ولا ماحبيتيش عادي قصبر _كرافس _حمص منفخ -شويا زيت _ملح راس الحانوت _زعفران _شويا فلفل اسود فلفل احمر _وطماطم تاع العلب ومري بالماء وتركيها طيب وفي جهة اخرة وجدي الفرينة مع الماء في ايناء صغير مش ثقيلة بزاف ومن طيب اللحم حطي كسكاس وصفي ومرصي هديك البصل وطماطم بمغرف كبيرة مليح ومن بعد انت تعرفي لزيدي الماء ولالا على حسب افراذ حطي سكن جبير وكروية وحطيها على النار ومن تغلي حطي تشيشة تاع الشعير قد كمشة ومن بعد الفرينة لراكي مضربتها في ماء وماثقليهاش بزاف عينك هي ميزانك زخليها تطبخ حتى مايكنوش هدوك الزبود طفي عليها وراكي موجدة حبة الحلاوة ديريها في حريرة ووجدي عصير اليمون تجي امممممممممممم وشهية طيبة نتمنى تكونو فهمتوني واي حاجة راني هنا ومن بعد نزيدكم طاجين بزيتون

[لينة نور]

ماذا بينا اديرينا الحريرة تاع الشوابين
اما بخصوص المقروط نلوم اعليك لانه قلنا في بادئ الامر الاسم موحد والطريقة تختلف من منطقة لمنطقة يجب مرعات الوصفة بكل حذافيريها

السلام عليكم

ان شاء الله سوف أضع ( الحريرة )

وبخصوص المقروظ والله ما فهمتك هذه طريقتي نتاع ناس الغرب ( مية بالمية )

https://www.djelfa.info/vb/showthread.php?t=1517139

بالنسبة للاطباق الاخرى أعطنا أمثلة .

والعنوان أراه جميل , نسمع الاخوات مذا يقلن .

شكرا

[بنت غليزان]

راني هنا . راني واجدة مادا بيا نتعلم و نعلم

[yarasmin26]

المشاركة الأصلية كتبت بواسطة فتاة الدعوة

سلام يا لبنات انا من سيدي بلعباس وراني داخلة باسم بنتي حبيتو وصفة الحريرة نعطيهالكم غاليين وطلب رخيس وجدو رواحكم لكن بلا صور ماراهم يبانو ..............لحم تاع الخروف _3حبات بصلة _2حبات طماطم_لحبيتي تحطي جزر حطي ولا ماحبيتيش عادي قصبر _كرافس _حمص منفخ -شويا زيت _ملح راس الحانوت _زعفران _شويا فلفل اسود فلفل احمر _وطماطم تاع العلب ومري بالماء وتركيها طيب وفي جهة اخرة وجدي الفرينة مع الماء في ايناء صغير مش ثقيلة بزاف ومن طيب اللحم حطي كسكاس وصفي ومرصي هديك البصل وطماطم بمغرف كبيرة مليح ومن بعد انت تعرفي لزيدي الماء ولالا على حسب افراذ حطي سكن جبير وكروية وحطيها على النار ومن تغلي حطي تشيشة تاع الشعير قد كمشة ومن بعد الفرينة لراكي مضربتها في ماء وماثقليهاش بزاف عينك هي ميزانك زخليها تطبخ حتى مايكنوش هدوك الزبود طفي عليها وراكي موجدة حبة الحلاوة ديريها في حريرة ووجدي عصير اليمون تجي امممممممممممم وشهية طيبة نتمنى تكونو فهمتوني واي حاجة راني هنا ومن بعد نزيدكم طاجين بزيتون

يالحبيبة اصبري شوية وحطي الوصفات انتاوعك كامل الي تحبي ولكن كي نبداو في قسم الاطباق الرئسية وشكرا على الوصفة ولكن كي تبداي لازم تشرحي اكثر باه توصل المعلومة لكل خبيرة و في طريقها للخبرة تحياتي

[yarasmin26]

الاطباق الي انشاركو بيها
انواع الحريرة رغم اختلاف المناطق
الشرمولات الطواجن....الخ اي حاجة تفكري فيها

[dalila2010]

شكرا لك اختي يارا يسمين على كل مجهود تبدلي فيه اختي من فضلك لوتكملي جميلك حتى وصفات انتاع التوابل الخاصة بالغرب الوا عنها روعة لو كل وحدة من الغرب اتحط لنا وصفة راس لحانوت وتوبل المرقة البيضة وجزاكم الله كل خير تحية طيبة

[منال 2013]

جزاك الله خيرا......