سلسلة حلويات مميزة .. موضوع يخص المبتدئات و حتّى المحترفات - الصفحة 3

ضفاف الإبداع · 2013-10-30, 11:26

جزاك الله خيرا أختي متابعة معك

ولنصائحك وأسرارك

جعلها الله في ميزان حسناتك

عماني نور · 2013-10-30, 16:05

شكرا على مروركنَّ جميعا حبيباتي

~
ترقبوا وصفة ال****ز بالشوكولاطة " بعد قليل " ~ يم يم أحب وصفة عندي و أسهل و ألذ و أروع وصفة بالشوكولاطة لمحبي المتعة فالأكل

عماني نور · 2013-10-30, 16:54

" الكـــــــوكيـــز بالشوكولاطـــــــة "

أنا شخصيا نموووووووت على الكــوكيــز ،، و كنت نشريه تقريبا كل يوم كي كنت فالجامعة ،، يعجبني كيفاش مقرمش و حلو ... بالحليب و بلا حليب

..... بصح ساعات كان يجي محروق ،، ساعات يجيني حاامض ... فيه حموضة غريبة تحسابي زايدينلو الخل

يعني ماشي داايما يجي بنين

جيت للدار ،، بقيت نحوس فالنت و الكتب ،، و طبعا مليووووووون وصفة و طريقة للكـوكيـز ،، بالشوفان ،، بالشوكولا ،، بالمكسرات ،، أنتِ و ذوقك ،، أنتِ و إمكانياتك

و خرجت بعد تجربة العدييييييييييييييد من الوصفات بوصفة روووووووووووعة ،، يجي خفييييييف و طري و اقتصادي جدا جدا جدا

أنا هنا ما درتلوش أي مكسرات ،، بصح تبقى هاذي حاجة اختيارية

زيديلو واش تحبي

أنا نعطيك الوصفة الرئيسية و أنتِ أبدعي

و اسمحولي اليوم جبتلكم غير الصورة النهائية ،، لآخرة مرة درتو كي عرضت صحاباتي للقهوة (( على فكرة هوما طلبوه

))
بصح نوعدكم ان شاء الله غير نعاودو نجيبلكم كااامل الطريقة بالتفصيل ،،

و عموما حتى بلا صور نظن رايحين تفهموني لأنها ماشي حاجة صعييبة

يلاااا نبداو بسم الله

المقادير :

250- غ مارغرين (( الأفضل إيليو أو فلوريال ))
- 2 حبات بيض كاملين
- 1 خميرة كيميائية
- 10 ملاعق كبار سكر عادي (( ألي تحب يجيها مقرمش أكثر و حلو أكثر تدير 12 ملعقة ،، أنا مانحبوش بزااف حلو ندير 8 ))
- 3 ملاعق كبار كاكاو أو علبة شوكولاطة أومباسادوغ مذوبة في حمام مائي دون اي إضافات
- قطع شوكولاطة " les pépites " كيما هاذي

اشري تع الميزان خييير ،، تع البوايط مافيهاش بزااف و غالية .

- 160 غ فرينة ،، إذا احتجتِ أكثر زيدي ،، بصح ماتديريهاش يابسة

غير قيس ما تتلم ،، تجي طرييييية ،، كوريها بين يديك اذا مالصقتش في يديك معناها راهي واجدة

بالاكي تيبسييها

التحضير :

خلطي المارغرين مليييح زيديلها السكر و خلطي حتى تولي كريمية ،، زيدي البيض و خلطي ،، الكاكاو ،، les pépites ،،فرينة + خميرة كيميائية

العجينة طرية ،، كورناها في يدينا ،، لقيناها ماتلصقش

نجيبو سنيوة ،، نرشوها بالفرينة ،، نبداو نخدمو في حبات ال****ز

ألي عندها الملعقة الي يرفدو بيها لاكرام ،، هاذي :

تخدم بيها ،، باش يخرجو كامل الحبات كيف كيف ،، الي ماعندهاش كيما انا

تخدم بيديها الشابين ^^ و تشكل على ذوقها

دوائر ،، مستطيلات ،، شبه منحرف ،، متوازي الأضلاع هههههه واحدة كبيرة ،، واحدة صغيرة ،، ياخي تشربي بيهم قهوة ماشي للعرس

المهم ،، حطيهم فالسنيوة ،، حطيلهم حبيبات شوكولا من فوق الله الله

و دخليهم للفرن الي تكوني سخنتيه ديجا 180 درجة ،، لمدة ربع ساعة تقريبا - 20 دقيقة كحد أقصى

بعد 10 دقائق بداي تعسيهم ،، توشيهم بيدك ،، كي تلقابهم شدو رواحتيهم نحيهم

ماتستغربيش كي تلقايهم فالأول طرايا شوية ،، نوووغمال ،، كي يبرد الكــوكــيز باش يجي مقرمش

خليه يبرد ،، سخني حليباااااا ،، زيديلها شوية شووكووولا تع الحليب ،، و غمسي فيها ال****ز و هااامي بنتي هههههههه

و ادعيلي

اتنساينيش

صدقوني الطعم خياااالي

تشهيت

أسرار فشل الوصفة :

- تكثري السكر ،، تجيك بزاااااف يابسة ،، تلصق فالسنيوة ،، و تهبط ،، ماتجيش مليحة لا شكلا و لا طعما .

- تكثري الفرينة حتى تيبس العجينة ،، مايجيش طعمها مليييح ،، و تجي يااابسة .

- تخليها تطيب بزاااف تتحرق طبعا ^^ (( زعما هاذي ماتعرفوهاش

)) ،، بصح الكوكـــيز بالذات مالازمش يطيب اكثر من حقو و إلاّ يخسر كااامل .

فرحوني و جربوه والله العظيم ما تندموووو

خصوصا اذا عندكم أطفال ،، يولو يطلبوه كل يوم

الحب و الوفاء · 2013-10-30, 18:22

بارك الله فيك على الوصفات و خصوصا ال****ز انا تاني نشتيه بزاف ربي يجازيك كل خير

ضفاف الإبداع · 2013-10-30, 19:39

ال****ز الوصفة التي أريدها وبحثت عنها كثيرا

شكرا جزيلا ربما لي بعض الأسئلة كي نكون راح نديرو نحطهم مسبقا وان شاء الله نلقاك هنا

بوركتي

في ميزان حسناتك أختي نور

عماني نور · 2013-10-30, 19:41

و يجازيك الخير حبيبتي ،، مشكورة على مرورك

عماني نور · 2013-10-30, 19:46

اقتباس:

المشاركة الأصلية كتبت بواسطة ضفاف الإبداع

ال****ز الوصفة التي أريدها وبحثت عنها كثيرا

شكرا جزيلا ربما لي بعض الأسئلة كي نكون راح نديرو نحطهم مسبقا وان شاء الله نلقاك هنا

بوركتي

في ميزان حسناتك أختي نور

و فيكِ بوركَ أختي ~

راني فالخدمة ،، أؤمري

تغرينية · 2013-10-30, 20:34

بارك الله فيك

عماني نور · 2013-10-30, 23:02

و فيكِ باركَ

مشكورة على المرور ~

om rahma · 2013-10-31, 00:30

ya3tik saha

عماني نور · 2013-10-31, 00:47

يسلمك أختي أم رحمة ،، مشكورة على المرور

Meriemchawiya · 2013-10-31, 02:38

تهبلي انتي ووصفاتك راني درت صفحتك في المفظلة انتاعي باه كل عشية كي نروح نضرب طلة شكرا حنونة على الوصفات اكيد نجربهم و راكي شاااااااااااااااااااااف الله يبارك

dawiatag · 2013-10-31, 04:23

Barak allahou fik ana mina moubtadiaat wesaraha rani manehich 3iniya mlinternet nhawes ghir ala kach recette parceque rajeli yhab bezaf les gateaux encore une fois jazaki allahou alf khir

ام ريم · 2013-10-31, 04:45

شكرا على الوصفة في انتظار المزيد

om loujayne · 2013-10-31, 06:30

بإختصار......بارك الله فيك..... ربي يدوم عليك نعمة الصحة و العافية