~طلب بسيط حول الصيدلة ~ - الصفحة 3

باربي الأصيلة · 2013-08-20, 15:25

السلام عليكم و رحمة الله ،،

بالنسبة لتقسيم وقت الدراسة و المراجعة انا كل مرة نرتب جدول على حساب الأولويات و الضغط لي عليا يعني مش ثابتة على شيء لكن غالبا نتبع هذا الجدول ::

احنا عادة نكملو على 4.30 يعني تروحي تتوضاي تصلي و تشربي حليب و تريحي شوي يعني حتى جوايه 6 يأذن المغرب في الشتاء تصليه و تتوكلي على ربي و تبدا
تقراي les cours تاع اليوم و تناقشي مع روحك واش مافهمتيش تسجلي الأسئلة في كراس باش تمديهم للأستاذ المرة الجاية
اذا كان عندك غدوة les tds طيري طلة خفيفة على le cours تاع الموديل هذاك و ابداي حلي td لاخاطر كيما تحليه قبل كيما تكون فايدة ليك و يقعد في راسك و تتعودي على الحل و الاجابة مام لوكان ماعرفتيش الحل المهم تحاولي و تقرايه و تكون عندك فكرررة

الحفاظة شوفي طريقة رائعة في الحفظ تقراي ال poly تاعك تشرحي الكلمات لي مافهمتيهمش مش شرط تشرحيه كلمة كلمة المهم تكون فاهماتو و خاصة المصطلحات les mots clés تقرايه مليح ملليح و تسطري على العناوين المهمة و شحال مرة و نتي تقراي فيه و تشرحيه لروحك و هكا من بعد حاولي تديري في الحفيظة 1ere chouche و لكان قدرتي تنوضي الصباح تصلي الصبح و تزيدي تعاوديها تلقاي روحك بإذن الله هزيتيها .. يعني من 6 حتى جوايه 23 تاع الليل
تتساءلي وينو وقت العشاء هههه كيما قلت ل FLORA نتعشاو دايما بعد 12 تاع الليل سواء طيبي ولا تروحي تجيبي من réstau ماكلة في بورت مونجي و خليها من بعد
مانحبش كي نعود نقرا نقطع الريتم تاع القراية
و كيما تعودي تقراي ماتحرميش روحك من 5 دقايق راحة نوضي تحركي شوي دوري نشطي الدورة الدموية اشربي الماء بزاف قلت 5 دقايق برك انا مرات ننسى روحي نقلبها ساعة هههه

مرات من الضغط نرقد بالpoly كيما تجي رايحة ترقدي بعدما تقولي الأذكار و كامل اقعدي حاولي تذكري واش حفظتي ولا هزي ال poly قدامك و عاودي فيها مرتين ولا و ارقدي ..

عادة احنا نرقدو على 00.30 حتى لل1.00 و نوضو على 6 كيما تنوضي صلي و اقراي قرآنك من بعد ديري الحليب يطيب اهم شيء الفطور باش تقدري تقاومي التعب و احفظي شوي من الpoly تاع البارح حتى تلقاي روحك هضمتيها و ماتتعبيش من بعد

هي تعاني من قلة النوم شوي خصوصا لي مش موالفين السهر كيما حالتي انا لكن مع الوقت والفت و اضطريت نسهر لكن من بعد في les cntrls كلش يجيك ساهل بإذن الله

و عندك weekend تريحي شوي و تقراي شوي لما تضغطي روحك طول الأسبوع الدراسي في weekend تريحي شوي

و الله ولي التوفيق ..

باربي الأصيلة · 2013-08-20, 15:28

السلام عليكم و رحمة الله ،،

الأخ hiphopman هو جديد غير كيما برك لكن مع الوقت نحط فيه كل ماعندي ان شاء الله

https://phbat.forumactif.org/

باربي الأصيلة · 2013-08-20, 15:32

اقتباس:

ههههه ياخااه اسكتي برككك خايفة لا نكوون انا المضحكة ماناش موالفين هكااا طول في فسديس ، عليك برك تفوتي عند الطبيبة و اكيد ديري لاشان ممبعد تهزي لكوات تاع الكوشاج و تروححي لا شومبر تلقايها كاااملة من كلشي سرير beaucoup حطة من الجدد المزخرفين ههههه راني نتحسر اسكتي برررركك
و تلقاي طابلة و كرسي جداد ثاني و خزانة الحيط placard
اذا لا قدر الله مقدرت نخطف واالو نقدر نطلب من ls agents ولا طفرتت فياااا
نقدرو نهزو اكثر من زوج طاااولات ااذا كنااا 2 في الغرفة ؟
عجبتني l'idée تاع الدااالة ،
المشكل ضركك انا لازم نسجل في سبتمبر لاشومبر و معندي حتى واحدة ندير معاها ، صااحبتي الي حابة ندير معاها لاشومبر تقرا بيولوجي و قاااتلي حتى كي نررجعو نقرا راح دير transfert للاخوة اوجرة عندها معريفة بصح قالولها نديروك وين مااا لقينا فراغ يعني احتمال كبير يزيدوها مع بنات متعرفهمش
نقدرو نبدلو مع بعض في غرفة وحدنا ؟

و الله احنا ثاني كي شفناكم واش يمدولكم تحسرنا
الكوشارج تاعنا ديريه يا اما على الأرض راكي شفتي برد باتنة يا اما تحت سريرك ويلا عاد مطرطق هههه باش مايتوجعوش عظامك لوول ولا في الصيف كيما يتعدل الجو تفرشيه البرا و تقعدي تحفظي

تقدري تروحي les agents تجيبي من المخزن زعما يجي يشوف معاك ويلا صح ماعندكش ولا غير هكاك
أكيد اذا زوج كل وحدة طابلتها

تقدرو تبدلو مع بعض بالصح شرط تحوسي على غرف فارغين بعد مايسجلو يبقاو بلايص فارغين تاع les intrnes لي كملو تريزارفيها و تروحي تقوليلهم برك

Flora Gucci · 2013-08-20, 15:38

اقتباس:

المشاركة الأصلية كتبت بواسطة باربي الأصيلة

و الله احنا ثاني كي شفناكم واش يمدولكم تحسرنا
الكوشارج تاعنا ديريه يا اما على الأرض راكي شفتي برد باتنة يا اما تحت سريرك ويلا عاد مطرطق هههه باش مايتوجعوش عظامك لوول ولا في الصيف كيما يتعدل الجو تفرشيه البرا و تقعدي تحفظي

تقدري تروحي les agents تجيبي من المخزن زعما يجي يشوف معاك ويلا صح ماعندكش ولا غير هكاك
أكيد اذا زوج كل وحدة طابلتها

تقدرو تبدلو مع بعض بالصح شرط تحوسي على غرف فارغين بعد مايسجلو يبقاو بلايص فارغين تاع les intrnes لي كملو تريزارفيها و تروحي تقوليلهم برك

فرحتيني ، ان شااااء الله برككك نلقاااو شومبرا فارغة
ربي يهنيك اختي ، وعيتيني على بزااف حوااايج هههه نحسب فيه العالم الوردي تاع فيسديس

باارك الله فيك ، ربي يحققلك طموحك و يبلغك اعلى المراتب في الصيدلة

كاااش ما تفكرت رااني نجي نسمط عليككك شوية بالاسئلة ههه
شكراااااا
دمت معطااءة يا رب
في ميزان حسناتك ان شاء الله

باربي الأصيلة · 2013-08-20, 15:43

اقتباس:

فرحتيني ، ان شااااء الله برككك نلقاااو شومبرا فارغة
ربي يهنيك اختي ، وعيتيني على بزااف حوااايج هههه نحسب فيه العالم الوردي تاع فيسديس
باارك الله فيك ، ربي يحققلك طموحك و يبلغك اعلى المراتب في الصيدلة
كاااش ما تفكرت رااني نجي نسمط عليككك شوية بالاسئلة ههه
شكراااااا
دمت معطااءة يا رب
في ميزان حسناتك ان شاء الله

اللهم آمين و فيكي بارك الله ربي يوفقنا وياك ان شاء الله ،،

تفضلي أنا هنا في كل وقت ان شاء الله أحب لأخيك ماتحب لنفسك ، كيما نحب الخير لنفسي نحبو ليكم كامل
و قلقيني كيما تحبي ههه

وفقك الله

hiphopman · 2013-08-20, 15:55

اقتباس:

المشاركة الأصلية كتبت بواسطة باربي الأصيلة

السلام عليكم و رحمة الله ،،

الأخ hiphopman هو جديد غير كيما برك لكن مع الوقت نحط فيه كل ماعندي ان شاء الله

https://phbat.forumactif.org/

assalam 3alaykom baraka allaho fiki w machaa allah partagiti temps nta3ak trés trés bien tasthalli tkouni lawla f lpromo merci

bouchra2013 · 2013-08-20, 15:55

اقتباس:

المشاركة الأصلية كتبت بواسطة باربي الأصيلة

السلام عليكم و رحمة الله ،،

بالنسبة لتقسيم وقت الدراسة و المراجعة انا كل مرة نرتب جدول على حساب الأولويات و الضغط لي عليا يعني مش ثابتة على شيء لكن غالبا نتبع هذا الجدول ::

احنا عادة نكملو على 4.30 يعني تروحي تتوضاي تصلي و تشربي حليب و تريحي شوي يعني حتى جوايه 6 يأذن المغرب في الشتاء تصليه و تتوكلي على ربي و تبدا
تقراي les cours تاع اليوم و تناقشي مع روحك واش مافهمتيش تسجلي الأسئلة في كراس باش تمديهم للأستاذ المرة الجاية
اذا كان عندك غدوة les tds طيري طلة خفيفة على le cours تاع الموديل هذاك و ابداي حلي td لاخاطر كيما تحليه قبل كيما تكون فايدة ليك و يقعد في راسك و تتعودي على الحل و الاجابة مام لوكان ماعرفتيش الحل المهم تحاولي و تقرايه و تكون عندك فكرررة

الحفاظة شوفي طريقة رائعة في الحفظ تقراي ال poly تاعك تشرحي الكلمات لي مافهمتيهمش مش شرط تشرحيه كلمة كلمة المهم تكون فاهماتو و خاصة المصطلحات les mots clés تقرايه مليح ملليح و تسطري على العناوين المهمة و شحال مرة و نتي تقراي فيه و تشرحيه لروحك و هكا من بعد حاولي تديري في الحفيظة 1ere chouche و لكان قدرتي تنوضي الصباح تصلي الصبح و تزيدي تعاوديها تلقاي روحك بإذن الله هزيتيها .. يعني من 6 حتى جوايه 23 تاع الليل
تتساءلي وينو وقت العشاء هههه كيما قلت ل FLORA نتعشاو دايما بعد 12 تاع الليل سواء طيبي ولا تروحي تجيبي من réstau ماكلة في بورت مونجي و خليها من بعد
مانحبش كي نعود نقرا نقطع الريتم تاع القراية
و كيما تعودي تقراي ماتحرميش روحك من 5 دقايق راحة نوضي تحركي شوي دوري نشطي الدورة الدموية اشربي الماء بزاف قلت 5 دقايق برك انا مرات ننسى روحي نقلبها ساعة هههه

مرات من الضغط نرقد بالpoly كيما تجي رايحة ترقدي بعدما تقولي الأذكار و كامل اقعدي حاولي تذكري واش حفظتي ولا هزي ال poly قدامك و عاودي فيها مرتين ولا و ارقدي ..

عادة احنا نرقدو على 00.30 حتى لل1.00 و نوضو على 6 كيما تنوضي صلي و اقراي قرآنك من بعد ديري الحليب يطيب اهم شيء الفطور باش تقدري تقاومي التعب و احفظي شوي من الpoly تاع البارح حتى تلقاي روحك هضمتيها و ماتتعبيش من بعد

هي تعاني من قلة النوم شوي خصوصا لي مش موالفين السهر كيما حالتي انا لكن مع الوقت والفت و اضطريت نسهر لكن من بعد في les cntrls كلش يجيك ساهل بإذن الله

و عندك weekend تريحي شوي و تقراي شوي لما تضغطي روحك طول الأسبوع الدراسي في weekend تريحي شوي

و الله ولي التوفيق ..

شكراااااااا لك اختي و جزاك الله كل خير ............قليلي ما هي المراجع التي نعتمد عليها باه نتعلم بعض المصطلحات الاساسية!!!!!!!!!!!!!!!

باربي الأصيلة · 2013-08-20, 16:03

السلام عليكم و رحمة الله ،،

أنا من الأوائل و الحمد لله لكن مازال ماوصلتش للmajor de promo ربي يوفقني و اياكم ليها ان شاء الله ..

أختي بشرى المصطلحات الأساسية تهزيها من les polys تاوعك ويلا عندك dictionnaire المنهل فيه شرح لكل المصطلحات تشرحيهم و تهزيهم يعني بالممارسة تهزي المصطلحات بإذن الله ..

zahra viva · 2013-08-20, 16:07

اقتباس:

المشاركة الأصلية كتبت بواسطة باربي الأصيلة

السلام عليكم و رحم الله ،،

أكيد لازم يكون أستاذ مشرف على البحث و هو يوجهك و تقدري حتى تطلبي منو les thèmes و هو يعاونك فيهم
و يعطيك المصادر لي تقدري تجيبي منهم أو يعطيك التفاصيل و نتي تتوسعي بجهدك و بحثك ^^

بارك الله فيك
................تحياتي.................

راية الاسلام1 · 2013-08-20, 19:42

السلاام عليكم

حسب ماكتبته الاخت باربي الاصيلة أرى ان دراسة الصيدلة في باتنة وفي قسنطينة مختلفة بعض الشيء

حيث ان دروسكم فيها تعمق كبير

حنا lé major de promon كانوا يبعتوهم للصين ... صراحة واحد ماحاب يروح

ومؤخرا ولاو مايبعتوش

أنا نعطيكم نصيحة فقط إخوتي ... كونوا أنفسكم قدر المستطاع وركزوا على المواد التي تخدل خاااصة في residanat

وماتعبوش روحكم بزااااف .... يعني اقراو بدكاء

واي سؤال كلنا في الخدمة

اسامة دحماني · 2013-08-20, 21:09

اقتباس:

المشاركة الأصلية كتبت بواسطة راية الاسلام1

السلاام عليكم

حسب ماكتبته الاخت باربي الاصيلة أرى ان دراسة الصيدلة في باتنة وفي قسنطينة مختلفة بعض الشيء

حيث ان دروسكم فيها تعمق كبير

حنا lé major de promon كانوا يبعتوهم للصين ... صراحة واحد ماحاب يروح

ومؤخرا ولاو مايبعتوش

أنا نعطيكم نصيحة فقط إخوتي ... كونوا أنفسكم قدر المستطاع وركزوا على المواد التي تخدل خاااصة في residanat

وماتعبوش روحكم بزااااف .... يعني اقراو بدكاء

واي سؤال كلنا في الخدمة

هل é major de promonl كيما الاخرين او عندهم حظوظ اكبر وهل هم 10 اوائل ام 3 اوائل
وقالولي residanat صعيب بزاف قليل لينجحو فيه وشكرراااااااااااااا

راية الاسلام1 · 2013-08-20, 22:58

اقتباس:

المشاركة الأصلية كتبت بواسطة اسامة دحماني

هل é major de promonl كيما الاخرين او عندهم حظوظ اكبر وهل هم 10 اوائل ام 3 اوائل
وقالولي residanat صعيب بزاف قليل لينجحو فيه وشكرراااااااااااااا

السلام عليكم

في البداية كانوا يهزو ال3 الأوائل .. نعرف وحدة مازالت لدرك فلاشين...

ومبعد نحاوها خلاااص ... أظنها أصبح تعطى لاساتدة الجامعة

مانكدبش عليك ياأخي الحظ قليل جدا خااصة مع أصحاب المعارف

وresidanat ينجحو فيها قليل صح .... مثلا العام الماضي حلو 33 post في قسنطينة 13 منهم فقط داخل الولاية والمترشحون كثر

اتمنى أن اكون افدتك

bouchra2013 · 2013-08-20, 23:34

اريد معلومات عن residanat و ماهي شروطه!!!!!!!!!!!!!!!!!!!!!![ و شكرااااااااااا لكم مسبقاااا

الحمامة المتفائلة · 2013-08-21, 10:23

شكرا لكل من اعطانا معلومات في هده الصفحة
بالخصوص الاخت باربي الاصيلة
اجدد شكري لك يا اخيتي على المواقع والدروس

hiphopman · 2013-08-21, 11:22

للاخت باربي الاصيلة
assalam 3alaykom a ce que chimie minérale style nta3ha kima chimie organique stp a3tina plus des détailles 3la hadh module et stp fan 3la chimie analytique w assamhili 3la les questions 3ayinak m3ana jazaki allao kolla khayr merci