Bac 2013 ... اسهل مما كنت اظن ولكن لما الخوف الان

[ضابط كبير]

المشاركة الأصلية كتبت بواسطة مسيردى

صاحبي ردك غامض لدرجة غير متوقعة
انا راهم معايا ناس داو الباك ب 15 مايعرفوش يكاملوا و مايعرفوش يشتقواا
تجي انت حاسبها لعبة
شطارتك خليها عندك لو كان ريفيزيت تاع صح ماراكش تشكي

انا راني بديت ريفيزي من صيف يا فاهمة و تواريخ قع حفظتهم و مبعد جيك عمك بابا حمد يلغيهم الله ينعلها منظومة

[مسيردى]

كنت تضرب حسابك شكون قالك ريفيزي من الصيف هذا يتسمى هبال قاع فوتنا الباك و راجعناله من شهر اكتوبر و لحقنا عادي
و ربحنا و الحمد لله ماراهيش القضية في الكيفية انما في الكمية

[si.si810]

بصح اسمحيلي اختي انتي كيفاه قدرتي تعرفي سهولته من صعوبته وانت اصلا مازال متعرفيش الاسية من اللوغارتمية في الرياضيات والتحولات النووية والاسترة فالفزياء وفالفلسفة متعرفوهاش خلاص والانزيمات و البروتينات و الانظمة الضوئية في العلوم وووووووو ...................... راني قلت غير حاجة ولا حاجتين ...................و للحديث شجون

[ضابط كبير]

المشاركة الأصلية كتبت بواسطة مسيردى

كنت تضرب حسابك شكون قالك ريفيزي من الصيف هذا يتسمى هبال قاع فوتنا الباك و راجعناله من شهر اكتوبر و لحقنا عادي
و ربحنا و الحمد لله ماراهيش القضية في الكيفية انما في الكمية

غروني جماعة هدا المنتدى وقالولي لازم تبدى مواد ادبية في صيف

[سيريناد]

أختي لقد قرأت الموضوع مع تعليقات الأعضاء و انا أيضا 2 ثانوي
و حقا لقد رأيت مواضيع باكالوريا 2013 فقد كانت العربية في المتناول هي و الفرنسية و الانجليزية و حتى الشريعة
أما المواد الاخرى فلا يمكننا أن نحكم عليها و دلك لأننا لم نتطرق للدروس التي حدثوكي عنها الاعضاء الدين سبقوني
و أيضا اختي التوتر يلعب دور كبير لأن الأمر جد يختلف في أنك ترى الموضوع في المنزل و مرتاح و أنك تراه في قاعة الامتحان
و أنت خائف الأمر جدا يختلف
و أيضا أود ان أقدم لكي ملاحظة و هي أن الطلاب الان في حالة ارهاق و تعب شديد و أيضا خوف فلا تزيديهاا عليهم ارجوكي
و ربي يوفقنا احنا العام المقبل و أنا الحمد لله تلميدة من بين احسن التلاميد في قسمي و لا أود أن أقدم نقدا حول هده الباكالوريا لأنها لا تعنيني و أيضا أنا لم اخضها لدلك أختي قللي انفعالك عليهم

اختكم في الله

[Remàn]

المواضيع كلها في المستوى والحمدلله لكن يبقى الخوف والتوتر من النتيجة والله يوفقنا دعواتكم لينا

[Remàn]

المشاركة الأصلية كتبت بواسطة سيريناد

أختي لقد قرأت الموضوع مع تعليقات الأعضاء و انا أيضا 2 ثانوي
و حقا لقد رأيت مواضيع باكالوريا 2013 فقد كانت العربية في المتناول هي و الفرنسية و الانجليزية و حتى الشريعة
أما المواد الاخرى فلا يمكننا أن نحكم عليها و دلك لأننا لم نتطرق للدروس التي حدثوكي عنها الاعضاء الدين سبقوني
و أيضا اختي التوتر يلعب دور كبير لأن الأمر جد يختلف في أنك ترى الموضوع في المنزل و مرتاح و أنك تراه في قاعة الامتحان
و أنت خائف الأمر جدا يختلف
و أيضا أود ان أقدم لكي ملاحظة و هي أن الطلاب الان في حالة ارهاق و تعب شديد و أيضا خوف فلا تزيديهاا عليهم ارجوكي
و ربي يوفقنا احنا العام المقبل و أنا الحمد لله تلميدة من بين احسن التلاميد في قسمي و لا أود أن أقدم نقدا حول هده الباكالوريا لأنها لا تعنيني و أيضا أنا لم اخضها لدلك أختي قللي انفعالك عليهم

اختكم في الله

بارك الله فيك اختي اعجبني كلامك المواد الادبية كانت كلها في المستوى حتى المواد العلمية والحمدلله ان شاء الله نكون خدمت و انا في انتظار النتيجة دعواتكم لي

[مرام الجزائرية الحرة]

المشاركة الأصلية كتبت بواسطة hinddd

حسب رايي الشخصي ... الي خدم و تعب ينال مهما يكون الوضع صعبا ... و اللي ما يخدمش ما يلوم الا نفسه و الحق نتمنالكم الكل النجاح ان شاء الله

العام الجاي نشالله كي تجوزي البكالوريا وتشوفي بعينيك الجو نتاعها وتحسي بلي راكي الامل نتاع والديك وعايلتك كامل تستنى فيك ودايرة فيك الثقة باش تفرحيها قوليلي اذا كتافك يقدروا يحملوا كامل هذا وزيد التعب نتاع العام طول تحسيه هاذيك السمانة راني مازالني في المنتدى نسناك تردي الخبر العام الجاي لاكنا مازالنا من الحيين على كل حال
كي جاتك كل حاجة ساهلة طلعينا تصحيحك ختي
على كل حال اسمحيلي اذا طولت عليك ولا حتى قلقتك بكلامي مي الجمرة توجع غير لي عفسها

نشالله تكوني من المتفوقات العام الجاي وحنا ربي ينجحنا نشالله هذا العام كااامل يارب

[iman14]

pffffffffffffffff fihom rir hadera lwahed rah medamer w yezidouna bel hadera ta3hom li rah y9ol sahel khalih rir howa ye7alah bzff makahsenach li ya3tina rayou w yetfelsef 3lina ya khai hala lwahed waseltlou l fou9 w yezidou homa tani mekach ga3 li yelha f roho rir li yhebe yedakhel roho f hewayej mahoche lih la vie de merde

[hinddd]

المشاركة الأصلية كتبت بواسطة مرام الجزائرية الحرة

العام الجاي نشالله كي تجوزي البكالوريا وتشوفي بعينيك الجو نتاعها وتحسي بلي راكي الامل نتاع والديك وعايلتك كامل تستنى فيك ودايرة فيك الثقة باش تفرحيها قوليلي اذا كتافك يقدروا يحملوا كامل هذا وزيد التعب نتاع العام طول تحسيه هاذيك السمانة راني مازالني في المنتدى نسناك تردي الخبر العام الجاي لاكنا مازالنا من الحيين على كل حال
كي جاتك كل حاجة ساهلة طلعينا تصحيحك ختي
على كل حال اسمحيلي اذا طولت عليك ولا حتى قلقتك بكلامي مي الجمرة توجع غير لي عفسها

نشالله تكوني من المتفوقات العام الجاي وحنا ربي ينجحنا نشالله هذا العام كااامل يارب

اختي احترم ردك وكل الزملاء ... موضوعي لا يعني اني ما راني نشوف والو ولا ما رانيش حاسة بيكم و التجربة صحيح انا لم اعشها بعد ... لكن التوتر السائد في نفسية المترشحين بعد اجتيازهم للامتحان ليس من الاسئلة ابدا... بل هو الخوف من النتائج ... وانا تقريبا تخطيت معاكم كل مرحلة في هذه السنة لاني قريت من الجهتين وتعبت ... و كنت نترقب جميع المواضيع و جميع المواد و كيفية التصرف معها ... وكذلك لدي اصدقاء مقربون لي من السنة3 عندهم لباك معاكم من كثرة لقاءاتي معهم كاني درست معهم البكلوريا لكني لحد الان اقولها انا لم اعش بعد لحظتي ... و شكراا على المرور لاني وضعت هذا الموضوع ليس بغرض التفاخر ابداا بل لانني رايت حالتكم ميؤوس منها ... وشكرا مرة اخرى.

[سجودي لرب العالمين]

nchallah ya khti ki jak hada lbac sahl w fi moutanawl el jami3 l3am ljay tet7ati fi nafs maw9fna w tkouni Lmoral KIMA MORALNA DORKA w tjik wa7da men 1eme w t9oulek wach 9oltilna tema ta3erfi 9imt hadrtek w wach zadet 3lina ana wa7da wlh Damartini b wach 9olti rabi yahdina

[hinddd]

المشاركة الأصلية كتبت بواسطة anouàre bechir

طلاب البكالوريا الان في وضح جد حساس فهم مرهقين و محبطين بعد جد عام كامل و ليس من حقك قول هذا بما أنك لست طالبة باكالوريا و لم تطلعي على
المقرر لذا فغرورك هذا لا داعي له
بالتوفيق للجميع إن شاء الله

اسف اخي ليس غرور و ليس تلاعب بنفسية التلاميذ هذا موضوع كتبتو باش نشوف كل واحد ورايو مي انا شفت اراء فنية و احترافية و و و و و ... لكن انا مارانيش حابة نزيد عليكم .. حبيت نشوف المشكل و راني لقيتو ...

[مسيردى]

المشاركة الأصلية كتبت بواسطة ضابط كبير

غروني جماعة هدا المنتدى وقالولي لازم تبدى مواد ادبية في صيف

السلام عليكم
هاذي هي الخدمة العيانة تبعوا كلام الناس و كي يجي موعد الباك تحسوا باعياء بدني و معنوي

[الوسيلة]

المشاركة الأصلية كتبت بواسطة flora gucci

و فيك بارك الله اختي ، ان شاء الله تجيبي الامتياز و متسحقيش تعاوديه ،
انا في 2011 ماقريتش مليح جبت 15.00 درت بيولوجي و عاودت 2012 قريتلو شويا مي التوتر و مركز اجراء الامتحان كان بعيد شويا اثرو عليا جبت 15.40 و درت صيدلة و العام هذا ان شاء المولى نسجل طب ، علاجااال لاميدسين الي عاودت
الاسترة و الله صعيب با تشرحيهالي عن طريق الانترنت ، واعر الشي ، بصح الحمد لله حلفت فيها ورا ما فوتنا الاجتماعيات ، صاحبتي كانت قراتها مليح في ليكور ايا فهمتلي تسمية المركبات و الباقي كامل جاني ساهل حتّى كي ولينا نحلو في االتمارين وليت انا الي نشرحلهم ، ههه ، الحمد لله حمدا كثيرا طيبا ، و شكرا اخيتي جزاك الله خيرا على العطاء
عن الموضوع الاول هو ما اخترته ، هربت من تمرين الزمر الدموية و الفاجعة الكبرى "الوراثة" !! لكن الموضوع الاول كان اصعب خصوصا التمرين الاول ، تخلطولي الكوابل في راسي ملقيتش كيفاه نخرج منّو ،،
ربي ما فيه غير الخير ،

ان شاء الله نتلاقاو في قسم العلوم الطبية ، الموسم المقبل بإذن المولــى

وفّقـكِ الله الى بلــــــوغ الامتــياز

انْ شـآْ الله أختي

امممـ ارآدَة قويّة ...ربي يبَـآركـ فيكـ ...مَـآشـآء الله ..
ان شَـآْ الله ربي يعْطيكـ وش تتمنّـآي هذآ العَـآم ..والله نتمنَـآهَـآلكـ منْ قلْبي ..

ايهْ التمْرين اللّول هو اللي يدّي الوَقْت ...من السّؤآل اللول تقَلّقت "حلل التجْربة ونتـآئجهَـآ " ...عُدت ندير في تعْبير كتَـآبي ...تمَـآمًـآ كيمـآ كـآنو يعْطونَـآ صُورة في الابتدآئي ويقُولونَـآ "عبّــــــــــــر" ههههه

والأسْئلة قَـآبلَة للتأويل والله ...بقيتْ غير نطلّع ونهبّط...حتّى لقيتْ روحي درت كَـآرثَة في تقسيم الوقْت ...كمّلت التمَـآرين لخْرين في ظرْف قيـآسي جدآ جدآ جدآ ...الله يُسْتر ..

شُكْـــــــــــــرآ وَسيلَة...ربي يخليكـ خْتي..
مُوفقة ..
سَلآآم

[bella12]

الله يهدي و فرات لعبد ناقص و يعلم غير ربي بحالتو و زيدو كاملوا عليه