أفضل حل لإعفاء 2010 وأصحاب 30سنة

[hakimarchi]

pour moi je vais les appeler dimanche donc demain
mes amies appeler le journal touse demain si possible
الاتصال بجريدة الخبر ابتدءا من يوم الغد انشاء الله الاحد الى غاية الخميس
واليكن هذا الاسبوع اسبوع النداء.
كل واحد يتصل بالجريدة يخبرنا بالتفصيل ما خدث معه.
موفقين باذن الله.

[salim blida]

المشاركة الأصلية كتبت بواسطة hakimarchi

pour moi je vais les appeler dimanche donc demain
mes amies appeler le journal touse demain si possible
الاتصال بجريدة الخبر ابتدءا من يوم الغد انشاء الله الاحد الى غاية الخميس
واليكن هذا الاسبوع اسبوع النداء.
كل واحد يتصل بالجريدة يخبرنا بالتفصيل ما خدث معه.
موفقين باذن الله.

بارك لله وفيك أخي هدا واش حبيت نقول

[salim blida]

خاوتي حبيت نقللكم بلي راني اتصلت بمقر الجريدة واتصال تمرر على 3جهات وحكيت على المشكل واستقبلوا مكالمة واستمعوا للمشكل والشيئ الي أكدت عليه انو اتصالنا بجريدة الخبر كان على اسا أنها جريدة تحمل معانات الشباب وكان سؤال من شخص الي رد عليا أنو العفو هدا عفو رئاسي وأكدتلوا انو لمشكل هدا راه مشكل وطني وأنو ظروفنا هي مخلتناش نروحوا للخدمة الوطنية وزيد لمشكل انتعنا راه يزييد يتعقد اكثر فأكثر
خاوتي أنا راني عملت اول خطوة ربي يعيشكم كثفوا الإتصالات اليوم حابين نوصلوا صوتنا للمسؤولين
لازم حل منبقاوش في هدي الوضعية

[salim blida]

خاوتي نوصيكم الي يتصل بجريدة الخبر يحط مشاركة باش نعرفوا عدد الي اتصلوا وبارك لله وفيكم ومدابيكم تحطونا الحوار الي صرا معاكم مع عمال جريدة الخبر بتفصيل
خاوتي ولله راني حاس بلي نقدروا نديروا حاجة ونوصلوا صوتنا للمسؤولين كثروا الإتصال ليوم وغدوة وكل الأسبوع حنا عندنا قضية والقضية انتعنا نطالبوا بها راني عارف وسائل الإعلام راهي تأثر في المسؤولين وخصوصا جريدة الخبر الي نعتبروها جريدة شريفة ونزيهة مقارنة مع جرائد.....وبارك لله وفيكم

[salim blida]

خاوتي مدابيكم تتصلوا على هدي الأرقام باش ميكونش تبعثر حتى الي يحب يساندنا مرهش في لوضعية انتعنا لازم يعاونا سوا دكور ولا بنات حتى لبنات عندهم غيرة على الناس المظلومين وحنا رانا مظلومين اتخيلوا خاوتي العفو على المساجين الي قتلوا الأبرياء والعفو على سرقوا البلاد والعفو على ....احنا ما سرقنا وما اقتلنا واحنا ما طلبنا والو ومادرنا والو برك يسونا الوضعية انتعنا باش نديروا مسابقات التوظيف ونلقاو منصب عمل كما كامل الناس
خاوتي هدو ارقام جريدة الخبر خاصة بالتحرير
021.48.44.37
021.48.44.36
021.48.44.39
021.48.44.38
لازم نكثفوا كامل الإتصال
جماعة الهدف نتعنا من اتصال يحطونا مقال في صفحة الأولى تبين المعاناة انتعنا في تسوية وضعيتنا نحن شباب خريجي 2010واصحاب 30سنة
المطلب نتعنا الأول والأخير هو العفو
خاوتي اجتمعنا على كلمة وحدة وهي لا رجوع للوراء نتكلوا على ربي

[salim blida]

خاوتي فيه مقال لجريدة الشروق امبعد نطلعوا تكلموا على لوضعية انتعنا

[salim blida]

اتفضلو خاوتي شوفوا مقال الشروق حول مناشدة الشبان رئيس الجمهورية لتسوية وضعيتهم المقال كان في تاريخ27/11/2012
هذا هو رابط

[salim blida]

جماعة مكانش الي اتصل مدبيكم الي اتصل يدير مشاركة باش نشوفوا

[djzinedine]

السلام عليكم
اخواني لنتصل ب نفس الصحيفي الدي نشر المقال لاننا سنجده متفهما لمشكلنا ولنشجعه على نشر مقالات تتحدث عن وضعنا
اسم الصحفي هو ابراهيم,ص

[bilel0522]

مقال واحد لا يغن و لا يسمن من جوع يجب أن تخصص الصفحة الأولى و كذا عدة صفحات داخل الجريدة للموضوع

[abdoub1]

اني معاكم إن شاء الله

[toufik chellouche]

اختارو يوم للاجتماع احسن وكتابة طلب للرئيس بوتفليقة والصحافة

[amine eco]

لا أظن ان مقال في جريدة يؤثر على رئيس طابو جنانو

[RCR_48]

ولماذا لا تكون رسالتنا عبر الفايس بوك احسن
ثم نوجه رسالة للجرائد
ان شاء الله نحاول ننشر رابط
هذا الضفحة انتاع منتدى في جميع مواقع عسى ولا على نلقى
من يسندنا من خريجي 2010
انا من خريجي سنة 2010 وسالت احد اصدقائي يعمل في بشار نصحني
بعدم ذهاب لان هناك اخبار تصله بانه هناك جديد في ماي بخصوص
اصحاب 2010 الذين لم يوجه لم استدعاء او استدعاء واحد فقط
ان شاء الله فيها خير

[salim blida]

المشاركة الأصلية كتبت بواسطة rcr_48

ولماذا لا تكون رسالتنا عبر الفايس بوك احسن
ثم نوجه رسالة للجرائد
ان شاء الله نحاول ننشر رابط
هذا الضفحة انتاع منتدى في جميع مواقع عسى ولا على نلقى
من يسندنا من خريجي 2010
انا من خريجي سنة 2010 وسالت احد اصدقائي يعمل في بشار نصحني
بعدم ذهاب لان هناك اخبار تصله بانه هناك جديد في ماي بخصوص
اصحاب 2010 الذين لم يوجه لم استدعاء او استدعاء واحد فقط
ان شاء الله فيها خير

خويا شكرا على لمشاركة ديالك مي حبيت نقلك احنا حبينا نديروا أول خطوة برك وقلنا انتصلوا بجريدة الخبر وإدا مكاش استجابة كاين خطوات أخرى ندروها وقلنا لازم نكثفوا اتصال خلال هدا الأسبوع ومن كل الولايات باش يحطونا مقال في لجريدة ورسالة توصل للمسؤولين وحبيت نعطيك معلومة
خريجي 2010 وأصحاب 30سنة وضعية انتعهم تقريب كلهم (عصاة- خروج أمر بالإلتحاق) يعني مطلب انتعنا يكون عفو شامل