ساعدوني في تحضير العدس

[هند11]

ياختي روحي اطباق ام رامي تلقاي عدس تاعها راهو طيب زبدة انا منبدلوش ابدا جيني روعة

[نسيم الإيمان]

ديريلو بكربونات شوي برك قدر نص مغرف صغيرة كي تجي تقفلي على الكوكوطة
و الماء جربي ديري تاع سعيدة

[sandie belle]

كي تجي طيبي العدس, غلي كمية من الماء و في هاد الوقت نقي العدس نتاعك و مبعد صبي عليه الماء المغلي و خليه يتنفخ.
و في هاد الوقت انصبي على المرقة نتاعك عادي : بصل ثوم طماطم حب وملح و توابل و لحم او دجاج و ادا تحبي الحار ديري شوية هريسة و قلي بشوية زيت و مرقي بالماء
نرجعو للعدس كان حبيتي حكيه شوية بين يديك باش يطيرو شوية القشور نتاعو او خليه كيما راه صفيه من الماء و لوحيه في المرقة و اقفلي الكيكوطة حتان يطيب.
كي يطيب ديريلو طماطم علب و قرن فلفل و شوية دبشة او معدنوس و بالصحة و الراحة

[piratack007]

بارك الله فيك

[piratack007]

الله يعطيك العافية

[ccptradingdz]

بارك الله فيك

[البحر الصافي]

شوفي اختي انا طريقتي ساهلة ماهلة وبنينة
كي تنوضي الصباح نقي لعدس نتاعك وحطيه في ماء دافئ وروحي كملي شغلك
منبعد جيبي الكوكوط كرفجي ثلاث سنات ثوم وحبة طماطم و2 ملاعق زيت حبة زرودية مقصة مربعات الزرودية هي لي ما تخليهش يكحال عن تجربة ومغرف ك طماطم مصبرة ومغرف ص راس الحانوت ومغرف ص فلفل احمر ومغرف ص عرق اصفر وملح وقلي الكل صفي لعدس واغسليه ولوحيه ومرقي بماء سخون ونسيت نصف عود قرفة اغسليه ولوحيه حركي الكل واغلقي الكوكوط ونقصيلها راهو ربع ساعة يطيب ويجي مممممممممم راكي تشمي الريحةلبنينة اعرفي راهو طاب وبالصحة والراحة
ادا ما طابلكش راهو الماء ماشو طياب استعملي ماء سعيدة وان شاء الله تجربيه ويعجب راجلك وكل العائلة

[ام اسماء82]

اختي تبعي الوصفة التاعي وماراحش تندمي واذا لقيتي القشور بزاف كي يطيب العدس نحي شوية بالمغرف لي جي متقبة ومكسي العدس بالميكسور مرة اومرتين رابط الوصفة
https://www.djelfa.info/vb/showthread.php?t=1871919

[amanihade85]

إليك أختي طريقتي جربيها ورديلي الخبر
أولا حطي في الكوكوط شوية زيت تقريبا( كاس تاي) حطي اللحم (من الأحسن لحم غنم ) وإذا معندكش مديريش يتقلي مليح ثم ضيفي حبة بصل مسكرفجة أو راس ثوم أو كي يذبلوا زيدي عليهم ملعقة صغيرة لكل من (الفلفل الاسود والأحمر والكمون ) أو تقريبا نصف ملعقة كبيرة ملح( حسب الضوق.)أو ملعقة كبيرة طماطم مرحية أوخليهم يتقلاو أمليح حتي ينشفوا من الماء ثم ضيفي الماء أو كي يغلي الماء حطي 3حبات جزر مقطعة دوائرأو حوالي 300غ عدس (منقي ومغسول) أو سكري عليه في الكوكوط أو كي يطيب حطي راس فلفل حار أخضر بعد 5د طفي
عليه أو حطي الدبشة
من فضلك إذا عجبك إدعيلي وإذا معجبكش أيضا إدعيلي ربي يسهل أموري
بالصحة والعافية انشالله

[nariman155]

merciiiiiiiiiiiii

[malak36]

merciiiiiiiiiiiiiiiiiiiiiiiiiiiii

[نورالشموس]

السلام عليكم ورحمة الله تعالى وبركاته اما بعد ياختي عن تجربة انا كنت مثلك ايضا وحتى وجدت ان نوعية العدس هي السبب اشتري العدس الفاتح لان مشكلتك تكمن في العدس الذي لونه بني غامق هو صعب النضج ومرات يخرج حبة طايبة حبة يابسة اوالمرق اسود انا كان يخرجلي هاكذا والله عن تجربة استعملي العدس الفاتح اوديري عادي بصلة وزيت وطماطم مصبرة وقليهوم والكمون هو الاساسي ومرقي خليه يغلي حتى يطيب المرق ثم اغسلي العدس الذي قلته لكي جيدا ولا تغليه ولا شيئ ارميه هاكذا والله يطيب هايل حتى بدون لحم انا موالفة نديرو فلاكوكوط نديرو هو الاخر كامل اسدلي ممبا عشر دقايق والله وفي كسرونة نورما اشدلي اقل من نص ساعة ونديرو من الاول مع المرق والله عن تجرب يا اختي جربي اورجعيلنا لخبر السر في نوعية العدس ابحثي في اللون تلقاي العدس نوعين فاتح اوغامق ومن في بعض الاحيا استعمل تاع كيس مغلوق كمنلقاش تاع الميزان باسم ريتاج روعة يخرجلي خاثر ولونه بني هايل