كيف يجب أن تبدو الفتاة يوم خطبتها أول مرة؟؟

[leila ben]

المشاركة الأصلية كتبت بواسطة khawlita.dz

أفيدونا أخواتي العزيزات لما يأتي خطاب مع أهله لخطبة فتاة


1)ماذا عليها أن تلبس ؟؟؟؟ احمل ملابسها ملابس مناسبة لهكدا مناسبة


2)هل تضع المكياج خفيف أو لا؟؟ نعم تضع مكياج خفيف و جميل مما يناسبك ولا تكثرى كانك عروس فهى مجرد خطبة

3)هل تشارك في الحديث أم تبقى صامتة ؟ على حساب الموقف ان وجهة لك اسئلة


4)هل تسأل عن الشاب الخاطب أم تترك المجال لأهلها ؟ تسال فيما بعد اكيد مش تفتحل تحقيق واكيد سيبدؤون باخباركم المعلومات الاساسية تلقائيا تم تسالون انت و اهلك
انشاء الله خير الله تمم باليمن و البركة واعرضينا لعرسك لووووووا
وبالتوفييييق


]

شكرا أختي خوليتا درت هكدا نهار جاو والحمد لله تمت بخير راكي في قائمة المدعوات للعرس ربي يرزقك الزوج الصالح إن كنت عزباء

[leila ben]

المشاركة الأصلية كتبت بواسطة it me

نهار يكتب ربي ان شاء الله و يبعتلي الرجل الصالح ندير هاك تحياتي

ربي يرزقك الزوج الصالح شكرا لمروووورك

[leila ben]

المشاركة الأصلية كتبت بواسطة moha75

الخاطب لازموا يشوف الفتاة مليح ،
ويحكي معاها ويتناقشوا شويا،
أكيد كل هذا في حضرة المحرم نتاعها،
وهي كذلك تشوفوا مليح ،
لأن الدين يسر مش عسر ،
ومش لازم نكبروا الموضوع،
الخاطب مجيئه لغرض الخطبة ومن ثم الزواج،
مش ناقص معريفة هو،
والاب لازمو يتأكد من نية الخاطب،
يعني مش اللي جاء في الطريق يدخل ويشوف الفتاة،

ربي يهدينا ويصلح حالنا.

قال رسول اللّه صلّى اللّه عليه وسلّم : ( إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل). قال : فخطبت جارية فكنت أتخبأ لها حتى رأيت منها ما دعاني إلى نكاحها وتزوّجها فتزوّجتها.

بارك الله فيك كلامك عين الصواب

[leila ben]

المشاركة الأصلية كتبت بواسطة بسمة تحدي

مشكيتش كاين اباء هكذا يا اخ الوافي؟؟

ولماذا يضرب العريس من حقه يشوفها ؟؟

المشاركة الأصلية كتبت بواسطة (الانسان الوفي)

أكيد اختي الجلفة ليست هي البويرة أو البليدة أو العاصمة ....هنا عندنا الحشمة والنيف والكرم * المزيف* ربي يهديهم ويهدينا اختي

صح في الجلفة يرفضون رؤية الخاطب للبنت إذا كانت خطبة تقليدية يجيو النسا برك ويدو الصورة تاع البنت نعرف بنات بزاف تزوجو كي نقولهم اذا عجبك تقولي مشفتوش وصفوهلي برك ولا شفتو في الصورة ولا يعرفوه دارنا كل واحد وعقليتو بصح من الأفضل تكون الرؤية الشرعية من أجل القبول عن قناعة

[leila ben]

الموضوع هذا شوية قديم وقتها لم تتم الموافقة رفضت بسبب عجرفة والدة الخاطب يومها الجميع كان موافق نطقت خسرت كل شيء قالت المهم رانا شفنا البنت خرجولنا البنت الأخرى يختار بينهم وأكيد بهدلتها يما بطريقة تليق بيها من بعدها رفضنا رغم أنها تراجعت في النهاية وطلبت الموافقة


المهم تقدم لي شاب آخر من شهرين وتمت الموافقة والحمد لله
لبست لباس أنيق ومستور وبلا خمار متشنوش عليا الحرب حنا القبايل لو كان تخرجلهم بالخمار ميولوش كامل.
كنت عفوية واغتنمت الفرصة نقصر مع أخت خطيبي rخاصة أنها صديقتي وبذلك جاز النهار هذاك على خير
شكرا لكل من أنار صفحتي برد جعله الله في ميزان حسناتكم وأكيد كل من يمر يستفيد منكم

[a12abdou]

الف الف مبروك ..
لعقوبة لينا حنا .. نحوسي عليها قبايلية لاكن ما عندي حتى كونتاكت مع لقبايليات ..؟
هل من سبيل؟؟؟؟؟؟؟؟

[سجل أنا جزائري]

لا أفهم لماذا اغلبكن يتمكسن بالخمار أثناء الرؤية الشرعية رغم أنه كثير من العلماء أجازو الخروج بدون خمار للخاطب

و ايضا حجاب يغير كثير من ملامح المراة

خطبت واحدة رأيتها قبل ما أذهب لبيتهم و كانت تعجبني لكن لما رأيتها بدون خمار تغيرت كليا حتى شكيت انه ليست هي

و الغريب انها تظهر بالحجاب أجمل بكثير

يعني من حق الرجل يعرف كيفاه مدايرة اللي راح يخطبها و خاصة هذا الوقت ما علاباليش علاه تحبو تعقدو الأمور مبعد الخاطب يجد نفسو في احراج لما تتم عقد و يشوفها على حقيقتها

هكذا راكم تشجعو باش واحد يولي يعرف طفلة قبل حتان يتأكد منها باش يجي للدار

[leila ben]

المشاركة الأصلية كتبت بواسطة a12abdou

الف الف مبروك ..
لعقوبة لينا حنا .. نحوسي عليها قبايلية لاكن ما عندي حتى كونتاكت مع لقبايليات ..؟
هل من سبيل؟؟؟؟؟؟؟؟

الله يسلمك أخي عبدو لعقوبة ليك ربي يرزقك الزوجة الصالحة

بما أنك حابها قبايلية لازمك تروح لتيزي وزو لازمك تشقى شوية بسكو على حساب واش نعرف مكانش القبايل في تبسة .أعرضنا برك

[leila ben]

المشاركة الأصلية كتبت بواسطة سجل أنا جزائري

لا أفهم لماذا اغلبكن يتمكسن بالخمار أثناء الرؤية الشرعية رغم أنه كثير من العلماء أجازو الخروج بدون خمار للخاطب

و ايضا حجاب يغير كثير من ملامح المراة

خطبت واحدة رأيتها قبل ما أذهب لبيتهم و كانت تعجبني لكن لما رأيتها بدون خمار تغيرت كليا حتى شكيت انه ليست هي

و المؤسف انها تظهر بالحجاب أجمل بكثير

يعني من حق الرجل يعرف كيفاه مدايرة اللي راح يخطبها و خاصة هذا الوقت ما علاباليش علاه تحبو تعقدو الأمور مبعد الخاطب يجد نفسو في احراج لما تتم عقد و يشوفها على حقيقتها

هكذا راكم تشجعو باش واحد يولي يعرف طفلة قبل حتان يتأكد منها باش يجي للدار

صح يا أخي معك حق كاين بنات شابات بالخمار كي ينحوه يتغيرو وكاين اللي تنحي الخمار يزيدها شعرها جمال على جمال فمادام الشرع أجاز الخروج بدون خمار أثناء الرؤية الشرعية فلا داعي لتعقيد الأمور
كاين بنت في عائلتنا عندها الخطابة .دائما تخرجلهم بالخمار بصح ميوليوش كاين اللي يتوسوس أنها عندها مشكلة في شعرها ولا كاش مرض وكاين اللي قال عليها معقدة للأسف حتى وصلت لسن 39 ومع إصرار أهلها على نزع الخمار تمت الخطبة تاعها وتزوجت.
ماشي إذا صارتلك مع وحدة تكره وتفقد الأمل وتقول لازم نتعرف عليها قبل الخطبة كل عائلة وتخمامها للأسف مجتمعنا دائما يسبق العرف على الدين.
معليه خيرها في غيرها وربي يرزقك الزوجة الصالحة
شكرا لمرووووووورك