فوت العيد الكبير بلا مرتو - الصفحة 3

منهاج · 2012-10-27, 12:54

السلام عليكم

عندنا في وهران المرا العشية ولا غدوا من هداك النهار تروح تغافر وترجع ولا تبات ليلة والله يهدي الناس ويهدينا

سعاذ · 2012-10-27, 19:36

السلام عليكم
حنيا عندنا عادة لعروسة كي ميعقبش عليها العيد تروح نهار
عشا عيد عند مليها باش تربط الحنة و غدو بعد مايذبحو تروح
و رجلها هو لي يديها و هو لي يجيبها ولازم متديرش بوزلوف
و ماتكلوش هذا في العيد الاول برك اما لعيود لوخرين تعيد
في دار رجلها وكاين لي ميطبقش هذي العادة
ملاحظة: تصلح هذي العادة اذا كانت في دار عيلة
دمتم في رعاية الله و حفظه

شاملة لينة · 2012-10-27, 22:08

غريب أمر المرأة تظل تبكي إذا لم تتزوج واليوم اللي تخرج فيه من بيت ابوها بدل ما تبتسم تبكي ................................
نظل تحلم بالزوج ويوم تجده تتركه لتبقى عند أهلها...............
لا أعرف ماذا تريد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

soso sirin · 2012-10-27, 22:46

اقتباس:

المشاركة الأصلية كتبت بواسطة لذريق

لا يوجد عندنا هذه العادة
في اليوم الثاني تروح لدارهم اما في اليوم الاول تستقبل الضيوف لانها الممثل الخاص لرئيس البيت ( الزوج ) هههههههه
ماشي جاية تروح و تخليه يوم العيد
و الامر يعود للزوج و العادات لا محل لها من الاعراب في هذه الحالة
بارك الله فيك يا وسيلة الشلفية و اقر الله عينيك بما تبين
ســـــــــــــــــــــــــــــــــــــــــلام

صح عيدك و كل عام و انت بالف خير.شابة هاذي الممثل الخاص لرئيس البيت .ايه صح ماشي جاية تروح و تخليه لانو هي تاني عندها مسؤوليات في دارها و عيب كبير باه تخلي دارها و تروح تعيد عند باباها سواء كان العيد الاول و لا العيد العشرين لازم تفوت العيد عندو منبعد يديها هو عند ماليها تضيف

soso sirin · 2012-10-27, 22:55

اقتباس:

المشاركة الأصلية كتبت بواسطة منهاج

السلام عليكم

عندنا في وهران المرا العشية ولا غدوا من هداك النهار تروح تغافر وترجع ولا تبات ليلة والله يهدي الناس ويهدينا

و عليكم السلام امين يا رب والله كاين شي كناين حتا تفوت يمات و تروح سوغتو اذا كانت تسكن بعيدة و اذا كانت قريبة يديها و يردها معاه و كاين الي تروح نهار الوقفة تحسب العيد كاين في دار باباها برك

اقتباس:

المشاركة الأصلية كتبت بواسطة شاملة لينة

غريب أمر المرأة تظل تبكي إذا لم تتزوج واليوم اللي تخرج فيه من بيت ابوها بدل ما تبتسم تبكي ................................
نظل تحلم بالزوج ويوم تجده تتركه لتبقى عند أهلها...............
لا أعرف ماذا تريد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

هي كي جي خارجة تبكي ماشي لانو ماراهش عاجبها الحال مي في ذيك الدقيقة ماتفهمش روحها راهي خارجة من حياة لحياة جديدة و غير كي تجي خارجة من تحت يدين باباها واش تسوى والله هاذاك الموقف يذوب الحجر يا اختي انا شفت اختي قلبي ترج و الدموع طاحو وحدهم مع انو قتلها مانيش رايحة نبكي مي ماقدرتش امالا كيفاه العروسة.مي باه تروح و تخليه نهار العيد انا ماقدرتش نفهمها و مانيش رايحة نفهمها.الله يهدينا

soso sirin · 2012-10-27, 22:58

اقتباس:

المشاركة الأصلية كتبت بواسطة سعاذ

السلام عليكم
حنيا عندنا عادة لعروسة كي ميعقبش عليها العيد تروح نهار
عشا عيد عند مليها باش تربط الحنة و غدو بعد مايذبحو تروح
و رجلها هو لي يديها و هو لي يجيبها ولازم متديرش بوزلوف
و ماتكلوش هذا في العيد الاول برك اما لعيود لوخرين تعيد
في دار رجلها وكاين لي ميطبقش هذي العادة
ملاحظة: تصلح هذي العادة اذا كانت في دار عيلة
دمتم في رعاية الله و حفظه

و عليكم السلام سعاد.واش عجبني عندكم كي ماديرش البوزلوف و ماتاكلوش كون غير كاين عادة ماتنقيش الكبش كامل هههههههههههه

النجمة القطبية · 2012-10-27, 23:09

حنا عندنا العادى ان الكنة تروح اليوم الثانى تقبل على اهلها وتبقى بعض الوقت وترجع فى نفس اليوم يعنى زيارة خفيفة
بصح خالى صنع التميز هذى المرة اخذ زوجته وهى عروس جديدة لم تكمل 15 يوم راحت اول يوم فى المساء باتت ورجعت وزاد ادات معاها حقها تع الكبش
ورجعت جايبة لخالى حقو هههه مفهمت والوا هاذى عادات اول مرة نسمع بيها
والصراحة كنتنا وندللوها واحد ما يسالنا
بصح انا مفهمتش حاجة برك واش دخل النيف فى الموضوع
كل امراة حرة مع زوجها وتطيع زوجها فقط وليس المجتمع اذا اداها تحمد ربى وادا مداهاش تحمد ربى تانى اما كل مرة نحو للسيد نيفو علاجال انو ادا مرتو
مرتو وهو حر فيها

soso sirin · 2012-10-27, 23:35

اقتباس:

المشاركة الأصلية كتبت بواسطة النجمة القطبية

حنا عندنا العادى ان الكنة تروح اليوم الثانى تقبل على اهلها وتبقى بعض الوقت وترجع فى نفس اليوم يعنى زيارة خفيفة
بصح خالى صنع التميز هذى المرة اخذ زوجته وهى عروس جديدة لم تكمل 15 يوم راحت اول يوم فى المساء باتت ورجعت وزاد ادات معاها حقها تع الكبش :d:d
ورجعت جايبة لخالى حقو هههه مفهمت والوا هاذى عادات اول مرة نسمع بيها
والصراحة كنتنا وندللوها واحد ما يسالنا :d:d
بصح انا مفهمتش حاجة برك واش دخل النيف فى الموضوع
كل امراة حرة مع زوجها وتطيع زوجها فقط وليس المجتمع اذا اداها تحمد ربى وادا مداهاش تحمد ربى تانى اما كل مرة نحو للسيد نيفو علاجال انو ادا مرتو

مرتو وهو حر فيها

اههههههههههههه ضحكتييني يا نجمة بكلمة نحو للسيد نيفو.انا ماراه نهدر لا على نيفو و لا على راسو ربي يسهل على كل واحد مي انتي تجيك حاجة عادية باه المرة تخلي راجلها و تروح تعيد عند ماليها هنا اصلا وين رايحة تحس بالعيد هي العادي تفوت العيد معاه منبعد يديها هو .

السراب الحالم · 2012-10-28, 12:36

احنا في ولاية البرج هاذي حاجة نورمال لازم العروسة تعيدعيد في دار راجلها والعيد الأخر في بيت أهلها
أنا مثلا بعد ثلاث سنوات زواج عيدت العيد الصغير عند أهل زوجي والعيد الكبير عند أهلي
بصراحة توحشت العيد عند امي وخاصة انو مايعجبنيش الحال عند اهل راجلي لأني ساكنة وحدي
وحتى زوجة اخ زوجي عيدت هذا العيد في دارهم
هذي عادات ولا دخل لها بالنيف

مريم الصابرة · 2012-10-28, 13:16

السلام عليكم اختي وسيلة صحا عيدك وكل عام وإنت بألف خير يا رب
شوفي عندنا العادة هذي مي كل وحدة وتربيتها الصراحة محال نديرها ممكن نروح لدارنا فاليوم الثاني ونولي لداري وما نباتش ياه نخليه وحدو لا محال لازم نعسو مليح وسيلة ههههههههههههه ماكانش مباتة وشكون يكرهلو معيشتو كي نروح انا نووووووووووو نبقالو ثم نروح ساعة او ساعتين ونولي لداري لازم المرا نتاع الصح تبقى تعيد مع راجلها وتعاون اهلو واليوم الثاني نعليش تروح تضيف لدارهم وتولي اليامات مازالو وتروح لدارهم وياخي كانت عايشة عندهم تدبل شويا ههههههههههه شكرا

soha1987 · 2012-10-28, 19:53

حنا هاد العادات ماكانش خلاص في باتنة حتا لوكانت والله مانروح كيفاه هادي مالا مايشريليش كبش نخرجو بلا عيد وناكل لحم عند والديا لالا لازم ناكلو في داري هههههههههههههه
بصح نقولك الصح الراجل لي خلا مرتو تروح لدارهم ماش راجل هو يعيد عند باباه وهي عند ماليها مالا علاه زوج باش ينحي الهم على امو ولا يزيدلها حنا كون كانت هاد الظاهرة عندنا مانقبلوش تروح غير هي لازم يروح هو وهي هاكا تكون بنة في دار باباها هههههههههههه
ان شاء الله مايكونش خوك لي راحت مرتو وجا يعيد عندكم قولي الصح ؟ ههههههههه

النجمة القطبية · 2012-10-28, 22:55

اقتباس:

المشاركة الأصلية كتبت بواسطة soso sirin

اههههههههههههه ضحكتييني يا نجمة بكلمة نحو للسيد نيفو.انا ماراه نهدر لا على نيفو و لا على راسو ربي يسهل على كل واحد مي انتي تجيك حاجة عادية باه المرة تخلي راجلها و تروح تعيد عند ماليها هنا اصلا وين رايحة تحس بالعيد هي العادي تفوت العيد معاه منبعد يديها هو .

شوفى هو المفروض تجوز العيد معاه هذا هو الطبيعى مع الزوج وعائلته وهذى هى عادتنا الزوجة اليوم الاول فى بيت زوجها والثانى زيارة خفيفة تسلم على اهلها
انا خالتى مثلا كل عيد زوجها يشرى الكبش لامه وتروح خالتى تقوم بواجباتها لمساعدة امه وتجى لينا ثانى يوم ي عرغم ان بيتها وحدها بصح العيد تبات عند ام الزوج
انا جدتى متوفية لكن تربينا هكذا كلنا كنا كل عيد فى بيت جدى وجداتى الله يرحمهم
لكن حبيت نقول ان القرار الاول والاخير يرجع للزوج فرضا مثلا حاب يديها لسبب او لاخر او لظرف معين يعنى على حد علمى بين الزوجين لا توجد قاعدة كل بيت وظروفه
لذا احترت فى هذا المنتدى دايما الانوف داخلة فى حرب

عند اول غلطة يصبح السيد دون انف او معندوش النيف على قول البعض
وهل بكل سهولة تسقط الانوف فى هذا المنتدى

حسنات21 · 2012-10-28, 23:02

هل تذهب الى بيت والديها كل عيد ام العيد الاول فقط ؟؟ ارجو التوضيح
ان كان العيد الاول فقط عادي اما اذا كان كل عيد خلااااااااااااات

وردة أمل · 2012-10-28, 23:07

اقتباس:

المشاركة الأصلية كتبت بواسطة حسنات21

هل تذهب الى بيت والديها كل عيد ام العيد الاول فقط ؟؟ ارجو التوضيح
ان كان العيد الاول فقط عادي اما اذا كان كل عيد خلااااااااااااات

المشكلة راهي في العيد الاول يا اختي المفروض هذا اول عيد ليهم مع بعض كيفاه تروح و تخليه يعيد وحدو هاذي ماراهيش جاية خلاص و زيد هو اكيد يحب مرتو تكون معاه يوم العيد ماشي يفوت العيد كيما قبل الزواج كيما بعدو,,,,,,,,,و نهار الثالث و لا الرابع تروح تريح ساعات و ترجع و ليام طوال تروح وقت ما حبت

همسة مشاعر · 2012-10-29, 17:42

لا احنا معندناش هذي كيفاش ترضاه البزوجة تخلي زوجها يعيد وحدو هلا علاها تزوجت تقعد عند باباها خير
الزوجة تعيد عند ماليها كي تكون مطلقة ولا غضبانة