عن الخدمة الوطنية

[haragsat]

للعلم لا يمكن أبدا تختار مكان التجنيد
ثانيا عندي صديق راح يركب اركب للأغواط و عطاوهم إرجاء 6 أشهر في سبتمبر عاود راح يركب هذه السنة عطاوه إرجاء أخر 6 أشهر

يعني والله ماتحصيهم قادرين يهبلوك و يمردوك
أتذكر واحد اليوم كنت عندهم و ربي انشاءالله مانزيدش نشوفهم قالوا للجماعة عندكم تلغرام تركبوا يوم 15 سبتمبر 2011 أياتخيل نتا تقد تسنا حتى 2011 و جماعة كبيرة و ليس 5 أو 10
أنا قعدت 3 سنوات كاملة باش ديتها

الله يهديهم و يغفرلهم و انشاء الله الكل تديوها

[mostami]

و يزيدو الكبار يقولولك أوروبا ماشي مليحة ،بلادنا خير ، الله يسلكنا من بلاد العذاب بأنواعه ، ديبلوم دراسات عليا يحتمو عليه يغسل المراحيض حاشاكم فالجيش،
يعمل أوقات متتالية و يحتمو عليه باه يسمح فالصلاة ، الصيام (.....) ، و كاين للأسف بعض البنيادم مازالو يقولو لارمي مليح
الله يعفو
الله ينجينا من الجيش، و الحمد لله لي مارانش فالكازيرنا دوكا

[مناع]

لو كانت الخدمة الوطنية 6 أشهر أو حتى 9 أشهر لا إشكال أخي ... لكن 18 شهر قسما بالله بزاااااااااااااف البلد الوحيد

[mostami]

في دولة مصر البلد الأكثر اعتمادا على الجيش في افريقيا ،عندهم الخدمة العسكرية 3 سنوات لغير المتحصلين على البكالوريا ، وسنة واحدة عند الجامعيين بالمقابل نحن عندنا الغير جامعيين معفيين و الجامعيين سنة و نصف ، المغرب الأقصى أعلن سنة 2006 أنه سيزيل هذه الخدمة لتصبح اختيارية

[eglwach47]

المشاركة الأصلية كتبت بواسطة laouni

اتمنى ان كل جزائرى يودى واجبه الوطنى كى يضمن حقوقه.......فالخدمة الوطنية واجب مقدس لكل جزائرى.والا لستم بجزائرين

واجب مقدس ههههههههههه علاه كانش ما نزل في شرع مولانا الله يهديك وبدل كلمة هذي واجب مقدس

[حفوظ الجزائري]

السلام عليكم أنا من مواليد 1980 كان لدي إرجاء حتى ديسمبر2008 أي أنه إنتهى وهذا بسبب الكفاءة المهنية للمحاماة والتي تحصلت عليها بإذن الله .
السؤال : هل يمكنني الحصول على الإعفاء وإذا كان لدي هذا الحق ماهي الوثائق المطلوبة لذلك ؟؟؟ أرجو من الأخوة إرشادنا .

[youpy]

الله يعافينا من هاد الميزيرية

[youpy]

يا إخوة سؤال .. ما الفرق بين الإرجاء و التأجيل ...
و هل الإرجاء المعنون ب عنوان إستدعاء يمكن المشارك به في المسابقات
ألف شكر و السلام عليكم

[salah04]

حنا في مركز قسنطينة التاجيل بلاشان شهرين باش تديه خسارة باش نروحوا نعقبوها كيما قالها صاحبي ما فيها حتي فايدة تضياع عامين من عمرك باطل

[مناع]

dيا أخي على ما أضن بل على يقين أنه يجري حاليا تسوية وضعية الشباب الذين أنهوا الدراسة في 2006 وأخر أجل لتسوية الوضعية في 04 جويلية

[المعيقلي]

اخواني انا اطلب منكم استفسار لمن لديه العلم واجر الجميع على الله .انا روحت ورقلة وقالولي عندك اعفاء وكي عاودت روحتلهم في اطار التسوية اعطوني شهادة ارجاء يترى ما المقصود بها وهل تصلح في ملف الادماج او الشغل . والله يجزيك ويسقيكم من حوض النبي راني في حيرتي من امري.

[haragsat]

المشاركة الأصلية كتبت بواسطة المعيقلي

اخواني انا اطلب منكم استفسار لمن لديه العلم واجر الجميع على الله .انا روحت ورقلة وقالولي عندك اعفاء وكي عاودت روحتلهم في اطار التسوية اعطوني شهادة ارجاء يترى ما المقصود بها وهل تصلح في ملف الادماج او الشغل . والله يجزيك ويسقيكم من حوض النبي راني في حيرتي من امري.

ارجاء 18 شهر سوف تتحصل على البطاقة بعد هذه المدة
ارجاء 6 أشهر تركب و أجرك على الله