بم تفسرون...... - الصفحة 3

مسلم سني · 2012-09-18, 19:16

اقتباس:

المشاركة الأصلية كتبت بواسطة karimblida

البيئة متعفنة.....الكل يشتكي
مابقات قيمة للعلم في بلادنا
تجهيل ممنهج و تخطيط للتجريد من الهوية
اصبح التلميد يفهم و يناقش قوانين الاساتذة و بن بوزيد
حاد دور الاستاد مع انحراف المدرسة عن الهدف الاسمى
يقررون مكان التلميذ في ما يخص حقوقه البريئة و يتركون له حرية اختيار مصيره بتركه يسبح في مواضيع تفوقه مستوى فأصبح ينتقد و يعتدي على استاذه الدي اصبح يخدم ماشي يقري

السلام عليكم
أحترم وجهة نظرك ورأيك كثيرا لكن في كل الأحوال لا يجب التعميم
والمشكلة في نظرك يشترك فيها الجميع وهذا أكيد اخي الكل يتحمل المسؤولية
لكن فقط عندي تعقيب بسيط على ما ذكرته في الأخير بخصوص اعتداء التلميذ على الأستاذ هذا راجع لى الحرية التي أعطيت للتلاميذ لا للطرد لا للمجلس التأديبي إلا بشروط ولا تنسى دور الأسرة فمن لا يخاف ولا يحترم والديه مستحيل أنه يحترم الأستاذ أخي الكريم
بارك الله فيك عبى كل تدخلاتك شكرا لك
احترماتي

مسلم سني · 2012-09-18, 19:23

اقتباس:

المشاركة الأصلية كتبت بواسطة فلال باك

ممم.....هل تلاميذك يهربون؟؟؟؟هههههه
و الله هذه الظاهرة اصبحت تنتشر بنسبة كبيرة..............فمثلا انا أتذكر في صغري ...أني أحب كثيرا الدراسة.....و لا توجد الدروس الاضافية التي ظهرت اليوم......و على هذا كنّا مجتهدين.............و في هذه الآونة الأخيرة هناك اقاربي.....منهم أخي.....كل الاحتياجات موجودة عكس القديم....و حتى أنهم يضيفون دروس للدعم.......الخ.......لكن نجد التسرب المدرسي.....و عندما سالت اخي عن سبب هروبه من الدراسة .؟؟؟.........مرة يقول لي الاساتذة ليسوا جيدين و مرة أخرى تعب و مرة أخرى.........و الآن عاقبناه .......لهذا ارى أنذ للعائلة اثر كبير في نفسية الطفل .....خاصة الوالدان و الأخوة الكبار......يجب أن يتتبعوهم......هكذا لتفادي الانحراف و التخللي عن الدراسة........
و ذكرتني يا أخي مسلم سنّي.....بابي الآن عمره 53 سنة و يريد أن يتعلم العربية لأنه لم يدرسها فقط يعرف الفرنسية......أبي يريد التعلم و أخي الصغير يهرب من المدرسة؟؟؟ يا الله ما هذا التناقض.........؟؟؟.....ههههه.........

السلام عليكم
أضحك الله سنك أختي فلال بارك الله فيك للوالدين دور كبير في إرشاد و تنبيه الأولاد
الله يطولك في عمر الوالد إن شاء الله وجميل أن يفكر في تعلم اللغة العربية
ههه إيه ماتفهمي والو الكبير يقرا والصغير يهرب الله يجيب الخير
بارك الله فيك على التدخل وعلى وعيك ما شاء الله
احترماتي

مسلم سني · 2012-09-18, 19:29

اقتباس:

المشاركة الأصلية كتبت بواسطة karimblida

البيئة التربوية متعفنة و لا توجد النية لتنظيفها
من عفنها يملك مفتاح تعقيمها
الاصلاحات ليست اصلاحات بن بوزيد
بل هو مشروع دولة للتبرهيش و التجهيل
كل شيء مدروس و اللي عليه يجتهد يربي ولادو في الدار و يبعثهم للمدرسة باش يجيبو الشهادات كيما يروحو للبلدية يجيبو الوثائق
و اللي حب يقريهم مليح يوجد صوارد كي يكبرو يقريهم في معاهد كبار

السلام عليكم
إيه يا أخي أتفق معك البيئة معفنة وفي كل المجالات ودائما نتحدث على وجوب التغيير والسؤال هو كيف السبيل إلى ذلك
وزد إذا كان سبب التعفن هو من يحكم الجزائر من رؤوس كبار فلابد لنا نحن ألا نزيد الأمر تعفنا بإهمال واجب التربية ومراقبتهم والحرص على توجيههم دوما يا أخي قلتها ألف مرة لابد لنا من أمور كثيرة حتى نتغير ونغير ما حولنا بارك الله فيك احترماتي

مسلم سني · 2012-09-18, 19:42

اقتباس:

المشاركة الأصلية كتبت بواسطة karimblida

لو تسمح يا أستدنا الفاضل
التسرب يضر مصلحة الوطن يصر المجتمع
في تقديري
ادا كان الطفل يدهب الى المدرسة من اجل الجلوس
ألا توجد طاولة و كرسي في المنزل؟؟؟؟؟
تماما مثل مستشفياتنا.....ادا يدهب المريض اليها من اجل الاستلقاء و التمدد....الا يوجد سرير في المنزل؟؟؟؟؟؟؟
نعم الدولة تحارب التسرب ..و في نفس الوقت تشجع عليه بعدة طرق

السلام عليكم
أكيد أخي الفاضل أن الوطن هو المتضرر الأول أتعلم لماذا لأن الوطن هو أفراد المجتمع وأفراد المجتمع هم الأجيال القادمة التي نراها اليوم تضر نفسها وبذلك ينعكس الضرر على المجتمع والوطن هناك تابط اكيد وما تنتجه الاسرة من صلاح يصلح به الوطن والعكس صحيح
أخي الفاضل أنا لا أرى محاربة للتسرب قلت من المفروض أن يكون وأقول لك شيا المؤسسات هي من تساعد التلاميذ على التمادي بم تفسر أن الأستاذ عند استدعائه لولي أمر التلميذ يرد عليه ا المدير أو غيره أنه رفض المجيء أخي التعفن أراه شخصيا في كل فرد لا يعمل بضمير مهني بل لاتهمه إلا مصلحته
صحيح الوزارة أفسدت ما ظنت أنها أصلحته وما يسمى غصلاحا يحتاج إلى إصلاح لكن أيضا تصرفات بعض المسؤولين وبعض الأساتذة وبعض الاولياء زادت الطين بلة
بارك الله فيك سعدت بنقاشك
احترماتي

soso sirin · 2012-09-18, 19:57

هاذي المرة الثالثة و انا نكتب في رد و الي تغيضني نكتب مقالة كامل و لاكون تاع الهم ماتفوتهاش باغية نهبل منها.راح نختصر و ان شاء الله يفوت التسرب المدرسي عندو اسباب بزاف اهمها الاسرة العوجة و الوالدين الي ماراهمش حاطين كامل مع ولادهم راه يقرى و لا مازال اصلا مادخلش والله شي والدين مايعرفو ولادهم واش من سنة يقراو و الكارثة انهم ناس قاريين انا راني نشوف انو وقت ماكانو والدينا اميين كنا نقراو و العكس راه يصرا ضروك.زيدلها ليكولات و جيبها من الشيخ للادارة مع كل احتراماتي لكل الاساتذة باه ماتزعفش يا خويا عبد الشافي و الواثق مي والله العظيم الا الاساتذة راهم باغيين يهبلو ماراهمش دايرين قيمة لرواحهم كامل تحسبهم مازالهم ذراري و الا تلقاه مشنف تحسب غير هو الي عندو مشاكل يعرفو غير كلمة لم قشك و اخرج عليا برا.الحلول راهي في يدين الوالدين و ليكولات لازم تكون علاقة مليحة بيناتهم لانو التربية المليحة هي اساس كلشي و الشيخ ماينساش انو كل طفل و ظروفو و حالتو النفسية و مادام اختار هاذي المهنة لازم يكون قدها انا قراوني شيوخة في حياتي ماشفتهمش ضربو طفل مي واش نقلك حتى المشاغبين كانو يحتارمموهم والله لحد الان نهدر عليهم ماشاء الله .الصغار ماهمش يبغو يقراو لانو راهم يقولو الي قرا قرا بكري و انا كي نقرى و نشد الحيط غير نشدو من ضروك خير على الاقل نحكم بلاصة و الكبار لانو عرفو معنى انو ماتقدرش حتا تقرى القران و هاذي حاجة صعيبة بزاف بزاف.

karimblida · 2012-09-18, 20:09

تعجبني مواضيعك كثيرا
ما زال كاين الخير في البلاد مهما بلغ الفساد
في تقديري
الكثير يسعى لخير الوطن ولكن قوة الافساد اكبر من قوة الاصلاح
نربي الطفل على بعض الامور و عندما يحتك بالخارج يجد العكس
مشكل الهوية تم تسييسه ما أثر سلبا على تربية الاجيال

و الحل في اعتقادي
هو الابتعاد عن عقلية الاتكالية ...ليست البلاد متن تعطينا بل نحن من يعطيها
و من أجل هدا يجب الكفاح من أجل بيئة نظيفة و بلاد توفر الفرص و تهيء الظروف لا اشخاص يبعثرون الخيرات

النخبة المثقفة اصبحت لا تعي هدا ...فكيف لفاقد الشيء ان يعطيه....هناك اساتدة لم يطالع في حياته كتابا

يجب أن تستثمر الدولة في ثروتها البشرية.....و لكن هي لا تحتاج هم و تعمل على اتقاء شرهم في ظل القانون الدولي و منظمات الحقوق ووو
و أصبح هدا الدور كله على عاتق الاسرة...و هو اكبر من امكانياتها و ظروفها فالتلميد يعيش خارجا اكثر من البيت

لمادا البيئة التي يتمدرس فيها ابناء الكروش و الكبار ليست نفسها للزوالي

و التلميد دون وعي منه.......اصبح يهرب من الدوام المدرسي و يغش في الامتحان وووو
لان بيئته لا تردعه كما لم تربه ...ببساطة لا تحتاجه مستقبلا و لم يدخل يوما في مجال اهتماماتها

karimblida · 2012-09-18, 20:16

علينا ضمان الحد الادنى من التربية و التعليم لابناءنا في اطار هويتنا الاصيلة
فادا كانت الدولة لا تحتاجهم فنحن نكونهم من اجل وطنهم
و ليصنعوا سيرتهم في البيئة المناسبة
و مشاكل الجزائر بيد الدولة وحدها................كيما قالت الشعب يتبع.. علاش الرئيس ما يديرش النية و يقول الحق ؟؟؟؟؟؟؟؟

مسلم سني · 2012-09-18, 20:23

اقتباس:

المشاركة الأصلية كتبت بواسطة soso sirin

هاذي المرة الثالثة و انا نكتب في رد و الي تغيضني نكتب مقالة كامل و لاكون تاع الهم ماتفوتهاش باغية نهبل منها.راح نختصر و ان شاء الله يفوت التسرب المدرسي عندو اسباب بزاف اهمها الاسرة العوجة و الوالدين الي ماراهمش حاطين كامل مع ولادهم راه يقرى و لا مازال اصلا مادخلش والله شي والدين مايعرفو ولادهم واش من سنة يقراو و الكارثة انهم ناس قاريين انا راني نشوف انو وقت ماكانو والدينا اميين كنا نقراو و العكس راه يصرا ضروك.زيدلها ليكولات و جيبها من الشيخ للادارة مع كل احتراماتي لكل الاساتذة باه ماتزعفش يا خويا عبد الشافي و الواثق مي والله العظيم الا الاساتذة راهم باغيين يهبلو ماراهمش دايرين قيمة لرواحهم كامل تحسبهم مازالهم ذراري و الا تلقاه مشنف تحسب غير هو الي عندو مشاكل يعرفو غير كلمة لم قشك و اخرج عليا برا.الحلول راهي في يدين الوالدين و ليكولات لازم تكون علاقة مليحة بيناتهم لانو التربية المليحة هي اساس كلشي و الشيخ ماينساش انو كل طفل و ظروفو و حالتو النفسية و مادام اختار هاذي المهنة لازم يكون قدها انا قراوني شيوخة في حياتي ماشفتهمش ضربو طفل مي واش نقلك حتى المشاغبين كانو يحتارمموهم والله لحد الان نهدر عليهم ماشاء الله .الصغار ماهمش يبغو يقراو لانو راهم يقولو الي قرا قرا بكري و انا كي نقرى و نشد الحيط غير نشدو من ضروك خير على الاقل نحكم بلاصة و الكبار لانو عرفو معنى انو ماتقدرش حتا تقرى القران و هاذي حاجة صعيبة بزاف بزاف.

السلام عليكم
إيه يا أختي سوسوسيرين أنا واش نحكيلك راها مهبلتني صايي النت تاع الهم وزاد الميكرو شريتو 8ملاين ونص وراه يحبس غي وحدو يطفى غدوة إن شاء الله نديه نخدمو ماعلاباليش واش بيه كرهلي حياتي والله العظيم شوي ونرميه على الحيط المهم بارك الله فيك على تدخلك و كل ما قلتيه صحيح خاصة في تصرفات بعض الأساتذة يظنون أنفسهم لازالوا جامعيين للاسف وأقول لك شيئا الاستاذ الذي لا يحترم نفسه صدقني لن يحترمه أحد وأنا لا أغضب بالعكس الحقيقة المرة لابد أن نقولها لنحدد سبب ما نعيشه من أزمات ومشاكل ومعك حق الأسرة تلعب دورا هاما والاستاذ ايضا
أختي سوسو ديري قوقل كروم على الأقل كي تكتبي صفحة وما تترسلش تبقى ما تروحش
بارك الله فيك
احترماتي

مسلم سني · 2012-09-18, 20:32

اقتباس:

المشاركة الأصلية كتبت بواسطة karimblida

تعجبني مواضيعك كثيرا
ما زال كاين الخير في البلاد مهما بلغ الفساد
في تقديري
الكثير يسعى لخير الوطن ولكن قوة الافساد اكبر من قوة الاصلاح
نربي الطفل على بعض الامور و عندما يحتك بالخارج يجد العكس
مشكل الهوية تم تسييسه ما أثر سلبا على تربية الاجيال

و الحل في اعتقادي
هو الابتعاد عن عقلية الاتكالية ...ليست البلاد متن تعطينا بل نحن من يعطيها
و من أجل هدا يجب الكفاح من أجل بيئة نظيفة و بلاد توفر الفرص و تهيء الظروف لا اشخاص يبعثرون الخيرات

النخبة المثقفة اصبحت لا تعي هدا ...فكيف لفاقد الشيء ان يعطيه....هناك اساتدة لم يطالع في حياته كتابا

يجب أن تستثمر الدولة في ثروتها البشرية.....و لكن هي لا تحتاج هم و تعمل على اتقاء شرهم في ظل القانون الدولي و منظمات الحقوق ووو
و أصبح هدا الدور كله على عاتق الاسرة...و هو اكبر من امكانياتها و ظروفها فالتلميد يعيش خارجا اكثر من البيت

لمادا البيئة التي يتمدرس فيها ابناء الكروش و الكبار ليست نفسها للزوالي

و التلميد دون وعي منه.......اصبح يهرب من الدوام المدرسي و يغش في الامتحان وووو
لان بيئته لا تردعه كما لم تربه ...ببساطة لا تحتاجه مستقبلا و لم يدخل يوما في مجال اهتماماتها

السلام عليكم
بارك الله فيك على تدخلك والصراحة أعجبتني أفكارك كنت أظنك طالبا لأنك مرة قلت لي إذا لم أكن مخطئا أن أباك ينتمي لى قطاع التربية والله أعلم
المهم كما قلت الجزائر نحن من نعطيها لا ننتظر هي أن تعطينا لكن كما تعلم هناك من ياخذ منها حقه وحق غيره وهذا لاإن خفي على المواطن البسيط فإن الله يراه وتأكد أن كل ظالم إن لم يحاسب هنا فسيحاسب هناك
لدي تعقيب بسيط إن سمحت لي لم كتبت هويتي الأمازيغية إن أردت الإجابة طبعا؟
أنت تحب الجزائر والجزائر هي بلد العربي والامازيغي والتارقي ووووووو أم أنني مخطىء
احترماتي لك أخي الفاضل

سعاذ · 2012-09-18, 21:45

السلام عليكم
انا جابلي ربي بلي الاسباب لي خلات لولاد يهربوا من قرايا هي
نلقاو التلاميذ مايميلوش لتخصص لي راهم يقراوه و بتالي يكره لقرايا
الضغط كبير في البرامج يخلي يحس تلميذ بلي راهوا في العسكر يقرى من نهار كامل و يزيد كي يروح يكون مجبر باش يحضر درس تاع غدو في هذا الوقت يشوف لي مارهومش يقراو نهار كامل وهما يلعبوا و يحوسوا و زيد يجيبوا مصروف
وكاين شي من الاساتذة يكروا التلميذ في لقرايا خاطر ماعندهومش اسلوب مرن في تعاملهم مع التلمذ تلقاه من يدخل و هو يبهدل فيه و يعايروا
وزيد انتشار واحد مفهوم انوا لي قرى واش دار لهذا تلقاه بمجرد يلقى فرصة عمل مايسقسيش على لقريا خلاص
بصح تعرف هذوا كامل لي يحبسوا لقرايا بعد مدة تلقاهم ندموا صح كاين لي بيبينش بصح لوكان تسقسيه يقلك غلطة عمري كي حبست لقريا
على جال هذا تلقا لكبار في السن يتوجهوا باش يقراو في محو الامية لانهم يعرفوا واش معنتها واحد ماقراش و يعرفوا مكانة تاع لقرايا تاع الصح و كي تهدر معاهم يقوللك بلي حاسين روحهم كلي ولدوا من جديد
اما كيفية تقليل من هذه الظاهرة
لازم طفل من يكون صغير نغرسوا في راسوا قيمة لقرايا و بلي دراهم ماشي كلش
ونخليو قدوتوا ديما واحد قاري و متعلم ماشي واحد عندوا دراهم
مام شي من اساتذة لازم يبدلوا اسلوب تعاملهم مع التلميذ خاطر في كثير من الاحيان الاستاذ هو لي يحببنا في لقرايا ولا يكرهنا فيها
ثنيتك نخليو فترة تاع الدراسة حيوية سواء في طريقة تقديم الدرس او من خلال المسابقات وثنيتك ندير شوي حصص لترفيه ماشي قرايا برك
دمتم في رعاية الله و حفظه

مسلم سني · 2012-09-18, 22:34

اقتباس:

المشاركة الأصلية كتبت بواسطة سعاذ

السلام عليكم
انا جابلي ربي بلي الاسباب لي خلات لولاد يهربوا من قرايا هي
نلقاو التلاميذ مايميلوش لتخصص لي راهم يقراوه و بتالي يكره لقرايا
الضغط كبير في البرامج يخلي يحس تلميذ بلي راهوا في العسكر يقرى من نهار كامل و يزيد كي يروح يكون مجبر باش يحضر درس تاع غدو في هذا الوقت يشوف لي مارهومش يقراو نهار كامل وهما يلعبوا و يحوسوا و زيد يجيبوا مصروف
وكاين شي من الاساتذة يكروا التلميذ في لقرايا خاطر ماعندهومش اسلوب مرن في تعاملهم مع التلمذ تلقاه من يدخل و هو يبهدل فيه و يعايروا
وزيد انتشار واحد مفهوم انوا لي قرى واش دار لهذا تلقاه بمجرد يلقى فرصة عمل مايسقسيش على لقريا خلاص
بصح تعرف هذوا كامل لي يحبسوا لقرايا بعد مدة تلقاهم ندموا صح كاين لي بيبينش بصح لوكان تسقسيه يقلك غلطة عمري كي حبست لقريا
على جال هذا تلقا لكبار في السن يتوجهوا باش يقراو في محو الامية لانهم يعرفوا واش معنتها واحد ماقراش و يعرفوا مكانة تاع لقرايا تاع الصح و كي تهدر معاهم يقوللك بلي حاسين روحهم كلي ولدوا من جديد
اما كيفية تقليل من هذه الظاهرة
لازم طفل من يكون صغير نغرسوا في راسوا قيمة لقرايا و بلي دراهم ماشي كلش
ونخليو قدوتوا ديما واحد قاري و متعلم ماشي واحد عندوا دراهم
مام شي من اساتذة لازم يبدلوا اسلوب تعاملهم مع التلميذ خاطر في كثير من الاحيان الاستاذ هو لي يحببنا في لقرايا ولا يكرهنا فيها
ثنيتك نخليو فترة تاع الدراسة حيوية سواء في طريقة تقديم الدرس او من خلال المسابقات وثنيتك ندير شوي حصص لترفيه ماشي قرايا برك
دمتم في رعاية الله و حفظه

السلام عليكم
بارك الله فيك والله ما قلته موجود فعلا في واقعنا
أنا شخصيا ضد بقاء التلميذ في المؤسسة من 8لى غاية 5 صدقيني الحصص التي تكون من 4إلى 5 لا يحضرها التلاميذ وتقل المشاركة فيها تحسين أن التلاميذ في حالة تعب حتى ون لم يبذلوا مجهودا كبيرا طيلة اليوم
تدخلك أثرى موضوعي
شكرا لك
احترماتي

مسلم سني · 2012-09-18, 22:38

اقتباس:

المشاركة الأصلية كتبت بواسطة karimblida

علينا ضمان الحد الادنى من التربية و التعليم لابناءنا في اطار هويتنا الاصيلة
فادا كانت الدولة لا تحتاجهم فنحن نكونهم من اجل وطنهم
و ليصنعوا سيرتهم في البيئة المناسبة
و مشاكل الجزائر بيد الدولة وحدها................كيما قالت الشعب يتبع.. علاش الرئيس ما يديرش النية و يقول الحق ؟؟؟؟؟؟؟؟

السلام عليكم
هل في رايك أن مشاكل الجزائر في يد الدولة وحدها؟
تدخلاتك ذات اتجاه سياسي أكثر منها اجتماعي ولو أن مشاكلنا الاجتماعية سببها مشاكلنا السياسية
احترماتي وآسف على تأخري في الرد لم أر ردك إلا الآن

حضنية28 · 2012-09-18, 23:02

التلميذ اتخلقت عندوملاهيات كثيرة لهذا رانا نشوفومكاش اهتمام بالدروس وبالاساتذة كاين تسربات مدرسيةسببتها هاته الملهيات التلميذ معضم الوقت نتاعو يقضيه في الانترنت وطبعاممكن في مواقع التواصل الاجتماعي لهذا انا لا الوم الاستاذ ولا التلمليذ الوم الولي اللي طالق ابنه على هواه لارقابة ولاهم يحزنون

SOUSOU. DZ · 2012-09-18, 23:18

اقتباس:

المشاركة الأصلية كتبت بواسطة مسلم سني

السلام عليكم
لم تكثري الكلام بل بالعكس رأيك مهم كونك تنتمين غلى الوسط الذي اتحدث عنه (الدراسة9
حقيقة المؤسسات التربوية لأصبحت أماكنا لتضييع الوقت عند البعض وهذا يؤذي باقي التلاميذ فالفوضى هي من أهم الأسباب التي لا يمكن أن يوصل الأستاذ فكرته من خلالها
وأما مقولتك فأنا معك التلميذ يجب أن يفكر فيما هو فيه الدراسة لا يفكر في امور تفوق سنه لأنه وفي سنه الصغير إذا ما رك دراسته ما البديل ؟ في رأيي لابديل إلى الشارع والله أعلم
أما المعاملة داخل المؤسسات أنا معك فيها في بعض الأحيان تكون تلك المعاملة هي السبب وراء هروب التلاميذ أما مسألة الكبار فأنا أردت من خلالها أن أبين أن الفرصة إذا ضاعت يمكن أن نستدركها وربما الكبار في السن كانت لديهم ظروف منعتهم من الدراسة لكن تلاميذ اليوم التعليم متاح لهم فلم يضيعون الفرصة لا اعلم
تحية كبيرة لجدتك ولازم تتهلاي فيها تقريها شوي
بارك الله فيك
احترماتي

وعليكم السلام ورحمة الله

شكرا مي ساعات مانحكمش روحي ونقعد غير نحكي المهم كلامك صح وروعة كي يعترف الاستاد بااخطا لاخرين

كتل ليوم تخيل كنت قاعدة في ساحة بنات وجات لينا مراقبة والله تحاوز فينا كي لماشيا حشاك قتلها او واش هدا اسلوب ناس هكدا تعامل الطلبة مع العلم كنت نشرح الصديقتي في تمرين والله سدت انا ويها الهدرة ومبعد راحت حسيتها زعفت كنت راح اعتدرلها مي تزيد تطلع فوق روسنا رحت لكلاسة وخليتها المهم شكرا على ردك واما ماني راهي في عينيا دوكا خلاص راهي تعرف دير كلشي خاصة قراة القرأن

يالله سلام عليكم ........ اه صحيح غدوة عندنا ساعتين عربية الله يستر

ارجو ان تقبل مروري سلام

karimblida · 2012-09-18, 23:18

اقتباس:

المشاركة الأصلية كتبت بواسطة مسلم سني

السلام عليكم
هل في رايك أن مشاكل الجزائر في يد الدولة وحدها؟
تدخلاتك ذات اتجاه سياسي أكثر منها اجتماعي ولو أن مشاكلنا الاجتماعية سببها مشاكلنا السياسية
احترماتي وآسف على تأخري في الرد لم أر ردك إلا الآن

نعم أخي
تدخلاتي كلها ذات توجه سياسي..لماذا؟؟
الفرد الجزائري فريد من نوعه له خصائص هامة اجتماعيا و يتجلى دلك في المناسبات و في التويزات في الافراح في الاقراح...
الطينة الصافية للجزائري ...لا غبار عليها...و لكن لا يوظفها بشكل صحيح لا نتحد الا عند الكوارث أو عندما تتزير الحالة...

الدولة بسياساتها تستثمر في طيبة الشعب الجزائري من أجل أغراض معينة و خير مثال تشبيه 10ماي بأول نوفمبر.............

القرار السياسي في الجزائر يصنع كل شيء اجتماعيا ثقافيا اقتصاديا دينيا و حتى رياضيا و خير دليلين متناقضين في الرياصة هما
1 -48 ساعة كانت كافية لاحتلال ام درمان
2-الاحتراف في كرة القدم...هو ملموس في الواقع و يتطلب سنوات و سنوات حتى تكسب النوادي قاعدة استثمارية و تجارية ... فكيف يكون بقرارات سياسية للدعم من اماوال الشعب لرؤساء النوادي....

لمادا السياسيون لا يخافون الله في هدا المجتمع و يصدرون قوانين شجاعة للاستثمار في تللك الميزه الهامة للفرد الجزائري و هي حب التميز و فداء الوطن؟؟؟؟؟؟؟؟؟؟؟؟؟؟؟؟؟؟؟؟؟