التغير المفاجئ لبعض الفتيات بعد خطبتهن غرييييييييب

[وردة أمل]

فعلا اختي عندك الحق و انا لاحظت هذا الأمر لما البنت تتخطب تلقايها رافدة روحها على الناس و كأنها دارت انجاز عظيم و يبانولها لبنات صحباتها صغارات و هي الكبيرة لأنها مخطوبة ,,,,,,بصح ماشي كامل لبنات كاين لي تتغيرش و تبقى هي هي حتى بعد الزواج

واش تحبي هاذوا لي عقلهم صغير يتصرفوا بهاذ الطريقة

الله يصلح أحوالنا

[رجاها 22]

المشاركة الأصلية كتبت بواسطة الحطاب سهام

البنت بعد الخطوبة تدخل في عالم اخر تبدا تحضر تبدا تخمم في الحياة الجديدة تبدا تفتكر في الافكار باه تعمل شهرتها لهذا تكون مشغولة عكس كي كانت قبل الخطوبة وصراحة البنت بعد الخطوبة لازم كل خطوة تعملها بحسابها الان راهي في رقبة راجل تخرج بالقدر وتدخل بالقدر وحتى والديها رايحين كل نهار يقولولها الان راكي رايحا تولي مرت راجل لازم تنتبهي وخمي في حياتك وبركاك ماتبعي في البنات
اما بعد الزواج فصراحة هنا المراة لا تلام راهي ولات مسؤولة على بيت وقراراتها ليست مسؤولة عليها لازم استشارة الزوج وقادر هو يرفض انها تتصل بالصديقات القديمات نتاعها لهذا هي تعمل كل هاذا وتبتعد باه تحافط على بيتها والصراحة شحال سمعت من قصة نتاع بيوت تخربت بسبب دباير الصديقات وليس كل صديقة تخاف الله
اما انها تخاف او تغير على راجلها فهذا من حقها من حق المراة تغير
المهم كي صحباتكم يتزوجوا ادعولهم بالخير وهذي هي الدنيا لازم يجي النهار الواحد ينتبه لاشغاله وتبقى الصداقة ذكرى جميلة

اهلا اختي ماقلته منطقي جدا لكن ليس دلك ماعنيته بالضبط
اقصد في تصرفاتها اتجاه صديقاتها وتغيرها في تعاملهم معها رانا كبار ونميزو مليح بين التغيير المنطقي واللي لازم منوا و التغيير اللي هو نابع عن نوايا اخرى
لي احدى القريبات مند مدة تخطبت ولات كي نكونو مع بعض تكيلني من تحت للفوق حتى نشك في روحي نقول بالاك الملابس دياولي كاش ما فيهم او عجبوها او او ... المهم ولات حتى متقعدش معنا وتعبرناش حتى بكلمة صباح الخير وكانها اصبحت في مستوى اعلى او هي الوحيدة التي تخطبت اختي بالكلام لا استطيع ان اوصل الفكرة فقط من مرت بمتل هته التجرب ستفهم قصدي جيدا
في حين متال اخر عن الفتاة غير المخلوعة صديقتي تخطبت لكنها بالعكس لم نحس باي تغيير في تصرفاتها معنا حتى ان خطيبها كان ياتي للجامعة ولا تتحسس من الامر رغم اننا نعرف انها غيورة عليه
الان كلتاهما متزوجتان وقريبتي ولات لعقلها جاءتها فترة جنون لكن عادت لرشدها بعد فترة وقبل زواجها الله يسعدهم ويهنيهم
ويرزقنا بالزوج الصالح

[رجاها 22]

المشاركة الأصلية كتبت بواسطة وردة أمل

فعلا اختي عندك الحق و انا لاحظت هذا الأمر لما البنت تتخطب تلقايها رافدة روحها على الناس و كأنها دارت انجاز عظيم و يبانولها لبنات صحباتها صغارات و هي الكبيرة لأنها مخطوبة ,,,,,,بصح ماشي كامل لبنات كاين لي تتغيرش و تبقى هي هي حتى بعد الزواج

واش تحبي هاذوا لي عقلهم صغير يتصرفوا بهاذ الطريقة

الله يصلح أحوالنا

والله صحيح انجاز عظيم هههههههه
شفتا حنا اللي ماشي مخطوبات شحال صغارات وهوما عقلهم صغير
والحمد لله ليس كل البنات كيف كيف
بالمناسبة لي صديقة والله حتى بعد زواجها هي من تبحت عني اكتر مما افعل انا لا انكر اني مقصرة اتجاهها
الان راهي ببنت الله يهنيها وديمها في السعادة اللي راهي عايشتها ولعقوبة للجميع
شكرا لمرورك العطر اختي

[الحطاب سهام]

المشاركة الأصلية كتبت بواسطة رجاها 22

اهلا اختي ماقلته منطقي جدا لكن ليس دلك ماعنيته بالضبط
اقصد في تصرفاتها اتجاه صديقاتها وتغيرها في تعاملهم معها رانا كبار ونميزو مليح بين التغيير المنطقي واللي لازم منوا و التغيير اللي هو نابع عن نوايا اخرى
لي احدى القريبات مند مدة تخطبت ولات كي نكونو مع بعض تكيلني من تحت للفوق حتى نشك في روحي نقول بالاك الملابس دياولي كاش ما فيهم او عجبوها او او ... المهم ولات حتى متقعدش معنا وتعبرناش حتى بكلمة صباح الخير وكانها اصبحت في مستوى اعلى او هي الوحيدة التي تخطبت اختي بالكلام لا استطيع ان اوصل الفكرة فقط من مرت بمتل هته التجرب ستفهم قصدي جيدا
في حين متال اخر عن الفتاة غير المخلوعة صديقتي تخطبت لكنها بالعكس لم نحس باي تغيير في تصرفاتها معنا حتى ان خطيبها كان ياتي للجامعة ولا تتحسس من الامر رغم اننا نعرف انها غيورة عليه
الان كلتاهما متزوجتان وقريبتي ولات لعقلها جاءتها فترة جنون لكن عادت لرشدها بعد فترة وقبل زواجها الله يسعدهم ويهنيهم
ويرزقنا بالزوج الصالح

شوفي اختي ماتقلقيش قاع روحك وهذي غير فرحة الزواج من بعد تولي كيفها كيف الناس وبالعكس كي توالف الزواج تبدا تتفكر في صديقاتها وتتوحشهم المهم خلي صورتك شابة في ذهنها هكا كي تتفكرك تتفكرك بكل خير
وانت اختي كملي حياتك عادي وكل وحدا وعقليتها ماشي قاع لبنات كيف كيف ....ويا سيدي ان شاء الله كي يجيك مكتوبك اقعدي تفكرينا برك حذاري تتبدلي علينا ههههههههههههههههههه راني نقصر مع اختي برك

[رجاها 22]

المشاركة الأصلية كتبت بواسطة الحطاب سهام

شوفي اختي ماتقلقيش قاع روحك وهذي غير فرحة الزواج من بعد تولي كيفها كيف الناس وبالعكس كي توالف الزواج تبدا تتفكر في صديقاتها وتتوحشهم المهم خلي صورتك شابة في ذهنها هكا كي تتفكرك تتفكرك بكل خير
وانت اختي كملي حياتك عادي وكل وحدا وعقليتها ماشي قاع لبنات كيف كيف ....ويا سيدي ان شاء الله كي يجيك مكتوبك اقعدي تفكرينا برك حذاري تتبدلي علينا ههههههههههههههههههه راني نقصر مع اختي برك

ههههههههههههههه لالا متخافيش منتبدل عليكم ماننساكم + القصرة نتاعك شابة الله يحفظك
يا اختي انا مانيش مقلقا روحي انما حبيت نفهم برك علاه + باه نشوف ادا كان نظرتي للموضوع صحيحة او لا و ادا كنت انا الوحيدة او لا اللي لاحظت هد الامر او انه مجرد تهياااااااات المهم الحمد لله ما قلته كان صحيح وكان لبعضهن نفس الراي والتجربة و رايت ايضا عدة تعليقات ايجابية وسعت نظرتي للموضوع بارك الله فيكي وفي كل من شارك في الموضوع سلامييي

[Terrified-dz]

و شهد شاهد من اهلها

[selen]

و الله ما ذكرته قد يكون حصل مع معظمنا أنا شخصيا مرت عليا حالتان أولاهما صديقة عشت معها مرحلة خطبتها خطوة بخطوة الى أن تزوجت ولنزال على اتصال و الثانية طبعا لم أعلم بخطبتها و لا بزواجها حيث كانت تتجنبني طوال هذه المدة لكنها بقت على اتصال مع صديقاتنا اللواتي لا يقمن معنا في نقس المنطقة و المعضلة بعد الزواج تتصل بي لأنني الأقرب اليها من حيث المسافة و هي بحاجتي لتباشر العمل بمذكرتها

سبحان الله و لا حول ولا قوة الا بالله

[staifia]

والله صح يتبدلوا 180 درجة ,,, تقول طلت عليهم ليلة القدر
زعما يصيروا سيريو و ميدخسوش هههههههههههههه ,,,,
وهما اللي ما يعرفهم يجهلهم ......

[ابراهيم داود]

لقد حاول الفيلسوف الألماني شوبنهاور تحليل هذه الصفات في المرأة بشكل لاذع جدا و الطريف ان الكثير مما قالة صحيح : " لرجال بطبيعتهم لا يكترثون ببعضهم البعض. اما المرأة فانها بطبيعتها عدوة لكل امرأة اخرى. والسبب في ذلك هو ان الأمزجة النسائية المتماثلة تتنافر. فبينما لا تتعدى العداوة بين الرجال حدود التنافس المهني، تشمل عداوة النساء كل شيء انثوي لأن مهنة النساء جميعاً مهنةٌ واحدة وهي الزواج.لذا فعندما تمر امرأة باخرى في الشارع ترمق كل منهما الاخرى بنظرات غير ودية وكأنها ضرَّتها فتتحاربان لأقل عذر او حتى بدونه مثلما تحارب حزب غويلف مع حزب غيلين (اللذين كان احدهما مؤيداً في القرون الاوسطى للبابا والآخر مؤيداً لامبراطور الدولة الرومانية المقدسة). وعندما تلتقي امرأتان لاول مرة يبدو جليا ان كلاً منهما تمثل شخصية غير شخصيتها الحقيقية على عكس الرجال.وعندما تطري احداهن الأخرى يبدو الاطراء تهكمياً لا يهضمه الرجال، وبينما يراعي الرجل متطلبات الأدب والانسانية حتى عندما يخاطب رجلاً آخر ادنى درجة اجتماعية منه، تخاطب المرأة الاستقراطية من دونها طبقياً من النساء بفظاظة وقلة ادب، (ناهيك عن معاملتها للخدم)، والسبب في ذلك هو ان المقام الاجتماعي للمرأة مهزوز على عكس ما هو الحال لدينا نحن الرجال. فهو مهزوز لأنه قد يتغير او يُلغى بسرعة اكبر مما قد يحصل للرجل، فمصائبنا نحن الرجال تأتي من مائة مصدر بينما تأتي مصيبة المرأة من مصدر واحد فقط لأن مقامها يعتمد على الرجل الذي نجحت بايقاعه في حبائلها. ومن الاسباب الاخرى لتغطرس المرأة ومثابرتها على تأكيد علو مقامها أن جميع النساء يمارسن مهنة واحدة فقط وهي البحث عن ازواج والاحتفاظ بهم. وبالتالي تتقارب مستوياتهن وتتوحد صفوفهن على عكس الرجال الذين يكافحون لاثبات فروقهم الطبقية ."

[رجاها 22]

المشاركة الأصلية كتبت بواسطة terrified-dz

و شهد شاهد من اهلها

السلام عليكم و بارك الله فيك على المشاركة
ولو اني لم افهم قصدك جيدا اتمنى منك التوضيح

[رجاها 22]

المشاركة الأصلية كتبت بواسطة selen

و الله ما ذكرته قد يكون حصل مع معظمنا أنا شخصيا مرت عليا حالتان أولاهما صديقة عشت معها مرحلة خطبتها خطوة بخطوة الى أن تزوجت ولنزال على اتصال و الثانية طبعا لم أعلم بخطبتها و لا بزواجها حيث كانت تتجنبني طوال هذه المدة لكنها بقت على اتصال مع صديقاتنا اللواتي لا يقمن معنا في نقس المنطقة و المعضلة بعد الزواج تتصل بي لأنني الأقرب اليها من حيث المسافة و هي بحاجتي لتباشر العمل بمذكرتها

سبحان الله و لا حول ولا قوة الا بالله

لاحول ولا قوة الا بالله
يتجنبوببنا وعند الضيق يحبوننا ليستغلوننا
ربي يهديهم ويهدينا شكرا
على المشاركة

[رجاها 22]

المشاركة الأصلية كتبت بواسطة staifia

والله صح يتبدلوا 180 درجة ,,, تقول طلت عليهم ليلة القدر
زعما يصيروا سيريو و ميدخسوش هههههههههههههه ,,,,
وهما اللي ما يعرفهم يجهلهم ......

كيما قلتي اختي اللي ميعرفهمش يجهلهم
بارك الله فيك على المشاركة

[سفيان القاسمي]

ربي يهدي ما خلق

[رجاها 22]

المشاركة الأصلية كتبت بواسطة ابراهيم الأستاذ

لقد حاول الفيلسوف الألماني شوبنهاور تحليل هذه الصفات في المرأة بشكل لاذع جدا و الطريف ان الكثير مما قالة صحيح : " لرجال بطبيعتهم لا يكترثون ببعضهم البعض. اما المرأة فانها بطبيعتها عدوة لكل امرأة اخرى. والسبب في ذلك هو ان الأمزجة النسائية المتماثلة تتنافر. فبينما لا تتعدى العداوة بين الرجال حدود التنافس المهني، تشمل عداوة النساء كل شيء انثوي لأن مهنة النساء جميعاً مهنةٌ واحدة وهي الزواج.لذا فعندما تمر امرأة باخرى في الشارع ترمق كل منهما الاخرى بنظرات غير ودية وكأنها ضرَّتها فتتحاربان لأقل عذر او حتى بدونه مثلما تحارب حزب غويلف مع حزب غيلين (اللذين كان احدهما مؤيداً في القرون الاوسطى للبابا والآخر مؤيداً لامبراطور الدولة الرومانية المقدسة). وعندما تلتقي امرأتان لاول مرة يبدو جليا ان كلاً منهما تمثل شخصية غير شخصيتها الحقيقية على عكس الرجال.وعندما تطري احداهن الأخرى يبدو الاطراء تهكمياً لا يهضمه الرجال، وبينما يراعي الرجل متطلبات الأدب والانسانية حتى عندما يخاطب رجلاً آخر ادنى درجة اجتماعية منه، تخاطب المرأة الاستقراطية من دونها طبقياً من النساء بفظاظة وقلة ادب، (ناهيك عن معاملتها للخدم)، والسبب في ذلك هو ان المقام الاجتماعي للمرأة مهزوز على عكس ما هو الحال لدينا نحن الرجال. فهو مهزوز لأنه قد يتغير او يُلغى بسرعة اكبر مما قد يحصل للرجل، فمصائبنا نحن الرجال تأتي من مائة مصدر بينما تأتي مصيبة المرأة من مصدر واحد فقط لأن مقامها يعتمد على الرجل الذي نجحت بايقاعه في حبائلها. ومن الاسباب الاخرى لتغطرس المرأة ومثابرتها على تأكيد علو مقامها أن جميع النساء يمارسن مهنة واحدة فقط وهي البحث عن ازواج والاحتفاظ بهم. وبالتالي تتقارب مستوياتهن وتتوحد صفوفهن على عكس الرجال الذين يكافحون لاثبات فروقهم الطبقية ."

بارك الله فيك على المداخلة القيمة
لكن مع كل احترامي لك لم اهضم كل ما قاله الفيلسوف الالماني شوبنهاور
ليس كل النساء كما دكر ليس كل النساء همهن الوحيد البحت عن ازواج يعني الرجال ليس من همومهم البحث عن الزوجة المناسبة لهم
مقامنا الاجتماعي ليس مهزوز ربما كان دلك موجود في زمنه وفي حضارته
+ اظن ان ما تفعله المراة تجد الرجل في المقابل يفكر فيه ويفعله ولا اظن انه يوجد دلك الفرق الشاسع الدي تحدت عنه الفيلسوف
والغريب ان كل مادكره عن الرجال غير صحيح من وجهة نظري
وشكرا لك على المشاركة

[سوزان سوزي]

ياختي تقولي دخلتي في قلبي دوك كنت راح نكتب هذا الموضووووووووووووووووووووع


انا خطبت ثحبتي للخويا من ذاك النهار وهي غير تشنف مني و كي نعيتلها تكوبي عليا وكي نقولها ماما راهي حابة تحكي معاك تقولي مانيش قاعدة من بعد


و ش نحكي وش نخلي

وزيد قالت للخويا عليا بلي راني نحكي مع واحد مهم بهدلتي مع خويا وزيد لصحباتنا قاتلهم بلي انا راني غيرا منها كي تخطبت و هي علبالها بلي انا جاو خطبوني قبلها و مقبلتش

والله فير راني حايران بزااااااااااااااااااااااااااااااا ف علاش راهي دير هكا