❀❀ هل صحيح تقل نسبة الزواج عند الفتاة الى عشرين بالمئة عند مكوثها في البيت

[بتول8]

صح الكثريات من الفتيات تزوجوا خارج البيت وجدوا فرصة مطلقهاش

بيت القصيد
اللي يسعى و يتعب يلقا
و الي يحب الساهل تاني يلقى
بصح وش الفرق الشهرية

[مصطفى قاسمي]

المشاركة الأصلية كتبت بواسطة amina-alaa

الدنيا مكاتيب
انا عمري ما حطيت الزواج قي بالي
ولكن اول خاطب كان زوجي
وقبلت به لانه عامل ومن عائلة محترمة
يعني درت النية و انا 22 سنة
انا الان 28 سنة و زوجي رائع
اكتشفت بعد الزواج ان له مسكن و سيارة خاصة وراتب عالي
مع انه عندما خطبني لم نسال عن شيء
كنت انوي ان اسكن مع العائلة
و ان اعيش معه ولو براتب قليل
اكملت دراستي عنده و ضحيت بالماجستير والعمل من اجل عائلتي الصغيرة
بنات اليوم يريدون كل شيء

الله يبارك لك اختي هذا ما نتمناوا الى كل اخت

شفتي الي يصدق مع الله وزين نيتو ربي يفرج عليه

ميش من المرة الأولة يشرط خاتم سليمان

وخاصة هذه الأيام رهي كلش نار في نار

المهم الزوج يكون انسان راجل يخاف ربي

ويعرف قيمة الزوجة اذا ربي فتح عليه يدرلها كلش على خاطر راهي تستاهل كل خير

لكي كل شكر على هذا المرور تحياتي

[مباركة 1961]

يعطيكم الربح.......(هذه مصطلحات امى ربى يحفظها )

استمتعت بنقاشكم بالصح رانى مواعدة نفسى باللى مانتدخلش

ولكن بالقاسيمى النسبة اللى كتبتها ماكانش منها
الحقيقية هى 60 فى المئة او اكثر

من شافك يالمكحلة فى الظلمة..............والفاهم يفهم

خلاص ماعادوش يقولو على بنتهم كل اصبع بصنعة
تطيب وتخيط وتدير المجبود والفتلة والكروشى ولا حتى بارعة فى التطريز ولا ولا

راه كلش فى الاسواق حتى الطعام والشخشوخة
وكاين حتى مطاعم لهذا الاكل انت وصواردك

عادوا يحوسوا على وحدة تعرف تتقلش __كيما بطلات السينما __من كثرة متابعتهم للافلام والمسلسلات

واللى تتكلم كلمة فرونسى وكلمة عربى و و

ربي يحفظنا

[عاليـ الهمم ـة]

وتبقى المواضيع المتعلقة بهي والمفتوحة من قبل هو حاضرة بقوة في المنتديات
يعطيك الصحة عمتي مباركة على تعليقك اوافقك فيما قلتي
ويبقى الزواج مكتوب.

[مصطفى قاسمي]

المشاركة الأصلية كتبت بواسطة بتول8

اتعلمون ايها الرجال
ان المراة شرعا غير مطالبة بالطبيخ و الكنس و الارضاع؟؟؟؟؟؟؟؟؟
المراة في الشرع حق يستمتع به الرجل و يدللها كما تستحق حتى الاكل مطالب هو يوفرهولها
بالمختصر
لا العاملة و لا الماكثلة مطالبة باعباء الحياة انما تفعل ذلك بطيب خاطر منها وحدها و الرجل يتحمل كل شي حتى البحث عن مرضعة لاولاده
لكن مانجده انو عندما تخلت المراة عن حقها في كونها امراة مصونة مدللة ملكة على عرش بيتها داس عليها الرجل و اصبح يطالبها بما هو اكبر و طاقاتها و ان تتحمل كل شي بدل عنه
فالسؤال اين هم الرجال يا ترى؟؟؟؟؟؟؟؟؟؟؟

اهلا بيك اختي نورتنا بوجودك على هذه الصفحة المتواضعة

هههههههه واش انقول هل هذا افتزاز ؟

واش فيها كيعود التعاون موجود بيناتهم هذه حجة مليحة ممكن حتى هو

يفرح وزيد يعمل اكثر ويحاول يسعدها ويروح يجبلها مرضعة

المهم السعادة تكون متوفرة بينهم

واذا كانت هي في البداية ماتشرطش عليه عندها الحق باش اليوم تتشرط عليه

بارك الله فيك وفي مرورك العطر دمت بود

[مصطفى قاسمي]

المشاركة الأصلية كتبت بواسطة amina-alaa

اعرف بنات صراحة اية في الخلق و الجمال و لكن فاتهن القطار من كثرة الشرط
هدا قصير
هدا ماشي شباب
هادا ماعندوش دار
........................

نعم كثرة الشروط راهي تفسد الحالة

الواحد محقوش يتشرط بزاف شوي يخلي الروحو وين يرجع

يشرط حوايج في الصلاح مثل السعادة وعدم تدخل الأخرين

ويكون راجل بمعنى الكلمة يعني تكون الشروط مقبولة

انا ثابت لو يعطوني الخبز والماء نقبل به المهم تكون السعادة اكثر من المطلوب

الف شكر على مرورك الطيب تحياتي

[مصطفى قاسمي]

المشاركة الأصلية كتبت بواسطة إكرام ملاك

لم ادري من اين ابدأ فالامر صار جد متشعب

وما بحكى هنا في الموضوع ما هو الا عينة ضئيلة

قد لا تعكس الواقع جيدا

اخر حدث واقعي سمعت به

رجل اقترح عليه المكوث في البيت وتربية الاطفال

بينما زوجته تخرج للعمل علما انه عامل حر لديه عمله الخاص بشكل دائم

من خلال اهدا اقول اصبح المجتمع و قضية الزواج يظهر بعدة حالات

الى درجة انه غاب المقياس اللي ممكن نعتمدوا عليه


اما عنوسة المراة عند وصولها سن 30 فهدا راجع الى ما قدر الله

وما يتزاوجوا في الارض حتى يتزاوجوا في السماء


بالنسبة للآهل على قدر ما يكونوا شرفاء راح تكون عندهم عزة نفس

باش يقولوا للرجل ارواح اخطب بنتنا من منطلق انه المجتمع لا يرحم

هكذا تصرف ولو رجعنا الى الدين لكان امر عادي مرحب به


بري يجيب الخير لكل البنات والشياب

اهلا وسهلا بيك الموضوع موضوعك ابدري فيه منين حبيتي

فعلا اختي غاب مقياس الزواج واصبح كل شئ وارد

دعيني اقول لكي اولا انا لم اقصد ان العنوسة تذهب جمال الفتاة

جمال الفتاة في دينها واخلاقها هذا هو الجمال الحقيقي وما دون ذلك زائل

انا حبيت انقول من اليوم لازم نساعد على زواج من هم في البيت

لزم نضكر محاسنهم وجمالم واخلاقهم عند الناس ميش نضرب النح ونحكي غير على بنت الشارع

شكرا لك على هذا المرور الطيب

[مصطفى قاسمي]

المشاركة الأصلية كتبت بواسطة بتول8

اولا نقول لك سلامة رأسك يبدو اننا اتعبناك معنا لكن واش تحبي في هذا الجيل
اسمحولي انفعلت لكن بلغ السيل الزبا
الرسول كي قال للراجل روح ازوج عطالو معايير و كل واحد وش يحب بصح نصح بذات الدين و اذا ماقدرش يصوم ايه يصوم (و شكون لي يقدرلها فوقتنا)
و كي قال للمراة و اهلها (بالطبع لانو الولي شرط لعقد القران ليس مثلما نراه في وقتنا اصبح الولي ملغا تماما فهي التي تاتي به للمنزل حتى المشرع الجزائري الغاه ) اذا جاكم من ترضون دينه و خلقه فزوجوه
كان من وحي يوحى
اما المهور و الخدمة و المكوث في البيت فتاني هدر عليهم لانو الدين تاعنا قالك ماخلا حتا حاجة حتى الخاصة جدا جدا
المهر لي اقلهن اكثرهن بركة
المكوث في البيت ربي قال و قرن في بيوتكن (و لي الله غالب راح تموت بالشر و لا ماحبتش تضيع سنوات الفوتوكوبي فالجامعة تخدم برضا الزوج و بعد الحوار و المفاهمة و ما تجيش تقول قالي اخدمي و لا يحوس عليا نخدم نضن النية واضحة من الاول)
و نسبة العشرين و الخمسين لا و جود لها الا في عقول الناس لي حبو يهولو القضية و يخلو نساء الجزاير كامل برا و الرجالة فالدار و للاسف حتى الرجال معضمهم و رايت نموذج منذ مدة للاسف يحبها تخدم برا و لداخل و تصرف عليه و هو ينوض يدير شوي سبور يدور ياكل و يرقد و قال انا عايش كي السلطان
الله يهدينا

نحن منذ البداية لم نقل ان زواجنا مستمد من الشرع او اننا لم نخالف ماجاء به محمد صلى الله عليه وسلم

وانما كان الموضوع يتكلم عن شبح العنوسة وما شبه

شعرنا ان هناك سبل تختار للهروب من الواقع المعاش وحولنا نقاشها بما نستطيع فعله اذا امكن الحال

لكن الشئ الملفت هنا وكأن الجميع لا يعرف ان احكامنا تستمد من الأعرف منذ القدم

وماجاء في الحديث لا نعرفه لكن هل تستطيع ان تقنع الأب والأم هي كذلك بإلتماس شئ من الذهب

فالحديث يحث على ذالك ان لم تستطع هنا عثرتنا الولة مع اننا لم نطالب بالخروج وطلبنا بالمساعدة

في ذكرهن بالخير ووصفهن بالجمال وحسن الخلق حتى تكن هي كذالك في الصورة

اما عن النسب سبحان الله اليس لنا بنات نخشى عليهم مثلكم وهل النسب هي من تكتب التريخ

واين العتماد على الله سبحانه


شكرا علة هذا المرور الطيب دمت بود تحياتي

[مصطفى قاسمي]

المشاركة الأصلية كتبت بواسطة مباركة 1961

يعطيكم الربح.......(هذه مصطلحات امى ربى يحفظها )

استمتعت بنقاشكم بالصح رانى مواعدة نفسى باللى مانتدخلش

ولكن بالقاسيمى النسبة اللى كتبتها ماكانش منها
الحقيقية هى 60 فى المئة او اكثر

من شافك يالمكحلة فى الظلمة..............والفاهم يفهم

خلاص ماعادوش يقولو على بنتهم كل اصبع بصنعة
تطيب وتخيط وتدير المجبود والفتلة والكروشى ولا حتى بارعة فى التطريز ولا ولا

راه كلش فى الاسواق حتى الطعام والشخشوخة
وكاين حتى مطاعم لهذا الاكل انت وصواردك

عادوا يحوسوا على وحدة تعرف تتقلش __كيما بطلات السينما __من كثرة متابعتهم للافلام والمسلسلات

واللى تتكلم كلمة فرونسى وكلمة عربى و و

ربي يحفظنا

اهلا وسهلا بيك علاش مواعدة نفسك متدخليش ياك هذا راه نقاش اخوي فقط

بصح يعطيك الربح ممكن حنا نستعملوها كثير وخاصة العزوج دائما تقلها

النسبة ميش مهمة بزاف بقدر الي يتكلموا فرونسي مخلطة بالعربية

بصح الشخشوخة انتاع الدار خير من نتاع السوق الله الله عليها اذا كانت حارة

شكرا لك على هذا التواجد معنا دمت بود

[amina-alaa]

المشاركة الأصلية كتبت بواسطة مصطفى قاسمي

الله يبارك لك اختي هذا ما نتمناوا الى كل اخت

شفتي الي يصدق مع الله وزين نيتو ربي يفرج عليه

ميش من المرة الأولة يشرط خاتم سليمان

وخاصة هذه الأيام رهي كلش نار في نار

المهم الزوج يكون انسان راجل يخاف ربي

ويعرف قيمة الزوجة اذا ربي فتح عليه يدرلها كلش على خاطر راهي تستاهل كل خير

لكي كل شكر على هذا المرور تحياتي

كل الشكر لامي لانها هي اللي زوجتني

كانت ديما تقول البنت كي جيها راجل يصور خبزة يومه لا اكثر مدلو بنتك كي تروح عندو هي تجيبلو الربح

و الطفلة الا جاها عريس الاول خدام مدلو
ما تستاهلوش الا راحت و لقات كلش واجد
و زوجي ايضا دكي و لم يتفاخر و كان حابني نديه على سمعتو ماشي واش عندو
ربي يعطي كل واحد على نيتو
امييييييييييييييييييييييين

[عاشـقة قسنطينة]

هذا الموضوع اجابته اكيدة
1 المكتوب على الجبين لازم تشوفو العين
2 المكتوب ما منو مهروب
يعني كون يكتب ربي لطفلة تبور اي والله تدير كل الطرق اي تبور وكون يكتب ربي لوحدة تتزوج بلا مكياج بلا حتى حاجة تتزوج
المكتوب جاي جاي ولا شيء يرد القضاء
شكرا

[قَاسِمٌ.قَاسِم]

"من استعجل الشيء قبل أوانه عوقب بحرمانه"

[نهج السلف]

السلام عليكم و رحمة الله و بركاته

يقول الله تبارك و تعالى :

" قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

و الله الموفق و الهادي إلى سواء السبيل

[تصفية وتربية]

الزواج رزق من الله
والله تكفّل بتوزيع أرزاق عباده وكلّ آتيه رزقه متى شـاء الله
فكم من ماكثة في البيْت تزوجت وكم من مُتسكعة في الشوارع ماتت عزبـاء