داخــل إقــــــــــــــامة جــــــــامعيــــة - الصفحة 3

mimimeriem · 2012-08-07, 17:39

ربي معاكم
الحمد لله مانحتاجش للاقلمة

سطايفية بكل فخر · 2012-08-07, 18:37

بكل اختصار اشكرك على الموضوع واقول لك
يمكن ان توثر الاقامة على الشخص بطريقيتي لا ثالث لهما
اما ان يتعلم منها ويصنع مستقبله
اما ان يهلك نفسه فيها ويضع مستقبله وهدا مالاتمناه لاحد
بالتوفيق للجميع

manel dima · 2012-08-07, 22:57

أنا شخصيا مانحبهاش ومانيش حابة نروحلها

زمهرير ولى الاثر · 2012-08-07, 23:04

أبدعت بكلامتك كادَ وصفك أن يكون شاملا ملمّا

لن أكون في الاقامة

عموما ان شاء الله نكون عند حسن الظن، في كل النطاقات

موفق أخي ، واصل ما بدأت من تفاني

أسعد الله قلبك، ورزقك رضاه

Oustad_Ahmed · 2012-08-07, 23:43

اقتباس:

المشاركة الأصلية كتبت بواسطة زمهرير ولى الاثر

أبدعت بكلامتك كادَ وصفك أن يكون شاملا ملمّا

لن أكون في الاقامة

عموما ان شاء الله نكون عند حسن الظن، في كل النطاقات

موفق أخي ، واصل ما بدأت من تفاني

أسعد الله قلبك، ورزقك رضاه

بارك الله فيك اختي

مروة الايمان · 2012-08-08, 00:08

الإقامه الجامعية !!!!!...واش نقوللكم عليها ميزيرية بكل معنى الكلمة ...صراحه انا الاسبوع الاول درتو كامل بكاء اولا أول مرة نبعد على دارنا و توحشت اللمة و ثااااااااااااانيا كنت خايفه من لاسيتي بزاف و خصوصا في الليل مي من بعد بدات الدراسة شوي بديت ننسى مي يالي تعبني بزاف هو الاكل ..الريستو !!!!الشكاية لربي كااارثة القططة في كل مكان هوما ياكلو فينا ماشي حنا يالي ناكلو ...فنظطر حنايا لبنات لشراء الاكل او الطهي في لاشومبر ويروووح بزاف وقت عن قرايتنا ...ويالي زاد عليا بزاااف هو المااااء يلزم نشريه من برا باه نشرب لانو ماء لاسيتي مش صالح للشرب فيه الجافال و زيد لانستالاسيو ماكانش يلزم نهبط لتحت باه نعمر يعنيييييييييي حياة بداااااااااائية خلاص ...عييت ..مي نقوللكم اعرفو تختارو مليييح يالي يكونو معاكم ف لي شومبر باه تجتنبو التوافه يالي توقع فيها خصوصا لبنات ...مي في نهاية العام و كيما طلع عامك تنسى كل شيئ و الله تعلمك لاسيتي الاعتماد على روحك و خصوصاااااااااااا قيمة اميييي في شؤون البيت و قيمة ابي في المصروووف لانو في لاسيتي منفيقش كيما نكون نصرف حتان نلقى روحي اون بان ونحس كأني مصرفتش أصلا ...ربي يكون في لعون انشاء الله واعرفو انو كل شيء يفوت و لقراية هي الصح

Oustad_Ahmed · 2012-08-08, 01:10

اقتباس:

المشاركة الأصلية كتبت بواسطة مروة الايمان

الإقامه الجامعية !!!!!...واش نقوللكم عليها ميزيرية بكل معنى الكلمة ...صراحه انا الاسبوع الاول درتو كامل بكاء اولا أول مرة نبعد على دارنا و توحشت اللمة و ثااااااااااااانيا كنت خايفه من لاسيتي بزاف و خصوصا في الليل مي من بعد بدات الدراسة شوي بديت ننسى مي يالي تعبني بزاف هو الاكل ..الريستو !!!!الشكاية لربي كااارثة القططة في كل مكان هوما ياكلو فينا ماشي حنا يالي ناكلو ...فنظطر حنايا لبنات لشراء الاكل او الطهي في لاشومبر ويروووح بزاف وقت عن قرايتنا ...ويالي زاد عليا بزاااف هو المااااء يلزم نشريه من برا باه نشرب لانو ماء لاسيتي مش صالح للشرب فيه الجافال و زيد لانستالاسيو ماكانش يلزم نهبط لتحت باه نعمر يعنيييييييييي حياة بداااااااااائية خلاص ...عييت ..مي نقوللكم اعرفو تختارو مليييح يالي يكونو معاكم ف لي شومبر باه تجتنبو التوافه يالي توقع فيها خصوصا لبنات ...مي في نهاية العام و كيما طلع عامك تنسى كل شيئ و الله تعلمك لاسيتي الاعتماد على روحك و خصوصاااااااااااا قيمة اميييي في شؤون البيت و قيمة ابي في المصروووف لانو في لاسيتي منفيقش كيما نكون نصرف حتان نلقى روحي اون بان ونحس كأني مصرفتش أصلا ...ربي يكون في لعون انشاء الله واعرفو انو كل شيء يفوت و لقراية هي الصح

السلام عليكم
راكي خوفتيهم اختي مروة
.ضرك يبطلو كامل ما يروحوش
لهذي - لا سيتي -

سطايفية بكل فخر · 2012-08-08, 01:14

هههههه هي صح يزيرية مي لي يعرفلها يقدر يعيش
ولي يجي بالصعب يجي حلو
ونزيدكم 60 بالمئة من جكاترة الجامعات تخرجة من اقانمة

مروة الايمان · 2012-08-08, 01:28

اقتباس:

المشاركة الأصلية كتبت بواسطة oustad_ahmed

السلام عليكم
راكي خوفتيهم اختي مروة
.ضرك يبطلو كامل ما يروحوش
لهذي - لا سيتي -

اخوفهم ؟؟؟ !!!!...لا اخوتي لم يكن قصدي تخوفيكم ...مجرد سردت لكم سيرورة حياتي الجامعية وكيف تأقلمت معها ...ففي الجهة المعاكسة هناك اقامات جد مريحة مثل اقامه الهضاب في سطيف المفتوحه مؤخرا وكذلك الباز ....ولكن يا أخي أنت من خوفتهم أكثر بتلك الصور في المطعم الجامعي ....

سطايفية بكل فخر · 2012-08-08, 01:29

واش من هضاب واش من باز الصح فالاقامة الاخلاق ماشي الرفاهية فقط
خلي البير بغطاه اختي

مروة الايمان · 2012-08-08, 01:30

اقتباس:

المشاركة الأصلية كتبت بواسطة سطايفية بكل فخر

هههههه هي صح يزيرية مي لي يعرفلها يقدر يعيش
ولي يجي بالصعب يجي حلو
ونزيدكم 60 بالمئة من جكاترة الجامعات تخرجة من اقانمة

صاااااااااائبة في كل حرف قلتيه اختي مشكووووووورة و رمضان كريم

مروة الايمان · 2012-08-08, 01:36

اقتباس:

المشاركة الأصلية كتبت بواسطة سطايفية بكل فخر

واش من هضاب واش من باز الصح فالاقامة الاخلاق ماشي الرفاهية فقط
خلي البير بغطاه اختي

لا توجد رفاهية في الحياة الجامعية اختي ...فعندما نقول راحة لا يكون القصد بها رفاهية فالذي يريد الرفاهية يبقى في بيته افضل ...اما بخصوص الاخلاق فهي الاساس قبل كل شيء اختي وكل وفصله فالجامعه جامعة بين الصالح و الطالح و كل و اختياراته و اي الطريق يسلك وهذا يرجع الى شخص الانسان و لا يمكن لاحد التحكم فيها ..نحن نتكلم عن انفسنا وماهو للغير نتركه له

سطايفية بكل فخر · 2012-08-08, 01:38

اختي انا نعرف سطيف مليح وعلابالي وشا صاري في اقاماتها وعلابالي بلي كاين لي مربين والحمد للخ ربي يحفضكم وترجعو بعد الامعاناة بالنحاج

Oustad_Ahmed · 2012-08-08, 01:49

اقتباس:

المشاركة الأصلية كتبت بواسطة مروة الايمان

اخوفهم ؟؟؟ !!!!...لا اخوتي لم يكن قصدي تخوفيكم ...مجرد سردت لكم سيرورة حياتي الجامعية وكيف تأقلمت معها ...ففي الجهة المعاكسة هناك اقامات جد مريحة مثل اقامه الهضاب في سطيف المفتوحه مؤخرا وكذلك الباز ....ولكن يا أخي أنت من خوفتهم أكثر بتلك الصور في المطعم الجامعي ....

انا مهدت لهم الطريق

هكدا باه ما ينصدموش كي يدخلو - الريسطو -

مروة الايمان · 2012-08-08, 01:52

اقتباس:

المشاركة الأصلية كتبت بواسطة سطايفية بكل فخر

اختي انا نعرف سطيف مليح وعلابالي وشا صاري في اقاماتها وعلابالي بلي كاين لي مربين والحمد للخ ربي يحفضكم وترجعو بعد الامعاناة بالنحاج

حتى انا نقرى في سطيف و عارفه واش يصرا تاني مي نقلك حاجه اختي يالي راهو يصرا في اقامات سطيف تلقايه في جميع الولايات و بالعكس اقامات سطيف ارحم والله ...ربي يكون في عون الجميع بحول الله و صح سحووووركم اخوتييييي