مجرد فكرة - الصفحة 3

MHTCOM · 2012-08-03, 01:57

سوسو و الله غير فكرة مليحة عجبتني وقتاش نديروها أنا جد متحمس للفكرة . هههه كتبت حاجة تعجبك

MHTCOM · 2012-08-03, 02:07

الجماعة بدات تطلب

karimblida · 2012-08-03, 02:09

اقتباس:

المشاركة الأصلية كتبت بواسطة mhtcom

الجماعة بدات تطلب

مبروك عليك
علقت سو ليوتنو

MHTCOM · 2012-08-03, 02:11

بسيف قريتها سوليوتنو حسبتها باطة لحظة

karimblida · 2012-08-03, 02:14

اقتباس:

المشاركة الأصلية كتبت بواسطة mhtcom

بسيف قريتها سوليوتنو حسبتها باطة لحظة

و الله ضحكتني
أضحك الله سنك
شكرا

MHTCOM · 2012-08-03, 02:23

والله نضحك برك . سوسو مانعرف واش بيها بلاك صايمة مازال ما أدنش عندهم

karimblida · 2012-08-03, 02:31

اقتباس:

المشاركة الأصلية كتبت بواسطة mhtcom

والله نضحك برك . سوسو مانعرف واش بيها بلاك صايمة مازال ما أدنش عندهم

و الله ما نعرف وش بيها
ما راناش نتمسخرو يا أختي برك نبسطو
نقدت الفكرة بهده الطريقة ما فيها والو
أنت تاني ناقشي بنفس اللهجة ...المهم أظنها مهذبة من أجل فكربك الطموحة
لو كالن راك وسطنا في الواقع كي يسرالك؟
يا رحم والديك ما تزعفيش

soso sirin · 2012-08-03, 02:40

اقتباس:

المشاركة الأصلية كتبت بواسطة karimblida

و الله ما نعرف وش بيها
ما راناش نتمسخرو يا أختي برك نبسطو
نقدت الفكرة بهده الطريقة ما فيها والو
أنت تاني ناقشي بنفس اللهجة ...المهم أظنها مهذبة من أجل فكربك الطموحة
لو كالن راك وسطنا في الواقع كي يسرالك؟
يا رحم والديك ما تزعفيش

شوف يا خويا النقد البناء على الراس و العين و مادام كتبت الموضوع علابالي كاين الي راح يوافق و كاين الي راح ينقد .خويا انا نزعف و لا لالا هذا ماراهش مشكل مي كون يدخل واحد للموضوع و يكون محتاج و يلقى هاذو الردود واش راح يكون الموقف تاعو الي مانبغوهاش لرواحنا مانبغوهاش على الغاشي تاني

karimblida · 2012-08-03, 02:56

اقتباس:

المشاركة الأصلية كتبت بواسطة soso sirin

شوف يا خويا النقد البناء على الراس و العين و مادام كتبت الموضوع علابالي كاين الي راح يوافق و كاين الي راح ينقد .خويا انا نزعف و لا لالا هذا ماراهش مشكل مي كون يدخل واحد للموضوع و يكون محتاج و يلقى هاذو الردود واش راح يكون الموقف تاعو الي مانبغوهاش لرواحنا مانبغوهاش على الغاشي تاني

و كأننا لا نعيش في نفس البيئة
الفكرة بعيدة كل البعد عن الواقع
يجب أن نطلق العنان لخيالنا و ننطلق من بيئة مثالية حتى نجعل منها مشروعا
أما عن المحتاجين اذا رأوا الردود ....اسألي نفسك أولا اذا شافو الموضوع واش رد فعلهم أنا أعيش بينهم و أعرف كيف يسترزقون
أخيرا
أحيي فيك تللك القوة العظيمة الله يبارك الزعاف عندك ماشي مشكل
الله يرزقنا كيما القوة نتاعك ,,,,,باسباب الزعاف راه صاري كوارث
أعيد و أكلرر أختي لا تزعفي

soso sirin · 2012-08-03, 13:37

اقتباس:

المشاركة الأصلية كتبت بواسطة mhtcom

والله كيما قال الأخ karimblida باسباب الزعاف راه صاري كوارث . راكي زعفانة نخاف ما تسحريش و تخرجيلنا بفكرة كيف تصبح باطمان . المهم صح رمضانكم

تعلمت حاجة في هاذي الدنيا انا نقول واش راني باغية و الناس يتقبلوها مايتقبلوهاش هذاك الشي راه شغلهم و تاني انا مانزعفش من شخص مانعرفوش اصلا انا نزعف من شخص يكون ياثر في حياتي و على السحور خويا منعندهم مانسحرش.و كون تخمم مليح و تشوف انو جل الاختراعات كانت فكرة غريبة و مستهجنة في الاول و الي كتبتو انا ماراه اختراع و لا اكتشاف هو فكرة عادية و راهي اقوقو مي المشكل راه فينا حنا

اقتباس:

المشاركة الأصلية كتبت بواسطة karimblida

و كأننا لا نعيش في نفس البيئة
الفكرة بعيدة كل البعد عن الواقع
يجب أن نطلق العنان لخيالنا و ننطلق من بيئة مثالية حتى نجعل منها مشروعا
أما عن المحتاجين اذا رأوا الردود ....اسألي نفسك أولا اذا شافو الموضوع واش رد فعلهم أنا أعيش بينهم و أعرف كيف يسترزقون و علاه خويا قالك انا راني عايشة في كاش قصر حتا انا من الطبقة المتوسطة
أخيرا
أحيي فيك تللك القوة العظيمة الله يبارك الزعاف عندك ماشي مشكل
الله يرزقنا كيما القوة نتاعك ,,,,,باسباب الزعاف راه صاري كوارث
أعيد و أكلرر أختي لا تزعفي

الفكرة ماراهي بعيدة على الواقع ماراهي مثالية فوق الحدود انا نشوفها عادية مي كيما قلت انت لازمنا حنا نكونو عباد عاديين هذا مكان .و انا لما طرحت الفكرة ماقلتش انا وحدي راح نطبقها و كون قادرة عليها اصلا علاه نكتبها كون خليتها عندي و خلاص و انا اصلا في الموضوع كتبت مجرد فكرة معنتها انا كتبتها للنقاش اما التطبيق فعلابالي راه شوية صعيب.و على كل حال ربي يخليكم على الردود و يحفظكم

soso sirin · 2012-08-03, 02:27

رانا نستناو في نهار جديد ان شاء الله يدخل علينا و عليكم بالخير

sarl02 · 2012-08-03, 02:40

اقتباس:

المشاركة الأصلية كتبت بواسطة soso sirin

هي مجرد فكرة و لا اعلم ان كانت ستجسد على ارض الواقع ام لا و لكن وددت مشاركتكم بها .علاه مانديروش صندوق للتبرعات تابع لمنتدى الجلفة و يحكمو واحد يكون كونفيونس و نولو نبعثولو الدراهم للكونت تاعو و كل ماواحد يستحق يدوموندي من هذا الشخص نيشان و كل واحد يساهم بواش يقدر لانو عارفة انو كل واحد فينا راه عندو مشاكل على راسو و عندو مسؤوليات بزاف مي اذا حسبناها بالورقة و الستيلو شحال رانا و كون كل واحد يمد واش يقدر رايحة تكون نتيجة ان شاء الله .مانيش عارفة اذا فكرة مليحة و لا لالا انا كي خممت فيها قلت نكتبها و نشوف واش رايكم...................................واش قلتو

اختصري الطرق والمسافات وابتعدي عن كل اشكال المساعدة المريبة والمشكوك في فعاليتها وبادري باعانة الاقربون منك فهم اولى بالمعروف ..هذا طبعا ان كنت قادرة على ذلك ولو بالقليل ...اكيد في محيطك يوجد من هو اولى بهاته الالتفاتة.

soso sirin · 2012-08-03, 02:52

اقتباس:

المشاركة الأصلية كتبت بواسطة sarl02

اختصري الطرق والمسافات وابتعدي عن كل اشكال المساعدة المريبة والمشكوك في فعاليتها وبادري باعانة الاقربون منك فهم اولى بالمعروف ..هذا طبعا ان كنت قادرة على ذلك ولو بالقليل ...اكيد في محيطك يوجد من هو اولى بهاته الالتفاتة.

صح و هذا واش قالولي كامل شكرا على الرد

MHTCOM · 2012-08-03, 02:46

أو صديقنا sarl02 قالك اختصري الطرق و المسافات يعني لازملك موطو . شكون يبدا بالتبرع

soso sirin · 2012-08-03, 02:53

المهم هي كانت مجرد فكرة مابغيتش نخمم فيها وحدي و نشكر كل واحد مد رد و ربي يجيب الخير ان شاء الله .شكرا لكل من مر على الموضوع.صح سحوركم