الله يجازيكم عاونوني راني حايرة وباه نهبل - الصفحة 3

وهمُـ الأقنعة~ · 2012-07-31, 00:49

اقتباس:

المشاركة الأصلية كتبت بواسطة mohaa47

ما هذا الكلام الذي تقولينه ..............عيب و عار ..........أحبه ..........ولا أتزوج..............هذا ما رباوك والديك...........

أخطينا ماتفريميش خويا
ايلا معجبكش الموضوع اخرج والا هذا الرد ............

متدخلش في الدين الذيق خير لكـ
سلآمـ

مريم الصابرة · 2012-07-31, 01:32

اقتباس:

المشاركة الأصلية كتبت بواسطة الواثق

ارجو ان تكوني بخير وتقبل الله منا ومنك الصيام والقيام

بالنسبة لهذه الكلمات ** نبغييييه وتبغيييه *** هي مبينية في الاحلام بل اكبر مصوغ لها هو الشيطان والعياذ بالله.................فتجد الشابة تعيش في اوهام مع شاب هو كذلك متوهم والكارثة لايوجد رادع او ناصح كل يمشي على هواه الا مارحم ربك .............كما ان الله ليس غالبا علينا في هذه الامور بل الخطأ منا و من انفسنا ومن الشيطان ......................

اعجبتني كلمة بولحية .......فانا اعتز بها كثيرا كاعتزاز المسلمة بالحجاب
واكيد هذا الذي يسمونه حب قبل الزواج ليس له اساس بل هو ميول فطري يحدث مع اي شخص ويرسخ في الشخص الذي لم يتق بعض الامور كالخضوع في القول وعدم غض البصر والاختلاط مع النساء .......................اما كل الحب يأتي بعد الزواج فهناك الرجل يحب زوجته لخلقها ولخدمتها له ولانها ام اولاده ولانها نصفه الاخر وهي بدورها تكن له هذا .......................

صح صيامكم

السلام عليكم خويا
بالاك تكون زعفت مني على العكس انا نوافقك الراي تماما ما كلمة بولحية فقلتها والله وكلي إحترام الحمد لله نحترم الناس اللي دايرة اللحية هذيك سنة خويا بلاك تكون زعفت مني والله ماكان قصدي و الله من باب المزاح فقط قتلك هكذاك أعتذ لكن والله ما قصدت

الواثق · 2012-07-31, 01:41

اقتباس:

المشاركة الأصلية كتبت بواسطة مريم الصابرة

السلام عليكم خويا
بالاك تكون زعفت مني على العكس انا نوافقك الراي تماما ما كلمة بولحية فقلتها والله وكلي إحترام الحمد لله نحترم الناس اللي دايرة اللحية هذيك سنة خويا بلاك تكون زعفت مني والله ماكان قصدي و الله من باب المزاح فقط قتلك هكذاك أعتذ لكن والله ما قصدت

ولما اغضب منكي لم اغضب يوما من اختي مريم رحمها الله بل كنت اذهب اليها راكضا عندما يغضبني احد ....................فانت كذلك اختي مريم

شفاكم الله ووفقكم الله وبسر اموركم ورزقكم خير الدنيا والاخرة.....................وبلعكس انا افرح لما يقول لي شخص بولحية اتعلمين لماذا ؟؟؟ لان كل شخص يحب من رباه ...............وانا قد ربتني اللحية على كثير من الامور ولم اربها

حنيني24 · 2012-07-31, 11:36

السلام عليكم ورحمة الله وبركاته
أخيتي،،،، كل واحد منا أعطاك رأيك ،،، تبقين أنت وحدك صاحبة الموقف،،،فوضي أمرك لله،،،واجعلي حاجتك إليه،،
---
في رأي ::: تكملي دراستك،،،، لكن،،، ليس داخلي،،، يعني ادرسي في مكان اقامتك،،،
إذا كان هذا الشخص يحبك،،، وأظهر نيته،، في التقدم لخطبتك،،، فاسألي الله أن يرزقك به زوج،،، وييسر أموركما
أما إذا كنتِ تحبينه،،، وتعتقدين أنه يحبك،،، فأقول لك أخيتي،،، لا تضيعي وقتك بالانتظار،،
أما بأن تترتبطي بشخص،،، وقلبك معلق بشخص آخر،،
فهذا الأمر صعب جدا،،، أمام الله،،وأمام نفسك
أخيتي،،، رمضان فرصة،،، اغتنميها بالدعاء والتضرع إلى الله،،،بأن يفرج همك،،، ويسدد خطاااك،،،
هذا ما أستطيع أن أقدمه لك،،

مريم الصابرة · 2012-07-31, 15:13

اقتباس:

المشاركة الأصلية كتبت بواسطة الواثق

ولما اغضب منكي لم اغضب يوما من اختي مريم رحمها الله بل كنت اذهب اليها راكضا عندما يغضبني احد ....................فانت كذلك اختي مريم

شفاكم الله ووفقكم الله وبسر اموركم ورزقكم خير الدنيا والاخرة.....................وبلعكس انا افرح لما يقول لي شخص بولحية اتعلمين لماذا ؟؟؟ لان كل شخص يحب من رباه ...............وانا قد ربتني اللحية على كثير من الامور ولم اربها

السلام عليكم خويا ربي يجازيك على كلامك الروعة وشرف ليا تعتبرني كيما مريم الله يرحمها ويلاقيك بها فالجنة إن شاء الله
كلامك روعة وهذا كلام الصح لازم اللحي تربيك على امور ماشي إنت اللي تربيها راك خليتني نحب صحاب اللحية كنت نخافهم ههههههههههه شكرا وربي يخليك ويرزقك الزوجة الصالحة

وهمُـ الأقنعة~ · 2012-07-31, 17:12

اقتباس:

المشاركة الأصلية كتبت بواسطة حنيني24

السلام عليكم ورحمة الله وبركاته
أخيتي،،،، كل واحد منا أعطاك رأيك ،،، تبقين أنت وحدك صاحبة الموقف،،،فوضي أمرك لله،،،واجعلي حاجتك إليه،،
---
في رأي ::: تكملي دراستك،،،، لكن،،، ليس داخلي،،، يعني ادرسي في مكان اقامتك،،،
إذا كان هذا الشخص يحبك،،، وأظهر نيته،، في التقدم لخطبتك،،، فاسألي الله أن يرزقك به زوج،،، وييسر أموركما
أما إذا كنتِ تحبينه،،، وتعتقدين أنه يحبك،،، فأقول لك أخيتي،،، لا تضيعي وقتك بالانتظار،،
أما بأن تترتبطي بشخص،،، وقلبك معلق بشخص آخر،،
فهذا الأمر صعب جدا،،، أمام الله،،وأمام نفسك
أخيتي،،، رمضان فرصة،،، اغتنميها بالدعاء والتضرع إلى الله،،،بأن يفرج همك،،، ويسدد خطاااك،،،
هذا ما أستطيع أن أقدمه لك،،

وعليكم السلام نعمة الكلام
والله أختي نقطة مذكروهاش الي قبلك

اقتباس:

أما بأن تترتبطي بشخص،،، وقلبك معلق بشخص آخر،
فهذا الأمر صعب جدا،،، أمام الله،،وأمام نفسك

صراحة انا راني نشوف لهادي بزاااف وتقدرءي تقولي هادي هي الي راني نخمم فيها باسكو مانيش باغية ندي واحد منعرفوش ومنقدرش نقوم بالواجب الي لازم عليا سورتو انني الشخص الي نحب مانيش ننساه راني كل وقت نزيد نحب مالgري هو بعيد عليا
بصح كيفاه ندير الله غالب تعلمت طبيعة شينة واش ينحيهالي

دادا22 · 2012-07-31, 17:16

اقتباس:

المشاركة الأصلية كتبت بواسطة وهمُـ الأقنعة~

السلام عليكم
صح رمضانكم نتمنى تكونوا بخير

والله الا راني حايرة وباه نهبل وان شاء الله نصيب عندكم الحل

انا بنت عمري 19 عام هذا العام جبت الباك انا نسكن في ولاية شلف واخترت انني نقرا في الجزائر درت تخصص نبغيه بزاف بصح والديا وكامل لافامي راهم معارضين باه نقرا خارج ولايتي راكم عارفين حالة الاقامة والترونسبور

راهم يقولولي ايلا مراكيش باغية تقراي اتزوجي مع العلم انه عندي شخص نبغيه بزاف منقدرش نوصفلكم شحال نبغيه وعلى حساب منعرف هو تاني يبغيني بصح افار نتاع تكون بيناتنا علاقة هادي موحال باسكو كاين اسباب لا داعي لذكرها أحسن

وغير في هادوا ليام تقدم ليا واحد يسكن خارج الولاية نتاعنا قالولي كامل اقبلي بيه
وانا كيما العادة دائما ندير السبة بقرايتي غير باه منتزوجش باسكو كيما قلتلكم من قبل عندي واحد نموووت عليه

بصح هادي المرة الحيلة نتاعي نتاع القراية مخرجتش عليا باسكو هذاك الراجل الي تقدملي قالي نخليك تقراي يا لوكان 5 سنين
على حساب مشفتهم يتبعوا فيا ومام هو تاني قاللهم مانيش باغي نسمح فيها
انا قلتلهم مدام عندي واحد نبغيه منقدرش نروح عند واحداخر
بصح قالولي راكي تقولي موحال باش المكتوب يجمعنا شتا راكي تستناي

والله يا جماعة ألا تخلطتلي وراني حـــــــــــــايرة
الله يرضى عليكم عاونوني ولو بالقليل

ملاحظة الشخص الي نبغيه منقدرش ننساه عزيز عليا كيما بابا

بكل بساطة و امانة نصح
الحب الحقيقي هو العشرة بعد الزواج
اما ما تحكي عليه ما هو الا نروات و خيال شباب
وستذكرين نصيحتي لما تتروجي
الله يوفقك الى الحلال ان كنت ترغبين فيه

وهمُـ الأقنعة~ · 2012-07-31, 17:23

اقتباس:

المشاركة الأصلية كتبت بواسطة دادا22

بكل بساطة و امانة نصح
الحب الحقيقي هو العشرة بعد الزواج
اما ما تحكي عليه ما هو الا نروات و خيال شباب
وستذكرين نصيحتي لما تتروجي
الله يوفقك الى الحلال ان كنت ترغبين فيه

حاجة باينة كل واحد فينا يتمنى الحلال ويحوس يتجنب الحرامـ
إن شاء الله نتفكرك وهادي باينة بعد سنوات لانه 19 سنة مازال الحال عليا
تقدر تقول 3 ولا 4 سنين çava
ربي يجازيك
صح فطوركـ

karimblida · 2012-07-31, 17:23

اقتباس:

المشاركة الأصلية كتبت بواسطة دادا22

بكل بساطة و امانة نصح
الحب الحقيقي هو العشرة بعد الزواج
اما ما تحكي عليه ما هو الا نروات و خيال شباب
وستذكرين نصيحتي لما تتروجي
الله يوفقك الى الحلال ان كنت ترغبين فيه

نعم أظن أن الامور تسير على هدا النحو

وهمُـ الأقنعة~ · 2012-07-31, 17:30

اقتباس:

المشاركة الأصلية كتبت بواسطة karimblida

نعم أظن أن الامور تسير على هدا النحو

مام انا نظن هكذا
ربي يحفظك خويا كَريمْـ

soso sirin · 2012-07-31, 18:26

نقلك حاجة اختي و الي بلاك راه رايح يريحك ان شاء الله كملي قرايتك و لهاي فيها و مع الوقت ان شاء الله راح تقدري تنسايه هذا الشخص لانو من كلامك انتي اصلا ماراكيش تخممي في الزواج و انا اصلا راني نشوف فيك صغيرة كيما قلتي نتيا 19 سنة الدنيا مازالها قدامك ربي يسهلك الي فيها الخير ان شاء الله و صح فطورك

مريم الصابرة · 2012-07-31, 18:28

اقتباس:

المشاركة الأصلية كتبت بواسطة آلاء النايلية

أمممممممممممممممممممم منقدر نقولك حتى حاجة و للا نمدلك الحل...
الاستخارة ثم الاستخارة
النصيحه لي نقدر نمدهالك متزيديش تحكي لحتى واحد في هاذ الموضوع متزيديش تشكي كي تضيق روحك صللي زوج ركعات في الليل و اشكي لربي و قولي وش في قلبك وراح تفوت الايام وتتبدل افكارك و تتعلمي كيفاه تخدمي عقلك و قلبك مش قلبك وحدو
و راح تندمي على هاذ الموضوع لي كابتيه ... متزعفيش .. ان شالله برك توصلي لذاك النهار و راح تفهميني
....

السلام عليكم اختي وين المشكل لما كتبتالموضوع هي راهي مودرة ومحتاجة نصيحة نصحنها صح راهي متعلقة برأيها بزاف لكن مش بالضرورة راحا دير على كلامنا لكن الإغلبية يحبوها الخير ونصحوها تتزوج هي صح تحب الشخص هذا و ولكن راهي عارفة ما يديهاش إحنا واش نقولو ربي يهدي النفوس وفالأخير تدي إلا ما كتبلها الله وشكرا صحا فطورك

مريم الصابرة · 2012-07-31, 18:31

اقتباس:

المشاركة الأصلية كتبت بواسطة ghost_4d

هنا يظهر غباء النساء !!

السلام عليكم خويا ماكانش لازم تقول هكذا
المرأة اللي راك تقول عليها عبية ولداتك واختك ومرتك وبنتك هذي طرحت مشكلة عندها ما عجبكش الحال عادي ما تردش ولكن ما تقولش عباء المرأة اكدي لما نمدو فرصة لراجل يستهزا بينا رانا اكبر غبيات شكرا صحا فطورك

مريم الصابرة · 2012-07-31, 18:36

السلام عليكم اختي ‘سمحيلي رديت في بلاصتك إستفزوني بعض الردود
اختي راني حاسة بيك واللي راكي تمري بيها مريت بيها وفي سنك تماما وكنت نشوف فالراجل اللي نحبو هو كل شي نديه وإلا نموت وكانو ينصحوني كيما رانا نصحناك ووالو ما نسمعش لحد وين ربي نساني فيه لقيتو ما يستهلنيش وحتى قيمة الراجل ما عندوش يوم قتلو كاين شاب راح يخطبني قالي لو جيت انا ما نراطيش ايا بديت بالشوي نفكر في خطيبي اللي خطبني كان يتبغني فالطريق ويشوفني من بعيد ووليد الحلال جا ليا ديركت قالي حابين نجو لداركم نخطبط انا ضحكت وهوما صح جاو وخطبني وحبيتو بزاف بعد الخطبة راجل ومأصل ومتربي ويحبمي بزاف شفنتي ربي يغوض ولوما الموت إداتو لو راني متزوجة ضرك خلي إيمانك بربي كبير وولفي روحك بلا بيه يا سيدي ما تتزوجيش بلاخر كملي قرايتك وإبقاي وحدك وبعدي عليه بالشوي ولفي روحك بلا بيه لأانو راكي متأكدة ما يتزوجكش هذا واش راحا تستناي منو حتى تسمعي بالي تزوج ومن بعد تموتي وإلا واش ديري كملي قرايتك وإنجحي و ومن بعد فكري فالزواج ممكن يبدل رايو ويتزوجك وانا من رأي تقبلي بالشاب والقرار ليك موفقة اختي صحا فطورك

وهمُـ الأقنعة~ · 2012-07-31, 19:35

اقتباس:

المشاركة الأصلية كتبت بواسطة soso sirin

نقلك حاجة اختي و الي بلاك راه رايح يريحك ان شاء الله كملي قرايتك و لهاي فيها و مع الوقت ان شاء الله راح تقدري تنسايه هذا الشخص لانو من كلامك انتي اصلا ماراكيش تخممي في الزواج و انا اصلا راني نشوف فيك صغيرة كيما قلتي نتيا 19 سنة الدنيا مازالها قدامك ربي يسهلك الي فيها الخير ان شاء الله و صح فطورك

الله يجازيك أختي مريم انت واه راكي حاطة معايا وكلامك رزين وهذا الرد كمل واش كنت باغية نوصل وراكي عارفة الناس يأثر بزاف وسورتو دارنا
ألي فيها الخير الله يقدمها
مرسي حنونة وصح فطورك
سلآمـ