الذي بيننا - الصفحة 3

مريم الصابرة · 2012-07-14, 22:17

[QUOTE=maryem mimi;10807567]أهلا ليليا وش راكي نورتي المنتدى نتمنى عودتك لموضوعك لمة مريومة ،معك حقا أنا نحس روحي في دارنا لما ندخل المنتدى ،ليليا حبيت نسألك من هي زينب آلتي دخلت في غيبوبة ممكن رابط ملفها الشخصي[/QUOTE
السلام عليكم اختي ميمي واش راكي ربي ينور طريقك الغالية نرجع للموضوع لما يتلمو الحبابات راني نقوللهم ونتفاهمو على ساعة نتلاقا وفيها ديما وندردشو ونحكو خاصة رمضان جاي] زينب هي العضوة مشكاة الهدى ربي يرجعهانا بخير ونسمعو عليها خبر يفرح إن شاء الله راني نشوف الرابط ونحطو هنا شكرا اختي

مريم الصابرة · 2012-07-14, 22:23

اقتباس:

المشاركة الأصلية كتبت بواسطة نجمة ساطعة

ربي يشفي كل مريض يا رب و ... يفرج هم كل مكروب يا رب ... و يحقق اماني كل شخص امين يا رب العالمين

اتمنى ان تكوني بخير اختي ليليا

السلام عليكم اختي اللهم ىمين بارك الله فيك

مريم الصابرة · 2012-07-14, 22:26

اقتباس:

المشاركة الأصلية كتبت بواسطة حنيني24

السلآآآآم عليكم
مريومتي،،، الغالية
-----
والله أحزنني الخبر كثيراً،،،الله يشفيها وجميع مرضى المسلمين
أسأل الله العظيم رب العرش العظيم أن يشفي أختنا زينب
شفاءا لا يغادر سقما

السلام عليكم حنان الغالية واش اخبارك حنونة شفت والله موضوع زينب راه مقلقنا والله ما راني مرتاحة يا ختي نستنى في اي خبر يفرح عليها ربي يرجعهانا سالمة إن شاء الله شكرا اختي

مريم الصابرة · 2012-07-14, 22:29

اقتباس:

المشاركة الأصلية كتبت بواسطة اريج16

مرحبا بعودتك تختي مريم وربي يجيبلك الشفاء انت وكل مريض ياب وان شالله ربي يشفي زينب ونسمعو اخبار مليحة عليها

السلام عليكم اختي شكرا ربي يخليك اللهم آمين اختي الغالية
إن شاء الله توصلنا اخبار تفرح على زينب شكرا

soso sirin · 2012-07-14, 22:32

واش راكي مريومة ان شاء الله تكوني ريحتي ويماك ان شاء الله تكون بخير سمحيلي والله ماقدرت نعيطلك والله راهي عندي شوية ظروف سمحيلي بزاف يا مريومتي راني نعيطلك المهم قبل رمضان و نهدر معاك لانو راني محتاجاتك.تهلاي في روحك و سمحيلي بزاف يا مريومة راني مقصرة معاك مي والله ماشي بيدي

شمس 15 · 2012-07-14, 22:32

Meriouma khtitou wach raki,rabi yfarhak w yachfik inchallah w okhti zayneb ya rahmane ya rahim

مريم الصابرة · 2012-07-14, 22:32

اقتباس:

المشاركة الأصلية كتبت بواسطة سعاذ

السلام عليكم
مريم ان شاء الله تكوني مليحة
انا صح مشاركة في اربع منتديات بصح كل واحد لاه راني مشاركة فيه
كاين لي علاجال خدمتي وكاين لي علاجال قرايتي بصح المنتدى لي راني
مشاركة فيه خاطر كي ندخل نحس براحة هو منتدى الجلفة
عندى واحد 3 ايام وانا هلكانة لوكان تنسفي عليا نطيح
بصح نحاول نسرق ساعة باش نزور المنتدي خاطر كي
ندخل ونقرى نحس براحة
مريم ربي يشفيك ويشفي كل مرضى
وربي يعوض صبرك خير ان شاء الله
دمت اختي في رعاية الله و حفظه

السلام عليكم اختي أهلا وسها بيك واش راكي ريحي روحك يا ختي الصحة واعرة شوفيني وشوفي زينب مسكينة خانتنا الصحة ما تعبيش روحك
اكيد والله انا مشاركة في منتدى الجلفة فقط زمان كنت مشاركة في منتدى وغبت عليه مدة سنتين لكن لقيتهم غلقوه وراحو كل مسشاركاتاي وإنقطعت اخبار الاعضاء ومن بعد سجلت في منتدى الجلفة الله يبارك ناس روعة منهم إنت شكرا حنونة

مريم الصابرة · 2012-07-14, 22:33

اقتباس:

المشاركة الأصلية كتبت بواسطة sousou. Dz

السلام عليكم

والله غير كلامك ماشاء الله ربي يبارك فيك وفي المنتدى وفي اخواتنا اعضاء وربي يشافي كل مسلم ياااااااارب

السلام عليكم
اسومة ربي يخلكي حنونتي تعيشي
ربي يشافي كل مريض

مريم الصابرة · 2012-07-14, 22:36

اقتباس:

المشاركة الأصلية كتبت بواسطة امينة 1991

السلام عليكم
نور المنتدى بعودتك اختي مريم كيف حالكي ؟ وكيف حال صحتك ؟ اتمنى ان تكوني في احسن الاحوال
معك حق في كل كلمة قلتيها عن منتدى الجلفة وعن اعضائه الكرام فمثلا انا كنت مشتركة في عدة منتديات لكن الان بعدما ترعرت في احضان هذا المنتدى الرائع والراقي نسيت جميع المنتديات واصبحت اشتاق اليه واليكم انتم بالخصوص ..................
نعم بالفعل سمعت ما حدث للاخت زينب ربي يكون معاها ويشفيها ويرجعها لينا ولاهلها في اقرب وقت وان شاء الله تنورنا في المنتدى في القريب العاجل ياااااااااااااااااااااااااااااااااااااااااارب

السلام عليكم اختي امونة واش احوالك؟
نورك اللي مضوي حنونة راني بخير ربي يخليك حنونة السوال على زينب ربي يرجعهانا بخير والله أنا ما نهمش هي مسكينة إن شاء الله تولي لينا
إن شاء الله ربي يقوي المحبة بيناتنا إن شاء الله

عُضو مُحترم · 2012-07-14, 22:38

ما ييننا هُو الاُخوة في الله

مريم الصابرة · 2012-07-15, 22:14

اقتباس:

المشاركة الأصلية كتبت بواسطة الواثق

دمتم سالمين ...........

السلام عليكم اخي الواثق باين تحبنا بزاف ههههههههه كلامك طويل وما قدرتش نقراه تعبني يا استاذ واش من مادة راك تقري على حسب الإختصار الشديد نظن إنجليزية غود مونينغ سوور هههههه يا اللي تكره الأدبيين انا ادبية خير من العلميين كل شي حسابات لكن الادبيين حنان والله الله علينا تمنيت لو قريتني لو راك ضرك مجنون الجلفة الاول يا خسارة
بارك الله فيك اخي

مريم الصابرة · 2012-07-15, 22:15

اقتباس:

المشاركة الأصلية كتبت بواسطة عُضو مُحترم

ما ييننا هُو الاُخوة في الله

السلام عليكم اخي اكيد بيناتنا اخوة صادقة بزاف ربي يدومها

مريم الصابرة · 2012-07-15, 22:18

اقتباس:

المشاركة الأصلية كتبت بواسطة soso sirin

واش راكي مريومة ان شاء الله بخير و ان شاء الله تكوني ريحتي.ربي يشافيها يا رب و يشافي اي مريض و يشافيك يا مريومة.وصح المنتدى هذا ماراهش منتدىبرك ندخل ليه و نكتب و نخرج والله غير الناس الي فيه رجعو كيما خاوتي لانهم الصح ناس ماشاء الله ربي يخليهم كامل و يحفظهم.مريومتي سمحيلي بزاف بزاف والله راني حشمانة منك تاع الصح والله كانت عندي شوية ظروف المهم راني نعيطلك ان شاء الله و نهدر معاك .و ربي يخليك ويشافيك يا ليليا

السلام عليكم اختي وسيلة واش احوالك واشس هذي الغيبة حنونة
ناس المنتدى عزاز عليا بزاف ونحبهم كلهم وكل واحد بإسمو
يا حنونة علاش نسمحلك والله عادي عيطيلي وقت ما تحبي وما تنحرجي ما والو حنونة رانان خوتات كان على واش وعدتيني والله يا ختي عادي إنت عندي اهم ونعيطو لبعضانا نحكو لا علاقة بالمساعدة والله انا عادي عندي اختي نستناك مي والله ما ديري في بالك والو شكرا

مريم الصابرة · 2012-07-15, 22:20

اقتباس:

المشاركة الأصلية كتبت بواسطة chamchouma1

meriouma khtitou wach raki,rabi yfarhak w yachfik inchallah w okhti zayneb ya rahmane ya rahim

السلام عليكم أختي واش احوالك؟
والله بخير حنونة ربي يجازيك تعيشي ربي يشفي اختنا زينب يا رب والله هي اللي تهم في هذي الساعة انا على الاقل راني مليحة ووالفت الوضع نتاعي المهم هي تفطن وترجعنا بخير يا رب

مريم الصابرة · 2012-07-15, 22:22

اقتباس:

المشاركة الأصلية كتبت بواسطة soso sirin

واش راكي مريومة ان شاء الله تكوني ريحتي ويماك ان شاء الله تكون بخير سمحيلي والله ماقدرت نعيطلك والله راهي عندي شوية ظروف سمحيلي بزاف يا مريومتي راني نعيطلك المهم قبل رمضان و نهدر معاك لانو راني محتاجاتك.تهلاي في روحك و سمحيلي بزاف يا مريومة راني مقصرة معاك مي والله ماشي بيدي

السلام عليكم اختي وسيلة والله بخير يمى تسال عليك واش اخبارك وداركم وخياتك نتمنى راكم كامل بخير
يا اختي وسيلة والله السماح بيناتنا حنونة ربي يفرج عليك ويمرو الظروف حنونة انساي موضوع المساعدة اختي والله نورمال المهم تعيطيلي ونحكو عادي حنونة ما تنحرجي ما والو ما تحسي روحك وغدتيني لالا على العكس عادي كالعسل اختي نستناك تعيطيلي