فطير مشلتت محشي نستلي ونوتيلا رهييييييييييييب

[*وردة الشرق*]

السلام عليكم

صباح الانوار جئت اليكن اليوم بحلوة قديمة قديمة جدا لكن ادخلت عليها بعض التعديلات حتى تناسب دوفنا جربتها من قبل بطرقتهم لكن جات ناشفة يعني بدون عسل ما عندو حتى دوق امالا قلت ندخلو في وسطو اشياء ترجعو بالفكرة هده رايحة تاكلي حاوى فرنسية وليس اكلة مصرية رهيب خاصة مع القهوة او الحليب
نبدا على بركة الله بالمقادير :
سمن دائب
2كيسان فرينة
ملح حسب الرغبة
2مغارف صغار سكر
رشة بين زوج صباع خميرة الخبز




الحشو :
ملعقتين كبار من كل مكون
نسيتلي مكرمل
نوتيلا لينة
سكر
لوز او كاوكاو محمص ومرحي رقيق


نبدا بالتحضير لمي المكونات الجافة فقط فرينة وسكر وملخ وخميرة بماء بليها لينة وما تلصقش بزاف باليدين

اعجنيها مليح لازم تدلكيها مليح انا عجنتها بطريقتهم ندخل يدي في الجين من تحت الفوق يعني كما تكسري الطلوع للعجين تاعك لمدة 10دقائق غلفيها وتركيها ترتح على قد ما ترتح تعطيك نتيجة افضل انا تركتها ساعة ونصف



اقسميها كريات 4 متساويين ووحدة اكبر منهم


هنا تحتاجي لطاولتين عمل انا ستعملت طاولة وسينية ادهني السينية بالزيت لاكن ماتكتريش
ادهني الطاولة تاعك بالزيت اطرحي الكرية الاولى حاولي ترققيها شوية انقليها فوق السينية رشيها مليح بالسمن دايب انا استعملت مقدار ملعقة كبيرة
رشي فوقها سكر وزيدي فوقو اللوز او الكاوكاو


ارجعي للطاولة اطرحي الكرية التانية احمليها حطيها فوق الولى هنا نبدا بتشكيل الطبقات ادهنيها بالسمن وزيدي ادهني فوقو النيستل المكرمل


زيدي عاودي نفس العملية مع الثالثة ادهنيها بالسمن اكيد بعدما تكوني طرحتيها وزيدي ادهني فوقها النوتيلا اللينة


الاخيرة اطرحيه وحطيها فوق طبقة النوتيلا ودهنيها فقط بالسمن
من جهة اخرى اطرحي الكرية الاخيرة الكبيرة ورققيها شوية هنا ترجعي للطبقات اللي عملتيهم وتهزيهم بلعقل وترجعي الطبقة الخيرة هي اللي تحطيها من تحت يعني تقلبي الطبقات وتحطيها فوق الكرية الكبيرة بعد ما تكوني دهنتيها بالسمن لازم كل طبقة تتدهن وحدها


رجعي الاطراف واقفلي العجينة تاعك متل الظرف

حطيها في بلاط تاع الفرن واتركيها ترتاح من 15 حتى 30دقيقة ادخليها لفرن درجة حرارته 200 لمدة 30دقيقة لازم الفطير تاعك لما يعود يطيب يتنفخ متل المطلوع هكدا يبان انو ناجح لما تطيب الطبقة الاولى اقلبيه يزيد يطيب ويتقرقش من الجهة الثانية او حمريه فقط من فوق ادا كان طايب مليح هدا يرجع للفرن اللي عندك اتركيه يبرد وتناوليه روعة روعة ما شرايحة تصدقي الطعم
المهم في هده الطريقة تتركي العجين يرتاح مليح و تعجنيه مليح تحصلي على نتيجة رائعة لاحظي بنفسك اللصور











نتمنى يعجبكم وتجربوه وردولي خبر
انتظر ردودكن المفرحة والمشجعة