لحل الذي اغناني عن النظاف و روح الملح

[malak assia]

بارك الله فيك يا اختي هذا مشكل ياما عانينا منو تسلميلنا شكرا

[fadilasor]

يعطيك الصحة رحت نجري جربتها نتيجة فعالة

[نصال06]

meci 3la l idée sahitttttttttttti

[ايمان2009]

شكرا اختي العزيزة مانعرف تنفع مع بقع الرطوبة في الحائط ولا لا

[أم هجورة]

المشاركة الأصلية كتبت بواسطة ايمان2009

شكرا اختي العزيزة مانعرف تنفع مع بقع الرطوبة في الحائط ولا لا

اختي تقصدي البقع السوداء ديري جافيل وحدو في قارورة بخاخة يعني ترش ورشي البقع خليهم مدة رايحين يروحو تماما بلا ما تحكي مجربة وفعالة

[أسية24]

شكرا جزيلا أختي هل تنفع مع الكارلاج المحروق؟

[meriem hanin]

عيقروشة دييييييييييما تجيبيلنا المفيد
ربي يبارك فيك ان شاء الله يا امووووونة

[عمري ضايع]

بارك الله فيك..على الاقل نرتاحو من المواد الكيماوية اللي تضر

[kakpop]

سرقة هايلة يعطيك صحة
كشما تزيدي تسرقي قوليلي هههههههه

[أم هجورة]

الله يعطيك ما تتمناي والله كنت محتاجة لهدا الموضوع نجربها انشاء الله
جزاك الله خيرا

[enar]

بارك الله فيك اختي على الفكرة المفيدة

[Oum serine]

المشاركة الأصلية كتبت بواسطة amouna oumel bouaghi

لحل الذي اغناني عن النظاف و روح الملح

السلام عليكم و رحمة الله تعالى و بركاته

اليوم يا لبنات رايحة نحكيلكم عن تجربتي الشخصية في التنظيف ... الكارلاج الحمام .... الخ الخ

مشكلتي يا لبنات انو الكارلاج قديم تاع المرح و تاني انا فسدتو باستعمال لاسيد هذا نظاف هذا روح الملح ....
جربت فيه كل موصيبة و كان كل مرة يرجع كيما كان و أسوء خاطش لاسيد حفرهلي -_- لا نفع من روح الملح لاسيد ++++++ اضراره و كنت كل ما نستعملو عينيا يحرقوني رغم الحذر الشديد


المهم ندخلو فلموضوع انا سمعت على الخميرة الكيماوية = الخمارة تاع القاطو حقا عمري ما توقعتها تنظف ههه

رحت يا لبنات جبت جافيل سكبتو على الارض و جبت خمارة تاع لقاطو و حكيت و النتيجة "" بياض عمري ما توقعت نشوفو

-_- هاد النتيجة ما شفتهاش من وقت طوييييييييل صدقو لبنات ! جافيل و خميرة كيماوية


هذا كل شيء طبعا مي لازم تفركي بالمنكسة -_- ماشي كيما ليبرودوي تاع الكذب لي يوروهم في لاتيلي مجرد مسحة و تروح البقع لالالا

مي النتائج مضمونة و اللي عجبني انو ما يضرش لا في يديك و لا ريحة و لا شي

ايا اخواتي لي عندها مشكل في الحمام او كارلاج قديم و تعبت من المواد التنظيفية و منها باهضة الثمن

تجيب جافيل و خمارة القاطو و تجرب


يالله اخواتي نتمنى نكون ما طولتش عليكم

سلام

موضووووووووووووووع مسروووق للافادة

ما صرا حتى تفاعل,?

[أم أسامة 07]

شكرا فكرة رائعة نجربها إن شاء الله

[sorour43]

بارك الله فيك اختي ان شاء الله جاري التجريب

[منى27]

ربي يعطيك ما تتمناي