![]() |
|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الدورة الثامنة "الرقي بمدبرة منزل مثالية "
![]() |
|
أدوات الموضوع | انواع عرض الموضوع |
|
![]() |
رقم المشاركة : 1 | |||||
|
![]() اقتباس:
الله يبارك عليك شطوووووووووورة خموس عليك ربي يعينك ان شاء الله في الحفظ و يجعلها في ميزان حسناتك يااااااارب
|
|||||
![]() |
![]() |
رقم المشاركة : 2 | ||||
|
![]() اقتباس:
صباح النور مريومة واش راكي دايرة اليوم أنا و الله بداية يوم رائعة و سعيدة جدا لأني صليت الفجر في وقته عندي مدة ما صليتوش في وقته زينب و باقي البنات وينكم إن شاء الله تكونوا بخيــــــــر |
||||
![]() |
![]() |
رقم المشاركة : 3 | |||
|
![]() تمارين لشد البطن جد مفيدة و خاصة للسيدات الي يشكيو من ترهلات البطن ![]() 20 مرة ![]() 20 مرة ![]() 20 مرة ![]() 20 مرة ![]() ![]() 20 مرة و كل أسبوع نزيد 10 |
|||
![]() |
![]() |
رقم المشاركة : 4 | |||
|
![]() يعطيك الصحة أختي ميمي تدريباتك جات في وقتها راني محتاجتها ![]() |
|||
![]() |
![]() |
رقم المشاركة : 5 | |||
|
![]() السلام عليكم ورحمة الله وبركاته
صباح الفل والياسمين والورد المعطر برائحة الحلوين لبنات كيف حالكن الله الله راكي شاطرة يا مريومة بارك الله فيك على افتتاح الدورة ![]() |
|||
![]() |
![]() |
رقم المشاركة : 6 | |||
|
![]() إسمحولي لازم نروح درك لعودة إن شاء الله
|
|||
![]() |
![]() |
رقم المشاركة : 7 | |||
|
![]() ![]() الصباح الباكر وقت مهم جدا لابد من استغلاله بدل النوم فيه, في هذا الوقت تشعر بالنشاط والرغبة بالعمل, فاستثمره في اداء اعمالك بدل من القيام بها في اخر الليل. وعن تجربتي الخاصة وجدت فعلاً أن التخطيط والتأمل الهدوء الصباحي أفضل وقت للتخطيط لجدول اليوم، والتأكد من أنه يسير وفق خططنا المستقبلية. كما أن ساعات الصباح الأولى أدعى إلى التأمل العميق في أخطاء الأمس، وأجدى بالتعهد بعدم تكرارها، سواء كانت بحق أنفسنا أو بحق الآخرين. من يستيقظوا متأخرين يهرعوا إلى تبديل ملابسهم يلاحقهم في ذلك شعور بالتقصير، وربما يطاردهم شيء من القلق أو الربكة خصوصا إن كانت أعمالهم أو دراستهم حازمة في أمر الحضور والانصراف. ساعات الصباح الأولى فرصة لعمل خير يقربنا من الله تعالى ومن الآخرين. إدخال السرور على والدينا بتناول وجبة الإفطار معهم له وقع كبير (خاصة الدردشة معهم هايلة على الصباح ![]() وعمل اشغالك في الصباح يوفر عليك الكثير من الوقت ستجدين وقت كافي لبقية يومك لقضائه مع أهلك أو زوجك أو ممارسة هواياتك او حتى العناية بنفسك الصباح الباكر هبة لنحصل على أجر و سبب أساسي لبركة الرزق. حيث دعا النبي صلى الله عليه وسلم إلى أن يبارك الله لنا في الصباح الباكر فقال: «اللهم بارك لأمتي في بكورها . وكان إذا أراد إرسال سرية بعثها في أول النهار لتتحقق لها البركة. والرزق المقصود عنها ليس المالي فحسب، وإنما كل ما ينعم به الإنسان من خير. كما أن قراءة بضع صفحات من القرآن تعد بداية يوم طيبة لغسل أدران القلب ففي آياته «شفاء لما في الصدور». في الخاتمة يا أخياتي الحلوينأترككن في رعاية الله وحفظه سأسرد لكن تطبيقي غداً بإذن الله تعالى ![]() |
|||
![]() |
![]() |
رقم المشاركة : 8 | ||||
|
![]() اقتباس:
اليوم بالذات كي صليتي الفجر في وقتو اكيد رايحة تلاحظي الفرق الكبييييير و البركة التي ستطرح في هاذ اليوم بارك الله فيك على مجهودك و وضعك للتمارين التي سبق و طلبيها احدى العضوات فان شاء الله ربي يجازيك خير -انا شخصيا ماراحش نطبقهم لاني حابة نسمان شوية هههه لكن على العموم شكرا جزيلا- |
||||
![]() |
![]() |
رقم المشاركة : 9 | |||
|
![]() lili rose مرحبا يا مرحبا |
|||
![]() |
![]() |
رقم المشاركة : 10 | |||
|
![]() بسم الله
اليوم نهاري كان مليح و مين نضت الصباح كلمتي نفسي و قلت بلي نهار اليوم يفوت مليح و الحمد لله فات ضحك و انبساط و الكل سعيد في البيت الجانب الديني: استغفار و قراءة الورد القراني الجانب التنظيفي: خرجت كل مايوجد في الادراج السفلية و مسحتهم من الغبار و غسلت الرفوف من الداخل و بعد ما جفوا عاودت رتبتهم غسلت سلة الخضار و سطل الفضلات - اعزكم الله -و لايمت كامل الباسينات الي عدنا فالبيت -اجتماع طاارئء ههههه- و غسلتهم الكل بالاومو و الجافيل بعدها غسلت النافذة و مسحتها مليح الوقت الي نظفت فيه امي باقي البيوت غسلت الحمام -اعزكم الله - ومسحت الارضية و عملنا الفطور فطرنا كااامل مع بعص - و الله محلاها لمة الفطور قليل وين نتلايمو بحكم العمل الا في نهاية الاسبوع - الجانب الترفيهي اليوم مادرت حتي نشاط يدوي قعدت نحوس منا و ملهيه في النت و من بعدت رقدت - عندي شحاااال مادرتش قيلولة هههههه - الجانب التثقيفي: في مواصلة الرحلة مع كتاب لا تحزن الجانب التجميلي: تفريش الاسنان و الترطيب و اليوم كان مخصص للعناية بالرجلين -تقشير و ترطيب - درت العشا انا و امي و دركا راني معاكم نسيت ماقلتلكم غدوا ان شاء الله رايحة نغيب غليكم الفترة الصباحية و برنامج الغد راني درت منو شوية و الباقي نخليه ليوم الاربعاء باذن الله لذلك اعذروني اتهلاو في رواحتيكم و سلامي الحار ليكم كااااامل و شهرزاد نقلها راكي غبتي علينا عسى يكون خير باذن الله ![]() |
|||
![]() |
![]() |
رقم المشاركة : 11 | |||
|
![]() صباح الخير عليكم ياالبنات انا ماكنتش قاعدة مع الدخول المدرسي تاع اولادي والمشاكل انتاعهم وراني البارح استيقضت علي 6 صباحا درت الفطور وخدمتلهم السفنج يحبوه اولادي بزاف وهكاك مافطروش عندهم عادة وراني ماصليتش ونباعد غسلت الثلاجة كنت مطفيتها في الليل والماعن ومسحت الخزانة وكي خلصت سيقت الكوزينة وماخرجتش منها درت الغداء تليتلي وخليتو يفور ورحت البيت انتاعي مسحت الغبرة وهوىت الكوات وسيقتها واللي عندها نصيحة كيفاش نعطرها تعطيهالي لانو راجلي عندو حساسية مانقدرش ندير انتاع البخاخراني نسيق بصانيبو والازيس السائل ونماعد رحت للصالة مستها بالخفيف برك وعندما وصلت عند غرفة الاولاد تخلعت هدا قش في الارض والادراج مفتوخة المهم درتلهم سلة كبيرة وحطيتلم ملابس البيت باش كي يجيو يلبوسو قشهم والاحر في السلة ايضا وبعد دلك مسحت الغبرة وسيقتها وعطرتها وراني في نفس الوقت مع الغداء رايحة حاية رجلية في الليل قتلوني بالسطر المهم رانا نجاهدو والبيت الاخري مادرتهاش خليتها للغد وكملت الهول والحمام والمرحاض وحطيت فيه الصانيبو ومباعد دخلت للدوش غسلت القش بيدي لانو مايخرجش بالماشينة وانا نقلق وكي جاو الاولاد تغداو وغسلت الماعن رتخت شوية ومباعد درت العشاء علي 3 علي خاطر جابلي راجلي الفاد درتو بالاصوص وفي نفس الوقت سجيتلهم الحليب مع البيمو وفي الليل طبقت القش وعشيتهم ورقدتهم مع مغامرة جديدة غدا واللي خابة تدخل كرشها تسيق بيديها وتنحني انا هادي المعلومة اعطاتهالي الطبيبة وتنحي المشروبات الغازية نقطة ضعفي وتشرب السوائل بزاف وكدلك مغلي الكمون يفش الكرش من الغازات وشكراا |
|||
![]() |
![]() |
رقم المشاركة : 12 | ||||
|
![]() ربي يعينك و يجعل تعبك في ميزان حسناتك يا وفاء اللهم آميين بالنسبة للتعطير عندي فكرة : كاين وحد لبرودوي اسمو Pliz هو خاص بتنظيف الخشب رحتوا هيلة وتبقى و خرج واحد من نفس الماركة لكن Multi Surfaces inox, bois, vitre et wifi أنا نستعملو 2 في1 منها تنظيف وتعطير رحتو روعة ودوم وإلا استعملي TOPتع كل يوم ولاLICOS بالنسبة لنصيحتك تع الكرش أنا نشوف في روحي كل منسيق كل ما نزيد نسمن ![]() ![]() اقتباس:
|
||||
![]() |
![]() |
رقم المشاركة : 13 | |||||
|
![]()
أحلى تحية لأحلى مريومة ربي يخليك ليا حبيبتي و يعطيك ماتتمناي إن شاء الله رايحة نكمل معكن الدورة منها نبقاو على إتصال لاني والفتكم ومنقدرش نبعد عليكم و منها نستفادو من تجاربنا واعمالنا المنزلية،الفنية، الجمالية والدينية اقتباس:
الله يبارك عليك مريومة راكي زي النحلة ربي يحفظك يباركلك في كل ما راكي تعملي كتاب لا تحزن كتاب هايل الله يبارك نتمنالك قراءة ممتعة حنونة ![]() اقتباس:
|
|||||
![]() |
![]() |
رقم المشاركة : 14 | |||
|
![]() السلام عليكم ورحمة الله عليكن يا النحلات الشاطرات شكرا لسؤالك الاخت مريم حنين وكدلك ليلي روز هادى والله غيبة بالامس دخلت للمنتدى وبديت نكتب كتبت صفحة ويروح الكهرباء راهو داير حالة وكل مرة يروح windows من جالو والان رايحة نكتب تطبيقاتى |
|||
![]() |
![]() |
رقم المشاركة : 15 | |||
|
![]() بالنسبة ليوم الاثنين غسلت الكويزنيار منفوق ومن الجوانب الفور غير مريت عليه خفيف بالنسبة لles grilles الي فوق الكويزنيار دخلتهم في صاك بوبال درتلهم الديكاب فور بلعت عليهم ولما رجعتلهم واش نقولك غير حكيتهم غير شوي ولاو جداد كدلك غسلت لا اوت وعلب السكر والقهوة والشاى والبهارات ثم غسلت الحاطت الي قدامهم من السقف الى الارض كدلك غسلت الباب هدا مع الفطور وغسل الملابس وخملت بيت لقعاد تخميلة خفيفة كدللك بيت نعاسى لانو بيت بناتى تخملو بنتى قبل ماتروح تقرا ربي يحفظها كملت جوايه العصر ريحت شوى صليت طيبت لاولادي الشاى والقاطو اليوم كملو مع قاطو العيد من بعت طويت الملابس صليت المغرب ودرت العشاء سردين مقلي مع سلاطة مع المتبقي من االغداء صليت العشاء ونمت لانوا حلقي كان يوجعنى بالديكاب فور عندى حساسية في حلقي الجانب الدينى صليت في الوقت وقريت الادكا ر |
|||
![]() |
![]() |
الكلمات الدلالية (Tags) |
دورة مدبرة منزل |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc