♦○• "مشاركتي في تحَدّيات و إبْـدآاع في رِحَآاب رَمَضَآان 彡•○♦[[جوهرة الغربْ]]

[زينب 83]

ابداع ما شاء الله بوركتي جوهرة

[ام رضوان]

بارك الله فيك
ويعطيك الصحة

[ام اياد 2013]

بارك الله فيك اختي بالتوفيق

[اريج 07]

اممممم شهتيني يا منافستي ههه يعطيك الصحة حنونتي روووعة موفقة

[أمي جنتي]

يعطيك الصحة سلمت اناملك بالتوفيق

[جوهرة الغرب.]

بارك الله فيكن على التقييم والتشجيع
صحا فطوركم عزيزاتي

[حاملة المصحف]

روعة موفقة في المسابقة.

[نور الإسلام26]

سلام عليك
الله يبارك يعطيك الصحة وبالتوفيق ان شاء الله

[ام اسكندر31]

يعطيك الصحة بالتوفيق

[mosta*limoges]

ماشاء الله رووووووعة كل شي رائع مع لمستك الجميلة حظ موفق

[القناعة كنز]

بصراحة تحفة
التحلية بربي ان شا الله هذ اليومين نجربها

[فرج قريب]

روعة يعطيك الصحة بالتوفيق و صح فطورك

[جوهرة الغرب.]

الله يسلمكم عزيزاتي
محجوووووووز للتحدي الثاني

هانحن نلتقي مرة اخرى في التحدي الثاني واتمنى ان يبارك لنا الله مجمعنا هذا ويوفقنا الى كل خير وصلاح
حبيت نجيبلكم حاجة جديدة وان شاء الله تنال اعجابكم ورضاكم
اولا السلطة: سلطة السوربريز بالتورتيلا

خبز التورتيلا:
250غ فرينة
كيس خميرة كيميائية
ربع كاس زيت
ملح
ماء او حليب لجمع العجينة ...تكون متماسكة نعجنوها مليح حتى يصبح ملمسها رطب نغطيها ونخليها ترتاح 10د ومن بعد نشكلها كريات ونحلهم اقراص رقاق ونطيبهم في تيفال مش شرط نحمرهم لانو من بعد رايحين يحمارو في الفرن ...حتى نكملوا...من بعد ندهنهم بشوية زيت ونحطهم في قوالب المافن حتى ياخذوا شكل الاكواب ونخليهم حتى يحماروا ويتقرمشوا...اممممممممم هايلين نتاع الصح
ومن بعد نعمرهم بالسلطة انا درت الارز في الاسفل وحدو مع شوية مايونيز باه يبانو الالوان وفوقو درت ماييس وفوقها تونة وزينتها بشرائح رفيعة من الفلفل الاحمر والاخضر اما بالنسبة للسوربريز كانت عبارة عن مح البيض غلفتو بالجبن ورمدتو في الجلجلان الابيض وزينتو بالحبق...بصراحة جات بنين وبريسونتابل جربوها...

ثانيا:المقبلة وهي عبارة بلينيز بالجبن والقشدة

البلينيز :
حبة بطاطا مغلية مع شوية ملح نرفسها مع نصف كاس حليب وملعقة زبدة وبيضة و2 ملاعق فرينة وشوية فلفل اسود وملح ومن بعد نطلع بياض بيضتين ونزيدو مع الخليط ونطيبهم في تيفال ومن نقطعهم دوائر وندهنهم بالفرماج ..
كريمة الجبن والقشدة:
علبة قشدة طرية صغيرة
6 علب بتيسويس **جبن طري**
2اوراق جيلاتين انا ماستعملتهمش درت 4 ملاعق مايزينة وزدت ملح
فوق النار حتى تعقد ونعمر المول نتاعي ونحطهم في المجمد والتزين زينتها بشبكة العجينة المورقة ...والصور توضح كل شيء

تعمدت نبدل شوية في المقبلات وان شاء الله تعجبكم

صحا فطوركم

[جوهرة الغرب.]

الحلوى اخترت ان تكون جد بسيطة واتمنى ان تعجبكم حشيتها بالكاوكاو وعسلتها وزينتها بالشانتيي وحب الملوك مصبر







اما بالنسبة للعصير فبما انه رانا في الصيف والجزر متوفر فلايوجد ماهو افضل منه منعش ورائع
وهو عبارة عن 3حبات جزر نقطع دوائر ونديرها اطيب مع لتر ماء وم/ك فانيليا ونخليه حتى تطرى ونغطيو عليه باهالفوائد نتاعو مايتبخروش من بعد نخليوه يبرد ونطحنو مع 1 يارووت ايذوق تفضلون 1 فرماج 4ملاعق سكرحسب الذوق 2ملاعق ليمون ونضرب مليح مليح ونخليه يبرد ثم نقدمه











وفي الاخير نتمنى تكون مشاركات العضوات نالت اعجاب الزوار وبالتوفيق للجميع
والى اللقاء الى مسابقة اخرى وبدون ان ننسى تقديم كل الشكر والعرفان للمشرفات

[أم أمة الله الجزائرية]

طريقتك مميزة اختي في التقديم ..
جزاك الله خيرا ووفقك لكل خير...