عاونوني رحمة على والديكم

[zdadra]

جمعة مباركة انشاء الله
شوف خويا لعزيز هادي تاع لكرا غالي غير فوتها و الله،حاجة باينة بلاسة مليحة و فيها الغاشي راح تكون غالية مي نتا تاني راح تجيب سلعة مليحة و تبيع بسومة غالية،ناس فدزاير و بومرداس تكري ب 6 ملاين حتى ل 10 ملاين و تخدم نرمال ، كل سلعة و كل بلاصة و عندها زبائن تاعها متشوفش ما المنظور تاع الحالة تاعك لا لا كاين لي يحبو لوكس و حاجة رفيعة ولاباس بيهم .خمم و زيد سقسي معارفك و لا معارف صحابك لي يخدموالقش و يفهموك و من الاحسن تبدى مع واحد عندو خبرة و يكون تاع ثيقة. و ادا خفت تريسكي نعطيك راي واحداخر و هو اشري بلاصة فكاش بازار تماك عندكم يكون معروف و فيه الغاشي و عمر حانوتك مليح و نوع فالسلعة و شبح مليح وبادن الله راح تربح. و كي تجي دير حاجة شاور ربي خويا صلي الاستخارة . اذا عزمت فتوكل على الله.
وهدا رايي برك و ما املكه من خبرة قليلة في هدا المجال و انشاء الله نكون فدتك و ربي يوفقك و يرشدك للصواب
سلام

[malikdz01]

مخبزة الربح مضمون

[ولد السوفي]

ننصحك بمحل مواد غذائية او محل ملابس نساء

[fcm1985]

واش رايكم خاوتي في محل بيع ليزيبيس والزيوت وغيرها

[zdadra]

محل لبيع التوابل والقعاقير المعلبة والزيوت النباتية و تجهيزات الاعراس ، من علب تعبأت الحلويات و صحون والكؤوس البلاستيكية ... الخ ، الكثير لا يفكر فيها ويظن انها غير مربحة ، لكن بعد الإستفسار وجد أنه
في بعض الاحيان يتم شراء بعض التوابل مثلا ب 400 دج للكغ جملة ، ويتم بيعها ب 100 أو 150دج للـ 100غرام وهذا ما نراه فعلا ، كما انه لا توجد مشكلة التلف والتخزين بالنسبة للتوابل و العقاقير والزيوت فمعظمها يبقى لمدة 3 سنوات والزيوت لـ 5 سنوات ، كما انها تجارتها ليست موسمية اي لا تنقطع طول العام ، وتزداد بشكل مرتفع ايام شهر رمضان والاعراس ، و بطبيعة الحال لا تحتاج لرأس مال كبير .

[fcm1985]

والله باغي هاد الميدان التوابل والعقاقير فقط اريد نصيحة من مجرب من حيث النوعية ومصدر السلعة وكيفية البيع

[المشتاق لجنة النعيم]

أنا نقترح عليك تستثمر في مجال الفلاحة خاصة مشروع الأغنام ( راس المال تاعك ديما كاين وواجد و ان شاء الله فيه فايدة )

مثال برك : تشري 50 راس ب 100 مليون ( 2 ملاين للخروف ) ، الأكل و الخدام ( الراعي ) حوالي 20 مليون

كي يلحق االعيد الكبير ( بعد 5 اشهر ) تقدر تبيعهم ب 3,5 مليون للراس . يعني 175 مليون فالجملة و الفايدة تاعك تكون حوالي 50 مليون في 5 أشهر ( 10 ملايين للشهر ) ، أنا نقولك فهاذ المعطيات عن تجربة و إذا ماعندكش بيئة ريفية تقدر تدخل شريك مع واحد ثقة و الأرباح لا تختلف كثيرا .

[fcm1985]

بالنسبة للاغنام لاتوجد المكان

[sofienesofienedouaa]

يا اخي حاجة ساهلة روح أشري فريقو كونتوار وفريقو كبير وأكري حانوت وبيع الدجاج الجاهز يعني تجيب من الباطوار وتبيع عندك حوالي 5 أو 6 في الكيلو يعني دجاجة تاع 3 كيلو تجيب فيها 15 ألف وإذا بعت غير 10 في اليوم عندك 150 ألف وبالمداومة راح تبيع أكثر من 20 دجاجة يوميا والله ولي التوفيق

[تزيرية]

السلام عليكم و رحمة الله و بركاته

سبحان الله! تقريبا كل المشاركات استهلاكية! ألا ننتج شيئا؟!

أنت في بسكرة، التراب تاعهم رائع، تقريبا كلش ينوض عندكم، الجو هايل لتربية الأغنام

الفلاحة : بيت بلاستيكي واحد مدخوله 80 مليون ما عرفتش في العام و الا في الفصل الزراعي
تربية الأغنام جدا جدا مربحة و التعب فيها قليل
تقول ماكانش مكان، هنا ممكن تشري قطعة ارض صغيرة بعيدة على الغلا و وين كاين الكلأ و بسم الله، الربح الخام تاعهم 35% .

[mrmilano1984]

انت علاه تشاور الناس شاور عقلك اني نشوف واحد الاجابات كلها استهلاكية وتغلط فيك هل هم يجرؤون علي القيام بها طبعا لا ويجي يشر ويدبر عليك بافكار جهنمية خمم بعقلك مليح وشاور عقلك جيدا

[khalil-daga]

ربي يعينك خويا

[fcm1985]

بارك الله فيكم

[fcm1985]

هل من افكار

[yazidbatna]

ساحاول مساعدتك