كم المصروف الشهري لعائلتك الخاص بالمواد الغذائية ؟؟

[oosaisdo]

المشاركة الأصلية كتبت بواسطة basketteuse

والله احترت من مصروف الاخوة!!!! ، انا زوجي يسلك 6 ملاين، وعندي زوج اولاد يعني رانا في أربعة، نصرفو في الاكل 1. مليون على الاكثر
بدون ما نشح ، نشرو كل شيء انواع الاجبان ، مشتقات الحليب ماتخطيش من الدار، المكسرات، والبقول، والمعجنات ، والفواكه ، لكن نشري مثلا الدقيق الزيت والسكر والحليب كميات كبيرة من عند بائع الجملة، والخضر نشري واش نحتاج ، اللحم تاني بصح ماشي كل يوم ،والحمد لله كاين البركة اللهم ادمها نعمة

اختي ممكن تخبرينا كيفاش راكي تصرفي ؟؟؟ وكيف هي الأسعار عندكم

[Basketteuse]

والله اخي لا ادري كيف يحصل هذا
اعرف فقط أني متفاهمة مع زوجي انو مايشري والوا من المواد الغذائية ،حتى يشاورني لاني انا اعلم بما ينقص وما نحتاج في البيت،
الياوورت مثلا مانشريش كمية كبيرة، لانو الاولاد ماراحش يحبسو ، وتروح على حساب الغداء او العشاء،
الاجبان نشري مرة في الشهر نوعين مثلا مع باطة لافاشكي ري كبيرة، بقيمة 800 د بالتقريب فقط،وناكلوه على فترات،
اللحم نطيب مرتين في الاسبوع، ممكن اكثر ،نشري كيلو لحم عجل، ورطل لحم مرحي، وممكن شوي فيلي ، نقسمهم على حسابنا، يعني نطيب اللحم قيس الافراد،وماشي لازم نكثر وإذا احتجنا ممكن نشرو
المرقاز والدجاج مانستعملوهش في الدار
حبوب الافطار، والبسكويت والحلوى والعصائر ممنوعين في الدار، انا لي نطيب الحلوى ونخدم العصير
ملاحظة: لاحظت أني كي نشري كميات كبيرة نستعملها بسرعة وبتبذير مثل اللحم كون نشري بزاف ، كل يوم نستعمله، وهكذا نصرف اكثر
تقريبا نشري أموري من بائعي الجملة ،
الا الخضر والفواكه نشري على حسب الحاجة، مانحبش نشري انواع كثيرة من الفواكه،نحب نركز على نوع واحد مثلا البطيخ حتى ينفذ، نشري العنب
وزيد حاجة ماناكلوش خلاص برة، الا اذا تحتمت او سفر، ( قناعة شخصية)
لا ادري هل انا أفيد ام اكثرت من الحديث فقط!
في ولايتي قسنطينة ، الأسعار اظن مثل باقي الولايات الكبيرة الغلا والكوا ،
سامحني على كل هاذ الشرح الغير قيم، انا نكتب بالنعاس، لي عودة ان شاء الله للتعديل

[oosaisdo]

المشاركة الأصلية كتبت بواسطة basketteuse

والله اخي لا ادري كيف يحصل هذا
اعرف فقط أني متفاهمة مع زوجي انو مايشري والوا من المواد الغذائية ،حتى يشاورني لاني انا اعلم بما ينقص وما نحتاج في البيت،
الياوورت مثلا مانشريش كمية كبيرة، لانو الاولاد ماراحش يحبسو ، وتروح على حساب الغداء او العشاء،
الاجبان نشري مرة في الشهر نوعين مثلا مع باطة لافاشكي ري كبيرة، بقيمة 800 د بالتقريب فقط،وناكلوه على فترات،
اللحم نطيب مرتين في الاسبوع، ممكن اكثر ،نشري كيلو لحم عجل، ورطل لحم مرحي، وممكن شوي فيلي ، نقسمهم على حسابنا، يعني نطيب اللحم قيس الافراد،وماشي لازم نكثر وإذا احتجنا ممكن نشرو
المرقاز والدجاج مانستعملوهش في الدار
حبوب الافطار، والبسكويت والحلوى والعصائر ممنوعين في الدار، انا لي نطيب الحلوى ونخدم العصير
ملاحظة: لاحظت أني كي نشري كميات كبيرة نستعملها بسرعة وبتبذير مثل اللحم كون نشري بزاف ، كل يوم نستعمله، وهكذا نصرف اكثر
تقريبا نشري أموري من بائعي الجملة ،
الا الخضر والفواكه نشري على حسب الحاجة، مانحبش نشري انواع كثيرة من الفواكه،نحب نركز على نوع واحد مثلا البطيخ حتى ينفذ، نشري العنب
وزيد حاجة ماناكلوش خلاص برة، الا اذا تحتمت او سفر، ( قناعة شخصية)
لا ادري هل انا أفيد ام اكثرت من الحديث فقط!
في ولايتي قسنطينة ، الأسعار اظن مثل باقي الولايات الكبيرة الغلا والكوا ،
سامحني على كل هاذ الشرح الغير قيم، انا نكتب بالنعاس، لي عودة ان شاء الله للتعديل

شكرا اختي انت مثال للزوجة الصالحة والمقتصدة بارك الله فيك / افكارك قيمة وسنستفيد منها كثيرا

[happy luck butterfly]

المشاركة الأصلية كتبت بواسطة basketteuse

والله احترت من مصروف الاخوة!!!! ، انا زوجي يسلك 6 ملاين، وعندي زوج اولاد يعني رانا في أربعة، نصرفو في الاكل 1. مليون على الاكثر
بدون ما نشح ، نشرو كل شيء انواع الاجبان ، مشتقات الحليب ماتخطيش من الدار، المكسرات، والبقول، والمعجنات ، والفواكه ، لكن نشري مثلا الدقيق الزيت والسكر والحليب كميات كبيرة من عند بائع الجملة، والخضر نشري واش نحتاج ، اللحم تاني بصح ماشي كل يوم ،والحمد لله كاين البركة اللهم ادمها نعمة

كلمة وقلتيها كاين البركة ربي يدومها عليك كي تغيب من الدار ولو ملايين الدنيا ماتكفيش

[Rati Ne]

السلام عليكم موضوع جميل انا من جهتي 4 ملاين ما يكفوش من انترنيت غاز تلفون زيد عنددي زوج اولاد واحد فيهم يدير لي كوش

[oosaisdo]

المشاركة الأصلية كتبت بواسطة rati ne

السلام عليكم موضوع جميل انا من جهتي 4 ملاين ما يكفوش من انترنيت غاز تلفون زيد عنددي زوج اولاد واحد فيهم يدير لي كوش

هل مع الكراء ام بدون احتسابه ؟؟؟؟ مصروف معقول من 4 -5 ملاين شهريا

[Rati Ne]

الحمد لله مانيش كارية لكن عندنا السيار ة هي تاني بسلامتها لازملها مصروف زيد الموظف الجزائري هداك واش يخلص وقد ما تخلص تاكل

[Basketteuse]

أني نشوف في معظم المشاركات ، حبو يقتصدو وماقدروش
نصيحة فقط تفادي التسوق من المحلات الكبيرة سوبر مارشي، لانو عندهم عروض مغرية ، اذا كنتي ناقصة غير زيت ومقرون، تروحي الحاجة اللي تعجبك تشريها حتى وماكيش محتاجة ، جربتها شخصيا،
استفيدي من عروض التوفير، مثلا: انا اشتري فيري غسول الأواني ماشفيتش بالضبط حوالي 190 د ، يشدلي قيس 4 قرع ايزيس، يعني نوفر سعر 3 قرع
ايضا : منظف المرحاض هو نفسه نظف به مغسلة اليدين وحوض الاستحمام ، بقع الأرضيات ، مانبقاش نكثر عليا في المنظفات بلا فايدة
الخل الأبيض نظف به اسطح المطبخ ،الارضية ، الكلور قرعة تحكملي عام لااستعمله الا في الملابس البيضاء، نظرا لضرره
الملح ايضا لنقع الخضر والفواكه ، وتنظيف الارضية احيانا ،
يعني نتفادى شراء الانواع الكثيرة من المنظفات ، اكتفي على قدر الامكان بكل ماهو طبيعي ،
واللي عندها خبرات اخرى ممكن تفيدنا

[oosaisdo]

المشاركة الأصلية كتبت بواسطة basketteuse

أني نشوف في معظم المشاركات ، حبو يقتصدو وماقدروش
نصيحة فقط تفادي التسوق من المحلات الكبيرة سوبر مارشي، لانو عندهم عروض مغرية ، اذا كنتي ناقصة غير زيت ومقرون، تروحي الحاجة اللي تعجبك تشريها حتى وماكيش محتاجة ، جربتها شخصيا،
استفيدي من عروض التوفير، مثلا: انا اشتري فيري غسول الأواني ماشفيتش بالضبط حوالي 190 د ، يشدلي قيس 4 قرع ايزيس، يعني نوفر سعر 3 قرع
ايضا : منظف المرحاض هو نفسه نظف به مغسلة اليدين وحوض الاستحمام ، بقع الأرضيات ، مانبقاش نكثر عليا في المنظفات بلا فايدة
الخل الأبيض نظف به اسطح المطبخ ،الارضية ، الكلور قرعة تحكملي عام لااستعمله الا في الملابس البيضاء، نظرا لضرره
الملح ايضا لنقع الخضر والفواكه ، وتنظيف الارضية احيانا ،
يعني نتفادى شراء الانواع الكثيرة من المنظفات ، اكتفي على قدر الامكان بكل ماهو طبيعي ،
واللي عندها خبرات اخرى ممكن تفيدنا

شكرا على افكارك اختي عند الصح

[nihal159]

والله ،إنخلعت من هذه الأرقام؛ كيفاش عائلة من أربعة أفراد تصرف ست ملاين في شهر؛ يعني بمعدّل مليون ونصف للشخص؟؟؟؟؟؟
أفضل حل؛ الإلتزام بقائمة المشتريات؛ يعني نعمل دورة على الثلاجة؛ خزانة المؤونة(سكر؛ قهوة؛ ملح؛ فرينة؛ معجنات؛ البقول ما ناكلهمش)؛ ونشوف واش خصني؛ ونعمل قائمة؛ نمدها لزوجي ونوصيه مايزيدش على واش كتبتلو.
بالنسبة للحوم؛ ناكلو الأكثرية دجاج؛ مرقاز؛ ولحوم تاع قليان لأن زوجي مايحبش لي صوص بزاف.
العصائر والمشروبات الغازية ممنوعين بسبب أضرارهم.
الفواكه دائما يوجد نوعين في المنزل لكن بكميات معقولة؛ باش مايفسدش ونولي نرمي فيه.
الحليب؛ نشربو كونديا فيفا؛ الأجبان والياوورث لازمين على جال إبنتي الصغيرة.
الأكل في المطاعم مرفوض لأن زوجي يعيف؛ إلا في الحالات القصوى: عيد زواج مثلا .
هذا الكل ولا يتعدى المبلغ 2 مليون.

[happy luck butterfly]

المشاركة الأصلية كتبت بواسطة nihal159

والله ،إنخلعت من هذه الأرقام؛ كيفاش عائلة من أربعة أفراد تصرف ست ملاين في شهر؛ يعني بمعدّل مليون ونصف للشخص؟؟؟؟؟؟
أفضل حل؛ الإلتزام بقائمة المشتريات؛ يعني نعمل دورة على الثلاجة؛ خزانة المؤونة(سكر؛ قهوة؛ ملح؛ فرينة؛ معجنات؛ البقول ما ناكلهمش)؛ ونشوف واش خصني؛ ونعمل قائمة؛ نمدها لزوجي ونوصيه مايزيدش على واش كتبتلو.
بالنسبة للحوم؛ ناكلو الأكثرية دجاج؛ مرقاز؛ ولحوم تاع قليان لأن زوجي مايحبش لي صوص بزاف.
العصائر والمشروبات الغازية ممنوعين بسبب أضرارهم.
الفواكه دائما يوجد نوعين في المنزل لكن بكميات معقولة؛ باش مايفسدش ونولي نرمي فيه.
الحليب؛ نشربو كونديا فيفا؛ الأجبان والياوورث لازمين على جال إبنتي الصغيرة.
الأكل في المطاعم مرفوض لأن زوجي يعيف؛ إلا في الحالات القصوى: عيد زواج مثلا .
هذا الكل ولا يتعدى المبلغ 2 مليون.

لا اظن انو كل هذا ب 2 مليون فقط الا ادا ماراكيش عايشة في الجزائر

انا مصروف الشهر مرات يتعدى 10مملايين

[nihal159]

المشاركة الأصلية كتبت بواسطة happy luck butterfly

لا اظن انو كل هذا ب 2 مليون فقط الا ادا ماراكيش عايشة في الجزائر

انا مصروف الشهر مرات يتعدى 10مملايين

أنا راني نتكلم على مصروف المواد الغدائية مثل ما طلب صاحب الموضوع؛ دون إحتساب الأنثرنيت؛ الكهرباء والغاز؛ بنزين السيارة؛ ليكوش تاع بنتي ؛الهاتف.
أنا لتزمت بطلب صاحب الموضوع: المصروف الشهري الخاص بالمواد الغدائية.
أنا نستغرب؛ كيفاش واحد يصرف الشهري كاملة على الأكل؛ وباقي المصاريف كيفاش يتكفل بيهم؟؟؟؟

[oosaisdo]

المشاركة الأصلية كتبت بواسطة nihal159

أنا راني نتكلم على مصروف المواد الغدائية مثل ما طلب صاحب الموضوع؛ دون إحتساب الأنثرنيت؛ الكهرباء والغاز؛ بنزين السيارة؛ ليكوش تاع بنتي ؛الهاتف.
أنا لتزمت بطلب صاحب الموضوع: المصروف الشهري الخاص بالمواد الغدائية.
أنا نستغرب؛ كيفاش واحد يصرف الشهري كاملة على الأكل؛ وباقي المصاريف كيفاش يتكفل بيهم؟؟؟؟

الأخت عندها حق فالموضوع خاص فقط بالمواد الغذائية و 2 مليون مصروف مثالي للعائلة // بعيدا عن التبذير

[nihal159]

المشاركة الأصلية كتبت بواسطة oosaisdo

الأخت عندها حق فالموضوع خاص فقط بالمواد الغذائية و 2 مليون مصروف مثالي للعائلة // بعيدا عن التبذير

وأخيرا ضهر صاحب الموضوع؛ مرحبا بيك

[القائدة]

لا اعرف بالضبط ، ممكن 20 مليون