حلوياتي لهذا العيد 2012 واش رايكم - الصفحة 3

مبروكة الصحراء · 2012-08-15, 16:56

اقتباس:

المشاركة الأصلية كتبت بواسطة ام سرور

الله ينورك اكتبيلي المقادير تاع حلوة الكرافات

اقتباس:

المشاركة الأصلية كتبت بواسطة ام سرور

الله يبارك في هاذوك اليدين ويعطيك الصحة انا اريد الرابط تاع حلوة بوسو ولا تمسو وتاع البابيون
الله يحفظك راني نستنا ماطوليش ولك الاجر ان شاء الله

أختي راني حطيتلك الوصفة نتاع بويو لا تمسو أما الكرافات أو البابيون فأخذت الشكل فقط من المنتدى و حوست على القوالب و اشريتهم أما العجينة فهي عجينتي لل****اج و هي:
250غ زبدة طرية، كاس سكر رطب، 2 حبات بيض، فانيليا، ملعقة كبيرة خل، 4/3 كاس مايزينة، ملعقة صغيرة خميرة الحلوى، الفرينة
نخلط الزبدة الطرية جيدا مع السكر الرطب حتى يذوب ثم نضيف البيض و الفانيلا و نواصل الخفق ثم المايزينة و الخل و نواصل الخفق ثم نتوقف و نضيف الفرينة و الخميرة تدريجيا و نخلط باليد أو ملعقة
نترك العجينة ترتاح 15 دقيقة، ثم نشكل كويرات صغيرة و نبسطها جيدا في القوالب (المدهونة بالزيت و المرشوشة بالفرينة) و نثقبها بالشوكة حتى لا تنتفخو ندخلها الفرن نخرجها و نتركها تبرد
التزيين ممكن تعمريهم بالشكولاطة أو النيسلي أو مع بعض المهم تخرجي الشكولاطة على الحواف باه تلصقي حبتين مع بعض
نطيبو النيسلي في كوكوط 45 دقيقة حتى نحصل على كراميل نبداو نعمرو القوالب بملعقة صغيرة كراميل و نبسطها ثم ملعقة شكولاطة ذائبة ونغطي بحبة أخرى و نمسح الحواشي بالشكولاطة و نمررها في الكوكاو (هذا بالنسبة للتزيين الذي اعتمدته انا ) و انت حرة
ملاحظة: (يمكن خلط مقدار من حلوة الترك مع العسل جيدا تحصلين على كراميل ممكن تستعمليه مكان النيسلي)
التزيين الخارجي واضح في مكان الفراغات تديري خطوط بالشكولاطة و في الوسط شكولاطة و قليل من الكاوكاو المرحي
إليك هذه الروابط فيها ربما وصفات اخرى من العجين لكن نصيحتي ديري الوصفة لي عطيتهالك تجي روعة تتفتت و تذوب في الفم
https://www.djelfa.info/vb/showthread.php?t=592166

https://www.staralgerie.com/showthread.php?t=30481
تحياتي

*عاشقة الجنة* · 2012-08-15, 12:02

يعطيك الصحة اختي

مشاء الله

انا راني نحوس على وصفة بوسو لا تمسو

*dania · 2012-08-15, 12:06

يعطيك الصحة جاوك روعة كل عام وانتم بخير

ام سرور · 2012-08-15, 12:07

الله ينورك اكتبيلي المقادير تاع حلوة الكرافات

ام سرور · 2012-08-15, 12:10

بوسو ولا تمسو اطلعي للصفحة فوق في خانة البحث اكتبي بوسو ولاتمسو تخرجلك الوصفة
واعتذر للاخت صاحبة الموضوع على المداخلة

AMEL32 · 2012-08-15, 12:27

يبانو هايلين بالصحة و الهنا ماشاء الله صح عيدكم.

مبروكة الصحراء · 2012-08-15, 16:42

اقتباس:

المشاركة الأصلية كتبت بواسطة *عاشقة الجنة*

يعطيك الصحة اختي

مشاء الله

انا راني نحوس على وصفة بوسو لا تمسو

اقتباس:

المشاركة الأصلية كتبت بواسطة ام سرور

الله يبارك في هاذوك اليدين ويعطيك الصحة انا اريد الرابط تاع حلوة بوسو ولا تمسو وتاع البابيون
الله يحفظك راني نستنا ماطوليش ولك الاجر ان شاء الله

شكرا لكن على الرد حبوباتي بالنسبة لحلوى بوسو لا تمسو ديتها من هاذ الرابط و الفلون يكون 100غ لأن الأخت استعملت 2 كيس ب50غ
https://www.djelfa.info/vb/showthread.php?t=1001274
النتيجة مضمونة انشاء الله ماتخافوش