حلقات السيدة يعلى حصريا - الصفحة 3

mimi53 · 2012-03-16, 15:26

sisi 26 صاقية لبن

الكروان الجريح · 2012-03-16, 15:27

lالسلام عليكم واش راكم يا الفحلات نشكركم على كلامكم راه رفع معناوياتي و الله الطبق جاء هائل و عجب للعائلة
اما بخصوص الكريات ملاح حتى يتكلوا وحدهم بلا جلبانة جاوا بنان و حبوهم الاولاد تشطروني الراي ولا لا لا

sisi 26 · 2012-03-16, 15:29

[QUOTE=mimi53;9224374]sisi 26 صاقية لبن[/QUOT

حليب يا قشطة على بالك راني منعرف حتى واحد في المنتدى راكي أنت و الأخت رمضانة أول من رحب بيا

sisi 26 · 2012-03-16, 15:30

اقتباس:

المشاركة الأصلية كتبت بواسطة الكروان الجريح

lالسلام عليكم واش راكم يا الفحلات نشكركم على كلامكم راه رفع معناوياتي و الله الطبق جاء هائل و عجب للعائلة
اما بخصوص الكريات ملاح حتى يتكلوا وحدهم بلا جلبانة جاوا بنان و حبوهم الاولاد تشطروني الراي ولا لا لا

سلام أختي الكروان و الله غير عندك الحق جاو بزاف بنان و في نفس الوقت يجي زاكي و يكفي

liliane24 · 2012-03-16, 15:31

بارك الله فيك أختي ميمي ، راكي أتحفتينا، و الله موضوع رائع نتمنى تثبيته
من فضلك أختي كملي لنا وصفات الموسكوتشو و شباك الجنة و.........و...........................
نتمنى لموضوعك النجاح

حب ربي*ملأ قلبي · 2012-03-16, 15:35

اقتباس:

المشاركة الأصلية كتبت بواسطة mimi53

بنات اليوم نجحت في تحميل الصور اليوم رايحا نحطلكم وصفة السيدة يعلى لكويرات البطاطا بالقرنون جات واش نقوللكم روعة وحلوة سكر صدقوني
نخليكم مع المادير والصور

طاجين الجلبان بالقرنون و البطاطا
اطراف دجاج -كيلو جلبانة-كيلو قرنون-رطل بطاطا-بصلة كبيرة مقطعة رقيق-بيضة-2مك زبدة-2مك زيت-ملح-فلفل اسود-قرفة-زعفران-2 كؤوس شابلور معدنوس-3 سنات ثوم
ضعي البصل و الدجاج و الزيت و الزبدة و قليهم جيدا اضيفي لتر ماء سخون عندما تغلي اضيفي الجلبانة و القرنون و حبات البطاطا كاملة عندما ينضج القرنون والبطاطا انزعيهم وقطريهم في كسكاس و عندما تبرد ارحيهم بالفرشيطة (البطاطاو القرنون) جيدا اضيفي لهم البيضة و المعدنوس و الثوم المرحي اذا كانت جارية نشفيها بالخبز المرحي اضيفي القليل منه ثم كوير هم كويرات متوسطة مريريهم في شابلور و اقليهم في زيت ساخن ثم في صحن التقديم دائري ضعي في الوسط الجلبانة مع اطراف الدجاج و الكويرات على الحواف مزينة بالمعدنوس و القارص
جربوها بنات وردولي الخبر

مممممممممممممممممممممممممممم شهيتييييييييييييني يعطيك الصحة أختي كروان تطبيقك رووووووووعة

حب ربي*ملأ قلبي · 2012-03-16, 15:40

وانتِ ثاني سيسي يعطيك الصحة
أنا ما نعرفش هاذي الطباخة بصح عجبوني الأطباق واصلووووووا

mimi53 · 2012-03-16, 15:40

السلام اختي لحبيبة كروان صح عندك الحق راهم الكريات وحدهم خفاف وبنان نقدرو نديروهم برك سلاطة راهم زاكيين
اشاء الله وصفات اخرى وتطبقات اخرى ونكونو نشيطين ومنتفنينوش انا عن نفسي راني حابة نسيي كل وصفاتها وانشاء الله ربي يقدرني ونديرهم ونزلهم في هادا الموضوع وانتوما تاني

mimi53 · 2012-03-16, 15:41

مشكورة اختي العزيزة حب ربي ملا قلبي

mimi53 · 2012-03-16, 15:42

بالنسبة لحبيبتي لليان مايكون الا خاطرك رايها نديرهم كاملين بادن الله

الكروان الجريح · 2012-03-16, 15:43

حلوة الباي لسيدة سليمة يعلى
كيلة بيض-كيلة سكر-كيلة خبزمرحي-كيلة ونص لوز مرحي بالقشور فاني-قشور 3 ليمونات-كيلة غير ربع زبدة ذائبة-1 خميرة-نص كيلة سميد
اخلطي جميع المقادير بالخلاط الكهربائي ثم خذي علب نتاع الالمينوم تباع في المحلات افرغي بيها الخليط ضعي من فوق اللور افيلي و اخبزيها من فوق قليلا و ادخليهم للفرن 180 درجة عندما ينضجوا عسليهم بالشاربات
ملاحظة هذه الكمية تعملك حوالي 40علبة
و بالتوفيق ليكم و مازال الخير القدام

الكروان الجريح · 2012-03-16, 15:50

الله يسلمك اختي حب ربي ملا قلبي ذوقك هو لمليح

sisi 26 · 2012-03-16, 16:08

[QUOTE=حب ربي*ملأ قلبي;9224562]وانتِ ثاني سيسي يعطيك الصحة
أنا ما نعرفش هاذي الطباخة بصح عجبوني الأطباق واصلووووووا[/QUOT

شكرا لك أختي أنا راني جديدة عندي يومين ملي سجلت
السيدة سليمة يعلى مقدمة حصة الطبخ في اذاعة البويرة كل يوم ثلاثاء على الساعة 10 صباحا و كل يوم خميس على الساعة 2 زوالا

الكروان الجريح · 2012-03-16, 16:15

مرحبا بيك اختي سيسي دار دارك قوليلي واش دارت البارح السيدة سليمة ما سمعتهاش و شكرا

sisi 26 · 2012-03-16, 16:53

اقتباس:

المشاركة الأصلية كتبت بواسطة الكروان الجريح

مرحبا بيك اختي سيسي دار دارك قوليلي واش دارت البارح السيدة سليمة ما سمعتهاش و شكرا

البارح عاودو حصة نهار الثلاثاء دارت فيها الوصفات اللي حطتهم الأخت ميمي
سلطة بطاطا على شكل برتقالة + كويرات بطاطا مرحية بالقرعة المقلية + موسكتشو المقلوبة + حلوى الباي + شباك الجنة+ ياوورت + كاشير