وصفات حراير الكوزينة الجزء الثاني - الصفحة 3

idron0 · 2014-12-02, 09:39

حساء الكابويا او القرعة الحمراء ام محمد تاج

حبيبتي في كوكوط حطي طرف من صدر الدجاج وبصلة متوسطة مقطعة جوانح وثلاث سنينات ثوم ورشة فلفل اسود وملحي وحبة بطاطا متوسطة ومقطعة والكابويا كثري حوالي رطل وشوي معدنوس وشوي دبشة وزوج ملاعق زيت ومغرف صغيرة كسبر وضيفي الماء حتان يفوت مستوى الخضر واغلقي خليه يطيب حتان يرجع الماء للنصف وارحيه مع مورصو فرماج واذا كاينة الكرام فراش ضيفي شوي واذا ماكانش كيما انا خليها بالفرماج رووووووعة .

idron0 · 2014-12-02, 09:56

الارز البسمتي ام ياسين الزهراء

اولا نتبل دجاجتي الحلوة موطارد وهريسة وفلفل اكحل وزنجبيل وفاح وملح وشوي خل ومعدنوس وثوم وزبدة وندهن بيها الجاجة مليح وعمرها من الداخل وندير نص حبة قارص وربطة معدنوس ونربطها هكى نضمن ماتهربش هههههههههههههههه ونحطها في كوكوط وندير شوي زيت ونقليها وطبعا الرند مهم جدا للجاج وللروز ونقلبها ونقطع البصل والثوم والطماطم قطع صغيرة ونقليهم مع الجاجة ونمرق بكاس ماء ومنبعد نقطع الزردية والجلبانة والزيتون ونمرق حتى تعوم الجاجة ونقفل عليها طبعا ماطولش في الطياب وفي داك الوقت نحكم بلا تاع فور نرابي فيه الطماطم حوالي 4 حبات مع الثوم وكيقريب طيب الجاجة نحيها من المرق ونحطها على الطماطم ونزيدلها الموطارد والملح تحب الملح ونرفد شوي مرق على الطماطم وندير نص كاس زيت ونديرها في الفور تتحمر وتتقرمش والمرقى اللي طابت فيها الجاجة نغسل الروز بسمتي 4 مرات نغسل ونشلل مانشمخوش مرة خليتو في الماء يترنخ تكسري واسامة السيد قال ارز بسمتي مانحطوهش في الماء يطول المهم شليه وترميه على هديك المرقى وتخليه يطيب وماتكثرش التحراك عليه تحركو المرة الاولى وتخليه على نار هائة يطيب وكينشف طفي عليه وترمي شوي زبدة وتحرك وتخليه والجاجة راهي في الفور تتحمر والطماطم طلقت عليه الجاجة بنتها وكيتتحمر تحط الروز في بلا تقديم وترفد من الطماطم وتحط من الفوق وفي الاخير الجاجة اممممممممممممممممممم انا هدي طريقتي .

فرح1 · 2014-12-02, 11:22

اعطيكم الصحةة والله غير راني نتعلم من عندكم

idron0 · 2014-12-02, 16:27

قاطو ام نهولة

للعجينه 2بيض كاس سكر كاس زيت كاس حليب ماشي معمر 2خميره فانيلا و الفرينه حتى تتلم
اقسميها على2 حطي الاولى تطيب ثم الثانيه
الكريمه 3كيسان حليب السكر حسب الذوق 4مك ماشي معمرين مايزينه مص فانيلا
لقلاساج علبه شكولاطه ندوبوها مع شويه قهوه طايبه لما تذوب زيديلها علبه ياوورت ذوق طبيعي
حطي طبقه1 حطي الكريمه زيدي الطبقه2 ثم قلاسي كي يبرد قطعيه حسب الرغبه .

إضغط هنا لرؤية الصورة بحجمها الطبيعي.

ام سراج وملاك · 2014-12-02, 16:29

تارت جينواز ارزاق

الجينواز درت 6 بيض نخلطهم مع 150 سكر بعد مانكون حطيت البيض في ماء سخون بصح ماشي يغلي باه يدفاو وميطولوش ثم ثم يطلعو مع السمك هدي نصيحة لهومة دارتها مع المادلان و نزيد شويا فاني ومن بعد 150 فرينة مغربلا مرتين نحطها بالشويا ومن فوق مشي جولي هداك فراز درتو العام لي فات حطيت حبات في المكسور زايد شويا سكر وعسرة ليمون و الي المجمد كي جبدتو حطيتلو شويا نشا و فوق النار حتي خثار وكي بردت زينت بيه

ام احمدي · 2014-12-02, 16:31

بارك الله فيكم

idron0 · 2014-12-02, 16:33

الزفيطي ام رحاب/ام طيوبة

اكلة بوسعادية مشهورة في بلادهم
اديري الفطير اطيبيه واتفتيه داخل المهراس تاع الحطب وتشوي كمية كبيرة تاع الحار اخضر والطوماطيش تشويهم والثوم واتنقيهم واتقطعيهم داخل المهراس ا دزيدي كسبر اخضر اتقطعيه معاهم واديري شوية ملح واتدرسي كلش مع بعض وتاكليهم في المهراس هادي هيا الزفيطي .

إضغط هنا لرؤية الصورة بحجمها الطبيعي.

idron0 · 2014-12-02, 20:32

ترقاد القارص عازفة الناي

نغسل الليمون جيدا تم ينقع في ماء فاتر مدة 24 ساعة حتى يتشرب الماء بالكامل
نشرّح الليمون بالسكين على شكل علامة + مايتقطعش بالكامل
نملا كل ليمونة بمقدار ملعقة متوسطة ملح
نضع الليمون في قارورة و نضغط مليح على حبات الليمون باش نسد الفراغات ومانخليش مكان للهواء ونغلق القارورة جيدا ونتركها في مكان مظلم لمدة 4 اسابيع حتى ينزل الليمون الماء الذي تشربه وماءه الطبيعي. وماتفتحيش القارورة طول هذي المدة .
وتولي القشرة تاعه طرية ولينة .
بعدها تصبي زيت الزيتون حتى تتملا القارورة و يحميه من الهواء لانه يفسد .
ومع مرور الوقت الليمون راح يتشرب زيت الزيتون ويصبح لونه عسلي وجميل جدا.

idron0 · 2014-12-03, 09:22

تارت السلق cuisineshowdalatifa

العجينة , كأس (أنا عبرت بكأس تع القهوة )ماء دافئ ,كأس حليب دافئ ,كأس زيت (ناقص أصبعين )مع الملح خلطيهم
إضغط هنا لرؤية الصورة بحجمها الطبيعي.
نضيفلهم بيضة و ملعقة خميرة خبز و نصف باكي خميرة حلويات و نضيف الفرينة حتى تتماسك ما تعجنيهاش خليها تخمر
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

الحشو طيبت طرف دجاج صوص بيضاء ثم فتت الدجاج و حطيت فيه السلق مقطع و خليتوا فوق النار يذبال
و نحضر صلصة البيشامال و نخلط نصفها مع السلق و نزيد جبن مرحي
إضغط هنا لرؤية الصورة بحجمها الطبيعي.

حليت العجينة رقيقة (لانها تخمر من بعد ) و حطيتها في صينية دائرية و حطيت الحشو و زدت من فوق شوية بيشامال و فرماج
إضغط هنا لرؤية الصورة بحجمها الطبيعي.
خليها تخمر و إلى الفرن
إضغط هنا لرؤية الصورة بحجمها الطبيعي.

idron0 · 2014-12-03, 11:18

مطلوع ome loudjeine

..ديري السميد قيس القرصات الي حابتهم وديري مغرفة صغيرة خميرة الخيز لكل قرصة وسينوج وملح ومغرفة كبيرة زيت بلي بماء دافيء وخليها تريح ربع ساعة.

اعجنيها مليح وابداي اسقيها بماء دافيء حتى تتحصلي على عجينة طرية اقسميها كويرات واطرحيها بيدك فوق طرشون وغطيها وخليها تخمر.

سخني الطاجين مليح مليح وطيبيها ماتخليهاش تخمر بزاف بزاف راهي تكمل طلوعها في الطاجين.

ملاحظة :حبيت نقولك انو نوع السميد يلعب دور في نجاح المطلوع انا نستعمل البركة تاع بسكرة.

إضغط هنا لرؤية الصورة بحجمها الطبيعي.

idron0 · 2014-12-03, 13:09

البيتزا بالكرام فراش oum yousra

البيتزا ديري العجينة الي معتمدتها و قرصيها و حطيت فوق العجينة طراف نتاع سلامي تقدري ديري طراف نتاع كاشير بلاط نتاع الشوارمة سييتها مرة و جات هايلة كي كنت في البلاد ومن بعد خلطي لاكرام فراش مع شويا ملح و فلفل اسود و صبيها فوق لابات و من بعد ديري الشونبنيون و خطئها طيب و مايبقالهاش بزاف خرجيها و حطيلنا الفروماج رابي و رديها5 دقائق يذوب الفروماج و لاكرام فراش انا نستعمل épaisse .

إضغط هنا لرؤية الصورة بحجمها الطبيعي..
إضغط هنا لرؤية الصورة بحجمها الطبيعي.
. إضغط هنا لرؤية الصورة بحجمها الطبيعي.

idron0 · 2014-12-03, 15:06

حلوى بالزيت yasmalak

طلعي 5 بيض مع قرصة ملح و فاني و زيديلهم 5 كيسان تاع تاي سكر و 5 زيت و كاس مايزينة و 2 باكيات خميرة و نشفيييهم بالفرينة
تولي عندك عجينة طرييية مي ماشي بزااااااااااااف باش ما يسيحش كي يطيب
ديري كويرات صغاار قيس حبة جوز و عبزي فوقهم ببوشون تاع كوكا كولا و دخليهم يطيبو
راح يتغلققو شوية هدوك التقابي سما عاودي خرجي السنيوة وعبزي بالبوشون مرة وحدوخرااا
كي تتحمر من تحت نحيها ما تطيبيهاش بزاف باش تجي طرييية
رشيها بالسكر قلاصي و ديري فالوسط معجون والا نوتيلا و بصححححححححححتك.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

حسيبة2010 · 2014-12-03, 16:53

ربي يعطيك ما تتمناي idron0

idron0 · 2014-12-03, 17:11

كسرة الشعير نبض الفؤاد

خذي كمية سميد شعير مخلط رقيق وخشين...وزيدي ملح وخميرة ولمي بما دافئ.....شبعيها ما ما تخليهاش ناشفة وخليها ترتاح مدة 2ساعات تخمر ويترنخ الشعير...وممبعد جيبي غرفية فيها الزيت وحلي بيها العجينة وادي وجيبي حتى تتحصلي على عجينة شابة....اخبزيها بعد ما تقرصي....مثلا 2قرصات....في الاول تجيك صعيبة ترفديها وتحطيها في الطاجين الساخن جدا......ايمالا اهتديت اني نعمل قطع كيما المثقبة.....واضح؟؟؟؟وممبعد سنين باه تعلمت نعمل خبزة كاملة ..........وشهية طيبة......

idron0 · 2014-12-04, 10:22

كسرة الشعير الامنيات

حكمي شوي دقيق الشعير ديري فيه شوي خل ولا لبن وعجنيه وخليه يخمر بيه ديري الخميره
مقدار زوج مغارف وكل ما تعجني نحي شوي وديره خميره
كيي يبات هاداك الخمير ديري قيس واش تعجني مع شوي ملح والماء دافىء وعجني عادي خليها ترتاح غير شوي .