الجزء 181 لكوزينتنا المنورة بالأحباب وأشهى الأطباق

[انا هي رزيقة]

اختي سحابة عندي منك طلب حبيبتي يا ريت تحاولي تصغري صورك اذا قدرتي لانها فعلا جميلة و تستحق المشاهدة و الله دون مجاملة حنونتي اكلك مميز فعلا .... تهلاو في اروحتيكم يا بنات

[*سندوسة*]

السلام عليكم يالغالياااات
ان شاء الله تكونو كاااااااااااامل بخير
الف مبروووك الافتتاح

لي عودة بأطباقي القديمة والحصرية فقط تعباااااااااانة ههه

[أم فاطمه]

السلام عليكم حبباتي الغاليات مبروك علينا افتتاح الكزينة وشكرا اختي سحابة الله يبارك زهتنا باطباقك
حياة الحنينة شكرا على اقتراحك اطباق في. القمة الله يبارك في بنتك وتقرا وتفرحي بها ختك تحب معجون الكرموس شهتني
دمعة فرح اتمنى انو الوصفة تاع المضلين عجباتك بصحتك المقرون وجوارنه
اهلا بيان واش ركي حبيبتي
مرحا بي الوجوه الجديدة اهلا ندا و قرويجةو نهال نورتو الكزينة بدو مننسا اختنا ارزاق
رزيقة العسل الله يعطيك الصحة
دخلتلكم اليوم قغتان البطاطة بي القرعة و اليايوت
والشخشوخةو السفةعشاءتاع البارح و القطو الطبقات بيالعسل وا الرولي بالكرام شتي راه في قسم الحلويات شفوه رجعلي رايكم
تبقاو على خيرعلى المحبة نلتقي

[سحابة باردة]

رزيقة شكرا حبيبتي على كلامك الجميل وربي يسمع منك في هذه الأيام المباركة ويفرح كل الفحلات وان شالله نستمتع مع بعض في هذا الكوزينة الحلوى
والباروك لا يعلى عليه نموت على الشكشوكة مع هذيك الكسرة وسلامي لأم حسام وربي يفرحها كيما راهي تشارك معانا عن طريقك وكسرة السميد فعلا صحية فكرتوني في الميمية
أم فاطمة ربي يخليك على الكلام الرزين وشكرا عل الباروك تسلم الأيادي
حق رزيقة طلبك على عيني وراسي راني نتعلم في تصغير الصور ان شالله ننجح هههه
وهذا الغدا سباقيطي وسلاطة

[سحابة باردة]

يبارك فيك سندوسة رانا في إنتضارك حبيبتي

[أم فاطمه]

السلام عليكم نسيت. ماضكرتش اختي الغلية امينة سامحني عساكي بخير رني غرت منك وخدمت2رولي بدل الواحد اتمنى يعجبك تحياتي

[nihal159]

بصحتكم الأطايب؛ صح غداكم جميعا

[سحابة باردة]

يسلمكم يحلوين
أمنية راهي غايبة أن شالله تكون بخير ورتاحت نفسيتها

[البدرية]

السلام عليكم ورحمة الله وبركاته

أختي سحابة بارك الله فيك على فتح هذا الجزء من الكوزينة

وحبيت نشكر كل من تشارك في الكوزينة استفدت منكم كثيرا

جزاكم الله خيرا أخواتي حياة وأمنية وسحابة وبيان و رزيقة وأم فاطمة وام حمزة السلفية وبيلسان ونهال وأم يوسف هذو الي تفكرتهم والي نسيتها تسمحلي

أختي أم رحاب طهور ان شاء الله لزوجك حفظه الله

أختي أم ابراهيم طهور ان شاء الله لابنك حفظه الله

أم هدول عظم الله أجركم رحمها الله وجعلها من أهل الجنة اللهم آمين

حياة مبارك الدخول المدرسي لابنتك ربي يحفظها ويجعلها من الذرية الصالحة

أختي حياة طبقت معجون التين بوصفتك وخرج روعة ان شاء الله لي عودة أضع صور التين من الريف

أعتذر أختي سحابة دخلت بيديا فارغين معنديش باش نصور

أخواتي من فضلكم ممكن تعطوني وصفات حلويات اقتصادية فضلا لا أمرا

[سحابة باردة]

مساء النور البدرية شكرا على كلامك الجميل وفيك بركة وأن شالله ديما تستفيدي معانا وذرك يدخلو الشيرات يكتبولك القاطو اللي تحوسي عليه ونا ثاني كينصيب نكتبلك الغربية وصابلي مفيش أسهل منهم وقاطو الفليسطينة ثاني هايل وقتصادي

[أمنية غفران]

السلام عليكم و رحمة الله تعالى و بركاته

سحابة و أخواتي جميعا العضوات و الزائرات مبروك علينا جميعا افتتاح كوزينة الحراير بالهناء و الربح و راحة البال و الصحة و العافية في هاد الأيام المباركة

امممممممممم كنت غائبة و شكرا للسؤال عني شا نقول ليكم هادي 4G ما بغاتش قاع تفهم روحها سمانه و تنقطع كنت قريب نحلف عليها بصح علاجال عيونكم الحلوة و المودة الي تجمعنا ما حلفتش ههههههههههههههههههه

.................................................. ...

أختي ام فاطمة كنت حابة نعلق على رولي و الله و الله غي شهاني و سخفني بالشوكولة و ان شاء الله انتظري تطبيقي بطريقتك تبارك الله راهو زاكي هادا ما ينفع مع عائلتي صحيتي يا الفحلة و حرة الحراير

ايا أخواتي الي انظمو للكوزينة ألف مراحيب و نورتونا بطلتكم البهية و نتمنى نتمنى ما تكونش الأخيرة أرجوكم أرجوكم ابقاو اوفياء و مين داك طلو علينا بأطايبكم و تدبيراتكم اللذيذة اممممممممم

.................................................. .............

سحابة راني جبت لك الحلو للفال بمناسبة افتتاح كوزينتك ان شاء الله تكون عتبة مربوحة علينا كامل

هاي بقلاوة درتها بالعجينة البرونزية ان شاء الله في القريب نحطها موضوع خص نص لأختي ريمة 87 ريمة الزينة ادا راكي طلي هنايا راني نقول لك انتظريني عن قريب.............. ان شاء الله
شفتو راني ندير في الاشهار هههههههههههه



و هادي سلطة فواكه مزينة بكريمة شونتييه مع التوت البري اممممممممممم



حقا أختي دمعة مرحبا بيك معانا كوني وفية هنايا و رايحة تتعلمي الطبخ على أصوله حبيبتي اصبري درك نبعث لك رسالة وقيلة تقصدي موضوعي هادا ياك شوفي تقدري ديريها في مول السيليكون يكونو كبار شوية و الطريقة موضحة في الموضوع ادا ما فهتيش حاجة قولي لي

https://www.djelfa.info/vb/showthread.php?t=1657445


تحياتي

[بيان 5]

اختي امنية امممم على الاطايب اللي حطيتيهم
سحوبة الزينة اسمحيلي ماحطيت والوا ولدي مريض شوية راني معاه فرات

[سحابة باردة]

أمنية واخيرا طليتي حبيتي يبارك فيك أممم هذاك ماخصنا في هذا الحمان غير سلاد فروي باردة تسلم الأيادي يامامي على البقلاوة قريب ناكولها بعينيا ههههه
حق حطيلي رابط ساهل لتصغير الصور من الميكروا باش يسهل عليكم تشوفوا أطباقي
بيان مرحبا بيك وربي يشفي وليدنا تهلي فيه بيا وبراحتك وقت ماجبتي طياباتك كاين الأكيلة متخافيش ههههه

[حياة نور الدين]

ااسلام عليكن

سحابة بصحتك واش حطيتي مالغري مقدرتش نشوف بصح على بالي هبال وكلشي من يديك تحففة

امنية واخيرا طليتي بصحتك حبيبتي الاطايب وشكراا على الرابط

ام فاطمة كلشي بشهي خاصة تقديم الصور راني نمعني سحابة هههه نتمسخر برك حنونة
والرولي يهوسس يعطيك الصحة

بيان الف شفاء على وليدك يارب

زقزوقتي العميرة كلامك يرد الروح والشكشوكة من اروع ماايكون وحتى الكسرة كي تاعك كي تع ام حسام بلغيها سلامي حبيبتي امانة

دمعة بصحتكم الفريبت

البدرية توحشنااااك حبيبتي وشكرا على الثقة وبصحتك المعجون

نهال واش راكي توحشنااااك وين راكي يا اختي رجعتينتي للكوزينة وهربتي هههه

سندووووسة اهلااا حبيبتي واش راكي وكيفاش راهم احوالك يبا رب تكون تعدلت الامور ان شاء الله

ام يوسف وكل اللي نسيتها تسمحلي

[حياة نور الدين]

عشايا اليوم كان طعام الشعير بالبن وبيض مغلي والحمد الله