مسمن على اصولو من يدين لينا بالصور

[لينا11]

طلبو مني العسولات طريقة مسمن وها انا وفيت بوعدي كالعادة بالصور للامانة عجينة حطيتها تبات فالكيس اول مرة من صباح حتى لليل باش حضرتها

نضع كمية من سميد وفرينة وملح وملعقة سكر
ونجمع عجينة مانجريوهاش ونشمخو كيس مليح بالماء دافي ونحطو عجينتنا داخل ونربطوها مليح ونخليها من ليل للصباح ولا من صباح للقهوة تاع لعشية باش يطيب سخون

كي يقرب وقت تطيبيها بساعة خرجيها من كيس وعجنيها غير شوية وديري لها ماء دافي وخليها شوية مطلوقة ودخليها للكيس مرة اخرى بصح كيس يكون ناشف يعني عصريه مليح من الماء
وخليها ترتاح شوية

وخرجيها من كيس كي يحين وقت طيابها ديريهم لويزات وسرحي وطيبي وكولي بصحتك واستمتعي بالمدح ياعيني ياعيني سيدتي ممممممممم

المهم نجوزو ضرك للصور وقبلها دعوة تسر الخاطر ليا خاطرش تعبت في تصوير وتحميل ودعوة لصاحبة فكرة الكيس ممممممم




















والان نجوزو للمقلي على طريقة امي ربي يرحمها نفس خطوات الولى نسرحو عجينة ونطبوقها على ربعة
بصح الان نقلوها في زيت غزير