حساء الفطر الفاخر على طريقتي - الصفحة 3

nabila222 · 2014-02-05, 20:00

شكرا حبيبتي الهام على الوصفة ونشاء الله نسييها بصح حبيت نعرف اذا هذاك الجبن الطري نديرو كامل يعني شحال ميزان انتاعها والغرويار ثاني شحال ميزانها علو خاطرش تتباع بلميزان والكومومبار يخي فيه ريحة ماشي مليحة ما تاثرش على الحساء واذا حبيت نستخدم اللحم ولا الدجاج لازم نطيبو قبل ما ندير الحليب يعني في اصوص بيضاء ومن بعد كي ينضج نزيد الحليب وش رايك يا ريت توريلي الطريقة كي يكون بلحم بسك حبيت نديرو لصحاب راجلي يموتو على الشونبينيو,

nawel zed · 2014-02-05, 20:37

44444444444444444

إلهام07 · 2014-02-06, 13:36

كرا حبيباتي على المرور

اقتباس:

المشاركة الأصلية كتبت بواسطة sidali 2007

وآآآعععععع الهام منين نجيب ذرك لفطر نموت عليه بصح معندناش يتباع ووووووآآآعععععععع
ابعثيلي صحن كعاد تشهي فيا دبري راسك هههههههه تسلم ايدك يا لهلوبة

حبيتي ماشي شرط ديريها بالفطر الطازج ممكن تستعملي علبة من الفطر المعلب

اقتباس:

المشاركة الأصلية كتبت بواسطة heaven's road

يعطيك الصحة يا الفحلة يا النحلة انا زوجي يحب ديما لي سوب و بالوصفة هادي انشاء الله نوعو شوية بصح حبيت نعرف منين شريتي الفطر الطازج هادا و الا عملتو بالمعلب يجي نفس الدوقو لا كيفاه

الفطر الطازج راهو عندنا في سطيف يتباع في المارشي نتاع 1014 وقالولي باللي جابوه في الولايات الاخرى ثاني جابو شحنة كبيرة هذا راهو مستورد نتاع إسبانيا

صح غالي الكغ ب1200دج بصح خفيف مايوزنش انا 5 حبات جاوني 100دج يكفيوني

أكيد الطعم نتاع الطازج خير بصح ماتخافيش تقدري ديريه بالمعلب ويجي بنين

فقط صفيه من الماء نتاعو وشلليه بشوية ماء واستعمليه عادي

اقتباس:

المشاركة الأصلية كتبت بواسطة nabila222

شكرا حبيبتي الهام على الوصفة ونشاء الله نسييها بصح حبيت نعرف اذا هذاك الجبن الطري نديرو كامل يعني شحال ميزان انتاعها والغرويار ثاني شحال ميزانها علو خاطرش تتباع بلميزان والكومومبار يخي فيه ريحة ماشي مليحة ما تاثرش على الحساء واذا حبيت نستخدم اللحم ولا الدجاج لازم نطيبو قبل ما ندير الحليب يعني في اصوص بيضاء ومن بعد كي ينضج نزيد الحليب وش رايك يا ريت توريلي الطريقة كي يكون بلحم بسك حبيت نديرو لصحاب راجلي يموتو على الشونبينيو,

1- هههههه ضحكتيني ماشي ديري هذاك الجبن كامل لالا ديري شوية شوية من كل نوع وانت وذوقك ماشي شرط ديري واش درت شوفي أنت وواش متوفر عندك هو عادة فرماج روج ثاني يجي بنين في الحساء وغذا مشومرة هههه تقدري ديري جبن أبيض فقط يعني أنت ومقدورك

انا حطيت قطعة نتاع فرماج ( مربع كيما نتاع شاف ) القرييار والكامومبير درت شوية برك لاخاطر مالحين والكامومبير انا نشري هذيك الماركة مافيهاش ريحة خاصة انني كي نشريه نفتح العلبة ونشوفها ونشمها نخير وحدة جديدة نشري من سوبيرات كبيرة السلعة ثم ثم تتباع ديما السلعة جديدة ماتخافيش مايجيش طعم ماشي مليح بالعكس تماما

والريحة ماتبانش

2- اسكالوب الدجاج قطعيه صغييييير ولوحيه مع البصل وقليه او ممكن تخليه قطعة كبيرة وكي يطيب الحساء تفتتيه وترجعيه راهو يطيب ثمثم ماشي شرط طيبيه وحدو في مرقة بيضاء ومن بعد ديري اللحم لالا ماتخافيش قليه ومرقيه بالماء والحليب عادي ماتخافيش أصلا أنا الاسكالوب ( راهو يجي غير بقطع الصدر خالية من العظم ) نديرو شراءح رقيقة ومن بعد نقطعو ونقليه مع البصل ماجي تخلصي التقليه يكون طاب

3- أما اللحم عمري لاشفت حساء الفطر فيه لحم

بصح إذا مصممة ديري لحم ، زيدي شوية في كمية الماء وقليه كيما الجاج مع البصل وأغلقي الكوكوط باش يطيبلك بصح صراحة مايجيش فيها لحم

وانت حرة