كي تسهروا مع نت تصرالكم ولالا

[eBusiness]

نحن معشر الجنس الخشن نتابع خربشات الجنس اللطيف عن كتب ونضحك من قلبنا ههههه

[*سندوسة*]

المشاركة الأصلية كتبت بواسطة ام نهوله

سلام اختي ياسمين واش نقولك حنا في الدار 6 عجوزتي وزوجي و اولادي الثلاثة نتعشاو مور المغرب مباشرة وماكاش لمعاودة موراها وخاف تهربلي لاطاي الرشاقة من اولويات حياتي نشد الميكرو بورتابل ديالي ونبدا نحوس في هاد المنتدى وطبعا عين هنا وعين على اولادي نهال دائما قدامي قليولة ما فيها والو نخاف يعفسوها وزوج لوخرين يلعبو قدام عيني
ما نكدبش مين داك نكون دايرة تارت او ديسير نتبمجو بيه في السهرة
اما زوجي المصون ماشي لاحق مع المشاريع ديالو بصح الحق والله غير يسقسيني عليكم كاش جديد لاني دايما نحكيلو على بعض المواضيع وندوروها نقاش بيناتنا
كيما اليوم راني دايرة تارت فريز ضرك نوض نقسمها بلا ماننسى عمري ما خليت ماعن الليل للصباح ما نقدرش نتخايل الكوزينة معمرة
علابالي كثرت هدرة عليك سندوسة

والله يا ام نهولة ضحكتيني من جهة الرشاقة ماتخافيش حناعندنا درج ولكوزينة لتحت مرات كي نكون ندير لفطور نتعمد نخلي لميكرو فلاشومبغ نتاعي ونقد بين الكوزينة وهي وكي كنت نديرفريجيم والفت هداك الريتم قاع نكتر لماكلة مانزيدش "يظلو يعايرو فيا يقولولي تنقبي كي دجاجة ههه"

ههههه ضحكتني نتاع بنتك يلا يعفسولك عليها ربي يحفظلك عايلتك
رانا شايعين ههه يعني قاع الناس تبع في مواضيعنا ايا مليح
ايا الحمد لله وبصحاتكم
كتري لهدرة كيما تبغي راني هنا نسمعلكم وانا نفرح كي تمرو في مواضيعي

[face moon]

ههههههههههههههههههههههههه
موضوع جميل
حنا فالدار انا وبابا وخوتي لكبار لي نكونيكتو
ماما وخوتي صغار يتفرجو تلفيزيمن
حقيقة حنا قاع ماعناش حظر التجول
قاع ليل رايحين جايين للكوزيمة ونرفدو لكاسكروتات والفواكه والياورت الخ
للغرف تاعننا ويلا قتلنا لجوع نقلو بيض ولا مقرون بالفرماج
على خاطرش ريحة البطاطا مزعجة فالليل
وتجي اميرة قاع ما تكملش مع الماعن خطرات حتى 2 تع صباح وحنا فالكوزينة ناكلو ونضحكو
ويجي بابا يقلنا شيييييييييييييت الجوارين

[*سندوسة*]

المشاركة الأصلية كتبت بواسطة وجدان الخواطر~

السلام عليكم
احنا عندنا حظر التجوال و المودام يطفا في وقت لقراية على 10 و في الصيف على 11 ، مي سعات نكونكتي بالتخبية و تعود عصافييير بطني تزقزق مي نرقد جيعانة نورمال

وعليكم السلام ورحمة الله وبركاته
هههه ضحكتيني حنا كل واحد وداير قوسطوه
حنا لمودام والله مايطفا لا ليل ولا نهار حتى يتحرق هههه

اناحتى ولو نجوع عادي والفت كي كنت ندير فريجيم مانتاثرش بصح لبارح بغيت نجرب رحت للكوزينة عجبتني الحالة هههه

مشكورة نورت الموضوع بصح صح راكو تعانو اجرو على رواحكم ههه

[*سندوسة*]

المشاركة الأصلية كتبت بواسطة eBusiness

نحن معشر الجنس الخشن نتايع خربشات الجنس اللطيف ههههه

زارتنا البركة
وعلاه يا سي عبد المجيد ماتخربش معانا
نتا كي تسهر مع نت ماتجوعش ماتروحش للكوزينة وتلخلطها للوالدة ربي يكون في عونها ههه وخصوصا كي يكونو حلزونات باقيين من العشاء مع حبات زيتون وحبات حب الملوك اعرف ان هذا وقته

[*سندوسة*]

المشاركة الأصلية كتبت بواسطة face moon

ههههههههههههههههههههههههه
موضوع جميل
حنا فالدار انا وبابا وخوتي لكبار لي نكونيكتو
ماما وخوتي صغار يتفرجو تلفيزيمن
حقيقة حنا قاع ماعناش حظر التجول
قاع ليل رايحين جايين للكوزيمة ونرفدو لكاسكروتات والفواكه والياورت الخ
للغرف تاعننا ويلا قتلنا لجوع نقلو بيض ولا مقرون بالفرماج
على خاطرش ريحة البطاطا مزعجة فالليل
وتجي اميرة قاع ما تكملش مع الماعن خطرات حتى 2 تع صباح وحنا فالكوزينة ناكلو ونضحكو
ويجي بابا يقلنا شيييييييييييييت الجوارين

هذا لومبيونص ولا خلي
انا والله عادي بصح نتقلق كي نكون مريضة وسورتو الزكام كي تحكمك الحمى وتفشلي مع انا الوالدة مانخليها دير والو ولو حتى نكون مريضة مانقولهاش

[staifia]

شفتي ياسمين عبد المجيد هات برك يتحكم علينا بحاجة. يولي يضحك علينا ويديرلنا الضغط
وحنا نحكو برك
علابالك عبد المجيد ينوض في الليل يكون خبا شوي حلزونات ملكية يخليهم للسهرة وهاديك وسمها القوقعة ولا نسيتها كيفاش يقولولها يديرهم شيبس قرمش قرمش



والله ياختي ياسمين فكرتيني في اختي قبل ما تتزوج كنا نقعدوا نحكو ل 2تاع الليل وكي ينوض كاش واحد نديرو روحنا راقدين ههههه. وضرك. رانا غير في 5 و كي يروح بابا نقعدو في 4 يعني ىمكانش circulation بزاف خويا ينوض ياكل مكراش هههه

[*سندوسة*]

المشاركة الأصلية كتبت بواسطة staifia

شفتي ياسمين عبد المجيد هات برك يتحكم علينا بحاجة. يولي يضحك علينا ويديرلنا الضغط
وحنا نحكو برك
علابالك عبد المجيد ينوض في الليل يكون خبا شوي حلزونات ملكية يخليهم للسهرة وهاديك وسمها القوقعة ولا نسيتها كيفاش يقولولها يديرهم شيبس قرمش قرمش



والله ياختي ياسمين فكرتيني في اختي قبل ما تتزوج كنا نقعدوا نحكو ل 2تاع الليل وكي ينوض كاش واحد نديرو روحنا راقدين ههههه. وضرك. رانا غير في 5 و كي يروح بابا نقعدو في 4 يعني ىمكانش circulation بزاف خويا ينوض ياكل مكراش هههه

هاهاهاهاهاها
هوهوهوهوهو
هيهيهيهيهيه والله قتلتوني بالضحك غيرلتحت مع لبنات وزدتولي هنا
اوووفا حاجة باينة عبد المجيد ينوض ياكل على خاطرش قاع رانا شايفينها في خاوتنا

انا حتى لوكان نلعبها ضو نتاع لميكرو يفضحني ههه وتيليفيزيو بصح اغلبية الوقت ياكلو حاجة واجدة كيما فاكهة ولا حاجة كيمهاك
وعقلي فيها على قوقعات وتشبس بلاك نتي راه في خاطرك فيهم

وبصحت خوك نتي تاني كنتي مكراشة اعترفي

[ام نهوله]

هذا وين دخل علي زوجي وفي يدو كسكروط هاديك التبهديلة قلتلو هذا وين كنت نقول للناس احنا ما نعاودوش الماكلة واش صرالك با راجل كذبتني عيني عينك هههههههههههه
تبقى الاحتمالات دائما واردة ياحبيبتي انا و راني جعت ههههههههههههه

[eBusiness]

المشاركة الأصلية كتبت بواسطة سندوسة يسمين";3993251467][b][i][font="arial

زارتنا البركة
وعلاه يا سي عبد المجيد ماتخربش معانا
نتا كي تسهر مع نت ماتجوعش ماتروحش للكوزينة وتلخلطها للوالدة ربي يكون في عونها ههه وخصوصا كي يكونو حلزونات باقيين من العشاء مع حبات زيتون وحبات حب الملوك اعرف ان هذا وقته [/font][/i][/b]

أنا صراحة إنسان عاقل هههههه حينما أشرب القهوة أغسل كأسي.... هذه هي الحاجة الوحيدة اللي فيا مليحة في الكوزينة ههههههه
ثم أنا المشكل عندي أنني أحمل القسم الأكابر من عشائي وأجلبه معي إلى المكتب أين أستخدم حاسوبي وكم من مرة إنقلب الحليب أو العصير على لوحة مفاتيح حاسوبي المحمول ههههه دون أن أحكي لك عن فتات الخبز والبقية مثلا الان أنا على مكتبي أستخدم الحاسوب وبجانبي صحن من الفول، حبة موز وياورت ههههههه

[*سندوسة*]

المشاركة الأصلية كتبت بواسطة ام نهوله

هذا وين دخل علي زوجي وفي يدو كسكروط هاديك التبهديلة قلتلو هذا وين كنت نقول للناس احنا ما نعاودوش الماكلة واش صرالك با راجل كذبتني عيني عينك هههههههههههه
تبقى الاحتمالات دائما واردة ياحبيبتي انا و راني جعت ههههههههههههه

هههههه
ياااااو واش صرا
باينة راهم يتعشاو بكري على بيها راهم يجوعو
ماناناش نشوفو اختي طفينا الضو ماعليش غير ماتحشميش

روحي كولي انش حاجة بصح فالكوزينة باش ماتوسخيلناش صالة منتدى الجلفة ههه

[*سندوسة*]

المشاركة الأصلية كتبت بواسطة eBusiness

أنا صراحة إنسان عاقل هههههه حينما أشرب القهوة أغسل كأسي.... هذه هي الحاجة الوحيدة اللي فيا مليحة في الكوزينة ههههههه
ثم أنا المشكل عندي أنني أحمل القيم الأكابر من عشائي وأجلبه معي إلى المكتب أين أستخدم حاسوبي وكم من مرة إنقلب الحليب أو العصير على لوحة مفاتيح حاسوبي المحمول ههههه دون أن أحكي لك عن فتات الخبز والبقية مثلا الان أنا على مكتبي أستخدم الحاسوب وبجانبي صحن من الفول، حبة موز وياورت ههههههه

الله يبارك وماشاء الله
بصح بينك وبين روحك راك داير كورت ههه انا لميكرو نتاعي لوكان جا يهدر يقولي عييت منك ههه
هههه بديت تعترف بصحتك ياابن الاكابر لازم دير حاجةنتاع بلاستيك فوق لميكرو باش تمنع الفتات وواي حاجة تتسرب لداخل

ايا الحمد لله لي قاع رانا كيف كيف الحاجة المهمة هي لواحد ينظف من موراه ويرجع كل حاجة في بلاصتها
ماشي صباح تقعد فاغرفة تعيط ايا ياقشور الموز اطلعو وين راكم اتمشو قدامي للكوزينة ههه

[جمعي البشاري]

انا الفطور على 15.00 تاع عشية والعشاء مدوبلي واحد على 10.00 واخر على 1 او 2
حاطيني عساس عليهم هههههه
بصح الماعن لي ناكل فيهم نغسلهم انا

[staifia]

المشاركة الأصلية كتبت بواسطة ام نهوله

هذا وين دخل علي زوجي وفي يدو كسكروط هاديك التبهديلة قلتلو هذا وين كنت نقول للناس احنا ما نعاودوش الماكلة واش صرالك با راجل كذبتني عيني عينك هههههههههههه
تبقى الاحتمالات دائما واردة ياحبيبتي انا و راني جعت ههههههههههههه

هههههههه استري ماستر الله وخلاص

[eBusiness]

المشاركة الأصلية كتبت بواسطة سندوسة يسمين";3993252147][b][i][font="arial

الله يبارك وماشاء الله
بصح بينك وبين روحك راك داير كورت ههه انا لميكرو نتاعي لوكان جا يهدر يقولي عييت منك ههه
هههه بديت تعترف بصحتك ياابن الاكابر لازم دير حاجةنتاع بلاستيك فوق لميكرو باش تمنع الفتات وواي حاجة تتسرب لداخل

ايا الحمد لله لي قاع رانا كيف كيف الحاجة المهمة هي لواحد ينظف من موراه ويرجع كل حاجة في بلاصتها
ماشي صباح تقعد فاغرفة تعيط ايا ياقشور الموز اطلعو وين راكم اتمشو قدامي للكوزينة ههه[/font][/i][/b]

والله الميكرو بورطابل ديالي راهو في حالة... أنا إنسان نحب النظافة لكن الله غالب الميكرو راهو مبهدل ههههههه تقول كوزينة