🍜🍲🍛🍗 مشاركتي في مسابقة أحسن طبق تقليدي بين الولايات 🍜🍲🍛🍗

[نوال عيسى]

باسم الله الرحمن الرحيم
اولا وقبل كل شي اشكر الاخت زينب على هاته المسابقة التي تتيح لنا اثراء معرفتنا المطبخية ان صح التعبير والتعرف على اطباق تقليدية قد تكون جديدة على البعض منا .. تقبلي فائق احترامي وتقديري ..
والشكر موصول الى الحبيبة حياة التي لطالما دعمتني وشجعتني وكانت سببا في مشاركتي البسيطة او لنقل الرمزية .. شكرا لك اخيتي

سيكون هذا اول موضوع لي لهذا اتمنى ان اوفق في الشرح
طبقي عبارة عن نوع من انواع الرفيس لكن مش معروف يااسر كيما انواع الرفيس الاخرى كاين لي يقلو الرفيس وكاين لي يقولو بوصلوع وهو اكلة تقليدية نحضروها في الربيع .. وفي منطقتنا لما يدخل الربيع تخرج العايلات للتنزه والاغلبية يخرجو للمناطق الريفية وطبعا كلنا نعرفو كرم اهل الريف يقدمو هذا الطبق كنوع من الترحيب لهذه العوائل .. يعني يكونو موجدين رواحهم ..
طبعاا هذا الطبق نعملوه في البيوت وفي اي وقت لكن في الربيع ومن عند الناس اللي ساكنين في الريف عندو طعم ثاني تماماااا خصوصا انهم يعملوه بالطريقة الاصلية ويقدموه مع اللبن المعمول بالطريقة التقليدية ..
اعتذر كثر الكلام لكن كان لازم نوصللكم الفكرة ..
نحتاج ل ...
دقيق وملح وزيت وماء وتمر وسمن *الدهان الحر* وعكري او فلفل احمر حلو وراس الحانوت والقليل فقط من الثوم والبصل الاخضر
اول شي نحضر المذكر وهو يشبه الرخساس نخلط الدقيق مع القليل من الملح ةنبسس جيدا ثم نلم بالما في هذا الوقت نكون سخنت الطاجين تع الطين نطيب فيه الرخساس او المذكر
في هذا الوقت نكون نقيت التمر وذوبت السمن وحضرت الاناء لي رح نجمع فيه المكونات
نضع التمر في الاناء او القصعة وندير عليه الرخساس وهو سخون ونحاول نفتتو فيه بالاستعانة باليد تع المهراس ونبدا نعجن وهنا كمية الرخساس على حسب التمر طبعا اذا كان من النوعية الجيدة رح يديرلك كمية مليحة ..
ثم نضيف القليل من السمن الذايب وندير عليها شوية فلفل عكري وشوية راس الحانوت وشوية ثوم مرحي ونبدا ندخلهم مع التمر ونزيد السمن حسب الحاجة **يجي مدهون ملييييح* وفي الاخير يقطعوله البصل الاخضر ويعجنوه معاه ..
ويقدم مع اللبن
الصور توضح اكثر
وشهية طيبة
ملاحظة
*كاين عوائل يعملو الرخساس مبسس وكاين لا كيما كاين لي يحبو يفتتوه ملييييح في التمر وكاين لا في عائلتي ما نحبوهش مفتت بزاف نحبو نحسو بالقرمشة مع التمر
*البصل الاخضر يقولو انهم يضيفوه باش يخفف من حدة هذه الاكلة ودسامتها وباش تاكل منها مليييح هو واللبن وممكن الاستغناء عن البصل للي ما يحبوش
*اعتذر لانو الشرح مش ولا بد لاني ما كنتش ناوية نشارك لولا معزة حياة عندي
*الصور مش ليا استعنت بيها فقط طبعاا من غير الصورتين لي فيهم اسمي وكيما قلتلكم السبب اني مش محضرة روحي يعني المشاركة رمزية فقط



















هذا دهان او سمن عتيق هو اللي يستعملوه فيه