شجرة الياسمين

[rowaida18]

أختي الكريمة زدت سألت زوجي عن موضوع إستعمال قشور الخضار كأسمدة طبيعية فقال لي أن هذا خطأ كبير يمكن أن يسبب اصابة بأمراض فطرية أو نقل للفيروسات و تصبحين في مشكلة جديدة لمداواة النبتة من هذه الأمراض...و أضاف لي أن هذه الطريقة ليس لها قيمة غذائية للنبتة بقدر ما هي مصدر للأمراض......و الفطريات.
أما بالنسبة لروث البقر فخطأ كبير أن يستعمل جديد بل يجب أن يمضي عليه على الأقل 6 أشهر ....يعني يقدام أو يصبح قديم عندو 6 أشهر و...
و روث البقر القديم على الأقل عندو 6 أشهر فما فوق دوره هو يحسن من نوعية التربة و تصبح قادرة على حفظ الماء مدة أطول و تحسن التهوية و يستعمل قبل الزرع من الأحسن حيث يخلط مع التربة التي ستزرعين فيها و ليس فوق التربة ....
كمية الغبار هي: ثلث غبار(قديم) + ثلثين من التربة
و باذن الله سأوافيكم بنصائح من زوجي كلما سمحت لي الفرصة لأنه مهندس في مجال الفلاحة و لديه خبرة في المجال الفلاحي و معالجة الأمراض العديدة للنباتات الزراعية.....
أرجو أن تتبعي النصائح و اذا أشكل عليك أمر ما أو ما فهمتيش حاجة قوليلي ....

[zokhrofa]

اختي نعرف حاجة

مثلا كي تغلي الخضر او تفوريهم هذاك الماء خليه يبرد ملييييييييييييييييييييييييح و من بعد اسقي بيه النبات

و ثان روث الحمام ديريه في بسينة غامقة و تعمري عليه الماء بعد مرور عدة ايام تدي الماء من الفوق يعني صافي و تسقي بيه النبات

هاذو لي جربتهم اختي

و تان جربت التلوة تاع القهوة مع قشور البيض و قشور الموز

[rowaida18]

المشاركة الأصلية كتبت بواسطة zokhrofa

اختي نعرف حاجة

مثلا كي تغلي الخضر او تفوريهم هذاك الماء خليه يبرد ملييييييييييييييييييييييييح و من بعد اسقي بيه النبات

و ثان روث الحمام ديريه في بسينة غامقة و تعمري عليه الماء بعد مرور عدة ايام تدي الماء من الفوق يعني صافي و تسقي بيه النبات

هاذو لي جربتهم اختي

و تان جربت التلوة تاع القهوة مع قشور البيض و قشور الموز

أختي اسمحيلي على التدخل لاكن حابة نقولكم أني مهندسة و رغم أني بطلت الخدمة منذ مدة طويلة و نسيت بعض التفاصيل في الميدان و زوجي مازال يواصل في هذا الميدان إلا أني ما نسيتش أن المواد الغذائية الجديدة كيما الماء اللي تفوري فيه و قشور الخضار رايحة تجيبلك الأمراض لنباتاتك بعد مدة (خاصة الفطريات) ......
و أما روث الحمام أو روث الدجاج فهما أخطر من روث البقر ففيهما مادة الأمونياك بدرجة عالية جدا و تسبب مشاكل كبيرة للنبتة قد تصل إلى حرق النبتة إن وضعا بكمية كبيرة....و بالتالي فيجب أن يترك روث الحمام أو روث الدجاج أيضا لمدة لا تقل عن 6 أشهر حتى يتم استعمالهما بأمان.....لاكن يبقى روث البقر هو الأفضل.......
وباذن الله كل ما وجدت الوقت نساعدكم باذن الله تعالى و بالتوفيق ليكم........كــــــــــــــــــــــامل

[rowaida18]

بالنسبة للتلوة تاع القهوة ماهيش سماد انما تلعب دور تهوية التربة فقط و خصوصا إدا كانت التربة طينية أو فيها كمية كبيرة من الطين فتكون محتاجة من الأفضل إلى مادة تباع عند بائع الزهور و تسمى Le Terreau
مثل هذا و هو غني بالمادة العضوية التي تساعد النبتة على التنفس و حفظ الماء لمدة أطول و أيظا غنية بالأسمدة اللي تحتاجها النباتات و خالية من الفطريات و الأمراض

هذا هو شكله و بما أنكم تستعملوه في نباتات المنزل فيمكن تقتنوه و تريحو من عدة مشاكل تصيبكم جراء الطرق الأخرى

[rowaida18]

أختى وصلتني رسالتك و لاكن شجرتك أوراقها مريضة و ليست سليمة و أطلب منك غدا بإذن الله في الصباح روحي تفحصي الأوراق من الأسفل وشوفي هاذوك الأوراق المعوجين من الأسفل ...هل يوجد حشرات صغيرة جدا.... و إذا قدرتي تصوريهم و معاهم الحشرات باش نشوف نوعهم و نقول لزوجي لأنه اختصاصه.....

[سحابة باردة]

صباح الخير عليكم
لاداعي لي شكر اختي البحر الصافي يسعدني انضمامي لكم
اختي رويدة ماءشالله عليك أنا استفدت من معلوماتك بزاف في هذا الميدان
ومليح كي تكون معانا مختصة كيما انتي لأن الخبرة وحدها متكفيش
الله يحفضك

[rowaida18]

أختي الكريمة السلام عليكم و رحمة الله

لقد شاهد زوجي الصور و هو مختص في أمراض النباتات أنالنبتة اللي في الأسفل هي من الحمضيات و هي مريضة
بمرض يسمى chlorose ferrique بسبب نقص في الحديد و يمكن علاجه بمادة fer chélaté بمقدار 2 غ في 1 لتر ماء و تسقي بيها النبتة
و النبتة اللي في الأعلى هي نبتة ضعيفة استعمليلها سماد Le Fertigofol اللي سبق ذكرتو في المشاركة السابقة و هذا السماد استعمليه للنبتتين معا فسيفيدهما جدا مع التقليل من السقي كيما سبق و ذكرتلك ..
و صدقيني لاداعي لإستعمال الطرق البدائية لأنك ستجدين نفسك بعد مدة مضطرة إلى نزعها و رميها نظرا للأمراض التي ستلحق بها....

لأنه من النصائح التي يوجهها خبراء الفلاحة هي عدم رمي النباتات أو النبيتات التي تم نزعها أو الأعشاب الضارة بالقرب من النباتات المزروعة فكيف بمن يضع قشور الخظار بالقرب من الجذور ليوفر لها جو ملائم للتعفن......
المهم حاولو دائما تستعملو الوسائل الحديثة للزراعة في المنزل لأن المساحة صغيرة و يمكنكم تلبية حاجياتها و بدون ما توصلو أنفسكم بالطرق الإقتصادية الخاطئة إلى فقدان النبتة بالكامل بعد مدة و يروح التعب الى تعبتوه في مهب الريح.........

[البحر الصافي]

مساء النور اخواتي وشكرا لكل وحدة حطت رد او كلمة افادت بيه ولو القليل لكنه عند الله كثير ان شاء الله
رويدة اختي مالقيت مانقول غير بارك الله فيك على هذه المساعدة وشكرا ليك لانك اعطيتيني الكثير من وقتك ووقت زوجك
سوف اخذ كل كلمة كتبتيها لي بعين الاعتبار
الشجرة تاع الحمضيات هي شجرة الليمون نسيت مذكرتش ذلك في الرسالة
سوف احاول انقاضهم والله المعين
بارك الله فيكما وجزاكما كل خير

[rowaida18]

السلام عليكم

أختي و لاشكر على واجب ، و بخصوص الحشرات اللي وجدتيهم رجاءا شوفي هاذو الصور و تفحصي الحشرات اللي موجودين في نبتتك و قوليلي أي صورة تشبه الحشرات الموجودة عندك

Les aleurodes




Les pucerons



Aleurode floconneux


حاولي تلاحضي النبتة و قولي أي حشرة و جدتي و إذا قدرتي تصوري الورقة عن قرب مثل الصور الموضحة سيكون أفضل.....

[البحر الصافي]

السلام عليكم
اختي رويدة كنت رايحة نقلك انو مكانش حشرات لاكن بالصدفة الان رايت حشرة وهي تشبه لي في الصورة الاولى رحت نجري وجبت صورتها صورة وحدة جيت نعاود هربت ملقيتهاش هههه المهم الصورة مخرجتش واضحة لاكني رايت الحشرة هي مثل الصورة الاولى متاكدة من بعد نبعثلك الصورة الحشرة صغييييييييرة متبانش
بارك الله فيك

[rowaida18]

السلام عليكم أختي
ما تتقلقيش كي عادت غير حشرة أو إثنين فهذي ما هيش مشكلة إلا إذا تطور الأمر و أصبح مثل الصور اللي حطيتهم .....و بالتالي إلتزمي بالدواء اللي حطيتهولك من قبل و السماد المائي أيضا مع تنقيص السقي رايحة تجيب نتائج مليحة مع فصل الربيع.....

فبما أنها لاتحتوي على عدد كبير من الحشرات فسبب المرض هو كيما قالي زوجي بسبب نقص مادة الحديد...و قالي هذيك الطريقة تاع تحطي الحديد في إناء و من بعد تسقي بيه قالي ما زال ما خرجوهاش في الوصفات العلمية اللي تخص الفلاحة و بالتالي حطي دواء معتمد علميا و اللي قامو علماء بوضع تجارب كبيرة عليه و تحصلو على الوصفات الي راهم في السوق .........
ما نطولش عليك رجاءا إشري المادتين من عند بائع الأدوية (Grenetier) أو بائع الأزهار و يمكن يعطيك بديل لاكن دائما المادة الأساسية تبقى نفسها لأن المصنعين راهم يسموهم تسميات مختلفة ...المهم تكون نفس المادة الفعالة....
و بالتوفيق.........

[البحر الصافي]

وعليكم السلام اختي رويدة ومشكوووورة على المجهود المبذول
وفرحت كي قلتيلي متتقلقيش لاني صح تقلقت وقلت ماتت الياسمينة وخلاص
رايحة نشريلها باذن الله كنت نستنى في ردك ومن بعد نقرر
زيدي اسئلي زوجك ان امكن اختي على هذاك الفوسفات لي يجي حبيبات بيض هل يقتل الازهار اسمو بالعامية لنقري يرشوه بعد اذابته على الاوراق لمنع الحشرات
لانو كاين واحد يبيع الازهار قالنا جيبو خمس حبات وخلطوهم مع التربة وكاين لي قالنا خطر على الازهار يقتلهم
السماد المائي معرفتوش واش هو؟

[rowaida18]

السلام عليكم أختي البحر الصافي
قال لي زوجي الأسمدة الي تجي عبارة عن حبيبات (فوسفات ، أزوت أو أمونيترات) فهي تشكل خطر على نباتات الزينة (و تشكل خطر على الزهور)و هي تسمى عند الفلاحين أسمدة العمق حيث يستعملونها في فترة الحرث قبل الزرع حيث تخلط مع التربة و يبقى لها الوقت الكافي كي تتفكك و تتحلل ، فهي لا تذوب و خطأ كبير أن تخلط مع الماء.
الأسمدة التي تخلط مع الماء و تذوب مباشرة هي الأسمدة التي تستعمل في الري بالتقطير (Engrais hydrosolubles) يمكنك طلبها من عند بائع الزهور و استعمالها بمقدار 1 غ / 1لتر ماء و هي تذوب كما يذوب السكر في الماء.

[rowaida18]

حبيت نسألك أختي على المنطقة الي تسكنو فيها ، هل هي جافة شبه جافة أم رطبة و هل عندكم بائعي الأدوية الفلاحية عندكم ؟ ..

[البحر الصافي]

وعليكم السلام اختي
المنطقة جافة وعندنا بائعي الادوية الفلاحية
مشكورة جدا لانك اعطيتني من وقتك