الجزء 182 من الكوزينة( ان شاء الله تكون فاتحة خير عليكم) - الصفحة 3

Fifilondon · 2017-09-24, 07:34

صباح الخير عليكم لبنات
بيسان الف مبروك افتتاح الكوزينة وربي يجعلها مربوحة عليك
الله يبارك كل شي حطيتوه روعة ربي يدوم الخير
نولي من بعد بالباروك ان شاء الله ويوم موفق للجميع

ام هدول · 2017-09-24, 08:07

سلالالام ..بناويت ..ونساوين ....امينة ....الف شكر ...على الرابط كي صبحتي اليوم طمنينا ....والشكر موصول ..لحبيتنا حيوتة ...وبصحتو الزوج بززلوف في الفرن ....
بيان ام فاطمة ....يسلم الايادي ...وبصحتكم واش طيبتو ....فىانتضار ك فيفي .....
صبحت ندير في الصابلي عندي لي توحم عليه البارح بايت يحلل فيا .....
...يومكن موفق ..سلالالام

ام هدول · 2017-09-24, 08:12

صور ام البراء

nihal159 · 2017-09-24, 08:24

صباح الخير عليكم يالحراير، الف مبروك افتتاح هذا الجزء من الكوزينة ان شاء الله يكون فاتحة خير علينا.
ام البراء الله الله على لمحمر و لمجمر ههههه كل شي يسهي
ام هدول أرشيفك حلو و بنين ماعندي مانقول و الصابلي رووووعة بصحتكم
حيوتة حبيبتي شوغيلي دار بحداكم نجي نكري هههههههههه بصحتك البوزلوف يميييييي
بيان توحشناك و توحسنا اطايبك يعطيك الصحة
أمينة ربي يشفيك ان شاء الله، كلشي من يديك يشهي يعطيك الصحة يالفجلة
ام فاطمة انتي نوارة الكوزينة و زينة القعدة ربي مايحرمناش من اطباقك و حضورك المتميز
انا درت كوكا يوم الجمعة، الحشوة عبارة عن صلصة طماطم و صدر دجاج، جبن احمر،جبن مثلثات، زيتون اسود

nihal159 · 2017-09-24, 08:25

nihal159 · 2017-09-24, 08:27

انا بخيلة هههههههههه سربيتلكم غير زوج حبات هههههه اسمحولي و الله مانتبهت هههههههههه

Fifilondon · 2017-09-24, 08:40

مشاء الله نيهال وام هدول تحفة اطباقكم الله يبارك
هادو بعض حلويات جبتهم باروك للكوزينة ان شاء تعجبكن

fadila34 · 2017-09-24, 10:43

صباح الخير على لحراير كامل والفف الف مبروك افتتاح الكوزينة وان شاء الله فال خير عليك اختى وعلينا
امينة ربي يشفيك وشكرا ليك على الكلمات الطيبة وديري زعتر مع قارص وكطجين زوج واشربيها سخونة واتغطاي مليح حتى من راسك راكي تعرقي بزاف متنحيش الزورة حتي يحبس العرق وان شاء الله تنوضي بخير وهاهو ليك الكيكة الملكية صح روعة انا. درتها كعكة عيد ميلاد
ام هدول اتفضلي باروك وليدي ليك ولكامل لبنات راهو كاين الخ

fadila34 · 2017-09-24, 10:55

ووهذا بروك اختي صحبة الكوزينة

fadila34 · 2017-09-24, 10:59

ام هدول منسيتكش فى طريقة طي المناديل راني نطبق فيهم لسلفتي عرس بنتها ولعقوبة لكامل لبنات ان شاء الله
غديا كرنتيتا بازيتون الاخضر

بيان 5 · 2017-09-24, 11:32

نهال فيفي فضيلة يعطيكم الصحة حبيباتي

أم يوسف2 · 2017-09-24, 11:37

الف مبروك افتتاح الكوزينة ديالنا الجديدة بيلسانو الشاف وشراكي مالبارح وانا نسقم فتيليفوني ولا قاوري يكتب بالفرونسي نحيت وحد لابليكاصيو بلا مانفيق هدا وين ولا عربي خخخخ يايما علئ وش حطيتو كل وحدة باسمها ماشاء الله

بيان 5 · 2017-09-24, 11:38

هذا غدايا صح غداكم

nihal159 · 2017-09-24, 11:44

بيان بصحتكم؛ مطرح مايسري يمري؛ سخفتيني ياختي؛ ماتعرضينيش ههههه نموت على البطاطا بالطماطم و البيض و زيدلها سنينات ثوم و رشة معدنوس فالأخير يممممممممممممممممممممممي

أم فاطمه · 2017-09-24, 11:55

السلام عليكم صباح الخير والبركة يا زهرات الكزينة الله يبعد عليكم العين راكو متحمسين باش تعمرو الكزينة بي الخيرات

امينة حياة نيسان بيان نهال شكرا حبيبتي على كلامك الطيب نحبكم كلكم ونتمنالكم الخير اعتبركم كبناتي

فضيلة واش عندكم عرضة رني شميت الريحة جاتني حتى لتلمسان ممممممممممم. شهتني

ام هدول كنتي طلبتي مني وصفة الموسكوتشو تفضلي

4حبات بيض
2 خمارة
1 مغرفة صغيرة لفني
عصير وبشور حبة قارص
كاس زيت
كاس حليب
كاس ونص سكر

2 مغارف مايزينة
3 كسان فرينة
وكميشة تاع زبيب
خلطي كل المقدير مع بعضها وفرغيها ليمول ودخليهم الفرن على 180 د
انا طليتلها المجون تاع البرتقال لي سبقلي وحطيته في قسم عصائر وتحلية
نشكر كل الاخوات لي دعاو لبنتي فاطمة باش تصيب خدمة الحمد للله ربي وفقها ودخلت تخدم في عيادة خاصة لي الطب الداخلي عن طريق تشغيل الشباب خير ماتبقى تستنى في
المسبقات اليوم رني طيبت المسفوف وبقلي شوية العشاء الى الملتقى