تتكلمون عن الإدماج....ونحن المتخرجين الجدد منسيين

[noussa nasnoussa]

المتخرجين الجدد
أقراو قائمة المطالب الخاصة بإدماج عقود ما قبل التشغيل
تتأكدو أن المطالب لن تفيدنا بل ستزيد الطين بلة
اذ أنهم يريدون ادماجهم واقاف جميع المسابقات
أي من حصل على عقد مع الدولة في اطار عقود ما قبل التشغيل
هو المستفيد الأول والأخير
وكاين ناس تخرجت من عامين و3 -4 -5 وما حصلوش على هذه العقود عند الدولة
لأنهم ما عندهومش لكتاف
صفي في اللخر النتيجة واحدة والادماج راح يضر أكثر ما يفيد
لا لإلغاء المسابقات
واذا قرر ادماج أصحاب عقود ما قبل التشغيل وتهميش بقية خريجي الجامعات
يعني آن الأوان للنهوض

[حواء نادين]

لا بد من المعاناة اخوتي المتخرجون في 2012 !!!
نحن قبلكم ضقنا طعم البطالة !!!
لكن نتمنى أن يكون هناك حل للجميع بدون استثناء !!!

[عاشقة السكـون]

السلام عليكم
اقسم بالله مرات نقرا كلام نندهش طيب انا شخصيا متخرجة من 2005 وبرغم كل المسابقات وبطاقة العمل الزرقاء التابعه لانام وورقة لاداس صحت لي في اواخر 2009 مع لانام وللان اجدد عقدي ولاافوت اي مسابقة مع انهم كلهم يوزعون تحت الطاولة (ربي وكيللهم ) وهناك من تخرج بعدي ونال منصب وكله بالمعريفة..ولو لم اكن بحاجة للمال ماكنت بقيت اشتغل بالناقص شهادة الليسانس ..الآلاف يتخرجون كل عام صار كل الشعب حامل شهادة عليا
لانام لم يعد بوسعها الاستيعاب اكثر لاننا نحن لم يتم ادماجنا في الوظيف العمومي فلو تم ادماجنا رايح يصير فائض في مناصب تابعه لانام لكن راهم يجيوا بعدنا ويديوا المناصب بالمعريفة والرشوة
اذا لن يحل المشكل ابداااااا
ماداف هناك ناس شادين مراكزهم لم يتغيروا ويلعبوا بمضائر الناس دون مراقبتهم او محاسبتهم

[arthur]

المشاركة الأصلية كتبت بواسطة رامي 11

انا متخرج سنة 2012 اين هو حقنا في العمل تنادون بالادماج و نحن لا احد يتكلم علينا اذا تم ادماجكم فهذا معناه انه لن يتم فتح عقود ما قبل التشغيل في الوظيف العمومي .تم فتحها في وقتكم لمن هب و دب و نحن ناتي من ورائكم بعام واحد لا يوجد اي شيء اذا نحن ايضا ننادي بحقنا في عقود قبل التشغيل تريدون الادماج . حوحو يحب روحو . اذا هذه المظاهرات هي لصاحكم و لمصلحتكم الشخصية . ونحن العاطلين و البطالين نريحو في الحيوط حيطيست . انا اقول للبطالين لا تخرجو معهم لانكم لست مستفيدين بل تغلقون في وجوهكم العمل وانتم مجرد كبش فداء لمطلبهم الرئيسي الذي هو الادماج و اذا تم ادماجهم اقسم بالله انه يعود ما يعرفكش و بتكبر عليك .انا لست مغفل و نواياكم ظاهرة . اي تريدون تطبيق مقولة . تبكي امك و ما تبكيش امي . كي تمنعو و تدمجو صاي حققتم مبتغاكم و بعد ذلك كل واح يعوم بحرو . اذا ما تامنوهمش و ما ديروش مظاهرات معاهم

مين يدمجونا حنا القدم يحلولكم العقود و ليق تصبروااااااااااااااا كيما حنا و لي قبلنا صبرووووواااااا ماكاش حاجة جي ساهلة غير لي تاكل على
راكم عارفين و فاهمين

ما هدرتوش على اللى دخلوهم بالرشوة و هوما مايستهلوش و راكم تحاسدوااااااااااااااااااا في بريونبلوااااا مساكين يخدمواااا كثر مالمرسمين و هماااااا كل عام يشوفوااااااااااااااااااا ناس يدخلوااااااااا جدد في مناصب في الاصل من حقهم كل عاما حنا البريونبلوااااا نبكوااااا من الشي لي رانا نشوفوه ربي معانا نشالاه
و ربي يخلص فيهم قاع كيماااااااااااااااااا راهم
حسبيا الله و نعم الوكيل

[sidali1988]

المشاركة الأصلية كتبت بواسطة حواء نادين

لا بد من المعاناة اخوتي المتخرجون في 2012 !!!
نحن قبلكم ضقنا طعم البطالة !!!
لكن نتمنى أن يكون هناك حل للجميع بدون استثناء !!!

فاقو ......انتم انانيين على بالي حنا كبش الفداء

[dabour1]

ضمير يصرخ:
الكل يتكمل عن منحة الادماج و كأنها رزق لكن أخوتي عندما أتذكر حالي أجدها نعم رزق لكن مع الأسف لم أتحصل عليها.
هذه هي المعيشة و لكن صدقوني كل يوم عندما أنهض متأخرا و أشاهد كيف تمر الأيام عليا و أنا في مكاني أنهار أنهار فلا المجتمع يرحم و لا البيت و لا حتى نفسي التي رسمت بها أحلام رغم تفوقي في كل المسارات........حسبي الله العظيم ......أستغفر الله.........................مهندس.م

[kazilo]

اسغرب ممن يقولونا لنا لابد من المعاناة مثلنا واش من معاناة راكم تتكلمو عليها احنا او من نهار خلقنا وحنا نعانيو مرة معدل البيام يضربوه في3 وفي الثانوية سيسثام جديد وفيه التقويم والاستاد يدير فيك واش يحب والباك سيسثام جديد والخ
ومن يقبل ويريد لنا المعاناة من يستطيع ان يقول خيرا فأهلا او يصمت لان هده انانية وحب الدات وبغض وهدو هوما الناس لي الجزائر قاعدة ترجع الى الوراء كيما تعدب هو لازم يعدب الناس
لو مسكو السلطة يديرو الشر في الناس كيما الاساتدة ايضا عيب ولله عيب

[ayaamira666]

والله عندك الحق احنا المتخرجين جدد منسيين كما انا اتخرجت وقريت ودارنا دارو المستحيل على جالي باش نقرا والحمد لله وصلت للماستر بصح الدكتوراه الله غالب في ولايتي مكانش و في الولايات الاخرى يدخلو لماليهم و عذا رغم تفوقي في الدراسة و دركا ني خدما ني والوا نروح نبخر الشهادات انتاعي

[saoulia2020]

السلام عليكم أنا خريجة 2008
الكل عندو الحق في العمل هادي بلادنا كامل ماشي بلاد واحد على حساب واحد
والإدماج اللي راهم يهدروا عليه ماعندو حتى معنى لأنو أغلب الناس راهي تخدم في بلايص خاطي الشهادة نتاعهم
من المفروض التنسيقية تبحث على حل معقول ويرضي الجميع

[bardiss]

والله تحير حنا الي تخرجنا من العصر الطباشيري و اشراتنا الدولة بابخس الاثمان ودخلنا عهد العبودية وطالبنا فقط فقط فقط بحق العمل يعني حابة كي نهمبر ندي على قد تهمبيري يعني مرحبا بالتهمبير اسميتمونا انانيين وانتم ماشاء الله عليكم تخرجتوا غير البارح عييتوا الله يبارك هيا غير كونوا فحولة والقاو الخدمة والله نفرحلكم من قلبي لوكان تلقاوها

[صفية1]

والله صح واش من معاناة اللي راكم,,,,,, تتكلمو عليها الدنيا كامل معاناة ,يعني حنا لازم نتقبلو البطالة وننسو التعب اللي تعبناه ونشوفو الوقت يضيع من بين يدينا على والو ,,,,,,ونتوما تسعدو على كتافنا ,,,لاَ يُؤمِنُ أَحَدُكُمْ حَتَّى يُحِبَّ لأَخِيْهِ مَا يُحِبُّ لِنَفْسِهِ,,,كيما انتم حابين تترسمو حنا ثانا حابين نخدمو حتى بالكنترا اللي راكم تتكبرو عليها ,,,المهم ربي هو اللي يرزق ,,ربي يسهل لينا كامل انشاء الله

[bardiss]

اخدمي ا اختي راني قتلك والله نفرحلك غير القاي خدمة وارواحي نبارك لختي وهاهو وجهي لاكان القيتيهم دمجوني باختصار رانا كامل كيف كيف

[bardiss]

ونزيدك من الشعر بيت كيما يقولو ا انا ام ل 4 اطفال ومانيش انانية ابدا الرزق على ربي لكن الادماج ما طالبت بيه ماني طامعة فيه لانو بالمنطق مستحيل ماكان لاه تتقلقوا علينا وكي تخدمي في لانام يا اختي الكريمة رجعيلي لخبر كيفاش لقيتي معاملة المدراء والاساتدة والكل وربي يفرج علينا وعليكم

[رامي 11]

اذا تم ادماجكم معناها المسابقات تلغى لانه سوف يتم جميع المناصب الشاغرة بكم معناها حنا المتخرجين الجدد لا نجد منصب شغل الا بعد 20 سنة في القطاع العمومي . انتم الذين ظالو قاعدين تشايخو و تتمسخرو تلقاو رواحكم خدامين و حنا نريحو نتفرجو . اذا تحوس على منصب عمل ثابت روحو شاركو في المسابقات . بصح حسب مطالبكم نحن المتخرجون لا نجد مسابقات ولا لانام . لا للادماج .

[صلي على الحبيب.]

اصبرو كيف يعني تتخرج منا تخدم منا ياو راك في الجزائر