موضوع مميز لنتشارك للتحضير بهدوء للشهر الفضيل - الصفحة 3

الصوامعية · 2013-04-09, 18:24

حاجة أخرى نسيت باه نقولهالكم حنا الجزائرين نشمو ريحة رمضان بشهرين قبل ما يلحق تبدا تجينا ريحة الشربة والقصبر تريح في كل مكان من تم نبداو نوجدو ونشمرو على يدينا
ان شاء الله ربي يقدرنا ونكثرو من ختمات القرآن والصدقات
اللهم بلغنا رمضان اعنا على الصيام والقيام وختم القرآن
مرة اخرى شكرا راضية على الموضوع

الصوامعية · 2013-04-09, 18:27

لي عودة بوحد الفكرة نعتامدها في رمضان
وهي عبارة عن جدول للوجبات

حورية الحر · 2013-04-09, 18:34

اين انت اختي ام رامي شاريكينا بافكارك المتميزة و اطباقك الرمضانية

حورية الحر · 2013-04-09, 18:40

افكار اتزيين اطبق السلطة لفتح الشهية https://1.bp.blogspot.com/-cBGsBAhVDoY/TqDFr-QJTCI/AAAAAAAAAgE/l1LGa6rT97M/s1600/DSCN1201-copy.jpg

lofi · 2013-04-09, 19:02

سلام
اللهم بلغنا رمضان واعنا على الصيام والقيام وختم القرآن

احنا نبداو نفتلو السفة ونخبوها مع دهان لعرب
الجلبانة نجمدوها في ساشيات
كل خطرة نشو الفلفل ونقطعوها وندسوها
الثومه ندسوها

صابرة2013 · 2013-04-09, 20:01

عنـــد نهـــايــــة شهـــــــر أفـــريـــل أنا نبـــدأ نخضـــر في مكـــونـــات الحـــريــرة نضـــع في لي ساشـــي تا ع كونجلي نضع فيها كل ساشــي بصل زرودية طماطم سنات ثوم أندير 15 ساشي نخزنها حتى رمضان
نطيب حريرة نها ر بالنهار أي يوم أول نحضر و ثاني منحضرش نقص للنهار ثاني هده طرقة نعتمد عليها عند ما أنجي نحضر حريرة أجيني ساهلة " حريرة الغرب الجزائري"

الصوامعية · 2013-04-09, 21:11

اقتباس:

المشاركة الأصلية كتبت بواسطة صابرة2013

عنـــد نهـــايــــة شهـــــــر أفـــريـــل أنا نبـــدأ نخضـــر في مكـــونـــات الحـــريــرة نضـــع في لي ساشـــي تا ع كونجلي نضع فيها كل ساشــي بصل زرودية طماطم سنات ثوم أندير 15 ساشي نخزنها حتى رمضان
نطيب حريرة نها ر بالنهار أي يوم أول نحضر و ثاني منحضرش نقص للنهار ثاني هده طرقة نعتمد عليها عند ما أنجي نحضر حريرة أجيني ساهلة " حريرة الغرب الجزائري"

فكرة مليحة اختي يعطيك الصحة

حب الله لا يعادله حب · 2013-04-09, 21:19

بارك الله فيك على الطرح المميز فكرة صائبة اختي

نهى21 · 2013-04-09, 21:27

اختي ام راضية حبيت سقسيك انا من اسبوع خبيت زوج بطات طماطم مصبرة كي طليت عليهم لقيت باطة منتفخة انا خبتها في الخزانة في كوزينة وهل طريقة صحية لحفض دجاج الواحد عاد خا ف من الامراض

الأمنيات · 2013-04-10, 09:04

راني استفدت كثير والله هاذ الطرق للاقتصاد منها يكون عندك الوقت الكافي للعبادة وقرااة القران
ومنها اقتصاد ليك لان رمضان لازم نستغله في العبادة اكثر من المطبخ ............لهذا علينا من كل الطرق والوسائل حتى نعرف نحضر ونجهز امورنا
انا الحريرة ندير تاع يومين اليوم الاول نحضرها بلحمها وخضرها ونطحنها ونقسمها واحدة نرمي فيها تشيشه او فريك
والاخرى نخليها مرق عادي سوب حتى اليوم الموالي .............منها نتقشف في اللحم والخضر ومنها تكون لليوم الثاني جاهزة لازمها غير القسبر والثوم
ممكن ديري تاع ثلاث ايام اذا كان افراد العائلة قلال

ام لقمان02 · 2013-04-10, 10:14

الفكرة عجبتني بزاف بالنسبة للجلبانة كى نجمدوه نضع معاه 3ورقات نعناع هاك عند الاستعمال جى كي شغل ضروك نقيتيه

أم عائشة · 2013-04-10, 10:24

شكرا لكم على الافكار المميزة استفدت منكم الكثير انا الان خبيت الجلبابة والشفلور

غزة في عيوني · 2013-04-10, 10:34

اقتباس:

المشاركة الأصلية كتبت بواسطة الأمنيات

فكرة مليحة اختي عجبتني راني معاكم
انا نقول لكم العام الي الفات في رمضان كان الثوم ناقص شوي شريت ونقيته ودقيته في المهراز مع شوي ملح ودرته في علب وحطيت من فوقه شوي زيت
اما القسبر احنا عندنا في رمضان خاصة اصحاب الجنوب الي كي حالتنا ينقص بزاف
نغسله ونقطعه ونحطه في علب

اقتباس:

المشاركة الأصلية كتبت بواسطة الوهرانية 1

حبيبتي اكيد نتجاوبو مع الموضوع وفعلا فكرة الحصالة ناجحة جدا انا ما غاديش نكدب عليك ونقولك صدقت منها العام الي فات درنا الحصالة كيما هاد الوقت يعني في شهر ابريل وقبل رمضان المبارك فتحناها ولقينا مبلغ ساعدنا في التحضير اشترينا توابل وبرقوق و.........ووووو

المهم فيما يخص الدجاج احنا نقطعها اطراف ونحطهم في صنية كيما قالت الاخت الفاضلة اريج طبعا كي يجمد نحط في اكياس كونجلاسيو هدا ادا كنت حابة نجمدو مدة قصيرة اما مدة طويلة وطبعا اقصاها 6 اشهر وهاد المعلومة من خبير تغدية وانا نستعملها من مدة في هدة الحالة نغلف الدجاج بورق الالمنيوم ونغلق باحكام حتى مياخدش بنة الكونجيلاتور ويكون محمي وحتى ادا انقطع التيار لساعات الالمنيوم يشد البرودة كل كيس حطي فيه تاريخ التجميد وابداي بالاول الي درتيه
ممكن تغلفي 3 او 4 اطراف في المنيوم واحد تكوني جمدتيهم في الصنية اولا تسهل عليك العملية
طبعا ندير الفخودة وحدهم والصدورة وحدهم
كل ما يكون عندك صدر قطعيه بسكين على شكل شرائح اسكالوب وجمديهم بنفس الطريقة من هنا لرمضان تكون عندك كمية مليحة ممكن تحشيهم ولا تقليهم ولا ........
ونخطف مرة على مرة دجاجة صغيرة ونحطها هكداك كاملة في الامنيوم هادي ادا حبيتي دجاجة محمرة ولا محشية
المهم كاش ما نتفكر راني نقولكم وحتى الاسماك راني بديت نجمدها لانها تجيننا من البحر مباشرة خويا يصيدها
ودائما بطريقة الالمنيوم انشاء الله نصورلكم التحضيرات

الله يعطيك الصحة على الفكرة فكرة روعة مشكووووورة

أنوثة شرقية · 2013-04-10, 11:19

موضوع قيم اختي امر راضية ومفيييد جدا
انا نوجد الجلبانة مثلا في هاد الوقت تكون طازجة وحلوة نقيها ونحطها على اجزاء في الاكياس ونخبيها لرمضان
والفريك ثاني لما يقرب بشهر او شهرين نحضرو ونوجدو
اما التوابل نشريهم حب ونرحيهم وحدي في المنزل
اختي الوهرانية فكرة الدجاج جديدة عليا خصوصا طويلة المدى
انتظر اقتراحات الاخوات يمكن نتعلمو شي جديد
وكل الشكر لكم حبيباتي

Oum Aness Bba · 2013-04-10, 12:51

السلام عليكم ورحمة الله و بركاته ..حياكم الله أخواتي على الطاعات و العبادات نسأل الله أن يبلغنا رمضان و أن يرزقنا صيامه و قيامه و قرآة قرآنها على الوجه الذي يحبه و يرضاه ..اللهم آمييييين

أولا نحب نشكر الاخت أم راضية على الفكرة القيمة و رب يجازيك كل خير و يجازي الاخوات على مشاركاتهم و اقكارهم ..
بالنسبة لي كي يقرب الشهر الفضيل نشري الجلبانة و نجمدها نشري الثوم أيضا و نقيه نصف نرحيه مع الكسبر نديرو في المراقي و نصف نخليه حب نحطو في قرعة سعيدة و كي نحتاج نجبد الكمية اللي نحتاجها حتى بالحبة .. نشري التوابل و نحمصهم شوية و كي بيردو نرحيهمكيما قالت الاخت كاكينوفا و فعلا تحسي بالفرق ..بالنسبة للحوم دائما نشري في وقتها فقط اللحم الغنمي لأن زوجي يحب شربة الفريك غير بيه نشري بزاف ..أيضا دائما نعمل menu واش نطيب دائما تاع 15 يوم باش نعرف واش نسحق لحم نجب من المجمد في الليل و إذا ناقصني مكون في الطبخة نشريها و ما نضيعش الوقت في التخما م و حتى الاطباق اللي تمشي مع بعضها باش يكون غذاءنا متوازي

هذا العام ان شاء الله راني نخمم حتى القاطو تاع العيد ندير شوية باش نتفرغ كل التفرغ للعبادة في العشر الأواخر أولا و لان العام اللي فات مع السخانة تعبني القاطو

و أخيرا نسال الله أن يبلغنا رمضان مرات مديييييييدة و كرات عديييييييدة يا رب و أن يرزقنا زيارة الى بيته الحرام آميييييين آمييييييييييييييييييييييييييين