|
جسر منتديات الجلفة - من الثانوية للكلية من إعلان نتائج البكالوريا، مناقشة الرغبات و التخصصات، المعاهد و الجامعات، التسجيل، الطعون... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
......المدرسة العليا للاساتذة بالقبة ....ماهي استفساراتكم!!.....
|
أدوات الموضوع | انواع عرض الموضوع |
|
2014-07-09, 19:59 | رقم المشاركة : 1 | |||||
|
اقتباس:
الاقامة /انا منيش دايرة اقامة لاني نسكن قريب للمدرسة في القبة مي الاقامة تضحية كيما يقولوا والبنات المقيمات يشتكيوا شوية من الاقامة ووسيلة النقل لكن عامة الحمد لله مستورين .....واقامة البنات في اولاد فايت او بن عكنون وانا شخصيا رحت لاولاد فايت اقامتها معزولة شوية والغرف صغيرة مي مقبولة و2 في غرفة منكدبش غليك كاين بنات لاعلاقة مي ماشي من القبة من الجامعات الاخرى لان الاقامة مخلطة المهم انت ادا قبلوك لازم تصيبي وحدة ناس ملاح تكون معاك في الشومبرااا تخصص العلوم هو الهايل لانو الاسهل على لوخرين وحلو خاصة العامين 1و2 في العام الاول كاين الرياضيات والفزياء ليتنحاو في العام 2 اما الكمياء تولي بيوكمياء ثم بيومول في العام 3 وهو اصعب module بالنسبة لقبولك / معدل 13.08 شوية صعب يقبلوك العام الماضي استاد علوم طبيعية متوسط 14.05 وعلوم دقيقة 14.14 مي نقولك معلومة ادا المدرسة كانت تقبل التحويلات الخارجية اليها اي المدرسة بقاو فيها مقاعد ممكن يقبلوك حتى ومعدلك ماشي لاحق كيما قلت من قبل في 2011 وصلت وين قبلوا صحاب معدل 12 في العلوم الدقيقة متوسط لازم مرة على مرة درب طلة وخاصة في سبتمبر وين يبداو التحويلات
|
|||||
2014-07-09, 23:54 | رقم المشاركة : 2 | ||||
|
اقتباس:
بصح يا ختي مدوهالي فالاختيارات ثانوي و متوسط ..... يعني بعيدة شوية ؟؟
|
||||
2014-07-10, 01:16 | رقم المشاركة : 3 | ||||
|
اقتباس:
ومعدلك صح شوية بعيد مي الامل كااااااااااااااااين لانو معدلات استاد العلوم الطبيعية والدقيقة يتبدل بزززززززاف وادعي ان شاء الله تنزل المعدلات |
||||
2014-07-09, 19:38 | رقم المشاركة : 4 | |||
|
انا تسيير و اقتصاد واش ندير ب 12.67 |
|||
2014-07-09, 20:12 | رقم المشاركة : 5 | |||
|
مممممممم تقدر دير بيه مدرسة تحضيرية في علوم الاقتصاد والتسيير والتجارة لي كانت في درارية ودك بالاك بدلوها لتيبازة تقرا عامين ممبعد دير كونكور وتروح للمدرسة العليا للتجارة في اغا بالعاصمة/مي لازم تكون جبت مليح في المات والكونكور انا شخصيا سقسيت اساتدة يقريو تماك في 2011 قالولي 90 ادا ماشي 100% يجيبوه وانت زيد سقسيييي مليح مليح ادا صعيبة والا لا والمعدل في 2013 كان 12.08 كاين اداب ولغة فرنسية البليدة 12.55 في 2013 |
|||
2014-07-10, 01:04 | رقم المشاركة : 6 | |||
|
khouya dir ecole preparatoire de commerce
|
|||
2014-07-10, 01:25 | رقم المشاركة : 7 | |||
|
وييي مام انا نصحتوا بيها مليحة للذكور
|
|||
2014-07-09, 19:49 | رقم المشاركة : 8 | |||
|
انا شعبة رياضيات ومعدلي 13.51 ومعدلي حسب الشروط التي تضعها المدرسة ( رياضيات + علوم )/2 هو 14 مع العلم انها تقبل فوق 12 ... ولكن انا متوترة جدا هذه الايام رغم ااني اخترت اختيارا ت مناسبة لي الا انني خائفة |
|||
2014-07-09, 20:52 | رقم المشاركة : 9 | ||||
|
اقتباس:
2/متقلقيش روحك انا نقولك واش قادر يمدولك في المدرسة العليا بالقبة اعلام الي تعليم متوسط او ثانوي العام الماضي مدوها 13.55و 13.25 علوم دقيقة متوسط سكيكدة /2013 معدلها 12.49 او علوم دقيقة متوسط بالقبة احسن 12.83 في 2013 يقبلووووووووووك سورر علوم دقيقة ثانوي القبة 13.61 في 2013 ممكن هاد العام تهبط ويقبلوك تاااااانييييييييي وتقدري ديري تحويل داخلي في القبة من تخصص لاخر وانت معدلك مليح يقبلولك اي تحويل بشرط المدرسة يكون مزال فيها مقاعد وكل عام راهم يقبلوووا المهم انت اتهناي ومتتقلقيش ادا بغيتي المدرسة العليا للاساتدة القبة ديري في بالك من دك راكي فيها |
||||
2014-07-09, 20:06 | رقم المشاركة : 10 | |||
|
سلام اختي انا 13.54 شعبة رياضيات عندي في الرياضيات 16.5 |
|||
2014-07-09, 21:06 | رقم المشاركة : 11 | ||||
|
اقتباس:
العقد ورقة توقعيها في السنة الاولى هوما يدو نسخة وانت تاني وتقدري تولي استاد جامعة مي تكملي الماجستار والدكتورا احسن وماشي كامل تصحلهم بلاصة في الجامعة /وباش ديري مجستار قبلو كاين كونكور الا لي ماجورا في عوامو كامل لي ميديرش هداك الكونكور وحكاية 11 سنة انا تاني سمعت عليها مي انا يقروني اساتدة صغار 25 و 26 سنة متخرجين من المدرسة العليا ......كل واحد وزهرو |
||||
2014-07-09, 21:16 | رقم المشاركة : 12 | ||||
|
اقتباس:
|
||||
2014-07-09, 21:17 | رقم المشاركة : 13 | ||||
|
اقتباس:
وباش تولي استاد رياضيات انت واختتيارك من علوم دقيقة الى رياضيات او فزياء وفي السنة 2 يتحدد مصيرك اي ادا جبتي العام بلا راتراباج تروحي في السنة 3 رياضيات او فزياء حسب اختيارك انت وادا دخلت راتراباج يبعثوك هوما فزياء اي معندكش الاختيار |
||||
2014-07-09, 21:05 | رقم المشاركة : 14 | |||
|
السلام عليكم |
|||
2014-07-09, 21:10 | رقم المشاركة : 15 | ||||
|
اقتباس:
ادا علوم تجريبية صعب صعب مييييييييييييييي مي نقولك معلومة ادا المدرسة كانت تقبل التحويلات الخارجية اليها اي المدرسة بقاو فيها مقاعد ممكن يقبلوك حتى ومعدلك ماشي لاحق كيما قلت من قبل في 2011 وصلت وين قبلوا صحاب معدل 12 في العلوم الدقيقة متوسط لازم مرة على مرة درب طلة وخاصة في سبتمبر وين يبداو التحويلات |
||||
الكلمات الدلالية (Tags) |
......المدرسة, ....ماهي, للاساتذة, العليا, استفساراتكم!!....., بالقبة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc