للإجابة عن استفساراتكم حول السنة الأولى '' تخصص الطب '' و كذا '' الطب العسكري ''

[khaled83]

واللـــه يا أخي نتا و زهرك ،، كيما أنا رحت مانعرف حتا واحد و الحمد لله طحت مع ناس روعة ،، مام صاحبي اللي معايا رايع و متفاهمين بززاااف ،،،
مي كيما قادر تكون مع ناس ملاح ،، قادر ثاني تكون مع ناس ....
نقولك كون تلقا احكم مع انسان تعرفوا خير و أضمن ليك ،،
و بمجرد تفوت السنة الأولى خلاص تلقا صحابك و تبان الأمور ممبعد

ma3liich nziid nsee9siik!? smee3t belii ljaaw f la residence maysa3edch 3la lou9raya yee3nii lheerj w l7kayaat w l fodaa cvraii??

[.زَيْنْ الْدِيِنْ.]

في انتظاركم .....

[ange perdu]

سلام
اخي زين الدين ما هي اهم المراجع التي استعنت بها خلال السنة الاولى يعني كتب خارجية من المكتبة ؟
ماهي الكراريس و الادوات التي احتجتها في هده السنة ؟
هل هناك دروس خصوصية ؟
هل مثلا الاحتكاك بالاستاذة و طلب مساعدتهم في بعض الاسئلة او شرح بعض المفاهيم ممكن مثل ما يوجد في الثانوية ام لا ؟
وقت الدرس هل يمكن ان تسال الاستاذ ان لم تفهم شيئا وهل يعيد لك الشرح ؟

[.زَيْنْ الْدِيِنْ.]

المشاركة الأصلية كتبت بواسطة ange perdu

سلام
اخي زين الدين ما هي اهم المراجع التي استعنت بها خلال السنة الاولى يعني كتب خارجية من المكتبة ؟
ماهي الكراريس و الادوات التي احتجتها في هده السنة ؟
هل هناك دروس خصوصية ؟
هل مثلا الاحتكاك بالاستاذة و طلب مساعدتهم في بعض الاسئلة او شرح بعض المفاهيم ممكن مثل ما يوجد في الثانوية ام لا ؟
وقت الدرس هل يمكن ان تسال الاستاذ ان لم تفهم شيئا وهل يعيد لك الشرح ؟

اهلا بك
بخصوص المراجع التي استعنت بها ،،، ملفات قمت بتحميلها '' من هنا '' ،،
قاموس المنهل ،،، شريتو غير أني لم استعمله لأكثر من يومين ،، اذا كان مستواك فالفرنسية متوسط '' كحالتي '' فلا داعي
بخصوص الكتب الخارجية ،، يمكنك استعارتها من المكتبة ، و أهمها كتابي حمودي '' أناتومي '' ،، كتاب الفيزيولوجي ''
ذو غلاف ازرق '' راهو معروف يعني كتابي الاحصاء و الاحتمالات راهم يعطوكم هوما ،،، و كتاب للبيوشيمي فيه المجالات الأربعة ،،، بقية المواد أظن أن الدروس المطبوعة كافية و وافية '' غير تقدري تكمليها برك ههه ''
بالنسبة للكراريس فاليك طرقتي ،،، كنت أكتب في أوراق بيضاء فقط ،، مثلا ف TD ،، نكتب الحل في ورقة و نلصقو مع ورقة الاسئلة ،، و كذلك ملاحظات او ملخصات ،، كنت نلصقها مع الدروس ،،،
استعملت 3 حافظات '' port fiches '' واحدة لكل ثلاثي ... كل واحدة مقسمة ،، لكل موديل جزء
يلزمك الكثيـــر و الكثير من التنظيم لأنك ستواجهين رامات من الاوراق ههه '' ماتخافيش ماش بززاف ''
أما عن الدروس الخصوصية فلا توجد فقسنطينة
بخصوص الاستاذة ،،، أثناء المحاضرة نادرا ما يكون الاحتكاك معهم ، لكن بامكانك ذلك بعد نهاية المحاضرة
أما أساتذة الأعمال الموجهة فهم رائعووون ،، سقسي كيما تحبي ،، بالعربي بالفرنسي بالدارجة
بالنسبة للأسئلة وقت الدرس ،، نعم بامكانك ذلك
أي أسئلة أخرى لا تترددي

[اَشْرَفْ اَنيِسْ]

رمضـــان كريـــم ،،،

[.زَيْنْ الْدِيِنْ.]

لاتوجــــد أسئلة o_O

[.زَيْنْ الْدِيِنْ.]

.................................................. ....

[Larbaoui.RamY]

السلاأم عليكم ورحمة الله وبركاته ..
بسم الله الرحمان الرحيم ..
كيف الحال مع رمضان ؟ حبيت نسقسيك
وين كاين قاع كليات الطب وأي وحدة تعتقد انها أالأفضل على مستوى التحصيل العلمي و الأساتذة
كم يدرس الطبيب العام و كم يزيد المتخصص و الجراح ,,
ماذا عن البروفيســور هل أعـلى درجة للطبيب و كم يدرسس ؟؟
لغـتي فرنسة اريد تطويرها أكثر ,, هل سيكون لي متسع من الوقت لي تعلمها خصوصا مفرداتتت صعبة الخاصة بالطب ؟؟
بماذا تنصحني وشكرآ لما تقدمه ,,

[.زَيْنْ الْدِيِنْ.]

المشاركة الأصلية كتبت بواسطة Larbaoui.RamY

السلاأم عليكم ورحمة الله وبركاته ..
بسم الله الرحمان الرحيم ..
كيف الحال مع رمضان ؟ حبيت نسقسيك
وين كاين قاع كليات الطب وأي وحدة تعتقد انها أالأفضل على مستوى التحصيل العلمي و الأساتذة
كم يدرس الطبيب العام و كم يزيد المتخصص و الجراح ,,
ماذا عن البروفيســور هل أعـلى درجة للطبيب و كم يدرسس ؟؟
لغـتي فرنسة اريد تطويرها أكثر ,, هل سيكون لي متسع من الوقت لي تعلمها خصوصا مفرداتتت صعبة الخاصة بالطب ؟؟
بماذا تنصحني وشكرآ لما تقدمه ,,

مرحبا بيك أخي ،،،
بالنسبة لكليات الطب على ما أظن كاين : العاصمة ، عنابة ، قسنطينة ، البليدة ، سيدي بلعباس ، وهران ، مستغانم ، باتنة ، سطيف ، تيزي وزو ، بجاية و احتمال يزيدو كلية في ورقلة
بالنسبة للتحصيل العلمي ،،، شوف يا خويا واحد ما يكذب عليك ،، مستواك نتا لي تخدمو بغض النظر عن الكلية سواءا في العاصمة ام فقسنطينة ،،، نتا اذا كنت تبحث و تستزيد و تقرا من اجل انك تقرا ماش للكونترول ،،، راح تكون طبيب صح
ممكـــــن الفرق الوحيد فالجانب التطبيقي ،،، اللي متفق عليه ،، هي العاصمة ،، فيها مستشفيات جامعية بززاف و تطبيق يقولون انه اكثر من رائع على عكس قسنطينة ....
- الطبيب العام يدرس 7 سنوات ،، بالنسبة للاختصاص كل واحد و كيفاه ،،، من 3 سنوات _ الى 5 سنوات " حسب علمي ''
- البروفسور هي اعلى درجة ،، معندهاش عدد محدد من السنوات ،، يعني بعد ماتكمل الاختصاص ،، تزيد كونكور و اسمو l'assistanat باه تولي maitre assistant يعني تقري فالجامعة ،، و بعدو تكمل تقرا وو تقرا و تقراا هههه
بخصوص اللغة الفرنسية ،، ماتقلقش روحك خلاص ،،، المفردات سهلة تكتسبها بمرور الوقت و اللغة توالفها بعد شهر على الاكثر
--- نصيحتي ليك / أنك تجتهد خصوصا الفصلين الاول و الثاني '' هذا فقسنطينة '' و تخرج عامك لأنو ماعشناه فالفصل الثالث كارثة طبيعية ههه ،، اخطاء متعمدة فالتصحيح النموذجي " سابوطاج " ،، و كثافة الدروس مع ضيق الوقت ،، وصل بيهم الامر حتى انهم غلطو فحساب المعدلات لاحد المواد ....
- -- - - - - - -
مرحبا بيك خويا ،، اي سؤال ماتخليهش في بالك

[khaled83]

khouyaa zinou nsee9siiik esqeu ndeemt ki deert medcine ou nn??
*

[.زَيْنْ الْدِيِنْ.]

المشاركة الأصلية كتبت بواسطة khaled83

khouyaa zinou nsee9siiik esqeu ndeemt ki deert medcine ou nn??
*

والله بالعكس ـــ ماندمتش ولو للحظة

[sawsen ber]

ze3ma ch7el la medcine cet annèe

[ʀᾄмἷ łᾄʀ]

شكرآأ لـك و ربي يخليكـ لنا ( لمأ اتـجأوز 35 لأضـغط على زر شكرأ لكنك تستاهل أكثر شكرأ مرة ثانية )

[~صادقة~]

مشكلتي هي الفرنسية
ماذا أفعل

[kimoum19]

المشاركة الأصلية كتبت بواسطة ميزتي هدوئي وسكوتي

مشكلتي هي الفرنسية
ماذا أفعل

أعرف الكثير ممن دخلوا بمستوى كارثي في الفرنسية و تمكنوا من النجاح ، لكن يجب بدل مجهود في تعلم اللغة الفرنسية لأن الطب يتطلب مطالعة مستمرة لأحدث ما توصلت إليه الأبحاث .
بعبارة أخرى يمكن تجاوز مشكلة اللغة ببذل مجهود