ياغورت على طريقتي زاكي وبنين مع الصور

[أم محمد علي]

أولا :حضري المقادير :2شكاير حليب +2علب ممزوج (نواد كوكو أو ليمون أو فاني)+10ملاعق كبار سكر عادي +ملعقة صغيرة لفاني +3ملاعق ك لحظة
فيضي الحليب وفرغيه في بدون
أضيفي الشكارة 2تع الحليب باردة وماشي فايضة+2 علب ياغورت +سكر +لفاني +لحظة
خلطي الكل وذوقي
أغلقي البدون وخليه يخمر ليل كامل وفي الصباح يكون يخمر ضعيه في الثلاجة يبرد

في الصيف ليلة واحدة يكون واجد
في الشتاء يزيد الوقت أو لفيه في بطانية حتى يخمر

نسيت :أختي جرباتوا بالحليب تع البقرة الأصلي الحقيقي ماشي تع الشكارة مع ممزوج قاتلي جا يهبل
النتيجة رائع وبنين زاكي خاصة للأطفال وجربتوا بهذا الياغورت جاء بزاااااااااااااف هايل

وهذا ياغورت جربتوا بالنخالة يعني كوجد درتلوا من الفوق النخالة وذوقوا رائع والبنة منحكيلكش وأكيييييييييد صحي