افعلها يا غيريتس وخلصنا

[كريم الناس]

• يظهرلي فيك أنك عانيت اظطهاد أحمر من والدك و خاوتك إبان المسيرة الكروية المشرفة لمحاربي الصحراء بقيادة الشيخ فحرموك أيامها من متابعة برامجك المفضلة :d،وأجبرت على المناصرة مرغمة ،فأعلنت هاهنا حملة شعواء ضد الخضر ومناصري الخضر

هيا بيضي قلبك وردديها عاليا :

* معاك يا لخضرا ديري حالة *

[ذبُــولْ ~]

المشاركة الأصلية كتبت بواسطة @[نســـــيم ♥ الجـــــود]@

لي يحب الجزائر يحبها في كلش



و لا يتمنى لها الخسارة و لو كانت مؤكدة خيتو




افطني على روحكي





رانا مع دزاير في السراء و الضراء





malgré raha bled miki mais allah ghaleb nhabouha

يعطيك الصحة خويا..نبقاو ديما نحبوها

المشاركة الأصلية كتبت بواسطة الفارس الجدَّاوي

السلام عليكم:
للأسف نحن ربما لا نملك الروح الرياضية، كل الفرق تربح و تخسر، هذه هي الرياضة. و لو جئنا للحقيقة لا خاسر لأنه في الألعاب الرياضية يفترض أن الجميع فائزون. و الله أعلم.

و عليكم السلام ..
أصبت أخي ..المفروض في الرياضة الكل فائزون .. شخصيا تكفيني الدموع التي تترقرق في عينيْ زياني و سعدان سابقا ..يكفيني صوت قسما المدوي و منظر العلم المرفرف عاليا ..يكفيني أن أحس بأن كل أبناء وطني يجتمعون على شيء واحد ..

المشاركة الأصلية كتبت بواسطة كريم الناس

• يظهرلي فيك أنك عانيت اظطهاد أحمر من والدك و خاوتك إبان المسيرة الكروية المشرفة لمحاربي الصحراء بقيادة الشيخ فحرموك أيامها من متابعة برامجك المفضلة :d،وأجبرت على المناصرة مرغمة ،فأعلنت هاهنا حملة شعواء ضد الخضر ومناصري الخضر

هيا بيضي قلبك وردديها عاليا :

*يا لخضرا ديري حالة*

معاك يالخضرا ديري حالة



أيقونة الشكر هربت لكني لم أستطع إلا أن أحييكم ..
ربي يحفظكم

[عطر الملكة]

شكراااااااااااا عالطرح

اولا انامع الخضرة في الخسارة قبل الربح و في كل ظرف لانو عيب انو الواحد يكون ناكر و جاحد للانجازات ليكيب نتاعنا طوال مسار الكورة الجزائرية و هذا شي ما يقدر بعض الناس قهمه الا لو قارن انجازات ليكيب نتاعنا بمنتخبات الدول العربية الاخرى الي البعض منها ما حد سامع عن مستوى الكورة عندهم
الحمد لله عملو مجهود كبير في كأس امم افريقيا و كان ممكن يلحقو للفينال لولا الماتش نتاع كوجيا و الكل عارف القصة بلا ما نحكي
نجو للمونديال عادي فرق كبيرة و خرجت من الدور الاول و الثاني وين المشكل خربت مالطا يعني
صحيح كان عندنا طموح يلحق الفريق للدور الثاني مي الله غالب هذا الي صرى
و رغم ذلك كان الفريق العربي الوحيد الي في المونديال و محل اهتمام جميع القنوات العربية والاجنبية هذا يعتبر انجاز في حد ذاته

حدثونا على انجازات باقي المنتخبات وين لحقو و ين رايح يلحقو !!!؟؟؟

و فوق هذا و العجيب انو ندعي على فريقنا يخسر هذا لو فريق نتاع يهود ما ندعوش عليه هاك سبحان الله العظيم
بالاضافة لموضوع التشكيك في وطنية اللاعبين على اي اساس تحكموا على وطنيتهم لمجرد انهم عاشو او يلعبو في نوادي اوربية هذا مش مقياس الصراحة و لا واش تميزو نهار الي يلعبوا باسم من يلعبو ياك باسم الدزاير و الدرابو نتاع الدزاير انا عندي هذي يا سر عليا اما حبهم لوطنهم هذي شي ربي يعرفو لانها حاجة نتاع القلب و ربي ادرى بيها .

[اسماء شريف]

لماذا تربطون حب الوطن بمقابلة كروية تحتمل الخسارة والربح
وانا لم اقل ان شاء الله تخسر ولم ادعو على المنتخب
كل ما قلته بررته وهي مجرد امنية واللي عندو راي مخالف يبررو
ماشي غير يهدر بالغضب و التعصب

[عطر الملكة]

المشاركة الأصلية كتبت بواسطة اسماء شريف

لماذا تربطون حب الوطن بمقابلة كروية تحتمل الخسارة والربح
وانا لم اقل انشاء الله تخسر ولم ادعو على المنتخب
كل ما قلته بررته وهي مجرد امنية واللي عندو راي مخالف يبررو
ماشي غير يهدر بالغضب و التعصب

اولا اختي ما في غضب و لا تعصب انا الر د نتاعي ما كان موجه للموضوع في حد ذاتو كان موجه للاعضاء الي تمناو الخسارة للمنتخب خاصة صاحب المشاركة رقم 10 و الله غاضتني انو يدعي عليهم ما توقعت في جزائري ممكن تصدر منو دعوة كي هذي يا ريت لو يستثمرو دعاوي الشر نتاعهم في اليهود يكون اوفرلهم واحسن مش للفريق نتاعنا فعلا نكران للجميل منهم

نجو لموضوع ربط الكورة بحب الوطن هي صحيح مثل ما قلتي مقابلة معرضة للربح و الخسارة عادي تحصل في اكبر الفرق لكن الصراحة هذا شعور فطري يجي وحدو خاصة في المقابلات المهمة و الرسمية دايما البلاد و الدرابو يكونو بين عينيك سيرتو حنا الدزيريين دمنا سخون

[ذبُــولْ ~]

المشاركة الأصلية كتبت بواسطة اسماء شريف

لماذا تربطون حب الوطن بمقابلة كروية تحتمل الخسارة والربح
وانا لم اقل انشاء الله تخسر ولم ادعو على المنتخب
كل ما قلته بررته وهي مجرد امنية واللي عندو راي مخالف يبررو
ماشي غير يهدر بالغضب و التعصب

طبعا .. الفريق الوطني ممثل للجزائر و الجزائر وطني حتى لو كان يمثلها في مقابلة كرة قدم المهم القميص يحمل علم بلادي و قبل المباراة أسمع نشيد بلادي فكيف لا أربط بين وطني و منتخبه ..
ثم المنتخب ليس إلا وسيلة للتعبير عن عشقنا للجزائر عشقٌ لن تنهيه خسارة مباراة واحدة أو عشرة ..
أختي بالله عليكِ كيف تقولين لم أدعو على المنتخب إنما هي مجرد أمنية ..مالفرق في الحاليتين تريدين الخسارة
لكن فعلا أنتِ لم تقوليها صراحة لكن بقية الأعضاء قالوها و هو شيء أنا بصراحة لآ أقبله مطلقا ..و لا أظن أن أي جزائري يقبلْ ..
و بخصوص الغضب كي مانغضبش على حاجة تقيس بلادي واقتاش لازم نغضب ؟؟؟

و إن شاء الله الربحة لينا ..

[اسماء شريف]

المشاركة الأصلية كتبت بواسطة كريم الناس

• يظهرلي فيك أنك عانيت اظطهاد أحمر من والدك و خاوتك إبان المسيرة الكروية المشرفة لمحاربي الصحراء بقيادة الشيخ فحرموك أيامها من متابعة برامجك المفضلة :d،وأجبرت على المناصرة مرغمة ،فأعلنت هاهنا حملة شعواء ضد الخضر ومناصري الخضر

هيا بيضي قلبك وردديها عاليا :

* معاك يا لخضرا ديري حالة *

هههههههههههههههههههههههههههههههه

انا جامي نسيبورتي فريق متذبذب يربح كوديفوار ويخسر امام الملاوي اليتوانيا الوسطى ومدغشقر

اتمنى الخسارة او التعادل باه ترقدو قاع بكري

[مصطفى]

المشاركة الأصلية كتبت بواسطة جزائرية ولي الفخر

طبعا .. الفريق الوطني ممثل للجزائر و الجزائر وطني حتى لو كان يمثلها في مقابلة كرة قدم المهم القميص يحمل علم بلادي و قبل المباراة أسمع نشيد بلادي فكيف لا أربط بين وطني و منتخبه ..

ثم المنتخب ليس إلا وسيلة للتعبير عن عشقنا للجزائر عشقٌ لن تنهيه خسارة مبارة واحدة أو عشرة ..

أختي بالله عليكِ كيف تقولين لم أدعو على المنتخب إنما هي مجرد أمنية ..مالفرق

في الحاليتين تريدين الخسارة

لكن فعلا أنتِ لم تقوليها صراحة لكن بقية الأعضاء قالوها و هو شيء أنا بصراحة لآ أقبله مطلقا ..و لا أظن أن أي جزائري يقبلْ ..
و بخصوص الغضب كي مانغضبش على حاجة تقيس بلادي واقتاش لازم نغضب ؟؟؟

و إن شاء الله الربحة لينا ..

السلام عليكم
رأيي من رأيك مشكورة جدا
و أيقونة الشكر لم تخني هذه المرة
ســــــــــــلام

[حفِيدةُ الشُّهدآءْ]

والله غير تصدمت نتاع الصح...لوكان يدخل واحد غريب للمنتدى ويشوف هذا الدعاء يقول هاذو sur ماهمش جزائريين،ياجماعة واش بيكم...نهار كانت ليكيب رابحة كنتو ديما تقولو one two three vive l'algérie وضكا كي خسرو وليتو تدعيو عليهم؟والله اللي يشوفكم يقول مغاربة وحتى لمغاربة ماراهمش يدعيو على ليكيب نتاعنا...انا راني مع ليكيب رابحة ولا خسارة وكيما قالت جزائرية ولي الفخر:
خسارة ورا خسارة معاك يالخضرة زكارة...

واذا ربحت ليكيب ناسيونال هاذ المرة لنا عودة ونفكروكم يا جماعة الدعاء ....

[اسماء شريف]

المشاركة الأصلية كتبت بواسطة جزائرية ولي الفخر

طبعا .. الفريق الوطني ممثل للجزائر و الجزائر وطني حتى لو كان يمثلها في مقابلة كرة قدم المهم القميص يحمل علم بلادي و قبل المباراة أسمع نشيد بلادي فكيف لا أربط بين وطني و منتخبه ..

ثم المنتخب ليس إلا وسيلة للتعبير عن عشقنا للجزائر عشقٌ لن تنهيه خسارة مبارة واحدة أو عشرة ..

أختي بالله عليكِ كيف تقولين لم أدعو على المنتخب إنما هي مجرد أمنية ..مالفرق

في الحاليتين تريدين الخسارة

لكن فعلا أنتِ لم تقوليها صراحة لكن بقية الأعضاء قالوها و هو شيء أنا بصراحة لآ أقبله مطلقا ..و لا أظن أن أي جزائري يقبلْ ..
و بخصوص الغضب كي مانغضبش على حاجة تقيس بلادي واقتاش لازم نغضب ؟؟؟

و إن شاء الله الربحة لينا ..

يا اختي اتقي الله في نفسك
انا كنت اظن انو كامل النساء معي في رأيي لانهن لا يحبذن كرة القدم
اما حب الوطن فهو لما نخدمو باتقان في عملنا ولما ننظفو شوارعنا من القمامة ولما نزرعو الاشجار ونسقيو النباتات ونحافظو على كل شبر من وطننا الغالي
حب الوطن ليس فقط في المناسبات الكروية
بل هو في كل وقت
في تطبيقنا للقانون واحترام اراء الغير وفي كل شئ بسيط
علابلك حب الوطن لما يكون مرتبط بمقابلة كروية يعني انو راح يزيد في حالة الربح وراح ينهار في حالة الخسارة
وهذا غير مقبول حب الوطن لازم يكون راسخ في قلوبنا لا يتزحزح
وشكرا

[ذبُــولْ ~]

المشاركة الأصلية كتبت بواسطة * مصطفى الجلفاوي *

السلام عليكم
رأيي من رأيك مشكورة جدا
و أيقونة الشكر لم تخني هذه المرة
ســــــــــــلام
[/center]

و عليكم السلام ..
لا داعي للشكر أخي مصطفى ..
هذا أقل ما تفرض وطنيتـــــــي علي فعله ..
تــــحيةٌ لكَ أخي ..

[اسماء شريف]

المشاركة الأصلية كتبت بواسطة *ميمي الشاوية*

والله غير تصدمت نتاع الصح...لوكان يدخل واحد غريب للمنتدى ويشوف هذا الدعاء يقول هاذو sur ماهمش جزائريين،ياجماعة واش بيكم...نهار كانت ليكيب رابحة كنتو ديما تقولو one two three vive l'algérie وضكا كي خسرو وليتو تدعيو عليهم؟والله اللي يشوفكم يقول مغاربة وحتى لمغاربة ماراهمش يدعيو على ليكيب نتاعنا...انا راني مع ليكيب رابحة ولا خسارة وكيما قالت جزائرية ولي الفخر:

خسارة ورا خسارة معاك يالخضرة زكارة...

واذا ربحت ليكيب ناسيونال هاذ المرة لنا عودة ونفكروكم با جماعة الدعاء ....

نحن جزائريون ولن نسمح لاحد بالتشكيك في جزائريتنا
وحبي للجزائر لن يغيره لقاء كروي سواء بالربح او الخسارة
كل واحد حر في رأيو
وانا حقيقة لا اومن بهذا الفريق المستورد

[ayaat4]

[COLOR="black"[/COLOR]

المشاركة الأصلية كتبت بواسطة ( أبجَدِيَّاتٌ تَائِهَة )

لالا أختي ماناش كونتر الفريق ! (( راني نهدر على روحي باش نتفاهمو :d ))

أنا ثاني نحب البالو و نشجع ليكيب نتاعنا .. بصح باش توصل بيا الدرجة نخرج

برَّا و نعيّط في نص الطريق ( رابحين رابحين ) .. علاه وش ولِّيت هذا ، مافيا ؟ :d

أوك نشجعو الفريق و ندعِيولو بالربح بصح في اطار مُحترم ماشي بالعْياط

و الشطيح و الرديح

و الله انا كي نشوف حالة الشعب برّا كيفاه هايج نولّي نحشم

علاه شعب فرونسا يدير هكذا كي يلعب الفريق نتاعو ؟ طبعًا لا

- هذا و ما نهدروش على الكوارث و أعمال التخريب اللي جايّة -

اِن شاءالله تكوني فاهمتيني أختي ..

و ما تتقليش بزاف .. اختلاف الرأي لا يُفسد للود قضية

و تحيا الخضرة في خاطر كل محبِّي الفريق الوطني

حنا من نهار خرجنا بالفرحة تكسرت السيارة على جال الصدامات وسرقو من اولادي العلامات مازدناش خرجنا نخرجو للبالكون فقط المهم نفرحو
شوفي شوفي شحال زعفتي ولدي ههههههههه

[ذبُــولْ ~]

يا اختي اتقي الله في نفسك
عجبتني هادي .. شكون لي يتقي الله لي كان قاعد و لقى العباد يدعيو ع المنتخب نتاع بلادو ولا لي حرض ؟؟؟

انا كنت اظن انو كامل النساء معي في رأيي لانهن لا يحبذن كرة القدم

هههه وين كنتي عايشة العام لي فات

اما حب الوطن فهو لما نخدمو باتقان في عملنا ولما ننظفو شوارعنا من القمامة ولما نزرعو الاشجار ونسقيو النباتات ونحافظو على كل شبر من وطننا الغالي
حب الوطن ليس فقط في المناسبات الكروية

لا يمنع ..نحب بلادي بكل الطرق الموجودة نحبها بالخدمة بالقرايا و نحبها بالبالون

بل هو في كل وقت

علابالنا ..شوفي لي راهم يدعيو ع المنتخب و راني متأكدة لوكان يربح يدوروها معاه ..

في تطبيقنا للقانون واحترام اراء الغير وفي كل شئ بسيط

مالا كنتو قادرين تحترمو رأي المشجعين و تحتفظو بالدعاء هدا لرواحكم

علابلك حب الوطن لما يكون مرتبط بمقابلة كروية يعني انو راح يزيد في حالة الربح وراح ينهار في حالة الخسارة
وهذا غير مقبول حب الوطن لازم يكون راسخ في قلوبنا لا يتزحزح

العكس المقابلة وسيلة نعبرو بيها ع الحب لي في قلوبنا و راني قتلك الحب هدا مايتأثرش بالخسارة كيما يتأثرو جماعة ..

وشكرا

العفو .. وغير تديرو موضوع كيما هكدا تأكدي نكون موجودة باذن الله ..

و بربي نشالله الربحة لينا و حتى لوكان خسرنا ديما معاك يالخضرا معاك يا دزاير ..
نحب بلادي الله غالب

[حفِيدةُ الشُّهدآءْ]

المشاركة الأصلية كتبت بواسطة اسماء شريف

نحن جزائريون ولن نسمح لاحد بالتشكيك في جزائريتنا
وحبي للجزائر لن يغيره لقاء كروي سواء بالربح او الخسارة
كل واحد حر في رأيو
وانا حقيقة لا اومن بهذا الفريق المستورد

اسمحيلي اختي على المداخلة بصح انا نعرف واحد يحب بلادو ما يتمناش ويزيد يدعي من الفوق على الفريق الوطني يخسر....

انت حرة في رأيك وانا حرة في رايي....

بالنسبة لكلمة المستورد انا نأكدلك بلي لوكان ماجاوش جزائرين نتاع الصح واصولهم وجذورهم جزائرية خالصة ماراهم قبلو يلعبو مع الفريق...

سلامي...

وان شاء الله الربحة لينا...

0-3