طاجين لوبيا ماشطو بصح في الكوشة ... تفضلن

[أمنية غفران]

حبيت نقدم ليكم اليوم طريقتي في طاجين لوبيا ماشطو بصح نحب نديرو في الكوشة و هذا لتمويه و التحايل على عائلتي ما يحبوش اللوبيا... هههههه


تفضلن
.
.
.
.

المكونات

لوبيا مفورة
صدر دجاج
ثوم
حبة بصل مرابية
حبة بطاطة مبشورة
3 حبات بيض
معدنوس
رند + توابل أنا نستعمل دائما كمون , زنجبيل , كيري ; رشة فلفل أسود


الطريقة

نشمس لوبيا مع ثوم مرابي و نحطها في مول كوشة
و من جهة نحط صدر الدجاج مع البصل و رند و مغرف زيت و توابل و نقلي و نمرق ماشي بزاف قيس ما يطيب الدجاج
و نحيه و نفتته بجيهة و نضيفه فوق لوبيا... و نخلي المرقة تعقد شوية..
نرابي حبة بطاطا و نقليها في زيت سخون و نقطرها في كسكاس

نضيف بطاطا للمرقة و نضيف كمية لا باس بيها من معدنوس مقطع رقيق ...و نخلط بسرعة باش ما تتكتلش البطاطا و نضيفها مباشرة فوق الدجاج

نغطي المول بغطاه أو ورق ألمنيوم و ندخله للكوشة قيس ما تتفاعل المكونات من لوبيا و دجاج مع المرق و البطاطا ما لازمش تنقص كميه المرقة

نخرج المول و نحركه لازم المكونات تحسيها ماهيش لاسقة و هدا هو المطلوب و نوزع فوقه حبات البيض و نعاود ندخله للكوشة مع لمسة معدنوس فوقه للتزيين
.
.
.
و الصور توضح

















url=https://www.gulfup.com/?A6sLTx][/url



url=https://www.gulfup.com/?5wph4g][/url


url=https://www.gulfup.com/?54tLUD][/url


url=https://www.gulfup.com/?4cxZD9][/url]

بالصحة و الراحة
........

دعاء في ظهر الغيب

اليوم 03 نوفمبر 2016

وقيلة الصور ماراهمش يبانو نحاول نبحث عليهم و نعاود نحطهم

هادو البعض لقيتهم في قوقل شوفو في انتظار تحميل الصور مجددا ان شاء الله

https://www.google.dz/search?q=%D8%B...LyC-8Q_AUICCgB