حريرة رمضان - الصفحة 3

ام طيري الجنة · 2014-05-13, 12:35

اقتباس:

المشاركة الأصلية كتبت بواسطة lilouchaf

يعطيك الصحة ام طيري على الحريرة يسلمو ايديك ورؤاهي باينة تشهي انا مانيش من الغرب ولكن نعملها كما علمتنني واحدة مغربية تقريب نفس طريقتك يعني نطيب الخضر+عدس واللحم والحمص بعدين نحي اللحم والحمص ونرحي كلشي ونوجد التخمار الي هي عبارة عن فرينة وماء وشوية خميرة ونتقلها وفي الاخير نضيف عصير الليمون والقصبر حشيش مقطع ومورصوات اللحم وشوية درسة حارة

نيشان اختي هذيك هي الحريرة التلمسانية و المغربية انا نعقل امي مين كنا صغار كانت ادير الخميرة نتاع الحريرة يعني هذيك التخمار تنقص منه شوي لغدوة و في الغد تزيد عليه تخمار جديد و هكذا .....
شكرا جزيلا على المشاركة المفيدة

ام طيري الجنة · 2014-05-13, 12:42

اقتباس:

المشاركة الأصلية كتبت بواسطة أم إناس

بارك الله فيك ام طيري الجنه. على الحريرة. لي تشهي ان شاء الله نجربها

الله يسلمك حبيبتي ام انوسة كي تجربيها خبريني بالنتيجة و ان شاء الله تعجبك

اقتباس:

المشاركة الأصلية كتبت بواسطة الجزائرية المحبوبة

شكرا لك اختى

لا شكر على واجب اختي الحبيبة

lyzzabel · 2014-05-13, 16:30

على فكرة نسيت نقولك بلي الدرسة فالأخير تاني كانت ديرها ماما الله يرحمها وتجي ممممممممممممم
و تفكرت تاني وحدة حبيبتنا تلمسانية بالضبط من ولاد ميمون كانت تدير الحريرة و مين ترمي فيها الخميرة و تغلي شوية ،قبل ما تطفئ عليها توجد حبة بيض و تخلطها بالفرشيطة و تنقص النار على الحريرة و ترميها فيها غير بالشوية مع الخلط السريع بمغرف التسقية مممممم ما يبانش قاع بلي بيض و تخليه يكمل الطياب مع الحريرة،،،، درتها وحد الخطرة عجوزتي حسبتها لحم الجاج ههههههههه تالمون عجبتها قالتلي الجاج كي درتيله جا بنيييييين فالحريرة هههههههههههه

catia · 2014-05-13, 19:33

لحقتني ريحتها اتهبل هكذا انديرها

idron0 · 2014-05-13, 20:44

يعطيك الصحة

souadraghad · 2014-05-14, 11:07

يعطيك الصحة

الحركاتية · 2014-05-14, 12:08

الله يبارك أم طيري الجنة ويعطيك الصحة على الوصفة اللذيذة .
صحيح الحريرة من الأطباق الي مانديروهاش في الشرق بزاف ومع هذا نحبوها .
أنا ثاني هكذا نديرها فقط مانزيدش الدرسة في الأخير ومع الدشيشة تاع المرمز تجي نكهة خلاف عندك الحق
شكرا حبوبة وربي يجعلها في ميزان حسناتك

ام طيري الجنة · 2014-05-14, 16:54

اقتباس:

المشاركة الأصلية كتبت بواسطة lyzzabel

على فكرة نسيت نقولك بلي الدرسة فالأخير تاني كانت ديرها ماما الله يرحمها وتجي ممممممممممممم
و تفكرت تاني وحدة حبيبتنا تلمسانية بالضبط من ولاد ميمون كانت تدير الحريرة و مين ترمي فيها الخميرة و تغلي شوية ،قبل ما تطفئ عليها توجد حبة بيض و تخلطها بالفرشيطة و تنقص النار على الحريرة و ترميها فيها غير بالشوية مع الخلط السريع بمغرف التسقية مممممم ما يبانش قاع بلي بيض و تخليه يكمل الطياب مع الحريرة،،،، درتها وحد الخطرة عجوزتي حسبتها لحم الجاج ههههههههه تالمون عجبتها قالتلي الجاج كي درتيله جا بنيييييين فالحريرة هههههههههههه

صح اختي كاين اللي يديرو فيها البيض مع التالي و يبان كلي دجاج مفتت بصح انا ما نحبش البيض قي الحريرة و شكرا على مرورك المفيد زينونتي الحلوة

اقتباس:

المشاركة الأصلية كتبت بواسطة catia

لحقتني ريحتها اتهبل هكذا انديرها

شميتي القصبر و الكرافس ما راهم دايرين امممم ريحة رمضان يعطيك الصحة على المرور

اقتباس:

المشاركة الأصلية كتبت بواسطة idron0

يعطيك الصحة

الله يسلمك حبيبتي مشكورة على المرور

اقتباس:

المشاركة الأصلية كتبت بواسطة souadraghad

يعطيك الصحة

الله يسلمك حبيبتي على المرور المشجع

اقتباس:

المشاركة الأصلية كتبت بواسطة الحركاتية

الله يبارك أم طيري الجنة ويعطيك الصحة على الوصفة اللذيذة .
صحيح الحريرة من الأطباق الي مانديروهاش في الشرق بزاف ومع هذا نحبوها .
أنا ثاني هكذا نديرها فقط مانزيدش الدرسة في الأخير ومع الدشيشة تاع المرمز تجي نكهة خلاف عندك الحق
شكرا حبوبة وربي يجعلها في ميزان حسناتك

اهلين و سهلين باختي الحركاتية ان شاء الله تكوني بخير و مرورك يشرفني
انا تاني اختي كنت نديرها بلا درسة بصح كي طاحتلي هذي الفكرة و جربتها اممم تزيد تعزز الذوق و غرضنا من هذ المواضيع اننا نتعلمو كل الطيابات نتاع بلادنا من شرقها لغربها لجنوبها لوسطها من كل منطقة مذاق و لذة من ادين بنات بلادي الفحلات الف شكر لك اختي الحركاتية

jojo dj · 2014-05-23, 19:22

الف شكراختي حريرة تهبل وشرحتلنا بالتفصيل الله يجازيك خير حبيت نسقسيك كاين لي يديرو الحلبة فالحريرىى ياختي اذا تعرفي الوصفة قوليهالي

ام طيري الجنة · 2014-05-23, 20:52

اقتباس:

المشاركة الأصلية كتبت بواسطة jojo dj

الف شكراختي حريرة تهبل وشرحتلنا بالتفصيل الله يجازيك خير حبيت نسقسيك كاين لي يديرو الحلبة فالحريرىى ياختي اذا تعرفي الوصفة قوليهالي

الله يسلمك حبيبتي و بصحتك مسبقا اما بالنسبة للحلبة صح امي كانت اديرهالنا مرات في الحريرة مين كنا صغار و ضعاف ههه بصح و الله ما راني عاقلة كيفاش واقيلا كانت اديرها في الماء تبات ليلة كاملة و غدوة من ذاك اديرها فالحريرة بعد ما تطحن الخضر مع الحمص اللي صفاتو و رجعاتو في الحريرة تغلي و تكمل الطياب و ان شاء الله نزيد نسقسي امي و نردلك غذوة ان شاء الله

ليلى اماني · 2014-05-23, 21:13

يعطيك الصحة نفس طريقتي و لكن بدون ثوم ان شاء الله انجربها بالثوم

ام طيري الجنة · 2014-05-23, 21:35

اقتباس:

المشاركة الأصلية كتبت بواسطة ليلى اماني

يعطيك الصحة نفس طريقتي و لكن بدون ثوم ان شاء الله انجربها بالثوم

ان شاء الله حبيبتي و الله غير يعطيها بنة هااايلة و بصحتك مسبقا

zitoukar · 2014-05-24, 08:38

شكراااااااااا لك تستاهل التجريب

ام طيري الجنة · 2014-05-25, 21:57

اقتباس:

المشاركة الأصلية كتبت بواسطة zitoukar

شكراااااااااا لك تستاهل التجريب

العفو اختي موفقة ان شاء الله و بصحتك مسبقا

النرجووسة · 2014-05-25, 23:50

السلام عليكم اختي يعطيك الصحة على الحريرة
هي الوصفة غير وحدة بصجح كل وحدة وبنت يديها ههههههههههههه
انا حريرتي تهبللللللللللللللللل هههههههههه حوحويشكر روحو

المهم نعطيكم وصفتي

حبة بصلة كبيرة
2جزر+3حبات طماطم كبار الطماطم هي السر فالحريرة+حبة بطاطا صغيرة
ربطة قسبر شوية كرافس +حفنة حمص+ مغرف عدس+3سنينات ثوم
اللحم خروف ولا مكانش دجاج والا مكانش 2 جومبو دجاج ادا درتي الجومبو حداري الملح
التوابل
الملح
سكنجبير
الكركم ضروري+الفلفل الاسود+زعفران+فلفل احمر عود قرفة+الزيت

ندير الكل فالكوكوت مدة ساعة ونحل نميكسي كلشي ونحط فوق النار وحنا رانا نضيفو
نميكسي شوية قسبرمع مغرف طماطم مصبرة ونضيفهم للحريرة ونخلط زوج مغارف فرينة مع كاس ماء ونضيف للحريرة حتى تختار شوية ونضيف شوية سكنجبير والي يحب التشيشة يدير ولا شربة فارميسان غير رشة ونخليها تطيب 15دقيقة وشهية طيبة