طبخ الأعراس

[مليكة01]

المشاركة الأصلية كتبت بواسطة روح مراد

للشربة أنا مثلا نعطيك مقادير قازان متوسط يكفي لحوالي 80 شخص.
عامة الشربة تكون بلحم غنمي مقطع قطع صغيرة حوالي 2 كلغ (كاين اللي يستعمل أكثر من 2 كلغ و كاين اللي ينقص في اللحم القطع و الأخير يضيف كويرات اللحم المرحي كاين اللي يضيف بعض الدجاج ) من جهتي أفضل اللحم الغنمي 2 كليو
نضع في القازان (قدر كبير لطبخ الأعراس) أو المناسبات
إذا كان اللحم مشحم حوالي كأس زيت ثم نضع اللحم و نضعه فوق نار هادئة و نقلبه ، هاته الكمية لزملها 5 إلى 6 حبات بصل مسكرفج حين نقلب اللحم في الزيت حوالي 10 دقائق على نار هادية نضيف البصل و الملح و الفلفل الأسود و عود قرفة و نترك الكل على نار هادية يتقلاو.
في جهة أخرى نضع حوالي رطل حميصة مشمخة تغلي في ماء وحدها مع قلبل من الزيت و الفلفل الأسود و الملح لإعطائها بنة من البداية
نعود إلى اللحم و البصل بعد ما يتلاو شوية نضيف 6 حبات طاطم طايبة مليح بلا زريعة مرحية و نتركها تتقلى مع اللحم نقطع ربطة صغيرة حشيش أو ربطتين و نضيفها للحم
نأخذ خيط نربط فيه ربطتين حشيش أخرى + 2 أعراف نعناع أخضر + غصن كرافس من الأحسن العود ماشي الورق نتعا الكرافس) كاين اللي يضيف كرافس مقطع + 2 اوراق رند و نضع الكل في القازان مع التحريك حتى تنشف الطاطم من الماء نتاعها
نضيف طماطم مصبرة للقزان حوالي 500غ علبة رطل من النوعية الجيدة (نفرغها في إناء نضيف لها مغرفة عكري حلو (فلفل أحمر حلو مرحي) + كأس ماء دافي + نصف ملعقة صغيرة بيكاربونات أو ملعقة كبيرة سكر) و نحركها في الإناء و نفرغعا في القازان
نتركها لحوالي 15 دقيقة مع التحريك حتى أنشوفوها تقلات مليح و أبدات تلصق بشوية في القاع (بهذه الطريقة تنقص حموضة الطماطم) نفرغ عليها الحمص بالماء نتاعو و نترك القازان يغلي في البداية حوالي 15 دقيقة غيكون فيها ماء قليل في هذه المدة نضع قدر ماء جانبا ليغلي باش أنزيدوه للقازان و نحضر 1كلغ و نص فريك نغسلو و نخليه فغي طبسي يتشرب.
الأخوات اللي دارو الدجاج مع اللحم في البداية قبل التمراق النهائي نجبدو الجاج و نغطيه جانبا و نترك اللحم ينضج بعد مانزيدو الماء المغلي و نغلق القازان لحوالي 45 د حتى نشوفو اللحم بدا يخلو الطياب و نضيفة الفريك مع التحراك من حين لآخر
الأخوات كل واحدة اشحال تمرق على حساب الكمية اللي تحتاجها أقدم لكن فكرة على التكيال باش نعرفو الكمية بالضبط أنتاع الشربة
نحكمو صحن الشربة نعمروه بالماء و نفرغوه في القازان و نحسبو اشحال من واحد كل شخص و نحسبوه بصحن واحد حتى نحدد الكمية
فيما يخص الفريك أنديرة 1كغ و نص و لكن اللي عندها كمية أقل دير 1 كلغ و شوف كي تبدا تغلي الشربة إذا شافت فريك باين مع غليان الماء بكمية متوسطة ماكلاه أتزيد إذا كانت شوف غير حبات برك مع الماء يغلي أتزيد و تلاحظ
كي أنشوفو الشربة أبدات الطيب نجهزو كويرات اللحم (نضع الكمية اللي أنحبة أنتاع لحم مرحي حوالي 150غ إلى 500غ على حسب المقدور أو يمكن أقل حسب المقدور نضيفو لها قليل من الملح و قليل من النعناع اليابس مرحي سنات ثوم و بصلة صغيرة فقط ممكن أن نكتفي بالثوم فقط + حشيش شربة مقطع صغير و حبة بيض و نخلطو مليح حتى نشكلو كويرات صغيرة أقل من كويرات المثوم من الأحسن باش نتحصلو على كمية كبيرة من الكويرات الصغيرة) نضيفوها للقازان و نحركو و نتركها تطبخ على نار قليلة الفريك إيكون تقريبا طايب في هذه المدة هاذي نحكمو الجاج اللي نحيناه في البداية أنفتوه أنولو العظم و الجلدة كامل و نرجعوه للقازان في 10 دقائق الأخيرة. من جهة الملح أنكونو دقنا المرقة قبل ما نديرو الفريك و بعض ما نديرو الفريك إذا خص الملح أنزيدو إلا شفنا الشربة مالحة الكويرات ماكالاه الملح.
كينشوفو الشربة تقريبا عقدت أنطفوا عليها غير أنطفو أنكونو قطعنا حشيش حسب الكمية اللي أنحبوها مع نعناع أخضر و نضيفوها للقازان و نغطوا عليه.
كاين الي يزيد رشة قرفة صغيرة و فلف أسود كاين الي مايقطعش الحشيش إيدير حزمة حشيش مع نعناع و يربطها و يرميها في القازان و يقدم مع الشربة في الأخير حشيش مقطع في صحن.
هناك ملاحظة اللي أطيب الشربة على بكري و تخليها ترتاح قبل موعد الأكل ما تخليهاش بزاف عاقدة أتخليها شوية جارية باش أتظيد تشرب كي تبرد، اللي تقدم مباشرة أتخليها تعقد على حساب الذوق.
ما ننساوش أنشوفو الطماطم كذلكل كاين اللي يحب شربة حمراء بزاف كاين اللي يحب غير شوية
قبل التقديم نجبدو كامل ربطات الحشيش و الرند و عود القرفة
إنشاء الله أنكون وفقت في تقديم هذه الشربة أنسيت ملاحظة كاين اللي يزيد في البداية مع اللحم 3 حبات جز + 4 حبات إلى 6 حبات قرعة + حبة بطاطا و يرحيهم في الأخير قبل إضافة الفريك كاين الي إيدير حبات لفت كذلك أنا ماندير والو أحسن.
الأخوات اللي عندهم طريقة مغايرة و أحسن من هذه ماذابيكوم أتشاركونا و تقدمو طريقتكم للتصحيح كل واحدة عندها فكرة حتى ولوكان تكون ما تعرفش مي عندها أفكار مفيدة
غن شاء الله أنكون وفقت في شرح الشربة اللي عندها سؤال راني في الخدمة

يعطيك الصحة وجعل عملك في ميزان الحسنات

والله والدتي قالتلي يكثر خيرها ودعاتلك ربي يحفظك

كنت أريد معرفة شحال فلفل أكحل وملح يعني بالمغرفة الأكل

وطماطم الحب مقدار مثلا 1 كغ ؟


وإذا كانت شربة فارميسال ماذا سيتغير ؟ الفارميسال تطيب بسرعة هذا معروف لكن هل تبقى المقادير نفسها

شكرا ألف مرة ، عجبتني طريقة شرحك بالتفصيل ، فلا تحرمينا من خبراتك في هذا المجال خاصة في الطياب الطواجين


في المناسبات عندنا تجدي النساء تقريبا تتهرب من الطياب أحيانا خوفا من الفشل وإنتقادات الأخرين ، وأحيانا أخرى من التعب.


إذا أحببت نقدملك مقادير المرق الخاص بالكسكسي ، هذا ما نعرف .

إن شاء الله نتعلم منك أختي .

[mon poupon]

المشاركة الأصلية كتبت بواسطة روح مراد

للشربة أنا مثلا نعطيك مقادير قازان متوسط يكفي لحوالي 80 شخص.
عامة الشربة تكون بلحم غنمي مقطع قطع صغيرة حوالي 2 كلغ (كاين اللي يستعمل أكثر من 2 كلغ و كاين اللي ينقص في اللحم القطع و الأخير يضيف كويرات اللحم المرحي كاين اللي يضيف بعض الدجاج ) من جهتي أفضل اللحم الغنمي 2 كليو
نضع في القازان (قدر كبير لطبخ الأعراس) أو المناسبات
إذا كان اللحم مشحم حوالي كأس زيت ثم نضع اللحم و نضعه فوق نار هادئة و نقلبه ، هاته الكمية لزملها 5 إلى 6 حبات بصل مسكرفج حين نقلب اللحم في الزيت حوالي 10 دقائق على نار هادية نضيف البصل و الملح و الفلفل الأسود و عود قرفة و نترك الكل على نار هادية يتقلاو.
في جهة أخرى نضع حوالي رطل حميصة مشمخة تغلي في ماء وحدها مع قلبل من الزيت و الفلفل الأسود و الملح لإعطائها بنة من البداية
نعود إلى اللحم و البصل بعد ما يتلاو شوية نضيف 6 حبات طاطم طايبة مليح بلا زريعة مرحية و نتركها تتقلى مع اللحم نقطع ربطة صغيرة حشيش أو ربطتين و نضيفها للحم
نأخذ خيط نربط فيه ربطتين حشيش أخرى + 2 أعراف نعناع أخضر + غصن كرافس من الأحسن العود ماشي الورق نتعا الكرافس) كاين اللي يضيف كرافس مقطع + 2 اوراق رند و نضع الكل في القازان مع التحريك حتى تنشف الطاطم من الماء نتاعها
نضيف طماطم مصبرة للقزان حوالي 500غ علبة رطل من النوعية الجيدة (نفرغها في إناء نضيف لها مغرفة عكري حلو (فلفل أحمر حلو مرحي) + كأس ماء دافي + نصف ملعقة صغيرة بيكاربونات أو ملعقة كبيرة سكر) و نحركها في الإناء و نفرغعا في القازان
نتركها لحوالي 15 دقيقة مع التحريك حتى أنشوفوها تقلات مليح و أبدات تلصق بشوية في القاع (بهذه الطريقة تنقص حموضة الطماطم) نفرغ عليها الحمص بالماء نتاعو و نترك القازان يغلي في البداية حوالي 15 دقيقة غيكون فيها ماء قليل في هذه المدة نضع قدر ماء جانبا ليغلي باش أنزيدوه للقازان و نحضر 1كلغ و نص فريك نغسلو و نخليه فغي طبسي يتشرب.
الأخوات اللي دارو الدجاج مع اللحم في البداية قبل التمراق النهائي نجبدو الجاج و نغطيه جانبا و نترك اللحم ينضج بعد مانزيدو الماء المغلي و نغلق القازان لحوالي 45 د حتى نشوفو اللحم بدا يخلو الطياب و نضيفة الفريك مع التحراك من حين لآخر
الأخوات كل واحدة اشحال تمرق على حساب الكمية اللي تحتاجها أقدم لكن فكرة على التكيال باش نعرفو الكمية بالضبط أنتاع الشربة
نحكمو صحن الشربة نعمروه بالماء و نفرغوه في القازان و نحسبو اشحال من واحد كل شخص و نحسبوه بصحن واحد حتى نحدد الكمية
فيما يخص الفريك أنديرة 1كغ و نص و لكن اللي عندها كمية أقل دير 1 كلغ و شوف كي تبدا تغلي الشربة إذا شافت فريك باين مع غليان الماء بكمية متوسطة ماكلاه أتزيد إذا كانت شوف غير حبات برك مع الماء يغلي أتزيد و تلاحظ
كي أنشوفو الشربة أبدات الطيب نجهزو كويرات اللحم (نضع الكمية اللي أنحبة أنتاع لحم مرحي حوالي 150غ إلى 500غ على حسب المقدور أو يمكن أقل حسب المقدور نضيفو لها قليل من الملح و قليل من النعناع اليابس مرحي سنات ثوم و بصلة صغيرة فقط ممكن أن نكتفي بالثوم فقط + حشيش شربة مقطع صغير و حبة بيض و نخلطو مليح حتى نشكلو كويرات صغيرة أقل من كويرات المثوم من الأحسن باش نتحصلو على كمية كبيرة من الكويرات الصغيرة) نضيفوها للقازان و نحركو و نتركها تطبخ على نار قليلة الفريك إيكون تقريبا طايب في هذه المدة هاذي نحكمو الجاج اللي نحيناه في البداية أنفتوه أنولو العظم و الجلدة كامل و نرجعوه للقازان في 10 دقائق الأخيرة. من جهة الملح أنكونو دقنا المرقة قبل ما نديرو الفريك و بعض ما نديرو الفريك إذا خص الملح أنزيدو إلا شفنا الشربة مالحة الكويرات ماكالاه الملح.
كينشوفو الشربة تقريبا عقدت أنطفوا عليها غير أنطفو أنكونو قطعنا حشيش حسب الكمية اللي أنحبوها مع نعناع أخضر و نضيفوها للقازان و نغطوا عليه.
كاين الي يزيد رشة قرفة صغيرة و فلف أسود كاين الي مايقطعش الحشيش إيدير حزمة حشيش مع نعناع و يربطها و يرميها في القازان و يقدم مع الشربة في الأخير حشيش مقطع في صحن.
هناك ملاحظة اللي أطيب الشربة على بكري و تخليها ترتاح قبل موعد الأكل ما تخليهاش بزاف عاقدة أتخليها شوية جارية باش أتظيد تشرب كي تبرد، اللي تقدم مباشرة أتخليها تعقد على حساب الذوق.
ما ننساوش أنشوفو الطماطم كذلكل كاين اللي يحب شربة حمراء بزاف كاين اللي يحب غير شوية
قبل التقديم نجبدو كامل ربطات الحشيش و الرند و عود القرفة
إنشاء الله أنكون وفقت في تقديم هذه الشربة أنسيت ملاحظة كاين اللي يزيد في البداية مع اللحم 3 حبات جز + 4 حبات إلى 6 حبات قرعة + حبة بطاطا و يرحيهم في الأخير قبل إضافة الفريك كاين الي إيدير حبات لفت كذلك أنا ماندير والو أحسن.
الأخوات اللي عندهم طريقة مغايرة و أحسن من هذه ماذابيكوم أتشاركونا و تقدمو طريقتكم للتصحيح كل واحدة عندها فكرة حتى ولوكان تكون ما تعرفش مي عندها أفكار مفيدة
غن شاء الله أنكون وفقت في شرح الشربة اللي عندها سؤال راني في الخدمة

بارك الله فيك أختي

احنا في الشرق الشربة فريك ناعنا ندير ولها الثوم ماشي البصل تجئ روووووعة بننة

[zineb hanifa]

بارك الله فيك وجزاك خيرا.

[روح مراد]

يعطيكم الصحة
صحيح شربة فريك بالثوم أنا أنحضرها في الأيام العادية بنينة صح و لكن هذه الشربة بالبصل و في الأخير أنضيفو كريات اللحم بالثوم فتبقى بنة رائعة بين بنة الثوم و البصل الواحد ما يفرقش بيناتهم
فيما يخص شربة فيرميسال المعروف و الغالب تحضر بالخضرة يعني لازم القرعة و الجزر كاين اللي يزيد اللفت كاين اللي يستغني على الجزر إيدير فقط القرعة و البطاطة
في الأخير يرحيهم قبل ما يرمي الفرميسال
كاين اللي يسكرفج القرعة و البطاطا و الجزر و يقليهم مع اللحم في البداية
كاين اللي يقطع كل شيء رقيق و يقليه مع اللحم في البداية
و كي يطيب اللحم و نمرقو على حساب المطلوب نرميو فرميسال عينك ميزانك بنفس طريقة الفريك إلى شفتي المرقة شوية خاثرة أرمي بشوية و شوفي كي تبدا تغلي
إلا المرقة جارية كثري شوية فرميسال
إلا جاتك بزاف جارية في الأخير تحكمي شوية مرقة و تحطي عليها قليلا من الفرينة و بعض قطرات من عصير الليمون و تحركي الفرينة مليح صفيها و زيديها للشربة و حركي باه تعقد المرقة شوية
فيما يخص الطماطم أنا أنشوف على حساب الحبات ممكن كيلو ممكن أكثر كاين طمطم كيترحيها اتبان بزاف حمرة و الأخرى تبان شوية مصفارة على هاذي لازم طماطم بزاف طايبة
أما مرقة الكسكس أنا من منطقة الوسط يعني مرقة الأعراس أتكون مرقة بيضاء هادي متمكنة من طيابها
أما المرقة الحمراء بكميات كبيرة ماجربتهاش من قبل
أخواتي أنا مارانيش خبيرة في الطبخ و لكن الظروف هي اللي خلاتني ندخل هاذ الميدان
الأخت مليكة ربي يحفظ والدتك و يطول في عمرها إن شاء الله
أخواتي اللي عندها اي إضافة أو معلومة تشاركنا بيها ، ما تقولوش رانا صغار خاطينا طياب لأنه من المعروف ديما نساء الكبار هوما اللي يطيبو في المناسبات و لكن الواحد ما يقدرش يعرف كيفاه رايحة تكون ظروفو من بعد
اللي عندها أي سؤال أو أي طلب تتفضل

[mon poupon]

المشاركة الأصلية كتبت بواسطة روح مراد

يعطيكم الصحة
صحيح شربة فريك بالثوم أنا أنحضرها في الأيام العادية بنينة صح و لكن هذه الشربة بالبصل و في الأخير أنضيفو كريات اللحم بالثوم فتبقى بنة رائعة بين بنة الثوم و البصل الواحد ما يفرقش بيناتهم
فيما يخص شربة فيرميسال المعروف و الغالب تحضر بالخضرة يعني لازم القرعة و الجزر كاين اللي يزيد اللفت كاين اللي يستغني على الجزر إيدير فقط القرعة و البطاطة
في الأخير يرحيهم قبل ما يرمي الفرميسال
كاين اللي يسكرفج القرعة و البطاطا و الجزر و يقليهم مع اللحم في البداية
كاين اللي يقطع كل شيء رقيق و يقليه مع اللحم في البداية
و كي يطيب اللحم و نمرقو على حساب المطلوب نرميو فرميسال عينك ميزانك بنفس طريقة الفريك إلى شفتي المرقة شوية خاثرة أرمي بشوية و شوفي كي تبدا تغلي
إلا المرقة جارية كثري شوية فرميسال
إلا جاتك بزاف جارية في الأخير تحكمي شوية مرقة و تحطي عليها قليلا من الفرينة و بعض قطرات من عصير الليمون و تحركي الفرينة مليح صفيها و زيديها للشربة و حركي باه تعقد المرقة شوية
فيما يخص الطماطم أنا أنشوف على حساب الحبات ممكن كيلو ممكن أكثر كاين طمطم كيترحيها اتبان بزاف حمرة و الأخرى تبان شوية مصفارة على هاذي لازم طماطم بزاف طايبة
أما مرقة الكسكس أنا من منطقة الوسط يعني مرقة الأعراس أتكون مرقة بيضاء هادي متمكنة من طيابها
أما المرقة الحمراء بكميات كبيرة ماجربتهاش من قبل
أخواتي أنا مارانيش خبيرة في الطبخ و لكن الظروف هي اللي خلاتني ندخل هاذ الميدان
الأخت مليكة ربي يحفظ والدتك و يطول في عمرها إن شاء الله
أخواتي اللي عندها اي إضافة أو معلومة تشاركنا بيها ، ما تقولوش رانا صغار خاطينا طياب لأنه من المعروف ديما نساء الكبار هوما اللي يطيبو في المناسبات و لكن الواحد ما يقدرش يعرف كيفاه رايحة تكون ظروفو من بعد
اللي عندها أي سؤال أو أي طلب تتفضل

بارك الله فيك ختي على التوضيح ربي يرزقك بالحلال

[روح مراد]

أنسيت الأخت طلبت كمية فلفل الأسود
أختي الكمية تتغير على حسب الكمية (الملح و الفلفل الأسود ) على حساب كمية الشربة المهم ما تكثريش في الأول باش ماجيش كحلة المرقة إلا ناقصة ممكن تضيفي قلقل من الفلفل الأسود في النهاية
الفرميسال بمجرد ما يغلي حوالي 5 دقائق أنقصو للنار و نزيدو أنخلوه 5 دقائق أخرى و نطفو عليها

[روح مراد]

أمين يارب العالمين أدعولي بالذرية الصالحة إن شاء الله و التوفيق في حياتي الزوجية و أن يرزق الله إخوتي بالزوجات الصالحات في أقرب وقت

[بريق الدجى]

بارك الله فيك اختي روح مراد على الشرح
عندي معلومة فقط حبيت نضيفها
احنا عندنا في ما يخص الشربة
كريات اللحم مايطيبوهمش في الشربة و انما يفوروهم فوق هاداك القزال و اللحم المرحي علابالكم يطيب بالخف كي يطيب يقسموه في السحونة و يصبو عليه الشربة هكذا يربحو الوقت و يجي الحساب ساهل و مايبقاوش يبحثو على الكريات في القزال
نتمنى يكون الشرح مفهوم و كي نتفكر حاجة نزيدها
بالتوفيق للجميع

[روح مراد]

يعطيك الصحة فكرة مليحة بزاف و لكن عندنا يقدمو الشربة dans des soupières كل واحد أيسربي وحدو بلا حساب قادر الواحد يدي كامل الكويرات وحدو (هاهاها) هادا واش إيديرو في عراسنا ساعة و الواحدة بالغراف أتحوس على قطعة اللحم
أشكرك على التعقيب أختي و أفيدينا بمزيد من الأفكار و شكرا

[mereyoucef]

مساء الخير اخت روح مراد في الحقيقة حبيت ندير قصعة نخرجها للمسجد لكن خفت من التجربة الاولى وحدي ياليت توريلي الطريقة ان امكن و شكرا

[dounia2013]

سلام عليكم في المعهد التكوين ما يعلمورش الطبخ الاعراس انا قلريت فيه تعلمت طياب عادي تقراي باه تدي ديبلوم وشكرا

[روح مراد]

شكرا لكن أخواتي
بالنسبة للأخت meryoucef أولا مادابيا أتقولي لي هاد القصعة كيفاش (مسفوف فقط) و اللا باللحم أو الدجاج هاكا نقدر أنعاونك بطريقة مليحة
و لكن بصفة عامة قصعة المسجد حاجة بزاف ساهلة فقط أود أن تعطيني التوضيحات باش نقدم لك الطريقة كاملة بدون أخطاء

[mereyoucef]

شكرا اختي على الرد حبيت نديرها باللحم و مرقة حمرا وهل نقدر نديرها باللحم البقري و شكرا اختي على اهتمامك شكرا

[روح مراد]

بلا مزية أختي العزيزة
ممكن جدا ديريها بلحم بقري ماكانش مشكل (صدقة مقبولة إن شاء الله) اللي قدرتي عليها معليش
نحن في الوسط أنديرو مرقة بيضاء و لكن لا باس عندي طريقة يعملوها ناس الشرق للمرقة الحمراء و هي طريقة سهلة و لذيذة
أختي قبل كل شيء بما أنك رايحة الديري لحم بقري من الأحسن فلفل أبيض (ما شي أسود) لأنه الأسود يكحل المرقة ممكن تخلطي شوية أبيض و شوية أسود للبنة
أختي تحكمي كمية اللحم اللي تقدري تشريها و هذا حسب المقدور طبعا تحكمي خيط اللي يركبو فيه اللحم هذا الخيط يتباع عند اللي يبيعو لوازم الحلويات تشري إبرة كبيرة تتباع عند اللي يبيعوا لوازم الخياطة تركبي الخيط على 2 أو 4 باش ما يتقطعش كي ترفديه تركبي اللحم و لكن ديري 10 قطع مع بعض في خيط و لا 6 قطع باش إيجيك خفيف كي تحركي
تركبي اللحم أنتاعك تحطيه في بسينة نقية أو جفنة و لكن من الأحسن بلاستيك لأن الحديد يتفاعل بعد مدة
1- أنحطو اللحم المركب في بسينة
2- نرحيو أو نسكرفجو البصل أختي ما نقدرش نعطيك الكمية بالضبط لأني ما نعرفش أشحال راكي رايحة الديري اللحم و لكن ديري 2 بصلات متوسطين لكل كيلو لحم
3- نضع في صحن غامق كاس زيت على حسب اللحم ممكن أكثر ممكن أقل أنضيفو ملعقة كبيرة عكري حلو أنخلطوها بالزيت مليح و نحطو فلفل الأسود و الأبيض و نحركو نقدرو أنديرو الملح كذلك و نخلطو جيدا و بعدها نفرغو الخليط على اللحم كاين اللي يضيف كذلك الطماطم المصبرة
و نفرغو البصل و نحركو جيدا اللحم مع الخليط أنغطوه و أنحطوه جانبا.
في هاد الوقت نرحيو 2-4 حبات طماطم و نوجدوهم جيه و نقشرو الخضرة تقدري ديري القرعة و اللفت أو الجز و القرعة أو تقدري الديري القرعة و الجزر و اللفت حلى حسب الاختيار و تكوني من قبل شمختي الحميصة
من الأحسن نترك اللحم لمدة ساعتين أو أكثر كيما في الشتاء تقدري تحضري في الليل و طيبي في الصباح أما في الصيف تقدري تخلي اللحم في الخليط ليلة كاملة و لكن في الثلاجة
كي تدي الوقت اللازم تحطي في قدر ماء و حمص و تخليه يغلي بجيه
تحكمي قدرة كبيرة مناسبة للكمية اللي حابة تحضريها تحطيها على نار خفيفة و تفرغي فيها اللحم و تحكمي كاس ماء تشلي بيها البسينة و تفرغي الماء هاداك على اللحم لأنه فيه بقايا الخليط و تغطي القدرة و تخليها تتقلى الوقت اللازم من الأحسن تنقصي للنار و تدي وقت ظيل حتى يطلق اللحم كل عصارته ترمي عليها الطماطم المرحية و عود قرفة و تخليها حتة شوفي كل اللحم تقلا مليح تفرغي عليه الحمص بالماء المغلي اللي فيه و اتركي اللحم يطيب بعد ما تزيدي للنار
بعدها مباشرة تكوني حضرتي ماء مغلي من جهة أخرى و تمرقي على حسب الكمية الزمة لطبخ اللحم في العادة على نار قاوية حوالي ساعة.
بعد ما تمرقي تحضري الكسكس كل واحد و الطريقة اللي يشمخ بيها كاين اللي يدهن الكسكس بالزيت و يفورو في المرة الأولى كاين اللي يغسل الكسكس و يصفيه و يدهنو بالزيت كل واحد و طريقتو المهم للجفنة حوالي 3 كيلو يكفيك على حسب الكمية تقدري تزيدي أو تنقصي
تحضري الكسكس و تحطيه على اللحم يتفور هذا يسرع عملية طبخ اللحم كي يتفور تنحيه و ترشيه بالماء كالعادة و في هاذي كل واحد و طريقتو كذلك
تفقدي اللحم ما تنسايهش تقدري تزيدي تفوري عليه للمرة 2 إذا مازال ماطاب عينك ميزانك
كي يطيب اللحم تحكمي مغرف و ترفدي الخيط المركب تخليه يقطر شوية و بعدها تحطيه في حاجة جانبا و تغطيه باش يبقى سخون و طري و ما يتبدلش لونه
قبل ما تنحي اللحم شوفي الملح تقدري تزيدي حسب الحاجة من الأحسن اللحم يكون مالح يعني ما يكونش ناقص ملح لأنه بعدها تزيدي تمرقي بالمء السخون حسب الكمية اللي تحبي و الازمة و ترمي الجزر بعد 15 دقيقة تزيدي ترمي اللفت بعد 15 دقيقة تركي القرعة
كي ترمي الجزر إلا كنتي مازال ما كملتي التفوار انتع الكسكس تقدري تفوري على الخضرة عادي
في كل هاد المدة تلاحظي كمية الطماطم إلا لازم تزيدي زيدي و كذلك الملح بعد ما يتفور الكسكس تدهنيه و ترشيه برشة خفيفة قرفة و تخلطي تقدري ما ديريهاش هاد الرشة على حسب الذوق
بعد ما الطيب المرقة نضيفو لها ملعقة فلف اسود في الأخير و نطفو عليها
تحكمي الجفنة تحطي فيها الكسكس ديري حفرة صغيرة في الوسط حطي فيها الحمص و زيني بالخضر و اللحم على حسب الذوق و حطي المرقة و الخضرة المتبقية في إيناء مغلق ليسهل حمله للمسجد و شوفي واش يلزم من ملاعق و و صحون هادي كل مسجد و كيفاه و كل منطقة و كيفاش كاين وين ياكلو كامل من القصعة كاين و ين يحطو في صحون فردية على حسب الحالة زوجك هو اللي يجاوبك على هذا السؤال
و صدقة مقبولة إن شاء الله

[mereyoucef]

صدقيني اختي كلمة شكرا و قليلة عليك يعني اكتبتيلي الطريقة بالتفصيل و خديتي وقتك في الكتابة صدقيني شكرا ربي يعطيك ما تتمناي دنيا و اخرة