موضوع مميز هل عندكم مشكل ما ( خاص بالسيارات ) - الصفحة 3

z.abdo · 2012-02-19, 21:03

انصحك ان تبعتعد عن التقسيط بسبب انه محرم ذالك اما انك تملك 20 مليوم فقط انصحك ان تشتتري super5 أو R5
ممكن تدير 25 مليون أو 28 مليون كأقصى حد يعني سلف 5 ملايين واشتري وانصحك ان لا تشتري اقل من 20 مليون لانها راح تهبلك من كثرة الاعطال
وربي يوفقك خويا

z.abdo · 2012-02-19, 21:07

اقتباس:

المشاركة الأصلية كتبت بواسطة haùza

إذن موتور مازوت hdi خير من موتور ايسانس ؟

اكيد hdi احسن ونزيدك حاجة علابالك باللي السياراات اللي فيها هذا النوع من المحرك طيارة في الطريق لكن قطع الغيار سعرها غالي

z.abdo · 2012-02-19, 21:10

نصيحة لكل من لديه DTI أو TDI يعني عندو تيربو في السيارة نتاعو لا يجب ان تديس على دواسة السرعة قبل أن تطفأ المحرك يعني
لا تفعل ranvli moutor
لأنه يزيد دوران مروحة التيربو وبعد ان تطفأ السيارة ينقطع الزيت عن التيربو وتبقى المروحة تدور بدون تشحيم ومع الوقت يفسد التيربو

علابالي نصيحة قيمة واحد مكان علابالو بيها
فقط الرجاء الدعاء وانتظر ردودكم

haùza · 2012-02-20, 13:07

اقتباس:

المشاركة الأصلية كتبت بواسطة z.abdo

اكيد hdi احسن ونزيدك حاجة علابالك باللي السياراات اللي فيها هذا النوع من المحرك طيارة في الطريق لكن قطع الغيار سعرها غالي

شكرا أخي عبدو ^^

z.abdo · 2012-02-20, 22:29

العفو اخي .........

haùza · 2012-02-22, 10:29

سؤال أخر
ماهو معدل دوران المحرك المنصوح به أثناء السياقة (4000 دورة في الدقيقة أو 3000 ) ؟
علما أنني شاهدت الغرب يصلون إلى 6000 دورة في الدقيقة

فاطمة الزهراء. · 2012-02-22, 11:20

شوف خويا ربي يعيشك كاين واحد شرىmini bus chana جابوهالو تمشي لاباس عليها ومن بعد ماحبتش ديماري قع هههه المهم مسكين حاصل فيها قالولوا بدل المحرك كامل من جديد شحال راهو يدير المحرك وواش تنصحوا علما انها سيري 2008

ربي يخليك نستنى الرد

z.abdo · 2012-02-22, 21:16

اقتباس:

المشاركة الأصلية كتبت بواسطة jiji5000

شوف خويا ربي يعيشك كاين واحد شرة mini bus chana جابوهالو تمشي لاباس عليها ومن بعد ماحبتش ديماري قع هههه المهم مسكين حاصل فيها قالولوا بدل المحرك كامل من جديد شحال راهو يدير المحرك وواش تنصحوا علما انها سيري 2008

ربي يخليك نستنى الرد

أنصحك اخي تروح دير لهذه الحافلة sacanare électronique
وبعد نتيجة الفحص اللكتروني نقدرو نفتو فهمتي خويا
لان ممكن عطل كهربائي

z.abdo · 2012-02-22, 21:21

اقتباس:

المشاركة الأصلية كتبت بواسطة haùza

سؤال أخر
ماهو معدل دوران المحرك المنصوح به أثناء السياقة (4000 دورة في الدقيقة أو 3000 ) ؟
علما أنني شاهدت الغرب يصلون إلى 6000 دورة في الدقيقة

يا أخي 6000 دورة في الدقيقة السايرة مش كيم االسيارة الطريق مش كيما الطريق واروبا مش كيم االجزائر
يعني لو تدير 6000 دورة في الدقيقة راح يحكم الرادر ويتم سحب الرخصة
أما بالنسبة للدورة في الدقيقة المنصوح بيها هوما يقولو عينك ميزانك انا نقلك سمعك ميزانك يعني اسمع صوت المحرك أثناء السياقة إذا حسيت يطلب السرعة 6 وانت بعلبة سيارتك 5 فقط يعني راك راح تزيد فوق الحد المسموح به وكذالك راح تستهلك البنزين أكثر و تتعب محرك
اتمنى تكون فهمتني واستفدت

z.abdo · 2012-02-22, 21:36

ملاحظة فقط للاخوة الذين لم يق=فهمو معنى الدورة في الدقيقة او كيف يعرفها في سيارتك
نقلك انظر إلى المؤشرات فوق المقود تجد مؤشر السرعة وكذالك تجد مؤشر مكتوب فيه x1000
وانت اقرى الرقم المكتوب تحت المؤشر 3 مثلا
يعني3x1000
ويعني النتيجة 3000 دورة في الدقيقة وبذالك تعرف عدد دورات في المحرك في تلك اللحظة وطبعا كلما زادت السرعة زادت عدد الدورات والعكس صحيح
اتمنى انكم استفدت من الملاحظة

haùza · 2012-02-23, 11:08

اقتباس:

المشاركة الأصلية كتبت بواسطة z.abdo

يا أخي 6000 دورة في الدقيقة السايرة مش كيم االسيارة الطريق مش كيما الطريق واروبا مش كيم االجزائر
يعني لو تدير 6000 دورة في الدقيقة راح يحكم الرادر ويتم سحب الرخصة
أما بالنسبة للدورة في الدقيقة المنصوح بيها هوما يقولو عينك ميزانك انا نقلك سمعك ميزانك يعني اسمع صوت المحرك أثناء السياقة إذا حسيت يطلب السرعة 6 وانت بعلبة سيارتك 5 فقط يعني راك راح تزيد فوق الحد المسموح به وكذالك راح تستهلك البنزين أكثر و تتعب محرك
اتمنى تكون فهمتني واستفدت

شكرا أخي عبدو

z.abdo · 2012-02-23, 11:12

العفو أخي .........

z.abdo · 2012-02-24, 23:27

واش راكم غايبين خلاص

rate12400 · 2012-02-26, 13:09

السلام عليكم اخي الكريم
يعطيك الصحة خويا لعزيز على هاذ الموضوع الاكثر من رائع وربي يكثر من امثالك .... كاين حاجة ماشي عاجبتني فينا كجزائريين انو السواد الاعظم يدخلو الانترنت غير نستفيدو وقليل جدا اللي يحاول انو يفيد ويستفيد وهذا حسب خبرتي المتواضعة كمراقب عام في احد المنتديات الجزائرية الهادفة... ربي يهدينا ويزرع فينا حب العطاء
خويا عبدو حبيت نسقسيك شوية تاع اسئلة وارجو انك تعطيني اجابة شافية ووافية حسب خبرتك
عندي 100 مليون وحاب نشري سيارة من السوق وانا راني محتار بين 4 انواع
yaris , 207 hdi , clio 3 dci , polo 1.2 ( واذا كاين حاجة اخرى تنصحني بيها ما تبخلنيش)
او golf 5 تكون ماشية بالزاف
ومع العلم اني نخدم في الصحراء يعني السيارة رايح نسوقها شهر ونقاريها في القراج شهر وحاب نكسب على الاقل 3 او اربع سنوات
- المشكل ماعندي حتى خبرة في الشراء من السوق كيفاش تنصحني باه ما نطيحش في الخدع وماهي الاجراءات المعمول بيها بين البائع والشاري عند الاتفاق على المبلغ .
- حسب خبرتك واش من سوق موافق في الاسعار و مافيهش الترافيك و السيارات المعروضة موثوقة و مضمونة
-سؤال اخير واش رايك في سيارة BYD F3 الصينية اللي تشبه للكورولا الشكل القديم 2002-2006 والموتور تاعها ميتسيبيشي 1.6 حسب علمي انها عندنا محقورة بالزاف لكن المصريين يشكرو فيها بالزاف سيرتو انو البياس تاعها تاع الكورولا و الميتسيبيشي يركبو عليها نورمال
اسمحلي على الاطالة خويا عبدو وربي يهنيك ويحفظك

haùza · 2012-02-26, 19:10

أخي عبدو
عندي خويا ديما يقول أنو لازم مستوى المازوت لا يجب أن ينخفض تحت النصف لأنه يحتوي على رواسب ممكن تضر بالمحرك (كيما حنا نقولو : التخ)
صح كاين منها ؟